މަޖިލިސް އިންތިހާބުގެ ބަހުސްގައި، ޕީއެންސީގެ ޓިކެޓުގައި އަލިފުށީ ދާއިރާއަށް ވާދަކުރި އަހުމަދު ހުސެއިން.-- ފޮޓޯ: ޕީއެންސީ
02 ޖޫން 2022 - 15:51
27 comments
މާލޭގައި މިދިޔަ މާޗު މަހު ހިންގި ޑްރަގް އޮޕަރޭޝަނަކުން ހޯދި 42 ކިލޯގެ ހެރޮއިންގެ މައްސަލައިގައި ހައްޔަރުކުރި ދެ މީހުން މިއަދު ބަންދުން ދޫކޮށްލައިފި އެވެ.
ފުލުހުންގެ ޑްރަގް އެންފޯސްމަންޓް އެންޑް ކައުންޓާ ނާކޮޓިސް އިންޓެލިޖެންސުން ހިންގި އޮޕަރޭޝަނުގައި އަތުލައިގަތް ޑްރަގްސް އަކީ ފުޅާދާއިރާއެއްގައި މަސްތުވާތަކެތީގެ ވިޔަފާރީގައި އުޅޭ ބައަކާ ގުޅުން ހުރި އެއްޗެހި ކަމަށް ބެލެވޭ ކަމަށް ފުލުހުން ކުރިން ބުނެފައިވެ އެވެ. އެ އެއްޗެހި ހުރީ މާފަންނުގެ ގެއެއްގެ ތަޅުންގަނޑުގެ އަޑީގައި ވަޅުލައިފަ އެވެ.
އެ މައްސަލައިގައި ހައްޔަރުކުރީ ޕީއެންސީގެ ކުރީގެ ކައުންސިލް މެމްބަރު އަހުމަދު ހުސެއިން އަދި އުމުރަށް ޖަލަށް ލާފައި ވަނިކޮށް ޕެރޯލްގެ ދަށުން ދޫކޮށްލި ފަހުން މަސްތުވާތަކެތީގެ ޓްރެފިކިންގެ މައްސަލައިގައި ހައްޔަރުކުރި އަބްދުﷲ ނަޝީދެވެ.
42 ކިލޯގެ މަސްތުވާތަކެތީގެ މައްސަލައިގައި ހައްޔަރުކުރި ނަޝީދު.-- ފޮޓޯ: ޕޮލިސް
އެ ތަކެތި ފެނުނީ އައިޖީއެމްއެޗް ކައިރީގައި ހުންނަ ފުލުހުންގެ ކުޑަކުދިންގެ މައްސަލަތައް ބަލާ ޔުނިޓްގެ އޮފީސް ކުރިމަތީގައި ހުރި ގެއަކުންނެވެ. ދެ ބުރިއަށް ހަދާފައިވާ އެ ތަނުގައި މީހުން ދިރިއެއްނޫޅެ އެވެ.
އެނގިފައިވާ ގޮތުގައި އެ ދެ މީހުން ދޫކޮށްލީ މުއްދަތު ހަމަވިއިރު ވެސް ޕްރޮސެކިއުޓާ ޖެނެރަލް (ޕީޖީ) އޮފީހުން ދައުވާ ނުކުރުމުންނެވެ.
ނަމަވެސް އެ މީހުންގެ ބަންދާ މެދު ގޮތެއް ނިންމަން މީގެ ކުރިން ކޯޓަށް ހާޒިރުކުރުމުން ފުލުހުން ބުނީ އެ މައްސަލާގައި އެންމެ ބޮޑަށް ތުހުމަތުކުރެވެނީ އަހުމަދަށް ކަމަށެވެ. އަދި އޭނާ ފިލަންވެގެން ފޯނާއި ފޯނު ނަންބަރު ބަދަލުކުރި ކަމަށް ބުނެފައިވެ އެވެ.
ނަޝީދު އަތުން ގިނަ އަދަދެއްގެ ފައިސާ އަދި އޭނާ މަސައްކަތް ކުރާ އޮފީހުން މައްސަލައާ ގުޅުންހުރި ލިޔުންތައް ފެނިފައިވާ ކަމަށް ފުލުހުން ބުންޏެވެ. އޭނާގެ އެކައުންޓް ސްޓޭޓްމަންޓުތަކަށް ބަލާއިރު މައްސަލައާ ގުޅިގެން އޭނާގެ މައްޗަށް ތުހުމަތުކުރެވޭ މިންވަރަށް ހެކި ހުރިކަމަށް ބުރަވެވޭ ކަމަށް ފުލުހުން ކޯޓުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުލައި
04 June 2022
ޑްރަގް ނެޓްވޯކް ، ދިވެހި ދައުލަތުގެ އެންމެ ގަދަބާރު. ހެޔޮވާނީ ކިހިނެތް
ހެޔޮއެދޭ
03 June 2022
ތީގެ ހުރިހާ އުފަލެއް ލިބޭނީ އަޑުރެ ވަ ގުރޫޕަށް. އިންތިހާބަށް ހެޔޮއެދޭ ފަރާތަކުން ސަދަގާތްކުރުމުގެ ފުރުޞަތު ލިބިގެން ތިދިޔައީ.
ގުޑުގުޑާބޭ
03 June 2022
މިތަނުގައި ތަނެއްދޮރެއް އޮޅުމެއްނުފިލާނެ. އެއީ އެކަން ރޭވިފައި އޮންނަގޮތް. ޗޭނެއްގެ ބޮޅުތައް ހުންނަހެން އެކަތި އަނެކައްޗެއްގެ ތެރެއިން ރަގަޅަށްބެދި ހިފެހެއްޓިފަ. ދެން އަތްޖަހާ.
އަފިހުންގޮއްޔެ
02 June 2022
ތި ދެ ބަތަލުންނަށް ޤަޢުމު ފަޚްރުވެރިވަން އަނެއްކާވެސް ޓަނެއް އެތެރެކޮށްލާ! ކޮންމެސް ދިމާލަކުން ލޫޕްހޯލަކުން ސަލާމަތްވާނެ. ދިވެހިދަޢުލަތަކީ މިހާރު ޑުރަގު ލޯޑުންނާ ގޭންގު ސްޓާރުންގެ މިނިކާ ފޭރޭ ރާއްޖެއެއް
ޢަރުތަ
02 June 2022
"އެނގިފައިވާ ގޮތުގައި އެ ދެ މީހުން ދޫކޮށްލީ މުއްދަތު ހަމަވިއިރު ވެސް ޕްރޮސެކިއުޓާ ޖެނެރަލް (ޕީޖީ) އޮފީހުން ދައުވާ ނުކުރުމުންނެވެ". ދެން އަލުން ހައްޔަރުކޮށް ދަޢުވާ ނުކުރެވޭނެބާ!
ކަތުރުފަނި
04 June 2022
މީ ޝަމީމު ގަސްތުގައި ކުރާކަންކަން. އިހުމާލު މައްސަލައެއް ވިއްޔާ ސަރުކާރުން މުވައްޒަފުންނަށް ފިޔަވަޅު އަޅަން ޖެހޭނެ. ޤާނޫނު އަސާސީން ލާޒިމުކުރި ޒިންމާ އުފުލިންތޯ މަޖިލީހުން ބޮންޑޭ ނުބަލާނަންތަ.
ސީދީބެ
02 June 2022
މީދެން ތަންކޮޅެއް ބޮޑު ވަރު. ޑްރަގް ޑީލަރުންގެ މައްސަލަ ބާއްވަފައި ތި ގޯސް ހަދާ ފުލުހުންނާ ޕީޖިގެ ވަކީލުންނާ ފަނޑިޔާރުންގެ މައްސަލަ ފުރަތަމަ ބަލަންވީ. . މިނިވަން ތަހްޤީޤެއް ކުރަންވީ . ސައުތު އޭޝުޔާގެ ކޮލަމްބިއާއަށް މިޤައުމި މިވަނީ.
ޒަރާޒަރާ
02 June 2022
ދޫކޮށްލީޔޯ ޕަކާސް މިއޮތީވާ ސަރުކާރެއް ސިންގަޕޫރު ނަމަ އެމީހުން ދޫކޮށްލާނީ ޖަހައްނަމަޔައް
ފްރީޑަމް
02 June 2022
ދެން ކީކޭ ދޯ ބުނާނީ. ކޯޓު އަމުރެއް ނެތި ތަންތަނަށް ވަދެ ފާސްކުރެވުނަސް އޭގެ ބޭނުން ރަނގަޅުގޮތުގައި ކޮށްފިނަމަ ރަނގަޅުވާނެ. އަމުރެއްނެތި ފާސްކުރީމަ ވާނެ ގޮތްވެސް އެބަ އެނގޭ. މުޅި ދުނިޔެވެސް މިވަނީ މި ވަބާގައި ޖެހިފައި. މިފަދަ ބޮޑެތި ނުބައިކަންކަން މިއަދު މުޅި ދުނިޔެ ކޮންޓްރޯލް ކުރަމުން މިދަނީ.
ފުރީޑަމް
02 June 2022
ބޭކާރު ކޮމެންޓެއް ކުރުމުގެ މާނައެއް ނެތް. ގުޑްނައިޓް އޯލް.
މުޙުއްމާ
02 June 2022
ޕްރޮސިކިއުޓަރ ޖެނެރަލް ހައްޔަރުކުރަން ފެނޭ.