ކ. އަތޮޅުގެ ފަރަކަށް އެރި ފިއުލް ސަޕްލައި މޯލްޑިވްސް (އެފްއެސްއެމް) އިން އޮޕަރޭޓްކުރަމުން އަންނަ ތެޔޮ ބާޖު މިއަދު ފުންކޮށްފި އެވެ.
އެމްއެންޑީއެފުން ބުނީ ކ. ރަންނާޅި ރިސޯޓު ކައިރީ އޮތް ފަރަކަށް އެރި "މެކުނު" ކިޔާ މި ބާޖު ފުންކުރީ މިއަދު ހަވީރު ކަމަށެވެ. މި ބާޖު ފަރަށް އެރީ މިދިޔަ ބުދަ ދުވަހުގެ ރޭގަ އެވެ.
ދިގުމިނުގައި 24 މީޓަރު ހުންނަ މި ބާޖު ފަރަށް އަރަން ދިމާވި ސަބަބެއް އަދި ސާފުނުވެ އެވެ.
މި ބާޖު ފުންކުރުމުގެ މަސައްކަތް ކުރީ އެމްއެންޑީއެފްގެ ކޯސްޓްގާޑް ސެކަންޑް ސްކޮޑްރަންގެ އުޅަނދުފަހަރެވެ. މި ބާޖު ފަރަށް އެރިއިރު އޭގައި ހުރީ ކިހާ ތެލެއް ކަމެއް ނޭނގުނު ނަމަވެސް، އެމްއެންޑީއެފުން ބުނީ ތެޔޮ ލީކުވެފައި ނުވާ ކަމަށެވެ.