ބަންގްލަދޭޝްގެ ބޮޑުވަޒީރު ޝައިހް ހަސީނާ ރާއްޖެ އަށް މި ހަފުތާގައި ކުރައްވާ ރަސްމީ ދަތުރުގައި ދެ ގައުމުގެ ގުޅުން ބަދަހިކުރުމުގެ މުހިއްމު އެއްބަސްވުންތަކެއްގައި ސޮއިކުރަން ހަމަޖެހިފައިވާ ކަމަށް ރައީސް އޮފީހުން މިއަދު ބުނެފި އެވެ.
ރައީސް އިބްރާހިމް މުހައްމަދު ސޯލިހުގެ ދައުވަތަކަށް ހަސީނާ ރާއްޖެ ވަޑައިގަންނަވަނީ އަންނަ އަންނަ ބުދަ ދުވަހު އެވެ. ދެ ދުވަހުގެ ދަތުރުގައި، ދެ ގައުމުގެ ރަސްމީ ވާހަކަތައް ބާއްވާނެ އެވެ.
އެއްބަސްވުންތަކެއްގައި ސޮއިކުރާ އިރު މަސްވެރިކަމާއި މީހުން ބިނާކުރުމާއި ތައުލީމަކީ މިހާރު ވެސް ދެ ގައުމުގެ ދެމެދު ގާތް ގުޅުމެއް އޮންނަ ބައެއް ދާއިރާތައް ކަން ރައީސް އޮފީހުން ފާހަގަކުރި އެވެ.
"ދެ ގައުމުގެ ދެމެދު ސޮއިކުރެވޭ މި އެއްބަސްވުންތަކާ އެކު ދެ ގައުމުގެ މެދުގައި އޮތް ގުޅުން އިތުރަށް ވަރުގަދަވެ ހަރަދަނާވެގެންދާނެ އެވެ،" ރައީސް އޮފީހުން ބުންޏެވެ.
ދިވެހިރާއްޖެ އާއި ބަންގްލަދޭޝްގެ މެދުގައި ޚާރިޖީ ގުޅުން ގާއިމްކުރީ ސެޕްޓެމްބަރު، 22، 1978 ގަ އެވެ.
ހަސީނާގެ ދަތުރުގައި ރައްޔިތުންގެ މަޖިލީހުގައި ތަގުރީރު ކުރައްވާ ގޮތަށް ވެސް ވަނީ ނިންމައިފަ އެވެ.