ޚަބަރު / ފައްޔާޒު އިސްމާއިލް (ކުރީގެ މިނިސްޓަރު)

އެމްޑީޕީގެ ރިޔާސީ ކެންޑިޑޭޓު ހޮވަން ޕީޕީއެމްގެ 20،000 މެމްބަރުންނަށް ވޯޓުލެވޭ: ފައްޔާޒް

އދ. މަހިބަދޫގައި ފައްޔާޒް ސަޕޯޓަރުންތަކަކާ އެކު މަޑުކޮށްލައްވައިގެން: އެމްޑީޕީގެ ދަފްތަރު ސައްހަ ކުރަން ޖެހޭ ކަަމަށް ވިދާޅުވި.

ފަޒީނާ އަހުމަދު، މިހާރު

12 އެޕްރީލް 2022 - 21:39

23 comments

އެމްޑީޕީގެ ދަފްތަރު އޮތީ އެތެރޭގެ އިންތިހާބުތަކަށް އިދިކޮޅު ޕީޕީއެމަށް ނުފޫޒު ފޯރުވޭ ގޮތަށް ކަމަށާއި ޕާޓީގެ ރައީސް ނުވަތަ ރިޔާސީ ކެންޑިޑޭޓު ކަނޑައަޅަން ވިޔަސް ޕީޕީއެމްގެ 20،000 މީހުންނަށް ވޯޓު ލެވޭ ކަމަށް، ޗެއާޕާސަން ކަމަށް ވާދަކުރައްވާ އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.

ކެމްޕޭނަށް އދ. މަހިބަދުއަށް ވަޑައިގެން އެމްޑީޕީގެ މެމްބަރުންގެ ޝަކުވާތައް އަޑުއައްސަވައި ދެއްކެވި ވާހަކައިގައި ފައްޔާޒް ކަންބޮޑުވުންފާޅުކުރެއްވީ އެމްޑީޕީގެ އެތެރޭގެ އިންތިހާބުތަކުގެ ކޮންޓްރޯލް ޕީޕީއެމަށް ނެގޭ ގޮތަށް ޕާޓީގެ ދަފްތަރު އޮތުމެވެ. މެމްބަރުންގެ ސައްހަކަން ކަށަވަރު ނުކުރެވި އޮތުމަކީ މައްސަލައެއް ކަމަށާއި އެމްޑީޕީ މީހުން އެކަނި އޭގައި ބައިތިއްބަން ވަރަށް މަސައްކަތް ކުރަން ޖެހޭ ކަމަށް ވިދާޅުވި އެވެ.

އަޅުގަނޑުމެންގެ 94،000 މީހުން ތިބިއިރުގައި މި ޕާޓީގެ ރައީސް ކަނޑައަޅަން ނުވަތަ މި ޕާޓީގެ ރިޔާސީ ކެންޑިޑޭޓު ކަނޑައަޅަން ނޫނިއްޔާ މި ޕާޓީން ރައްޔިތުންގެ މަޖިލީހަށް ނުކުންނާނެ ކެންޑިޑޭޓު ހޮވަން ޕީޕީއެމްގެ 20،000 މީހުންނަށް އެބަ ވޯޓުލެވޭ: ފައްޔާޒް

ޕާޓީތަކުގެ އެތެރޭގެ އިންތިހާބުތަކުގައި ވޯޓުލަނީ އެ ޕާޓީއަކުން ބަލަހައްޓާ ދަފްތަރަށެވެ. އަންނަ މަހުގެ 14 ގައި އޮންނަ ވާދަވެރި ޗެއާޕާސަންގެ އިންތިހާބުގައި އެމްޑީޕީގެ 94,000 އަށް ވުރެ ގިނަ މެމްބަރުންނަށް ވޯޓުލުމުގެ ހައްގު ލިބެ އެވެ. މި އިންތިހާބުގައި ވޯޓުލުމުގެ ހައްގު ދިނީ ކެންޑިޑޭޓުން ކުރިމަތިލުމުގެ މުއްދަތު ހަމަވުމާ ހަމައަށް ޕާޓީގައި ތިބި މެމްބަރުންނަށެވެ.

MDP chairperson ge inthihab gai 94,000 ah vure gina meehunnah vote levey

The most trusted news source in the Maldives

Mihaaru

އެމްޑީޕީން ބަލަހައްޓާ ދަފްތަރުގައި 94،000 އަށް ވުރެ ގިނަ މީހުން ތިއްބަސް އިލެކްޝަންސް ކޮމިޝަންގައި އެމްޑީޕީގެ މެމްބަރުންގެ ގޮތުގައި ރަޖިސްޓްރީވެފައި ވަނީ އިލެކްޝަންސުން އެންމެ ފަހުން އާއްމުކުރި ހިސާބުތަކުގައިވާ ގޮތުން 54،782 މީހުންނެވެ.

މަހިބަދޫގައި ކެމްޕޭން ޓީމުތަކާ ފައްޔާޒް ބައްދަލުކުރައްވަނީ: އިންތިހާބުގައި 94،000 އަށް ވުރެން ގިނަ މީހުންނަށް ވޯޓުލެވޭ.

އެމްޑީޕީގެ ދަފްތަރު މައްސަލައިގައި ފައްޔާޒް ވިދާޅުވި ގޮތުގައި ގައުމީ އިންތިހާބުތަކުގައި ޕީޕީއެމާ ވާދަކުރަން އެމްޑީޕީން ނުކުންނާނެ ކެންޑިޑޭޓަކު ކަނޑައަޅުމުގެ ޖާގަ ޕީޕީއެމަށް ލިބޭ ގޮތަށް މަގުފަހިވެފައި އޮތުން ބަދަލުކުރަން ޖެހެ އެވެ. މިހާރު އޮތީ އެ ޕާޓީއާ ވާދަކޮށް ކުރި ހޯދާނެ އެމްޑީޕީގެ ކެންޑިޑޭޓު ބަލިކޮށްލަން ދެން ނުކުންނަ ކެންޑިޑޭޓަށް އެ 20،000 މީހުންނަށް ވޯޓު ލެވޭ ގޮތަށް ކަަމަށް ވިދާޅުވި އެވެ.

"އަޅުގަނޑުމެންގެ 94،000 މީހުން ތިބިއިރުގައި މި ޕާޓީގެ ރައީސް ކަނޑައަޅަން ނުވަތަ މި ޕާޓީގެ ރިޔާސީ ކެންޑިޑޭޓު ކަނޑައަޅަން ނޫނިއްޔާ މި ޕާޓީން ރައްޔިތުންގެ މަޖިލީހަށް ނުކުންނަ ކެންޑިޑޭޓު ހޮވަން ޕީޕީއެމްގެ 20،000 މީހުންނަށް އެބަ ވޯޓުލެވޭ،" ފައްޔާޒް ވިދާޅުވި އެވެ.

"އެ މީހުންނަށް އެބަ ނިންމޭ އެ މީހުންނާ ވާދަކުރަން އަޅުގަނޑުމެންގެ ތެރެއިން ނުކުންނާނީ ކާކުކަން."

އޭނާ މިހެން ވިދާޅުވުމާ އެކު އަރިހުގައި އިންނެވި އެމްޑީޕީގެ މެމްބަރަކު ވަނީ "ތިއީ އަޅުގަނޑުމެންގެ ވެސް ވަރަށް ބޮޑު ޝަކުވާއެއް" ކަމަށް ބުނެ އެ ވާހަކައަށް ތާއީދުކޮށްފަ އެވެ.

ފައްޔާޒް ވިދާޅުވީ އެމްޑީޕީގެ ކަންކަމުގައި ގޮތް ނިންމުމުގެ ފުރުސަތެއް ޕީޕީއެމަށް އޮވެގެން ނުވާނެ ކަމަށެވެ. މިހާރު އެގޮތަށް އޮތަސް އެއީ އިސްލާހުވާނެ ކަމެއް ކަމަށް ވިދާޅުވި އެވެ.

އޭނާ ވިދާޅުވި ގޮތުގައި އެމްޑީޕީގެ ދަފްތަރުގައި ޕީޕީއެމްގެ މެމްބަރެއް އޮތް ނަމަ ވަކިކުރަން ޖެހެ އެވެ. ނުވަތަ ދެން އޮތް ގޮތަކީ އެމްޑީޕީ މެމްބަރެއްގެ ގޮތުގައި ރަޖިސްޓްރީވުން ކަަމަށް ވިދާޅުވި އެވެ.

އެމްޑީޕީގެ ސައްހަ ދަފްތަރެއް ކަނޑައަޅައި ރަނގަޅު އިންތިޒާމެއްގެ ތެރެއިން ބެލެހެއްޓުމަކީ ޗެއާޕާސަން ކަމަށް ހޮވިވަޑައިގެންފި ނަމަ ކުރައްވާނެ ކަމަށް ފައްޔާޒް ވައުދުވެވަޑައިގަންނަވަމުން އަންނަ އެއް ބަދަލެވެ.

އިންތިހާބުގައި ފައްޔާޒްއާ ވާދަކުރައްވަނީ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) އެވެ. ކެމްޕޭން ފޯރީގައި އެކި އަތޮޅުތަކުގައި ކުރިއަށްދާ އިރު އެއް ބަޔަކު އަނެއް ބަޔަކަށް ބަހުގެ ހަމަލާތައް ދަނީ ބަދަލުކުރަމުންނެވެ. މި އިންތިހާބުގެ ފޯރިގަދައީ 2023 އަށް ޕާޓީގެ ކުރިމަގު ކަނޑައެޅުމުގެ އިދާރީ ކަންކަމުގައި ޗެއާޕާސަންގެ ދައުރު ބޮޑު ކަމުންނެވެ.

އެމްޑީޕީ ޕީޕީއެމް ފައްޔާޒު އިސްމާއިލް (ކުރީގެ މިނިސްޓަރު)

23 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކުއިކް

13 April 2022

އެހެން ޕާޓީތަކުގެ މީހުން އެމްޑީޕީގެ ދަފްތަރުގައި ތިބުމަކީ އެމްޑީޕީ ހިންގަން ނޭނގޭކަމާ ކޮރަޕްޓް ކަންކަން ބަލައިގަނެގެން ތިބޭކަން އިންތިހާއަށް ދައްކައިދޭ ކަމެއް. ޕީޕީމީހުން އެމްޑީޕީގެ އިންތިހާބުތަކުގަ ވޯޓްލާ ވާހަކަ މާ ކުރިންވެސް ދައްކާ. އަދި އެކަން ޕާޓީ މީހުންނަށް އެނގޭއިރުވެސް އެކަމުގެ ފައިދާ ނެގުމަށްޓަކައި އެކަމާ އަޅާނުލާ ކަމެއްނުކޮށް ތިބުމަކީ ޕާޓީގެ ގޮތެއްނެތްކަން އަންގައިދޭ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާހަމް7

13 April 2022

ޕީޕީ ކުދިން އިންތިއައް ވޯޓް ލާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯނިބެ

13 April 2022

ތީ އެތެރޭގެ އިންތިޚާބުތަކާ ދިމާކޮށް، ޕްރައިމަރީ ކާމިޔާބުކުރަން އެމްޑީޕީގެ ބައެއް ކެނޑިޑޭޓުން ކުރާކަންކަން. މިހެން ހެދުމުން ވާގޮތަކީ ތިމާޔަށް ވޯޓްގަނޑު ލިބުނަސް، ދެން އެމީހުން ފާހަގަޖަހަނީ ޕްރައިމަރީގަ ވާދަކުރާ މީހުންގެ ތެރެއިން އެންމެ ކަމުނުދާ މީހުންނަށް. މިހެންވުމުން ރަގަޅު ކިޔަވައިގެން ތިބި ޤާބިލް މީހުން ތިއްބާ ހޮވެނީ ތަނެއްދޮރެއް ނޭގޭ ނާގާބިލް މީހުން. އަމިއްލަ އެދުމާހެދި މުޅި ޕާޓީ ފުނޑެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެފް 12

13 April 2022

ޕީ ޕީ އެމް ގެ 20000 މެމްބަރުންގެ އިތުރުން ވަކި ޕާޓީއެއްގެ ވިސްނުމެއް ފިކުރެއް ނެތް ފައިސާ ލިބޭކޮޅަކަށް ތާޢިދުކުރާ އެތައް ބައިވަރު ބަޔަކު ވެސް އެމް ޑީ ޕީ ގައި އުޅޭ. ހިންގާލަން ނުކުމެ އުޅޭ ބައިގަނޑުގެ ތެރޭގައިވެސް ގިނަވާނީ އޭގެ މީހުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުންބޭ

13 April 2022

ޕޕ އަކީ މިފަދަ ހުރިހާ ކަމަކަށް އެންމެ ކޮރަޕް ގޮތްގޮތް އިހްތިޔާުކުރާ ބައެއް ، ކުރީފަހަރު އެމްޑީޕީގެ އެތެރޭގެ އިންތިހާބުގަވެސް ޕީޕީ މީހުން ވޯޓް އެޅި، އެކަމެއް ނުބެލުނު، ނަޝީދު ކައުންސިލް އިންތިހާބުގަ ޕީޕީ މީހުންނަށް ވޯޓް ހޯދައިދޭންވެސް މަސައްކަތްކުރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާޗާ

13 April 2022

ޕީޕީ މީހުންނަށް އެމްޑީޕީ ތެރެއަށް ވަދެވެނީ އެމްޑީޕީގެ އެއްވެސް ހަރުދަނާ ކަމެއް ނެތުނީމަ. އެއީ ޕީޕީއަށްވުރެ ބޮޑަށް އެމްޑިޕީގެ މައްސަލައެއް. އަމިއްލަ ދަފްތަރު ނުބެލެހެއްޓޭހާ ނާގާބިލު ބައެއްގެ ތެރެއަށް ޕީޕީއެއް ނޫން އެހެން އެތައް ބަޔަކުވެސް ވަންނާނެ. އަމިއްލަ ޕާޓީގެ ދަފްތަރުގަ 1 ލައްކަ ހަމަކޮށްގެން ކަންދެއްކެން ތިބެނީ. އީސީގަ ގަވައިދުން ޕާޓީގެ ނަމުގަ ރަޖިސްޓަރކޮށްފަ ތިބޭ ބަޔަކަށް އެކަނި ޕާޓީ ތެރޭ ވޯޓްލެވޭ ގޮތަށް ނުހެދުމަކީ އެމްޑީޕީގެ ފީކަޅާކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައްކަންކުރާށޭ

13 April 2022

އިލެކްޝަންްސް ކަމިޝަން އަށް ދައުލަތުގެ ބަޖެޓުން ބޮޑެތި ޚަރަދު ކުރޭ އަދި ޕޮލިސް ސާރވިސް އަށް ވެސް ބޮޑެތި ޚަރަދު ދައުލަތުން ކުރޭ އަދި ސްޕްރީމް ކޯޓަށް ވެސް ދައުލަތުން ބޮޑެތި ޚަރަދު ކުރޭ ދެން ކިއެއްވެތޭ ކޮންމެ ޕާރޓީއެއްގެ މެމްބަރުންގެ ގޮތުގައި ވައްދާ މީހުންގެ ފިންގަރ ޕްރިންޓް ވެރިފައި ނުކުރެވެންވީ މޯލްޑިވްސް ޕޮލިސް ސާރވިސް މެދުވެރިކޮށް އެކަން ކުރެވެން ވާނެއޭ އެކަން ސަރުކާރުން ނުކުރަނީ ކެނެރީގެ ނަޝީދު އާއި އީވާ މެން އަޑީގައި ތިބެގެން ކުރާ ވޯޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދޭސް

13 April 2022

ކޮންމެ ޕާޓީއެއްގައިވެސް ވަގަށް ޕާޓީއަށް ވައްދާފަ ތިބި މީހުން ބައިވަރު. ޕާޓީ އުފަންކުރުމާއި އެ ބޮޑުކުރުމުގައިވެސް ހުސް މަކަރު. ދެން ކިހިނެއްތޯ ޕާޓީތަކުން ގައުމާއި ރައްޔިތުންނަށް ތެދުވެރިވެވޭނީ؟! ފުރަތަމަ އުފެދުންވެސް ތި އޮންނަނީ މަކަރާއި އަމިއްލަ އެދުމުން ފޯވެފަ. ތިއިން ކޮންމެ ޕާޓީއަކީވެސް ހުސް އަމިއްލަަ އެދުމާއި، ޖާހާއި މާލު ބައްކުރަން ހުރި "ކުންފުނިތައް". ހެޔޮނުވާނެ ރައްޔިތުންނޭ! ވިސްނަވާ! މި ޕާޓީތަކާ ދުރަށްޖެހޭ! އާދޭސްކުރަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނީބާއި

13 April 2022

ތަހުޒީބު ޑިމޮކްރެސީގެ ނަމުގަ އިންޑިއާ ސްޓައިލްގަ ސިޔާސީ ޕާޓީ ހިންގައިގެން ރައްޔިތުންނަން ވީ ފައިދާއެއް ނެތްކަން ވޭތުވެދިޔަ 15 ވަރަކަށް އަހަރުގެ ތަޖުރިބާއިން ރައްޔިތުންނަށް މިހާރުވަނީ އެނގި ކަށަވަރުވެފަ! ދެންވެސް ގައުމާ ރައްޔިތުންނަށް ހެވެއް އެދެންޏާ ކުރަންވީ ކަމަކީ ޕާޓީ ސިސްޓަމް އިސްލާހުކުރުން. އެކަން ނުވަންޏާ ޕާޓީ ސިސްޓަމް އުވާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީނދޫ

13 April 2022

101 ޕަސެންޓްގެ ވާހަކައެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަޒް

13 April 2022

ޕީޕީ މެމްބަރުން ވެއްދީ ރޮޒޭނާ މެން ފުރައިމެެރީއިން ވިންވާން ވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަފްތަރު

13 April 2022

ތިހެން ތިކަން އޮތިއްޔާ ތިކަމުގަ ޒިންމާ ނަގަން ޖެހޭނީ ޗެއަރޕާސަން ނައިބު (އިދާރީ) ގެ މަގާމުގަ ހުރި އަލީ ނިޔާޒް. މަގާމުގަ މިއީ 2 ވަނަ ދައުރު. އަލީ ނިޔާޒް ހުރީ ފައްޔާޒް އާއިއެކު. އެމްޑީޕީ ދަފްތަރު “ހިންގާނުލެވުނު” ބަޔަކު ގޮވައިގެން ނުކުމެ ހިންގާލާނެ އިތުރު އެެއްޗެއް ނޯންނާނެ.