މަހްލޫފް: އޭނާއަށް ކުރާ ދައުވާގެ ޝަރީއަތް އަންނަ ހަފުތާގައި ފަށަން ވަނީ ހަމަޖައްސާފައި --- ފޮޓޯ/މިހާރު
13 ޖެނުއަރީ 2022 - 12:39
10 comments
ޔޫތު މިނިސްޓަރު އަހުމަދު މަހްލޫފްގެ މައްޗަށް ކުރާ ރިޝްވަތު ހިފުމުގެ ދައުވާގެ ޝަރީއަތް އަންނަ ހަފުތާގައިި ފަށަން ކްރިމިނަލް ކޯޓުން ހަމަޖައްސައިފި އެވެ.
މަހްލޫފްގެ މައްޗަށް ދައުލަތުން ދައުވާކުރަނީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ ފައިސާ ދައުރުކުރި އެސްއޯއެފް ކުންފުނިން މަހްލޫފަށް ދިން 33،000 ޑޮލަރު (500،000 އަށް ވުރެ ގިނަަ ރުފިޔާ) ގެ މައްސަލައިގަ އެވެ.
މިއީ މަގާމުގައި ހުންނެވި ވަޒީރެއްގެ މައްޗަށް ފަހުގެ ތާރީޚެއްގައި ރާއްޖޭގައި ދައުވާކުރި ފުރަތަމަ ފަހަރެވެ.
އެ މައްސަލާގެ ޝަރީއަތް ކްރިމިނަލް ކޯޓުން ފަށަން ހަމަޖައްސާފައިވަނީ އަންނަ ހަފުތާގެ ބުދަ ދުވަހު އެވެ.
މަހްލޫފްގެ މައްޗަށް ކުރާ އެ ދައުވާ ސާބިތުވެއްޖެ ނަމަ، ގިނަވެގެން ހަތް އަހަރަށް އޭނާ ޖަލަށްލާން ނުވަތަ ގޭ ބަންދު ކުރަން ނުވަތަ އަރުވާލުމުގެ ހުކުމެއް އަންނާނެ އެވެ. އަދި އެއް އަހަރަށް ވުރެ ދިގު ހުކުމެއް އޭނާގެ މައްޗަށް އަތުވެއްޖެ ނަމަ އޭނާގެ ވަޒީރުކަމުގެ މަގާމު ވެސް ގެއްލޭނެ އެވެ.
އެ މައްސަލާގައި މަހްލޫފް ކުރިން ސަސްޕެންޑް ކުރިޔަސް، ފަހުން ވަނީ އޭނާގެ ސަސްޕެންޝަން އުވާލައިފަ އެވެ. އޭނާ ވިދާޅުވެފައިވަނީ އެސްއޯއެފްއާ އެކު ހިންގީ ޑޮލަރު ގަތުމުގެ މުއާމަލާތެއް ކަމަށާއި އެ ކުންފުނިން އޭނާއަށް ދިނީ އެމްއެމްޕީއާރުސީގެ ފައިސާ ކަން އެނގިވަޑައިނުގަންނަވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށައް
15 January 2022
ޢިރާދަކުރެއްވިއްޔާ މަޙުލޫފް އަށް ކާބިޔާބު
ހުސެން
14 January 2022
އެސްއޯއެފަކީ ޑޮލަރުވިއްކާ ފިހާރައެއްނުވަތަ ޑޮލަރުމާރުކުރާތަނެއްތޯ؟؟ ޑޮލަރުމާރުކުރުމަކީ ނުވަތަ މަނީއެކުސްޗޭންޖަރސަރވިސް އަކީ މިރާއްޖޭގައި އެކަމުގެ ލައިސަންސް ނަގައިގެން ކުރެވޭކަމަކަށްވާއިރު އެސްއޯއެފުން ތިޔަ ޑޮލަރުގަތްއިރު، ތިޔަކަމަކީ އެއްވެސް ގާނޫނީ ހަމައަކުންވެސް އެސްއޯއެފަށް ކުރެވޭނެކަމެއްނޫންކަން ނޭންގޭހާ މަހުލޫފު ގަމާރީތޯ؟ މާނައަކީ ބުއްދީގެ ހަމަތަކުންބަލާއިރު މަހުލޫފުތިޔަ ކިޔާއެއްޗެއް ގަބޫލުކުރެވޭނެ އެއްވެސް ހަމައެއްނެތޭ!
5555
13 January 2022
މަހޭއުޅޭގޮތުން މަހޭނެތިދާނެއެވެ.
ކަރުތަޅާ
13 January 2022
ހަމައެކަނި މަހުލޫފުގެ މައްޗަށް ތޯ ދައުވާކުރަނީ އަޖައިބެއްނުވާނެތަ. ކޮބާތަ ނިހާނު، އަދުރޭ، އަލީ އާރިފު، ސައީދު، މެން މީސްމީހުން ހާދަ އިންސާފޭދޯ؟ 9 މިލީޢަން ދިފަ އަދުރޭ ރެހެންދި ފުލެޓް ގަތް ފައިސާ ހޯދިގޮތް ރައްޔިތުންނަށް ކިޔާދޭންޖެހޭނެ. ނިހާނު ރޮލެކްސް ގަޑިތަކާ އަގުބޮޑު ކާރުތަކާ ފުލެޓްތައް ގަތް ގޮތްވެސް ރައްޔިތުންނަށް ކިޔާދޭންޖެހޭނެ. މިކަންކަން ބަލާނަމޭކިޔާފަ އައި ސަރުކާރަކުން ހަމައެކަނި މަހުލޫފުގެ މައްސަލަ އާ ޔާމީނުގެ މައްސަލަ ބެލ\ިމަ ނިމުނީތަ؟
ހައިރާން
13 January 2022
މި ޝަރީއަތް ލައިވްކޮއްލަދިނުން އެދެން. 6މޭގެ ޝަރީއަތްވެސް ލައިވްއެއް ނުކުރި.
ފަޑުއްކަ
13 January 2022
އިންޝާ ﷲ މަހްލޫފްގެ މައްޗަށް ހަތް އަހަރަށް ޖަލަށްލާން ނުވަތަ ގޭ ބަންދު ކުރަން ނުވަތަ އަރުވާލުމުގެ ހުކުމެއް އަންނާނެ އަދި އޭނާގެ ވަޒީރުކަމުގެ މަގާމު ވެސް ގެއްލޭނެ އެވެ.
އަސްތާ
13 January 2022
މަހަކު 1 ފަހަރުވެސް ނޭނގެ ކޯޓަށް މައްސަލައަށް ކިޔާނެ ކަމެއް. ޔާމީނުގެ ޝަރީއަތްތަކުގެ ސްޕީޑުގަ ނުކުރާނެ މިވެރިކަމުގެ އެކަކުގެވެސް ޝަރީއަތެއް. އެ އޮތީ ފެންނަން އިއްޒަތްތެރި ރީނދޫ މެމްބަރުންގެ މައްސަލަތައް ކޯޓުގަ ދާ ސްޕީޑް.
ސަސޖ
13 January 2022
އެމްޑީޕީގެ މި ސާފު ތޯހިރު ވެރިކަމުގަ މީނަ އަދިވެސް މިނިސްޓަރަކަށް ހުރީމަ ލަދުވެތިދޯ؟ ރައީސް މީހައަށް ވަކި ކުރަން ނުކެރުނަސް އަމިއްލަ މީހާ ވެސް ރަގަޅު ދޯ ލަދުންވެސް އިސްތިއުުފާދޭން
ކޮންކަލަ
13 January 2022
ކޮން ދިމާލަކުން ހޯދި ފެނަކުންތަ އެމްޑީޕީގެ ވެރިކަން އެހާ ސާފު ތޯހިރުވީ؟ މަހުލޫފަކީ މިވެރިކަން ގެންނަން އެންމެ މަސައްކަތްކުރި އެކަކު. އޭނަ ހަމަ މަޑުމަޑުންހުރެ އެހެން ވަކިވެގެން ނުދާނެ. އޭނަ އެކަނި ލަދުގަންނާކަށް ނުޖެހޭ. އޭނައާއެކު ލަދުގަންނަންޖެހޭ އެތައް ބަޔަކު މިވެރިކަމުގަ އެބަތިބި.
ސަސޖ
13 January 2022
"މިއީ މަގާމުގައި ހުންނެވި ވަޒީރެއްގެ މައްޗަށް ފަހުގެ ތާރީޚެއްގައި ރާއްޖޭގައި ދައުވާކުރި ފުރަތަމަ ފަހަރެވެ." އަނެއްކާވެސް ސަރުކާރުން ހޯދި ބޮޑު ޝަރަފެއް. ޝުކުރިއްޔާ މަހުލޫފް.