ކިންގު ސަލްމާން މިސްކިތް: އަންނަ ހުކުރު ދުވަހު އެ މިސްކިތުގައި ނަމާދުކުރަން ފަށާނެ.-- ފައިލް ފޮޓޯ: ނިޝާން އަލީ/ މިހާރު
28 މާޗް 2022 - 11:44
29 comments
ސައުދީ ރަސްގެފާނު ސަލްމާން ބިން އަބްދުލް އަޒީޒްގެ ހަރަދުގައި މާލޭގައި އިމާރާތް ކޮށްފައިވާ ސަލްމާން މިސްކިތް އަންނަ ހުކުރު ނަމާދުން ފެށިގެން ބޭނުންކުރަން ފަށަން ސަރުކާރުން ނިންމައިފި އެވެ.
ނަމަވެސް އެ ތަން ރަސްމީކޮށް ހުޅުވާނީ ފަހުގެ ތާރީހެއްގަ އެވެ.
ކުރިއަށް އޮތް ރޯދަމަހަށް އިސްލާމިކް މިނިސްޓްރީން ވަމުން އަންނަ ތައްޔާރީތަކާ ގުޅޭ ގޮތުން ނޫސްވެރިންނާ ވާހަކަ ދައްކަވަމުން އިސްލާމިކް މިނިސްޓަރު ޑރ. އަހުމަދު ޒާހިރު މިއަދު ވިދާޅުވީ، ސަލްމާން މިސްކިތުގައި ނަމާދުކުރަން ފަށަން ވާންޖެހޭ ތައްޔާރީތައް މިހާރު ނިމިފައިވާ ކަމަށެވެ. އަދި ތަރާވީހު ވެސް އެ ތަނުގައި ކުރާނެ ކަމަށް އޭނާ ވިދާޅުވި އެވެ.
ކަލަންޑަރުގައިވާ ގޮތުން މި އަހަރުގެ ރޯދަމަހުގެ ފުރަތަމަ ދުވަހަކީ އަންނަ ހޮނިހިރު ދުވަހެވެ.
އިސްލާމިކް މިނިސްޓްރީން ރޯދަ މަހަށް ވަމުން އަންނަ ތައްޔާރީތަކާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް އިސްލާމީ މަރުކަޒުގައި ހެނދުނު ބޭއްވި ޕްރެސްގައި މިނިސްޓަރު ޑރ. އަހްމަދު ޒާހިރު ވާހަކަދައްކަވަނީ.-- ފޮޓޯ: ފަޔާޒް މޫސާ / މިހާރު
ސަލްމާން މިސްކިތުގައި ނަމާދުކުރަން ފެށިޔަސް އަދި ނިންމާފައި ވަނީ އެ މިސްކިތުގެ އެހެން ބައިތައް ބޭނުން ނުކުރާށެވެ. މިސްކިތުގެ އެހެން ތަންތަނަށް ބޭނުންވާ ފަރުނީޗަރާއި އޮފީސް ބަޔަށް ބޭނުންވާ އެއްޗެހި އަދި ނުލިބެ އެވެ. އެ މިސްކިތް ރަސްމީކޮށް ހުޅުވަން ނިންމާފައިވާ ވަނީ އެ ހުރިހާ އެއްޗެއް ހަމަވުމުންނެވެ.
ސަލްމާން މިސްކިތް އަވަހަށް ހުޅުވުމުގެ މަސައްކަތް ކުރުމަށް ސައުދީ ސަރުކާރުން ފަހުން ދޭން ބުނި ދެ މިލިއަން ޑޮލަރު ހަމަޖައްސައިދިނުމަށް ރައީސް އޮފީހުގައި އިސްލާމިކް މިނިސްޓްރީން އެދިފައިވާއިރު، އެ ފައިސާ ލިބިފައިވޭތޯ ނޫސްވެރިޔަކު ސުވާލުކުރުމުން މިނިސްޓަރު މިއަދު ވިދާޅުވީ އަދިވެސް އެ ފައިސާ ނުލިބޭ ކަމަށެވެ.
ސައޫދީ ސަރުކާރުގެ ހަރަދުގައި މާލޭގައި އިމާރާތް ކުރި ސަލާމް މިސްކިތުގެ އެތެރެ: ވައްކޮށް ހަދާފައި ހުރި މިސްކިތުގައި އަންނަ ހުކުރު ދުވަހު ނަމާދުކުރަން ފަށާނެ.-- ފައިލް ފޮޓޯ: ނިޝާން އަލީ/މިހާރު
"...[ސަލްމާން މިސްކިތަށް] ބޭނުންވާ ފަރުނީޗަރާއި އެހެނިހެން އެއްޗެހި ހޯދުމަށް ސަރުކާރުން ވަނީ 2.6 މިލިއަން ރުފިޔާ ދީފައި. ސައުދީން ދޭން ބުނި ދެ މިލިއަން ޑޮލަރު ލިބޭނެ ކަމުގެ ފެހި ސިގްނަލް ވެސް ވަނީ ލިބިފައި. ވަރަށް އަވަހަށް އެ ފައިސާ ދެއްވާނެ ކަމަށް [ސަރުކާރުން] ބުނެފައިވޭ،" ޑރ. ޒާހިރު ވިދާޅުވި އެވެ.
ގާތްގަނޑަކަށް 24 މިލިއަން ޑޮލަރު (370 މިލިއަން ރުފިޔާ) ހަރަދުކޮށްގެން އިމާރާތްކުރި މިސްކިތުގެ މަސައްކަތް ފެށީ ކުރީގެ ރައީސް އަބްދުﷲ ޔާމީންގެ ވެރިކަމުގައި 2017 ވަނަ އަހަރެވެ. ދެ އަހަރުގެ ތެރޭގައި މިސްކިތް އިމާރާތްކޮށް ނިންމިޔަސް، ތަފާތު އެކި ސަބަބުތަކާ ހުރެ އިމާރާތް ބޭނުންކުރަން ފެށިފައެއް ނުވެ އެވެ.
ސަލްމާން މިސްކިތް ނުހުޅުވި ލަސްވެގެންދާތީ އާއްމުންގެ ބޮޑެތި ފާޑުކިޔުންތައް ވެސް ސަރުކާރަށް އަމާޒުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިސްރިހަ
01 April 2022
ރަހީމްބެ އައް ސަމާލުވާތި....ރަހީމްބެ.
ލާމަސީލު
29 March 2022
ޓިނު މިސްކިތް. ޓީވީ އިން ތިމިސްކިތުގެ ކުރެހުން ދެއްކި އިރު ވަރަށް ޗާލު. އެކަމަކު މިހާރު ތިމިސްކިތް ހީވަނީ ޓިނުބޮނޑި އެއްހެން.
އޮނަރަބަރު
28 March 2022
އެތަން ހަދަންފެށިތާ 5 އަހަރުން ނިމިއްޖެ. މިސަރުކާރުގެ ސްޕީޑް ވަރަށްދައް. ސަރުކާރުގެ ކުންފުނިތަކުން އަޅަންފަށާފަހުރި ފްލެޓްތަކަކީވެސް ރައީސް ޔާމީނުގެ ވެރިކަމުގައި ވަރަށް ބާރަށްދިޔަ މަޝްރޫއުއެއް. ނަމަވެސް މިސަރުކާރުން ވެރިކަމާއި ހަވާލުވެ އެމަޝްރޫއުގެ ސްޕީޑް ދައްކޮށްފި. މީގަސްތުގައި ކުރާކަމެއް.
އޮނަރަބްލް އަފީފު ދީދީ
28 March 2022
ސަލްމާން މިސްކިތް ހުޅުވާވަގުތުންފެށިގެން އެ މިސްކިތާއިކައިރީގައިހުރި ނޫރުމިސްކިތް ބަންދުކުރަންޖެހޭ. # ކޮންމެ 4 ފިޔަވަޅަކަށް މިސްކިތެއްބަހައްޓައިގެން ޙަރަދުކޮށްބެލެހެއްޓުމަކީ އަހަރުމެނަށް ކުރެވޭވަރަށްވުރެން ޙަރަދު ބޮޑުކަމެއް. އަނެއްކާ ކ.އަތޮޅު މާލޭގެ މިސްކިތްތަކުގެ ދެތިން ސަފަށްވުރެންއިތުރަށް މިސްކިތަށް މީހުން އަރަނީ ހަމައެކަނި ކޮންމެ ހަފުތާއެއްގެ ހުކުރު ދުވަހު ހުކުރު ނަމާދަށް. ދެ މިސްކިތުން އެއް މިސްކިތް އަރަބީއްޔާ ސްކޫލް ހިންގުމަށް ދޫކޮށްލާ.
މުނިކާފަ
29 March 2022
މީ ކުރީ ސަރުކާރުން ގެންނނަށް އެބުނާ ތަރައްގީ.. ބޭކާރު ހަރަދު.. ރާއްޖެތެރޭ ރަނގަޅު މިސަކިތެއް ނެތް ދެތިން ރަށުގަ މިސްކިތް އެޅޭވަރުގެ ހަރަދުގަ މާލޭގަ މިސްކިތަކާ ޖެހި މިސްކިތެއް އެޅުމުގެ ބޭނުމެއް ކޮބާ.. ތިމާ އަކީ ތަރައްގީގެ ބާނީ ހެދެން މާލޭއަށް ހުރިހާ އެއްޗެއް ފުނިޖަހާ ރާއްޖެތެރޭ ނިކަމެތިން އަޅުވެތި ކުރުމުގެ ޘަގާފަތެއް އާއިލަގެ އޮތީ
ލޮފާތް
29 March 2022
އެއްބަސް
ވެދުން ސަލާމް
28 March 2022
ޝުކުރިއްޔާ ކިންގ ސަލްމާން ބިން ޢަނދުލް ޢަޒީޒު.
ހުޅުވުން
28 March 2022
ކީއްވެބާ ޔާމިން އަޅާ ނިންމާފައި ހުރި މިމިސްކިތް ނުހުޅުވާ އޭނާ ފޭބީ.
ވސާފު
29 March 2022
ކަލޭމެން ބޭލުވި މީހުންނަށް ނޭނގޭތަ ކީއްވެކަން ފޭބީ؟
ހ. ހުސައިން
28 March 2022
މިސްކިތުގައި ނަމާދުކުރުމުގެ ނަސީބު މިންވަރު ކުރައްވާށިއެވެ. ތަނަވަސް މިސްކިތުގައި ނަމާދުކޮށްލާހިތްވޭ ވަރަށް. އަޅަމެންނީ ނަމާދު ގާއިމުކުރާ ބައެއްކަމުގައި ލައްވާށިއެވެ.
ޞާރީ
28 March 2022
މިސަރުކާރުގެ ފެންވަރު. ކުރީ ސަރުކާރުން އެޅި މިސްކިތް ހުޅުވުން. ކުރީ ސަރުކާރުން އެޅި ފުޅެޓުތައް ގުރުއަތު ނެގުން. 4 އަހަރުން ވަރށް ބުރަކޮށް އުޅުނީ ޔާމީން ހިންގި މަޝްރޫއުތައް ހުޅުވަން ރިބަން ކެނޑުމުގައި. ޢަތްޖަހާ.
ޕާރީ
28 March 2022
ޔާމީނު އެޅި ތަނެއް ހުރިނަމަ އޭނާ ހުޅުވާފަ ހުންނާނީ. ދެބައި ކުޅަ އެއްބައި ތިތަނުގެ މަސައްކަތް ނިމުނުނަމަ ތިތަންވެސް ޔާމީނު ހުޅުވީސް. ކުޅުދޫފުށި އެއަރޕޯޓުގައި ތާރު މަގެއް އެޅީމާ އެއަރޕޯޓް ހުޅުވިމީހެއްގެ ވާހަކަ ތި ދައްކަނީ. ގަލެއް ވަޅުލުމަކީ ތަނެއް ހެދުމެއް ނޫން. ތި މިސްކިތުގެ ބޮޑު ބައިވެސް ހެދީ މި ވެރިކަމުގައި،
އެހެން
28 March 2022
ރަސްމީކޮށް ނުހުޅުވޭނެ ޔާމީނު އެޅި އެއްވެސް ތަނެއް. އެކަމު ހުރިހާ ތަނެއްވެސް ބޭނުންކުރެވެމުންދާނެ ނުރަސްމީކޮށް.
އިބްރާ1
28 March 2022
ތިޔަމިސްކިތް އަޅަން ލިބުނު ފައިސާއިން، ކޮންޓްރެކްޓަރ މެދުވެރިކޮށް 1.7 މިލިއަން ޑޮލަރު ވަނީ ކާލާފަ. އެހެން ވީމަ މިސްކިތަށް ބޭނުންވާ ފަރުނީޗަރު ގަންނަން ޖެހޭނީ ސަރުކާރުގެ ބަޖެޓްން ދޯ؟ މިސްކިތު ފުރާޅު ވަގަށް ނަގާފަ އަދި 4 އަހަރު ވީއިރު މިސްކިތް ނުހުޅުވަޔޭ ކިޔައިގެން އެބަ ގޮވައޭ. ލަދު ކޮބާ؟
ރަދީފްއޮފިޝަލް
28 March 2022
ކޮބާ ހެކި؟؟ 1.7 މިލިއަން ނެގިކަމަށް ކޯޓެއްގަ ކަލެއަށް ސާބިތުކޮއްދެވޭނެތަ؟ ލަދު ކޮބާ ވަލްރަސް؟؟ ވ.ވެދުން (ގޫގުލް ސާޗް ވަލްރަސް)