ރާއްޖޭގެ އެންމެ ދުވަސްވީ އެކަކު 106 އަހަރުގައި ނިއާވެއްޖެ

އުމުރުން 106 އަހަރުގައި ނިއާވި އަލީ ސުލައިމާން

މޫސާ ރަޝީދު، މިހާރު

28 ޖެނުއަރީ 2022 - 11:50

ރާއްޖޭގައި ތިބި އުމުރުން އެންމެ ދުވަސްވީ މީހުންގެ ތެރޭގައި ހިމެނޭ އެކަކު އުމުރުން 106 އަހަރުގައި މިއަދު ނިއާވެއްޖެ އެވެ.

ފުވައްމުލަކު މީހެއް ކަމަށްވާ އަލީ ސުލައިމާން މިއަދު 7:15 ހާއިރު ނިއާވި މާލޭގައި އޭނާ ދިރިއުޅޭ ގޭގައި ކަމަށް ވަނީ އެނގިފަ އެވެ. އައިޖީއެމްއެޗަށް ގެންގޮސް ޓެސްޓުކުރި އިރު ކޮވިޑަށް ޕޮޒިޓިވް ކަމަށް ވެސް ވަނީ އެނގިފަ އެވެ.

ފެންނަން ހުރި މައުލޫމާތަށް ބަލާއިރު ބުރަވެވެނީ އަލީ ސުލައިމާނަކީ ރާއްޖޭގައި އެއް ވަނަ ނުވަތަ ދެ ވަނަ އަށް އެންމެ ދުވަސްވީ މީހާ ކަމަށެވެ.

Raajjeyge enme dhuvasvee meehaa, 106 aharugai maruvejje

The most trusted news source in the Maldives

Mihaaru

އަލީ ސުލައިމާންގެ އުފަން ތާރީހަކީ ޖުލައި 8، 1915 އެވެ.

ރާއްޖޭގެ ދުވަސްވީ މީހުންގެ ތެރޭގައި ހިމެނޭ އަބްދުއްރަހްމާން މޫސާ، 2020 ވަނަ އަހަރު ނިއާވީ ވެސް އުމުރުން 106 އަހަރުގަ އެވެ. އޭނާ އަކީ މިހާރު ފަޅުރަށެއްގެ ގޮތުގައި ކަނޑައަޅާފައިވާ ހއ. ހަތިފުއްޓަށް އުފަން މީހެކެވެ.

އަލީ ސުލައިމާންގެ މައްޗަށް ކަށުނަމާދު ކުރުން އޮންނާނީ މިއަދު 1:15 ގައި ހުޅުމާލެ ސަހަރާގަ އެވެ.

އުމުރުން ދުވަސްވީ މީހުން މަރު

2 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަބަހޭ

29 January 2022

އެންމެ ދުވަސްވީ މީހާއޭ ނުބުނެވޭނެ. ސަބަބަކީ އަހަރެމެންގެ ކުޑަ އިރު "އައްޕޮއްޔާ" (އަސްލު ނަމެއް ނޭގޭ) ކިޔާ މީހަކު ވަރަށް މުސްކުޅި ވެފަ ހުއްޓައި ފެނުނު. އެނާ ބުނާގޮތުން އޭނާއަށް 110 އަހަރަށްވުރެ އުމުރު ދޮށިވާނެ. އޭގެ 10 ވަރަކަށް އަހަރު ފަހުން އޭނާ ނިޔާވި ވާހަކަ އަޑު އެހީ. މަރުހޫމާއަށް ސުވަރުގެ މިންވަރުކުރައްވާށި. ޙަޤިގަތަކީ ރާއްޖޭގައި އެއަށްވުރެވެސް އުމުރުން ދުވަސްވީ މީހުން އުޅެފައިވާކަން ޤަބޫލުކުރަންޖެހޭ. މީޑިއާ ވަސީލަތް ނެތުމުން ކުރިން ނުބެލޭ.