ކުރީގެ ރައީސް ޔާމީން: އެމަނިކުފާނާ އެއް މިލިއަން ރުފިޔާ ހަވާލުކުރި ކަމަށް އޮއިއްޓޭ ވަނީ ހެކިބަސް ދީފައި --- ފޮޓޯ/މިހާރު
04 އޯގަސްޓް 2022 - 15:20
87 comments
ކުރީގެ ނައިބު ރައީސް އަހުމަދު އަދީބުގެ އެންގެވުމަށް ކުރީގެ ރައީސް އަބްދުﷲ ޔާމީނާ އެއް މިލިއަން ރުފިޔާ ހަވާލުކުރި ކަމަށް އަދީބުގެ ގާތް މީހެއް ކަމަށްވާ، ގައުމީ ފުޓުބޯޅަ ޓީމުގެ ކުރީގެ ކުޅުންތެރިޔާ މުހައްމަދު ހުސައިން (އޮއިއްޓޭ) ކްރިމިނަލް ކޯޓުގައި މިއަދު ހެކިބަސް ދީފި އެވެ.
ކުރީގެ މަޝްހޫރު ފުޓްބޯޅަ ކުޅުންތެރިއެއް ކަމަށްވާ އޮއިއްޓޭ އެގޮތަށް ހެކިބަސް ދިނީ ވ. އާރަށް މައްސަލާގައި ރިޝްވަތުގެ ގޮތުގައި އެއް މިލިއަން ޑޮލަރު ގަބޫލު ކުރައްވައި، އަދި އެ ފައިސާ ލޯންޑާ ކުރެއްވި ކަމަށް ބުނެ ޔާމީންގެ މައްޗަށް ކުރާ ދައުވާގައި މިއަދު ބޭއްވި އަޑުއެހުމުގަ އެވެ.
ހެކިބަސް ދެމުން އޮއިއްޓޭ ބުނިގޮތުގައި ޔާމީނާ ފައިސާތަކެއް ހަވާލުކުރަން 2013 ވަނަ އަހަރު އަދީބު އޭނާއަށް އެންގި އެވެ. އެގޮތުން ޔާމީން ދިރިއުޅުއްވާ ގެކޮޅަށް ގޮސް، ފުރަތަމަ ހަވާލުކުރީ އެއް ލައްކަ ރުފިޔާ ކަމަށް އޭނާ ބުންޏެވެ. އެކަމަކު އެއް ލައްކަ ރުފިޔާ ހަވާލު ކުރެއްވުމުން ޔާމީން މޫނުފުޅުން ނުތަނަވަސްކަން ފެނުމުން އެކަން އެކަން އަދީބާ ހިއްސާ ކުރުމުން އިތުރު ފައިސާތަކެއް ހަވާލުކުރަން ވެސް އެންގި ކަމަށް އޭނާ ބުންޏެވެ.
އެހެންވެ، އަދީބުގެ އެންގެވުމުގެ މަތިން އިތުރު ނުވަ ލައްކަ ރުފިޔާ ޔާމީނާ ހަވާލުކުރީ ކަމަށް އޮއިއްޓޭ ބުންޏެވެ.
"ބަރާބަރު ވަން މިލިއަން ރުފިޔާ ހަވާލު ކުރެވުނީ. އެއީ އަދީބު އަޅުގަނޑާ ހަވާލުކުރީ ވަން މިލިއަން ރުފިޔާ" އަދީބުގެ ޑްރައިވަރެއްގެ ގޮތުގައި އޭރު އުޅުނު އޮއިއްޓޭ ބުންޏެވެ.
މިހާރު އިނގިރޭސިވިލާތުގައި ދިރިއުޅޭ އޮއިއްޓޭ ހެކިބަސް ދިނީ އެ ގައުމުގައި ހުންނަ ރާއްޖޭގެ އެމްބަސީގައި ހުރެގެން އޮންލައިންކޮށެވެ.
އޮއިއްޓޭ ބުނިގޮތުގައި ޔާމީނާ ފައިސާ ހަވާލުކުރީ ކަރުދާސް ކޮތަޅެއްގަ އެވެ. އަދި ފައިސާ ހުންނާނީ މުޅިން ވެސް 500 ރުފިޔާގެ ނޫޓުން ކަމަށް އޭނާ ބުންޏެވެ.
އޭނާ ބުނިގޮތުގައި އޭރު އެކި ތަންތަނުގައި އަދީބު ފައިސާ ބަހައްޓާފައި ހުރެ އެވެ. އަދި ފައިސާތައް ހަވާލުކުރަން އެންގުމުން ހަވާލުކުރަންޖެހޭ މީހުންގެ މައުލޫމާތާއި ދޭންޖެހޭ ފައިސާގެ އަދަދު ބައެއް ފަހަރު ލިޔެފައި ބަހައްޓަނީ ކަމަށް އޭނާ ބުންޏެވެ.
އޮއިއްޓޭ މިއަދުގެ އަޑުއެހުމުގައި ހެކިބަސް ދެނީ
އޮއިއްޓޭއާ އެގޮތަށް ސުވާލުކުރަން ފެށުމުން އެއީ މައްސަލައާ ނުގުޅޭ ކަންތައްތަކެއް ކަމަށް ބުނެ ޔާމީންގެ ވަކީލުންނާއި އެމަނިކުފާނު ކަންބޮޑުވުން ފާޅު ކުރެއްވި އެވެ. އަދި އާރަށުގެ މައްސަލައަކީ ޗެކަކުން ޖަމާވި ފައިސާތަކެއްގެ މައްސަލައެއް ކަމަށް ވާއިރު، ނަގުދު ފައިސާއިން ދިން ފައިސާތަކެއްގެ ވާހަކަ މި މައްސަލައާ ގުޅުމެއް ނެތް ކަމަށް ޔާމީންގެ ވަކީލުން ވިދާޅުވި އެވެ.
ރައްދުގައި ދައުލަތުން ބުނީ އެއީ މައްސަލައާ ގުޅޭ ސުވާލުތަކެއް ކަމަށެވެ. އެ ސުވާލުތައް ކުރަނީ މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅޭ ކަންކަން ސާބިތު ކުރަން ކަމަށް ދައުލަތުން ބުންޏެވެ.
ދައުލަތުން ކުރަނީ ލިޔެދީފައި ހުރި ސުވާލުތަކެއް ކަމަށް އެކަން ހުއްޓުވަން ވެސް ޔާމީންގެ ވަކީލުން މަސައްކަތް ކުރެއްވި އެވެ. އަދި ރައީސް އިބްރާހިމް މުހައްމަދު ސޯލިހަށް ލިބިވަޑައިގަތް ކަމަށް ބުނާ ފައިސާތަކެއް ކަމަށް ބުނެ ވާހަކަތަކެއް ދައްކަން ވެސް ޔާމީންގެ ބައެއް ވަކީލުން މަސައްކަތް ކުރެއްވި އެވެ.
އެކަމަކު އެ މައްސަލަ ބައްލަވާ އިސްގާޒީ އަހުމަދު ޝަކީލް އެކަން ހުއްޓުވައި އެ ފުރުސަތު ނުދެއްވަ އެވެ. އެކަމަކު ދައުލަތުން ވެސް މައްސަލައާ ނުގުޅޭ ސުވާލުތައް ނުކުރަން ގާޒީ އެންގެވި އެވެ.
އޮއިއްޓޭ ހެކިބަސް ދޭން ފެށުމުގެ ކުރިން، އޮންލައިންކޮށް ހެކިބަސް ނުނެގޭނެ ކަމަށް ބުނެ ޔާމީންގެ ވަކީލުން ކަންބޮޑުވުން ފާޅު ކުރެއްވި އެވެ.
ޔާމީންގެ ވަކީލުންގެ ޓީމުގައި ހިމެނޭ ކުރީގެ ނައިބު ރައީސް މުހައްމަދު ޖަމީލް ވިދާޅުވީ އޮންލައިންކޮށް ހެކިބަސް ނެގޭނީ ވަކި ހާލަތްތަކެއްގައި ކަމަށެވެ. އެގޮތުން ރާއްޖެއަށް ގެނެވެން އޮތް މީހެއްގެ ހެކިބަސް އޮންލައިންކޮށް ނުނެގޭނެ ކަމަށް އޭނާ ވިދާޅުވި އެވެ. އަދި އޮއިއްޓޭ ރާއްޖެ ގެންނަން ދައުލަތުން ކުރި މަސައްކަތަކީ ކޮބައިތޯ އޭނާ ސުވާލު އުފެއްދެވި އެވެ. އަދި އޮންލައިންކޮށް ހެކިބަސް ނެގުމުން ބައެއް ފުރުސަތުތައް ގެއްލިގެންދާ ކަމަށް ޖަމީލް ވިދާޅުވި އެވެ.
ދައުލަތުން ބުނީ އޮއިއްޓޭ ދިރިއުޅެނީ ރާއްޖެއިން ބޭރުގައި ކަމަށްވާތީ އެ މައްސަލާގައި އޮންލައިންކޮށް ހެކިބަސް ނެގުމުގައި ހުރަހެއް ނެތް ކަމަށެވެ. އަދި މީގެކުރިން ވެސް މިގޮތަށް ހެކިބަސް ނަގާ ކަމަށާއި އަދި މިގޮތަށް ހެކިބަސް ނެގިޔަސް ހެކިންނާ ސުވާލުކުރުމުގެ ހައްގަށް އުނިކަމެއް ނާންނާނެ ކަމަށް ދައުލަތުން ބުންޏެވެ.
އިސްގާޒީ ޝަކީލް ވިދާޅުވީ ކޯޓަށް ހާޒިރުކޮށްގެން ހެކިބަސް ނެގެން ނެތްނަމަ ވީޑިއޯ މެދުވެރިކޮށް ހެކިބަސް ނެގިދާނެ ކަމަށެވެ. އަދި އެގޮތަށް ހެކިބަސް ނަގާނެކަން ދުރާލާ އަންގާފައިވާނެ ކަމަށް ގާޒީ ވިދާޅުވި އެވެ. އެހެންވެ، ހެކިބަސް ނެގުން ކުރިއަށް ގެންދަން ގާޒީ ނިންމެވި އެވެ.
އޮއިއްޓޭ އިނގިރޭސިވިލާތުގައި ހުންނަނީ ކޮން ކަހަލަ ވިސާއެއްގައި ތޯ ޔާމީންގެ ވަކީލުން ސުވާލު ކުރެއްވުމުން، އެ ސުވާލު ނުކުރެވޭނެ ކަމަށް ގާޒީ ނިންމެވި އެވެ. ސަބަބަކީ އެއީ މައްސަލައާ ނުގުޅޭ ސުވާލެއް ކަމަށްވާތީ ގާޒީ ވިދާޅުވި އެވެ.
ޔާމީންގެ އިތުރުން ރައްޔިތުންގެ މަޖިލީހުގެ ފެލިދޫ ދާއިރާގެ ކުރީގެ މެމްބަރު ޔޫސުފް ނައީމްގެ މައްޗަށް ވެސް އެ މައްސަލާގައި ދައުވާކުރެ އެވެ. އެ މައްސަލާގެ އިތުރު އަޑުއެހުމެއް އަންނަ ހަފުތާގައި ވެސް އޮންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކކކކކކ
06 August 2022
މަ ހިތައްއަރާ ދޮގުހެކި އުފައްދާ ދޮގުހެކިދީ މިވެރިންހަދާއިރު ބިރެއް ހަމަ ނުގަނޭބާއޭ. ގުގުރިޖަހާ ހޮނުއަޅާއިރު ކަލޭމެން ބޭރަށް ނުކުންނަށް ޖެހިލުން ނުވޭތަ؟ ﷲ ތައާލާ ކޯފާގެ ގަދަކަން ހަނދާންކޮށްލިއްޔާ ކީއްވާނީ.
އެމްސް
06 August 2022
ހުރިހާ ގެއްލުމެއް ރަޢިއްޔަތުންނަަށް، އެމްއެމްޕީއާރުސީންވެސް ގެއްލިގެން އުޅެނީ ބިލިޔަނުން އެކަމަކު ނެގި މީހެއް ނެތް! ޔާމީންގެ އެކައުންޓްގަވެސް 100 މިލިޔަނުން ފައިސާ ހުންނަ ކަމަށްވޭ! ކިހިނެއް އަންނަ އެއްޗެއްބާ؟
ކުރީގެ ބޯޅަ ބަލަން ދާ ކުރީގެ ދަނޑުކައިރީގެ ހުރި ކުރީގެ މަގު!
06 August 2022
ލަގެޖުން ފެނުނު ޑްރަގްސް އަކީ ލަގެޖުގެ ވެރިފަރާތައް ޒިންމާ ނުކުރެވޭ ގައުމެއްގާ، މީހަކު ބުނާ ބަހެއްގެ ސަބަބުން އެހެންމީހަކު ވައްކަން ކުރިކަމުގެ ޒިންމާ އަޅުވާނެ ގޮތެއް ނޯންނާނެ! “އޭނަ އެބުނަނީ ކުރީގެ ވާހަކައިގައި އުޅޭ ކުރީގެ ސަފަރު ކަތްދަގެ މާމަ ކިޔާ ކުރީގެ އުޅޭ ހުސޭނުގެ ފުރަތަމަ ޅިއަނުގެ ކުރީގެ ދޮންދީގެ ގެ ވާހަކަ. އެއީ ކުރީގެ ކަތީބުގެ ދޮށީ އަނބީގެ، ހަތަރުވަނަ ދަރިއާ ކައިވެނި ކުރި އަލީގެ ކުރީގެ އަލަތު އަނބީގެ ވާހަކަ!”
މުލީ
05 August 2022
ޔާމީނާ އެއްވަރުގެ ވެރިކަމެއް ނުކުރެވޭނެ!
އަލީހަމީދު
05 August 2022
ވަގު ވެރިކަމެއް؟
އަޙުމަދު.
05 August 2022
މުލީ ތިބުނީ ތެދެއް. ދައުލަތުގެ ފައިސާއިން އެވަރަށް ވައްކަން ކުރި ވެރިއަކު ވެރިކަމެއް ނުކުރެ.
ކަލޯ
05 August 2022
ގަލޫ. ވައްކަމަށްވަނީ ވަކި ބަޔަކު ކުރީމަތަ. ތިޔަ ހެކިބަސް ދޭ މީހުން ވައްކަން ކުރިކަމަށް ނުވަނީތަ. ވޯޓު ވިއްކި މީހުން ނެގި ލާރި ވައްކަމަށް ނުވަނީތަ. ކަލޯމެނަށް ވައްކަަމަށް މިވަނީ ކަލޯމެން ރުޅިއަރާ މީހަކު ކުރީމާ ދޯ. ވަރަށް ސަޅި.
ގުދޯ
05 August 2022
ކަލޯ ! ވައްކަން ވާނީ ކަލޭ ކުރިޔަސް މަކުރިޔަސް ޔާމީން ކުރިޔަސް ވައްކަމަށް. ވަގުން ނާ އެއް ކަމެއް ވެސް ހަވާލު ނުކުރެވޭނެ. ތިމީހުން ދަރިން އަތުން ވެސް މައިން ބަފައިން އަތުންވެސް ވައްކަން ކުރާނެ އަބަދުވެސް.
އޮއިއްޓޭ
05 August 2022
މި އާރޓިކަލް ކިޔާލުމުން ދޭހަވަނީ ނޫސްވެރިންނަށް ބައެއްވާހަކަތައް އަޑުއިވި އަނެއްބައި ނީވޭކްން އޮއްޓޭބުނި ހަވާލުކުރީ 10 ބޮނޑީކަން އެބޮޑިތައްހުރީ 500ރ ގެ ނޫޓްގައިކަން ކޮންމެ ބޮނޑިއެއްގައި އިނީ 50000ރ ކަން ދެން ކިހިނެތްތޯ މިލިޔަނެއް ހަމަކުރީ؟ ހިސާބްޖަހަން ނޫސްވެރިޔާއަށް ނޭނގުނީތޯ؟
2023
05 August 2022
އަބްލާހި ޔާމީނު ކާނެ ލިމިޓެއް ކަނޑައަޅާފަ ނަމަވެސް އަލުން ރައީސް ކަމަށް ލާންޖެހޭ
ްެއެފައިސާ
05 August 2022
އެއީ އަދި އެކައުންޓަށް ނުވަންނަ ފައިސާ. އެވާހަކަ ދައްކައިގެންވެސް ނުވޭ. ހަގީގަތަކީ އޭނަގެ އެކައުންޓަށް ވަދެފައި ހުންނާނީ ޑޮލަރު ވިއްކައިގެން ލިބުނު މަދު ފައިސާކޮޅެއް. ބިންގަރާސްކޮށްގެން ފައިސާ ގެންގުޅެވޭނެ މަގުވެސް އެބައޮތް.
ހިމާރުލްގައުމު
05 August 2022
މޯދީގެ ޕަޕެޓް ސާލިހު އޮއިއްޓޭ ގާތު ހެކިބަސް މިހެން ދޭށޭ ކިޔާފަ ފިލާވަޅު ނަގައިދިނީމަވެސް އޭނަ އެ ހިތުދަސް ނުކުރިކަން ސާބިތުވި އިއްޔެ
ބިގަރޭ
05 August 2022
މިވަރުގެ މީހަކު އަނެއްކާ ވެރިކަމައް ގެންނަން ބަޔަކު މިއުޅެނީ...ކީކޭ ބުނާނީ
ގުބަރޭ
05 August 2022
މިވަރު ނޫން މީހަކީ ކޮބާ؟
އަލިޕާ
05 August 2022
މިނޫ މީހެއް ނެތެއްނު. މީނަވާކައިގެން އަހަރުމެން ނަށް ކޮންމެވެސް ރަހަ ކޮޅެއް ލިޔޭ.
ޢެޑްމުންޑޯ
05 August 2022
ޔާމީނު ދައުލަތުގެ ފައިސާ އަށް ޚިތާނާތްތެރި ވީކަމެއް ނުވާކަމެއް ނޭގެ ، ނަމަވެސް އެގޭ އެކައްޗަކީ މިސަރުކާރުން އެކިގޮތްގޮތުން މީހުންލައްވާ ދޮގު ހެކިބަސްދީގެން ދިއުޅިއެއްނުވާ ޝަރީއަތްތަކެއް ކުރަމުންދާކަން ، ހެކިބަސް ދޭމީހާއަށްވެސް ދެއްކޭވާހަކައެއް ނޭގޭ ، ޝަރީއަތްކުރާ ފަނޑިޔާރުންނަށްވެސް މިކަން އެގޭނެ ! ފުރިހަމަ ހެއްކާއި ގަރީނާއިއެކު މައްސަލަ ހުށަހަޅާ އަދަބު ލިބެންޖެހޭ މީހާއަށް ހައްގު އަދަބު ހޯދާނުދެވޭ ކަމަށްވާނަމަ ، ދެން ކޮންސަކަރާތެއް މިޖަހަނީ !
އަޑަބާޑިމާޑި
05 August 2022
ވަރަށް މޮޅު. އޭނަ ހުދުކާފޫރަށްވީ
ރަދީފްއޮފިޝަލް
05 August 2022
އެއްޗެއް ނޭގުމަކީ ކަލޭގެ ގަޅިކަން.