ކުރެންދޫ ކައުންސިލަށް ވާދަކުރައްވާ އެމްޑީޕީ އާއި ޕީޕީއެމްގެ ކެންޑިޑޭޓުން: އިންތިހާބު ކުރިއަށް ގެންދަން ޝެޑިއުލްކޮށްފައި އޮތީ އަންނަ ހޮނިހިރުގައި.
23 މާޗް 2022 - 12:45
19 comments
ޅ. ކުރެންދޫ ކައުންސިލްގެ ބައި އިލެކްޝަން އަންނަ ހޮނިހިރު ދުވަހު ބާއްވަން ނިންމައި ފޯރީގައި އެމްޑީޕީ އާއި ޕީޕީއެމްގެ ކެމްޕޭން ދަނިކޮށް އެ ރަށުގައި ދެ މަޝްރޫއެއް ފަށައި އިތުރު މަޝްރޫއެއްގެ މަސައްކަތް ކޮށްދޭނެ ބަޔަކު ހޯދަން ހުޅުވާލައިފި އެވެ.
ކުރެންދޫގެ ތަރައްގީގެ މަޝްރޫއުތަކުގެ ތެރެއިން ސްޕީޑް އަވަސްވީ ގޮނޑޮދޮށް ހިމާޔަތްކުރުމާއި ފެނުގެ ނިޒާމް ގާއިމްކުރުމެވެ. މި ދެ މަޝްރޫއު ބަޖެޓުކޮށް ހަމަޖައްސާފައި އޮތީ މި އަހަރު ތެރޭގައި ފަށާގޮތަށެވެ. އެކަމަކު މިހާ އަވަހަށް ފަށާނެ ކަމެއް ކައުންސިލަށް ވެސް ކުރިން އެނގިފައެއް ނެތެވެ.
ޅ.އޮޅުވެލިފުށީގެ ރައްޔިތުން ހެއްވާލީ ރައީސް@ibusolih ގެ ސަރުކާރުން.ދާއިރާގެ މެންބަރ @AbdulGhaniKRD ގޮނޑީގައި އިންނެވީ “ގޮނޑި” ހޫނުކުރާކަށެއް ނޫން. މިއަދު އޮޅުވެލިފުށީގެ މަލަ މަތިން އެފެންނަނީ ސާފު ބޯފެން އެރަށުގައި ގާއިމް ކުރުމަށް@MWSC_Official ގެ ސާމާނު ހިފައިގެންއާ ބޮޑު އުފުލި pic.twitter.com/6Cy7530e8o
— Mohamed Shaan Abdulla (@kudey_a) March 22, 2022
ގޮނޑުދޮށް ހިމާޔަތްކުރުމުގެ މަޝްރޫއުގެ އަމަލީ މަސައްކަތަށް ޕްރޮޖެކްޓް ސައިޓް މޮބިލަައިޒްކުރީ ހޯމަ ދުވަހު އެވެ. މި މަސައްކަތް ކުރިއަށް ގެންދަނީ އެމްޓީސީސީންނެވެ. ފެނުގެ ނިޒާމް ގާއިމްކުރުމަށް ބޭނުންވާ ސާމާނު ވެސް ކުރެންދުއަށް މިހަފުތާގައި ވަނީ ގެންގޮސްފަ އެވެ.
ޅ. ކުރެންދޫ ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި 21 މާރޗް 2022 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފި.#MTCCProjects #RayyithungeKunfuni @MTCCPlc pic.twitter.com/CLmX6Tq9Ox
— Adam Azim (@adamazim) March 22, 2022
މި ދެ މަސައްކަތް ފެށުމުގެ އިތުރުން އެ ރަށުގައި 50 ހައުސިން ޔުނިޓް އަޅާނެ ބަޔަކު ހޯދަން ޕްލޭނިން މިނިސްޓްރީން ވަނީ އިއުލާންކޮށްފަ އެވެ.
"ފެނުގެ ޕްރޮޖެކްޓާއި ގޮނޑުދޮށް ހިމާޔަތްކުރުން ވެސް އަވަހަށް އެ ފެށީ. ހައުސިން ޔުނިޓުގެ ވާހަކަ އެއީ މި ފަހުން ރައީސް ޅ. އަތޮޅަށް ކުރެއްވި ދަތުރުގައި ރައްޔިތުން ހުށަހެޅި ކަމެއް،" ކުރެންދޫގެ އިސް ބޭފުޅަކު ވިދާޅުވި އެވެ.
ކުރެންދޫގައި ބައި އިލެކްޝަނެއް ބާއްވަން ޖެހުނީ ރައީސަކަށް ހުންނެވި އެމްޑީޕީގެ މެމްބަރު އިބްރާހިމް ސިމާއު އިސްތިއުފާ ދެއްވުމުންނެވެ. އެ މަގާމަށް ވާދަކުރައްވަނީ އެމްޑީޕީން އަލީ ނަސީމް އާއި ޕީޕީއެމް އިން އިސްމާއިލް މަދީހެވެ. މީގެ ކުރިން ކައުންސިލްގައި ދެ ދައުރު މަދީހު ފުރިހަމަކުރެއްވި އެވެ.
މި ކެމްޕޭނަށް ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ކުރެންދު އަށް ވަޑައިގަތެވެ. އަދި ޕީޕީއެމްގެ ކެންޑިޑޭޓުގެ ކެމްޕޭނަށް މިދިޔަ ހަފުތާ ބަންދުގައި ކުރީގެ ރައީސް އަބްދުﷲ ޔާމީން ވެސް ވަޑައިގަތެވެ.
މި ގޮނޑި ދެ ޕާޓީއަށް މުހިއްމުވާއިރު، އެންމެ ފަހުން ފޯރިގަދަކޮށް ބޭއްވީ ރައްޔިތުންގެ މަޖިލީހުގެ ކޮމަންޑޫ ދާއިރާގެ ބައި އިލެކްޝަނެެވެ. އެމްޑީޕީ އާއި ޕީޕީއެމް ވާދަކޮށް އެ ގޮނޑި އެމްޑީޕީން ދިފާއުކުރީ ނުފޫޒާއި މިލިއަނުން ފައިސާ ހަރަދުކޮށްގެން ކަމުގެ ތުހުމަތު އޮތީ އެޅިފަ އެވެ. ކުރެންދޫ އިލެކްޝަނާ ދިމާކޮށް ތިން މަޝްރޫއެއް މި ކުރިއަށް ގެންދަނީ އެ ފާޑުކިއުން ސަރުކާރަށް އަމާޒުވެފައި އޮއްވަ އެވެ.
ދިފާއުގައި އޭރު ސަރުކާރުން ބުނެފައި ވަނީ ރަށްރަށުގައި ހިންގާ މަޝްރޫއުތައް އިންތިހާބުތަކާ ދިމާވުމަކީ ހުއްޓާލަން ޖެހޭ ސަބަބެއް ނޫން ކަަމަށެވެ. އެކި ރަށްރަށުގައި މަޝްރޫއުތައް ތަރުތީބުކުރެވި ހިންގަމުން އަންނަ ކަމަށް ރައީސް އޮފީހުން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމަންޑޫ ސޮރައި
24 March 2022
ހެޔޮނުވާނެ ކޮމަންޑޫ އިން ނަމޫނާ ލިބިގަނޭ. ހޮވުނީމަ ތިކަންކަން ބަރަވެލި ސުޕީޑައް ދާނެ. ކުރެންދޫ ރައްޔިތުން މަޅީގަ ނުޖެހުމައް ދަނަނަވަން. އެއޮތީ މިސާލު ފެންނަން ކޮމަންޑުން
ކުޅަނދުމަދޭމެން
24 March 2022
ކުޅަނދޭމެންގެ ބޯ ކާލެވޭނެ ހައިމާކު ފޮޓޯއެއް ދައްކާލިޔަސް.
އެމްސް
24 March 2022
ރަޢިއްޔަތުންގެ ފައިސާއިން ރަށްރަށަށް ކޮށްދޭންޖެހޭ އަސާސީ ކަންކަން އަނެއްކާވެސް ސަރުކާރުގެ ހެޔޮފުޅުކަމުން ވާކަންކަމަށް ދެއްކުމީ ހުތުރު ޢަމަލެއް!
އެހަނދާން
24 March 2022
އަނެއްކާ ތިޔަކިޔާ ކުރެންދޫ ކަނޑު ނުހިއްކާނެބާ 1000 ގޯތިދޭން ކޮންމެވެސް މިހަކު ކީއެއްޗެއް އެއީވެސް ސަހަރޯ ގައުމެއްތަދޯމީ
ސާމިރު
24 March 2022
މިއީ ހަމަ ހުރިހައި ވެރިކަމެއްގައި ކަންކުރާގޮތް، މައުމޫނުއިރުއްސުރެވެސް
މީތޯ އަސްލަކީ
24 March 2022
މި ދެ މަސައްކަތް ފެށުމުގެ އިތުރުން އެ ރަށުގައި 50 ހައުސިން ޔުނިޓް އަޅާނެ ބަޔަކު ހޯދަން ޕްލޭނިން މިނިސްޓްރީން ވަނީ އިއުލާންކޮށްފަ އެވެ. މީރައްޔިތުންގެ ބޯހިޔާވަހިކަމުގެ ނަމުގައި ހިންގާ ރިޔަލް ސުޓޭޓް ވިޔަފާރި ފުޅާކުރުމުގެ ދަށުންހިންގާ ޕުރޮގުރާމެއް ހައުސިންޔުނިޓަކީ ރައްޔިތުމީހާދަރުވާލާފައި ބަޔެއްގެ ޖީބްތައް ފުރާލަން އެހެންޏާ ރައްރަށުގަ ހިލޭ އަމިއްލަޔައް ގެދޮރުއަޅައިގެންް އުޅެއުޅެ ތިބިރައްޔިތަކު މިޖެހެނީ ކުލީގެ އަޅަކައްވާން ވެދުން
ކުރެންދޫ ޖީލު
23 March 2022
އޯކޭތާ ބޭނުންވަނީ ކޮންމެސް ގޮތަކުމް އަވަސްކޮށްލުން އިންތިހާބު ހަމަ ގިނަ ގިނަ އިނ ބާއްވަންވީ ބައިއިލެކްސަން އަށް ދާ ގޮތަށް މަސްވަރާ ކޮށްގެން ދެން ކުރިމަތިލާންވީ ވެސް އޭރުން ހުރިހާ ކޮޅަކުން ސަޅިވާނީ
ދޮންބެއަލީ
23 March 2022
ކޮމަންޑޫ ޕުރޮޖެކްޓައް މަޑުޖައްސާލާފަ ކުރެންދޫ އަށް ހައިމާކާއި ލޯޑަރުތައް އެރުވީ އެހެންނޫންބާ ..މިހާފާޅުކަން ބޮޑުގޮތެއްގައި ޗަރުކޭސް ކުޅޭބަޔެއްް މިޤައުުމުގެ ތާރީޙްދެކެފައި ނުވާނެ..ދިވެހިން ދިވެހިންގެ ގޮތުގައި ހެއްލިގެން އުތަ...
ބޮކުރީ
23 March 2022
ވަރަށްބޮޑުތެދެއް
ސާމިރު
24 March 2022
އެއީ ކޮމަންޑޫގެ މަސައްކަތް މަޑުޖައްސާލާފައިތަ؟ އެއީ. އެރަށުގެ މަސައްކަތަށް ގެންގޮސްފައި ހުރި ތަކެތިތަ؟ މިއީ، ހަމަ ހިތަށް އެރީމާއި ހިތަށް އެރިގޮތަކަށް ދައްކާ ވާހަކަދޯ
120687
23 March 2022
މ. އަހަރެއްގައި އޮންނަނީ 365 ދުވަސް. މީހުން ދިރިއުޅޭ އޮންނަނީ 200 ރަށް ކަމަށް ބަލާފައި ތަރައްގީ ސްޕީޑް އަވަަސްކުރަން ބާއްވަން ވީ އިންތިޚާބުތަކުގެ ޢަަދަދު = އަހަރުގެ ދުވަަސް އަދަދު × މީހުން ދިރިއުޅޭ ރަށްތަކުގެ އަދަދު × އިންތިޅާބީ މަގާމުތަކުގެ ޖުމްލަ މި އަދަދަށް އަހަރެއް ތެރޭ އިންތިޚާބު ބާއްވަނިކޮށް، ރާއްޖޭގެ ތަރައްގީ 14 ބިލިއަން އަލި އަހަރު ފަހަނައަޅައި ގޮސް، އަދަދެއް ކުރާނަމަ، އަދަދު އެންމެ ކައިރި ކުރާނީ ބިގްބޭންގް＾އިންފިނިޓީ (^ ޓު ދި ޕަވަރ)
ރަދީފްއޮފިޝަލް
23 March 2022
ކުދި ރަށް ރަށުގެ މީހުން ހައްލާލެވޭނެ ވަރަށް ފަސޭހައިން.ހައިމާކްގެ ބަކެޓް ގެންގޮސް އަތިރިމަތީގަ ބޭއްވީމަ ވެސް އެމީހުންއަތުން ވޯޓް ލިބޭނެ.ހެހެހެހެހެހެހެ.ވ.ވެދުން
ބައިއިލެކްޝަން
23 March 2022
އެހެންވީމަ ހަދަންވީގޮތަކީ ކައުންސިލްގެ އިޙްލާސްތެރި މެންބަރުން އިސްތިއުފާދީފަ ބައި އިލެކްޝަނެއް ގެންނަންވީ! އޭރުން ރަށުގެ ތަރައްޤީއަށް ކުރަންހުރި ވަރަށްގިނަ ކަންތައް ކުރެވޭނެ! މަޤާމުގަ ހުރެގެން ނުކުރެވުނު ވަރަށް ގިނަ ކަންތައް ކުރެވޭނެ! ނިމިދިއަ ބައި އިލެކުޝާނާއި ކުރިއަށް އޮތް ބައި އިލެކުޝަނުން ފެނިގެންދަނީ އެގޮތަށް!