ދޫނިތައް މަރާލާފައި: އެ ތަކެތި ނައްތާލީ ގަވާއިދާ ޚިލާފަށް އެތެރެކުރުމުން ކަމަށް ފިޝަރީޒް މިނިސްޓްރީން ބުނޭ --- ފޮޓޯ/ސޯޝަލް މީޑިއާ
09 ފެބުރުއަރީ 2022 - 13:19
44 comments
ގަވައިދާ ހިލާފަށް ރާއްޖެ އަށް އެތެރެކުރުމުން ސަރުކާރުން ހިފެހެއްޓި ދޫނިތައް މަރައިލި މައްސަލަ ބަލަން ރައީސް އިބްރާހިމް މުހައްމަދު ސޯލިހު މިއަދު އަންގަވައިފި އެވެ.
ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ، އެކަން ހިނގާފައިވާ ގޮތުގެ ތަފުސީލީ ރިޕޯޓެއް ހުށަހެޅުމަށް މަސްވެރިކަމާއި ދަނޑުވެރިކަމާ ބެހޭ ވުޒާރާ އަށް ރައީސް މިހާރު އަންގަވާފައިވާ ކަމަށެވެ.
އިންޖެކްޝަން ޖަހައިގެން އިއްޔެ މަރައިލީ މިދިޔަ އަހަރުގެ އޮކްޓޫބަރު މަހު ރާއްޖެ އަށް އެތެރެކުރި ގުރާ އާއިލާގެ އެކި ވައްތަރުގެ 120 ދޫންޏެވެ. އޭގެ ތެރޭގައި އިންޓަނޭޝަނަލް ޔޫނިއަން ފޯ ކޮންވަޒޭޝަން އޮފް ނޭޗާގެ ރެޑް ލިސްޓުގެ "ނިއާ ތްރެޓެންޑް" ކެޓަގަރީގައި ހިމެނޭ ސަދަން މިލީ އެމެޒޯން ނުވަތަ އެމެޒޯނާ ފެރިސޯނާގެ 10 ދޫނި ވެސް ހިމެނެ އެވެ.
މި ދޫނިތައް ރާއްޖެ އެތެރެކުރިތާ ހަތަރު މަސް ވާން އުޅެނިކޮށް، އިންޖެކްޝަން ޖަހައިގެން ދޫނިތައް މަރައިލި މައްސަލައާ ގުޅިގެން ގިނަ ބަޔަކު ދަނީ ސަރުކާރަށް ފާޑުކިޔަމުންނެވެ.
ގާނޫނާއި ގަވައިދާ ހިލާފަށް ރާއްޖެއަށް އެތެރެކުރާ ދިރޭތަކެތި ނައްތައިލުމުގެ ގޮތުން މެރުމަކީ އާ ކަމަކަށް ނުވިޔަސް އިއްޔެ އާންމުވި ފޮޓޯތަކާއި ވީޑިއޯތައް ފެނި، އާންމުންގެ ގާތަށް އައީ ރުޅި އެވެ.
މިހެން ހިފަހައްޓާ ތަކެތި ނައްތައިލުމާއި އަނބުރާ ފޮނުވައިލުމުގެ އިހުތިޔާރު ގަވާއިދުގައި ދީފައި އޮތަސް މިކަމަށް ހިނގާ ހަރަދު އެ އެއްޗެއް އެތެރެކުރި ފަރާތަކުން ދޭން ޖެހެ އެވެ.
ދޫނިތައް މަރައިލި މައްސަލަ މިހާ ބޮޑަށް ހޫނުވުމުން، އެ ތަކެތި ނައްތައިލީ އެޓާނީ ޖެނެރަލްގެ ލަފާ ހޯދުމަށް ފަހު އަދި ގަވާއިދުގައި އެކަމަށް އޮންނަ އުސޫލުތަކުގެ ތެރެއިން ކަމަށް ފިޝަރީޒް މިނިސްޓްރީން ވަނީ ބުނެފަ އެވެ.
އެކަމަކު އެޓާނީ ޖެނެރަލްގެ އޮފީހުން ބުނީ، ގަވާއިދާ ހިލާފަށް އެތެރެކުރާ ދޫނިތައް އެ ދޫނި ގެނައި ގައުމަކަށް އަނބުރާ ފޮނުވައިލުމުގެ ފުރުސަތު ގަވާއިދުގެ ދަށުން އޮންނަ ކަމަށެވެ. އަދި އެ ހާލަތުގައި ދޫނިތައް އަނބުރާ ފޮނުވައިލުމުގެ ހަރަދަށް ޒިންމާވާން ޖެހެނީ ދޫނިތައް ރާއްޖެ ގެނައި ފަރާތަކުން ކަމަށާއި އެކަމަކު އިއްޔެ ނައްތާލި ދޫނިތަކާ މެދު ފިޝަރީޒް މިނިސްޓްރީން އެގޮތަށް އަމަލުނުކުރާ ކަމަށެވެ.
އެ އޮފީހުން ބުނީ ދޫނިތައް ކަރަންޓީން ކުރުން ފިޔަވައި، އެ ތަކެތި އެތެރެކުރި ފަރާތްތަކާ މެދު އެއްވެސް ފިޔަވަޅެއް ފިޝަރީޒް މިނިސްޓްރީން އަޅާފައިނުވާ ކަމަށެވެ. އަދި ފަހުން ގަވާއިދަށް ގެނައި ބަދަލަކާ ގުޅިގެން އެ ފަރާތްތަކާ އެ ދޫނިތައް ހަވާލުކުރުމުގެ ލަފައަކަށް މިނިސްޓްރީން އެދުނަސް އެ ތަކެތި އެތެރެ ކުރިއިރު ގަވާއިދުގައި އޮތްގޮތަށް އަމަލުކުރަން އޭރު ލަފާ ދީފައިވާނެ ކަމަށް ބުންޏެވެ. ރާއްޖެ އަށް އެތެރެކުރުން މަނާ ދޫނިތައް ކަސްޓަމްސް އިން ހިފަހެއްޓުމަށް ފަހު، ބަހައްޓާފައި ހުންނަނީ ވެލާނާ އިންޓަނޭޝަނަލް އެއާޕޯޓުގައި ހުންނަ ކަރަންޓީނު ޔުނިޓްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑިމޮކްރަސީ
10 February 2022
އެދޫނިތަކުގެ ކުށަކީ ކޮބާ އެސޮރުމެން މިތާކަށްނައިސް އެސޮރުމެންގެ ރުހުމަކު އެއީ މިއީ އަމިއްލައެދުމުންފޯވެފަވާ ބަޔަކު ދިރިއުޅޭ ރަހްމެއް ހަމްދަރްދީ އެއް ނެތް ތަނަކަށްވަތީ އެސޮރުމެން ހައްޔަރުކޮށްގެން ގެނައީވެސް ގެނެސް އެންެމެފަހުން މަރާލީ މިއީ ކިހާ ބޮޑު އަނިޔާވެރިކަމެއް އިންސާނިއްޔަތުކަމުގެ ކަންފުޅެއްވެސް ނެތްކަން އެގިގެން މިދަނީ
އަލީ އުމަރު
10 February 2022
ދިވެހިރާއްޖެ އަކީ ދުނިޔޭގަ ނެތެމުންދާ ގިނަ އަދަދެއްގެ ދޫނި އަބަދުވެސް މަރަމުން އަންނަ ގައުމެއް. މިކަން ކުރަމުން ދަނީ ސަރުކާރާއި މަޖިލީހުގެ މެންބަރުން ގުޅިގެން. މިދޫނިތަށް މެރުމުގަ ދިވެހިރާއްޖޭގެ ރައީސުންވެސް ބައިވެރި ވާކަމަށް ފެނޭ. ސަބަބަކީ ދޫނި މެރުމުގަ ދޫނިތަކަށް އަފުއާމެއް ދިނުމެއް ނެތި މަރަމުންދާތީ. ބަންގުލަދޭސުން ގަވައިދާ ހިލާފަށް އެތެރެވެފަ ތިބި ބަންގާލިންވެސް މިގުތަށް މަރާފާނެ ކަމުގެ ބިރު މިހާރު މިހާރު އެބައޮތް ނޫންތޯ
ސަރުދާރުު
10 February 2022
ގުރާ ކޮމިޝަނެއް ނުހަދާ؟ ?
އާދަނު2
10 February 2022
ތީއާންމުކޮށް ހުރިހާ ސަރުކާރެއް އޮތްއިރުވެސް ކޮށްއުޅޭކަމެއް. ތިކަން ގޯސްމިވީ ފޮޓޯތަށް ސޯސަލްމީޑިޔާގަދައުރުވީމަ.
އަލީ!
10 February 2022
ދޫނިތަކުގައި ރިހަ ކައްކައްކައިގެން ކޭނަމަ އެއްވެސް މީހަކަށް ނުވާނެ ގޯސްކަމަކަށް. އެހެން ދިރޭ އެއްޗިވެސް މަރައިގެން ރިހަ ކައްކައިގެން ކަނީތާ...! ގޯސްކަމަކަށްނުވޭ...!
ޔެސް
10 February 2022
ޔެސް ކަތިލައި ކެވޭނެގޮތް ވަނީ އަންގަވާފަ. އިންޖެކްޝަން ޖަހަައިގެން މެރުން އެއީ އެހެންކަމެއް
ކާކި
09 February 2022
ކޮއްކޯ މޮޅުވާހަކަ ނުދައްކާ ތިކަންވެސް ދާނީ ވެންޓިލޭޓަރު ކަންތައްދިޔަހެން އިތުބާރެއްނެތް
ފޮނިޓައްޕު ހަސަނު
09 February 2022
އެއްވެސް ކަހަލަ ރަހުމެއް ކުލުނެއް ހުރި އިންސާނެއް މިފަދަ ނުބައި އަމަލެއް ނުހިންގާނެ. ފްލެމިންގޯއެއް ހިފައިގެން ސަރުކާރުން ހީވި އެހެން ފަދަ ކަމެއް ވެގެން އުޅޭހެން. މިހާރު މިޖެހުނީ ކޮންތާކު.
ނޮލީ
09 February 2022
މަރު ކޮމިޝަނާތަ މިކަން ބަލަން ހަވާލުވަނީ.
ނޫންނޫން
09 February 2022
ބަޔަކު ހޭބޯ ލަވާގަންނައިރަށް، ޤައުމުގެ ރައީސްއަކަށް ނުޖެހޭ ހަމަ އެފާޑަށް އުޅެގަންނާކަށް!! ތިފަދަ އެއްޗެހި ނައްތާލުމަކީ، ދުނިޔޭގެ ތަހުޒީބު ޤައުމުތަކުގާ ކަންކުރާގޮތް!! ތީއްޗެހީގެ ހާލަތު އެގެނީކީނޫން، ކޮންމެފަދަ ބައްޔެއްވެސް އެތެރެކޮށް، ޤައުމުގެ ދޫނިސޫފާސޫފި ނެތިހިގާދާނެ ކަމަށްޓަކާ، ތިގޮތަށް ކަންކުރަމުންދޭ، ތީ، ހުއްދަ ނުހޯދާ، ބޭނުންވާ ސެޓްފިކެޓްނެތި އެތެރެކުރާ ދިރޭތަކެއްޗަށާ އެފަދަ އެހެން އެއްޗެއްވެސް، ކުރިންސުރެ ކަންކުރާގޮތް.
ާދަފީ1
09 February 2022
ރައްޔިތުންގެ ފަގީރުމީހާގެ ޓީބޭގުން ފައިސާ ނަގާ ހެސްކިޔާފަ ކެމެރާތަކާ ހަރަދު ކޮށްގެން ބޮޑު މުސާރަ ކައިގެން ޔުނިފޯމް ބޫޓު ބެލްޓް ހާހުން ހަރަދުކުރުވާފަ، ރަގަޅަށް ކައިގެން ސޮރީ ??????⚖️⚖️⚖️ ކިހާހަރަދެއްގެ އިންޖެކްސަންސް ؟؟؟$$