މާވިން އާއި މޭރީ: މޭރީގެ މަރުގެ މައްސަލާގައި ދިވެހި ނަރުހަކު ވަނީ ހައްޔަރުކޮށްފައި.
16 ޑިސެމްބަރ 2021 - 18:27
6 comments
އައިޖީއެމްއެޗުގައި މަސައްކަތް ކުރި ފިލިޕީންސްގެ ނަރުހަކު މަރާލި ކަމުގެ ތުހުމަތުގައި ހައްޔަރުކޮށްފައިވާ އޭނާގެ ފިރިމީހާއާ ލޯބީގެ ގުޅުން އޮތް ދިވެހި އަންހެން ނަރުހަކު ހައްޔަރު ކޮށްފި އެވެ.
ޑައިލިސިސް ސެންޓަރުގައި މަސައްކަތްކުރާ މޭރީ ގްރޭސް ނަމަކަށް ކިޔާ އަންހެން މީހާގެ މަރުގެ މައްސަލަ ފުލުހުންނަށް ރިޕޯޓުކުރީ ދަންޖެހިގެން މަރުވި ކަމަށް ބުނެ އެވެ. ނަމަވެސް ޝައްކުކުރެވޭ ކަންތައްތަކެއް ހުރުމުން، އޭނާގެ ހަށިގަނޑު ހޮސްޕިޓަލަށް ގެނައި ފިރިމީހާ މާރްވިން އަށް ތުހުމަތުކޮށް ފުލުހުން ވަނީ އޭނާ ހައްޔަރުކޮށްފަ އެވެ.
"މިހާރު"އަށް ކަށަވަރުވެފައިވާ ގޮތުގައި އެ މައްސަލާގައި މާވިން އާ ލޯބީގެ ގޮތުން ގުޅުން އޮންނަ ދިވެހި އަންހެން ނަރުހަކު މިއަދުގެ ވަގުތެއްގައި ވަނީ ހައްޔަރު ކޮށްފަ އެވެ. ތަހުގީގާ ގުޅިގެން 24 އަހަރުގެ އަންހެނަކު ހައްޔަރުކުރި ކަން ފުލުހުން ވެސް ޔަގީންކޮށް ދިނެވެ.
މޭރީގެ މަރުގެ ހާދިސާ ހިނގީ މާވިން، އެ ނަރުހާ ލޯބީގެ ގޮތުން ގުޅިގެން އުޅޭތީ ދެމަފިރިންގެ މެދުގައި ބޮޑެތި މައްސަލަތަކެއް ޖެހިފައި އޮއްވަ އެވެ
ފުލުހުން މީގެ ކުރިން ވަނީ އެ އަންހެން މީހާގެ ފޯނު ވެސް ތަހުގީގަށް ނަގައިފަ އެވެ.
މޭރީ މަރުވީ ދަންޖެހިގެން ކަމަށް މާވިން ބުނި ނަމަވެސް އޭނާގެ ޕޯސްޓްމޯޓަމް އާ ހަވާލާދީ ފުލުހުން ބުނީ މީގެ ކުރިން ބުނީ މޭރީ މަރުވީ ބޮލަށް ލިބިފައިވާ ބޮޑެތި ޒަހަމްތަކެއްގެ ސަބަބުން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮރެންޖް
17 December 2021
އިސްލާމްވެ ދެއަންބަށްވެސް އިނދެވުނީސް. ޕިލިޕީންސް ގެ ގާނޫންގަވެސް މުސްލިމުންނަށް ދެ އަންބަށް އިނުމަކީ ހުއްދަ ކަމެއް. އަދި ރާއްޖޭގަ މާ ފަސޭހައިން އެކަން ކުރެވުނީސް. އިސްލާމްދީނުގެ ކަންތައް ފަސޭހަ. ދީނުގަ އޮންނަ ގޮތަށް ކަންތައް ގެންދާ ނަމަ އެއްވެސް މީހަކަށް ގެއްލުން ނުލިިބި ބާއްޖަވެރި ހަޔާތެއް ލިބުނީސް.
ސިރީ
17 December 2021
ވިސްނަ ބަލަ ޒުވާން އަންހެނެއްގެ ފުރާނަ ދުއްވާލައި ތުއްތު ކުއްޖަކު ބިކާރީ ކޮށްލި ގޮތް. އަމިއްލަ އިޝްގީ ކުޅިގަނޑައްޓަކައި. މިއީ ކޮންފަދަ ބޮޑެތި މުޖުރިމުންތަ ފަހެ؟
ޖަސްޓިސްފޯލިބިޑޯސް
16 December 2021
ކޮރެޔާ ޑްރާމާ ބަލާފަ ފިލިޕީނޯ އާއި ހިތާވެގެން ރަންގަޅު ގަނޑެއް ގަނެލީތާ ކޮރެޔާ ޑްރާމާ މަނާކުރޭ
ބްލޫ
17 December 2021
އަހަރެންނަކީ ކޮރެއާގައި ކިޔެވި ދިވެއްސެއް. ކޮރެއާ ޑްރާމާތަކަކީ ވަރަށް ނޭދެވޭ އަސަރުކުރުވަފާނެ އެއްޗެއް. ހަސަދަވެރިކަމާ، މައިންބަފައިންނަށް ކަމޭ ނުހިތުމާ، ޒިނޭ ކުރުން އާދައިގެ ކަމެއްގެ ގޮތުގައި ކޮރެއާ ޑްރާމާތަކުން ދައްކާނެ. ކޮންމެ ކަމެއް ރާބޮއި އަމަލުވެގެން ކުރާނީ. ފަހުން ދައްކާނީ ރަނގަޅު ގޮތަކަށް ކަންތައް ނިމޭތަން. މާނައަކީ ރާބޮއެ އަމަލުވެ އެ ހުރިހާ ކަމެއް ކޮށްގެން ވެސް ފަހުން އޯކޭއޭ. މިފަދަ އައިޑިއޮލޮޖީތަކުން ސަލާމަތްވުމަށް ހޭލުންތެރިވާން ޖެހޭ
ޭިސަމްސާ
16 December 2021
ފިލްމެއް ހަދަން ޖެހޭ ފެންވަރުގެ ސްްޓޯރީއެއް
ދަރާބެ
16 December 2021
ނަހޫ އާ ހަވާލު ކުރޭ