ހައި ކޯޓުގެ ކުރީގެ ފަނޑިޔާރު ސަމީރު: އޭނާ ޑެޕިއުޓީ ޕީޖީގެ މަގާމަށް ވަނީ އައްޔަން ކުރައްވާފައި -- ފޮޓޯ/މިހާރު
12 މެއި 2022 - 15:09
12 comments
ޑެޕިއުޓީ ޕްރޮސެކިއުޓާ ޖެނެރަލްގެ މަގާމަށް ހައި ކޯޓުގެ ކުރީގެ ފަނޑިޔާރު އަލީ ސަމީރު މިއަދު އައްޔަން ކުރައްވައިފި އެވެ.
ހައި ކޯޓުގެ ފަނޑިޔާރުކަމުގައި 10 އަހަރަށް ވުރެ ގިނަ ދުވަސް އަދި އޭގެކުރިން ސިވިލް ކޯޓުގެ އިސްގާޒީ ކަން ކުރެއްވި ސަމީރު ހައި ކޯޓުގެ ފަނޑިޔާރުކަމުން އިސްތިއުފާ ދެއްވީ މިދިޔަ މަހު އެވެ.
ޑެޕިއުޓީ ޕީޖީގެ މަގާމަށް ސަމީރު އައްޔަން ކުރެއްވީ މިއަދެވެ. އެ މަގާމަށް ބޭފުޅުން އައްޔަންކޮށް، ވަކި ކުރާނީ ޕްރޮސެކިއުޓާ ޖެނެރަލެވެ.
މިސްރުގެ އަޒްހަރު ޔުނިވަސިޓީންނާއި މެލޭޝިއާއިން ގާނޫނީ ދާއިރާއިން މަތީ ތައުލީމް ހާސިލް ކުރެއްވި ސަމީރަކީ ހައި ކޯޓުގައި މަޝްހޫރު ބޮޑެތި މައްސަލަތަކެއް ނިންމެވި ބޭފުޅެވެ. އަނބިމީހާ ފިރިމީހާ ރޭޕްކުރުމުގެ ކުށެއް ފުރަތަމަ ފަހަރަށް ސާބިތުވާ ކަމަށް 2020 ވަނަ އަހަރު ހައި ކޯޓުން ނިންމެވީ ވެސް އޭނާއެވެ.
އަނބިމީހާ ފިރިމީހާ ރޭޕްކުރުމުގެ ކުށާ ގުޅޭގޮތުން އުފެދިފައި ހުރި ބަހުސްތަކަށް ދީނީ އަދި ގާނޫނީ ނަޒަރުން އަލި އަޅުވާލައްވައި، އޭނާ ކުރެއްވި އެ ހުކުމަކީ މަޝްހޫރުވެގެން ދިޔަ ހުކުމެކެވެ. އަދި މި ނޫނަސް، ފާހަގަ ކޮށްލެވޭ ޖިނާއީ އަދި މަދަނީ އަދި އާއިލީ މައްސަލަތަކެއް ވެސް އޭނާ ހައި ކޯޓުން ނިންމެވި އެވެ.
ހައި ކޯޓުގެ ފަނޑިޔާރު ކަމުން ސަމީރު އިސްތިއުފާ ދެއްވިއިރު އޭނާ ހުންނެވީ ހައި ކޯޓުން ޖުޑީޝަލް ސާވިސް ކޮމިޝަން (ޖޭއެސްސީ) އަށް އައްޔަންކުރި މެމްބަރުގެ މަގާމުގަ އެވެ. އިސްތިއުފާ ދެއްވުމާ އެކު، އޭނާ ވަނީ އެ މަގާމުން ވަކިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަނ
13 May 2022
ކުރީގަ އެތައް ކުށްވެރިންނެއްގެ ދިފާއުގަ ވަކާލާތު ކުރި މީހަކު ތިޔަ ފަދަ މަގާމަކަށް ނުލިކަން ރަގަޅު. އިންސާފު ހޯދައިދޭން ދައުލަތުން ކަނޑައަޅާފަ ހުންނަ ތިޔަ ފަދަ އެންމެ މަތީ މަގާމުތަކަށް ކުރީގެ ދިފާއީ ވަކީލުކަން ކޮށްފަ ތިބޭ މީހުން ލީމަ އޮންނާނީ މަސްލަހަތު ފުށުއަރާ ކޮންމެވެސް ކަހަލަ ކުރީގެ ކަމަކާ ހެދި ފިތިފަ ކަމަށް ބެލެވެނީ. ދިފާއީ ވަކީލުންނަކީ ކޮންމެފަދަ ވާހަކައެއް ދައްކައިގެންވެސް މައްސަލަ ކާމިޔާބުކުރަން އުޅޭ ބައެއްވީމަ ނުއަތަށް ގޯޅި އެޅިފަ ތިބޭނީ
ށަވިޔަނި
13 May 2022
މަރުހަބާ ސަމީރު.
ޓޯޓާ
12 May 2022
މިއީ އަޅުގަނޑުބުނާ ވާހަކަ މިކަހަލަ ޤާބިލު ބޭފުޅުން މިކަހަލަ މަޤާމުތަކަށް އަޔަން ކުރަން ޖެހޭ އަލީ ހަމީދު އަދި އަބުދުﷲ ސައީދުވެސް ސީޕީޖީ ކަމަށް އަޔަން ކުރަންޖެހޭ ބާރިއާ އަދި ރާގިބާ ނަޖީބުވެސް ބީޕީޓީއަށް އަޔަން ކުރަންޖެހޭ
ކަތްދައްތަ
13 May 2022
ހިތުން މޮޅު ކޮމެންޓެއް ތިކުރީދޯ. ތިޔަ އެއްހަމަކުރާ އެއްވެސް މީހަކު ޢަމަލުކުރިގޮތަށް ފަނޑިޔާރުގޭގަ ސަމީރު ޢަމަލުކުރިތޯ؟
ޢަބޭ
12 May 2022
ޥަރަށް ރަގަޅު ބޭފުޅެއް. ޢިލްމީ ހިތްހެޔޮ މަސަައްކަތްތެރި. ވަރަށް ބެސްޓު
ލުވަންދިލާނޯ
12 May 2022
މަރުހަބާ ސަމީރު. މަރުހަބާ އަދީބު
މުހައްމަދު އަލީ
13 May 2022
ބައެއްފަހަރު ނައިބު ޕީޖީ އެބަ ފޮނުވާ ޕީޖީއަށް ނޭނގިވެސް މައްސަލަތައް ޝަރީއަތަށް. އެއީ ގާނޫނުގެ ތެރެއިން. މާނައަކީ ޕީޖީނެތްތަނެއްގަ ޕީޖީގެ ވާޖިބު އަދާކުރައްވަނީ ނައިބު މީހާއޭ. އަދީބުގެ އެތައްމައްސަލަތަކެއް ޝަރީއަތަށް ނުފޮނުވާ އެބަހުރި. ވަކި ހިސާބަކުން އެމައްސަލަތައް އޮޓެމެޓިކުން ބާތިލް ވާނެ. މިވީގޮތުން އަދީބުއާ ދެކޮޅަށް އެއްވެސް މައްސަލައެއް ކޯޓަކަށް ނުވަންނާނެ.
ކަލޭ ހަމާގަތަ
13 May 2022
އަދީބު ކޮން ކަމެއް ކުރީ؟ އޭނ! ޔާމީނު ވައްކަން ކޮށްފަ އަދީބު ބޮލަށް ޖަހާލީ. ރައީސް ނުދެއްވާ ބާރެއް ކިހިނެއް ޔާމީނު ހޯދާނީ؟ ސަމީރުމެން އައީ ނުހައްގުން ވައްދާ މައްސަލަތައް ވެއްދިޔަނުދޭން. ސަމީރުގެ ނޯންނާނެ ލައްގަޑެއް
މެޓާ
12 May 2022
އެމްޑީޕީގެ އަސްލު ސޫރަ ފެންނަނީ. ލޮލް
އެޗް. ސީ. އެފް.
12 May 2022
ވަރަށް ޤާބިލް ރަނގަޅު ބޭފުޅެއް،މަރުހަބާ އޒ. ޢަލީ ސަމީރު އަދި ޕީޖީ އޮފީސް.ޕީޖީ އޮފީހުން ހުށަހަޅާ ދަޢުވާތަކާއި މައްސަލަތައް ކޯޓުގައި ސާބިތުކުރުމަށް އޒ. ސަމީރުގެ ޢިލްމާއި ތަޖްރިބާގެ އަލީގައި އިތުރަށް ހަރުދަނާވެގެންދާނެ ކަމަށް އުއްމީދު ކުރަން.
ޚަނީފު
12 May 2022
100 ޕަސަންޓް އެގުރީ
މުރުޝިދު
12 May 2022
މަރުހަބާ ސަމީރު! އަދި ސަމީރު ކައިރީގައި އަބްދުﷲ ދީދީ އާއި ސުޖާ އުސްމާނުވެސް ޑެޕިޔުޓީންގެ ގޮތުގައި މަސައްކަތްކުރާތަން ދެކޭ ހިތްވޭ. އެއިރުން ތިޔަ އޮފީސް ފުރިހަމަވީ! ވަރަށް މަރުހަބާ!