އަލިފާނުގެ ހާދިސާ ހިނގި ގަރާޖު: އެ ގަރާޖަކީ ހުއްދަ ނުނަގާ ހިންގާ ތަނެއް -- ފޮޓޯ: ފަޔާޒް މޫސާ | މިހާރު
14 ނޮވެމްބަރ 2022 - 16:22
13 comments
މ. ނިރުފެހި ގޭގައި މިދިޔަ ބުދަ ދުވަހުގެ ރޭ ހިނގި އަލިފާނުގެ ހާދިސާގައި އެންމެ ފުރަތަމަ އަލިފާން ރޯވީ ގަރާޖުގައި ކަމަށާއި އެއްޗެއް ގޮވައި، ދޮޅު މިނެޓްގެ ތެރޭގައި މުޅި ގޭގައި ހުޅު ހިފި ކަމަށް ފުލުހުން މިއަދު ބުނެފި އެވެ.
އިސްކަންދަރުކޮށީގައި ބޭއްވި މީޑިއާ ބްރީފިންއެއްގައި އިންސްޕެކްޓަ އޮފް ޕޮލިސް މުހަންމަދު ސާމީ ވިދާޅުވީ އެ އިމާރާތުގެ އެތެރެ ހަދާފައި ހުރީ ފިލައިން ކަމަށާއި އޭގެ ތެރެއިން އެއް ފްލޯގައި ހަތަރު ކޮޓަރި، އަނެއް ފްލޯގައި އަށް ކޮޓަރި ހަދާފައިވާ ކަމަށެވެ. އެ ތަންތަން ވެސް ވަކިކޮށްފައި ހުރީ ފިލައިން ކަމަށް އޭނާ ވިދާޅުވި އެވެ. އެއީ ވިއްސަކަށް ފޫޓު، ތިރީސް ފޫޓުގެ ތަނެއް ކަމަށް ވެސް ފުލުހުން ބުންޏެވެ. އަލިފާނުގެ މި ހާދިސާގައި 10 ބިދޭސީއަކު މަރުވި އެވެ. އެއީ އިންޑިއާގެ 8 މީހަކާއި ބަންގްލަދޭޝްގެ ދެ މީހެކެވެ.
ސާމީ ވިދާޅުވިގޮތުގައި، އަލިފާން ރޯވި ގަރާޖު ހިންގުމުގެ ހުއްދަ ސަރުކާރުން ދީފައި އޮތީ ހުޅުމާލޭގަ އެވެ. އެހެންވެ، އެ ތަން ހިންގަނީ ގަވައިދާ ހިލާފަށް ކަމަށް ވާތީ އެކަން ވެސް ވަކިން ތަހުގީގު ކުރަމުން އަންނަ ކަމަށް އޭނާ ވިދާޅުވި އެވެ.
"އަލިފާން ރޯވުމާއެކު ހުޅުގަނޑު އިމާރާތުގެ އެހެން ބައިތަކަށް ފެތުރިގެން ދިޔަ. އޭގެ ދެ މިނިޓު ފަހުން ފުލުހުން އެ ތަނަށް ދިޔަ. އެމްއެންޑީއެފާ ގުޅިގެން އަލިފާން ނިއްވާ މީހުން ސަލާމަތް ކުރުމަށް ކުރެވެން ހުރި ހުރިހާ މަސައްކަތެއް އެ ވަގުތުން ފެށިގެން ކުރަން ފެށި،" ސާމިހު ވިދާޅުވި އެވެ.
އޭނާ ވިދާޅުވީ އެ ގެއަށް ބޭރުން ވެސް މީހުން ގޮސް އުޅޭ ކަމަށެވެ. އެކަމަކު އޭގެ ތަފުސީލެއް ނުދެއްވަ އެވެ.
"އަލިފާން ފުރަތަމަ ރޯވީ ގަރާޖުގައި ކަމަށް މި ބެލެވެނީ. އެ އަށް ފަހު ހުޅުގަނޑު މުޅި އިމާރާތަށް ފެތުރެން ނެގީ ދޮޅު މިނެޓެއް ހާއިރު،" ސާމިހް ވިދާޅުވި އެވެ.
އޭނާ ވިދާޅުވީ، ބުދަ ދުވަހުގެ ރޭ ދަންވަރު 12:30 ހާއިރު އެ ގޭގަައި އަލިފާން ރޯވިއިރު، އެ ތަނުގައި ތިބީ 26 މީހަކު ކަމަށެވެ.
"އިމާރާތުގައި ރޯވެފައި ވަނީ ކުއްލިއަކަށް. ބާރު އަޑުފައްގަނޑެއް އިވުމާއެކު ގަރާޖު އެތެރެއަށް ހުޅު ފަޅައިގެން ގޮސް. އޭރު ވެސް ގަރާޖުގެ މައި ދޮރު ހުރީ ތަޅުލާފައި. ނަމަވެސް އެ ގަރާޖަށް ވަންނަން ހުރޭ އެ ގޭގައި އިތުރު ދޮރެއް،" ސާމިހު ވިދާޅުވި އެވެ.
މަރުވި މީހުންގެ ހަށިގަނޑުތައް އެ މީހެއްގެ ގައުމަށް އާއިލާ އަށް ފޮނުވަން ސަރުކާރުން ވަނީ ނިންމައިފަ އެވެ. މިހާތަނަށް އިންޑިއާގެ ތިން މީހެއްގެ ހަށިގަނޑު ވަނީ އެ ގައުމަށް ފޮނުވާލައިފަ އެވެ. ބާކީ ތިބި މީހުންގެ ހަށިގަނޑުތައް އެ ގައުމުތަކަށް ފޮނުވުމަށް މަސައްކަތް ކުރަމުން އަންނަ ކަމަށް ވެސް ފުލުހުން މިއަދު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޗީ
15 November 2022
ގަރާޖް ހިންގަން ހުއްދަދިނީ ހުޅުމާލޭގަޔޯ ، އަދިވެސް އެކަން ތަހްޤީގު ކުރަނީޔޯ ... ތިމީހަކު މިހާރު އޮންނަން ޖެހޭނީ ކުޑަގޮޅީގައި. 10 މަރު ގެ ޒިންމާ ނަގަންޖެހޭނެ. މީގެ އިތުރުން އޭނައެބަބުނޭ އެތަން ހިންގާތާ 2 އަހަރުވީ ވާހަކަ. ކާކުތޯ ބަލަނީ މާލޭގައި ހިންގާ މިކަހަލަ ތަންތަން ހިންގަނީ ހުއްދަ ނަގައިގެންތޯ އާއި ތަންހުރީ މިންގަނޑުތަކަށް ފެތޭގޮތަށްތޯ. މިކަމުގެ ޒިންމާ ނަގަނީ ކާކިތޯ. ހުއްދަ ނުނަގާ ހިންާ ވަޑާންގެ ތަކާ ގަރާޖް ތަށް ބައިވަރު. ބަލާނެ މީހަކު ނެތް.
765432
15 November 2022
ތިބިމުގެ ވެރިފަރާތްވެސް ޒިންމާކުރުވާ.ގޯތީގެ ރަޖިސްތަރީ ބާތިލްކޮއް އެމީހުންގެ ނަން ހާމަކުރޭ.
ވިލާ.
15 November 2022
ކީކުރަން ބޯހިމެނީ ދެން
2000
15 November 2022
އެތަނުގައި ގަވާއިދާ ޚިލާފަށް އުޅުނު އެންމެން ޑީޕޯޓް ކޮށްލާ. އެތަނުގައި ގަރާޖު ހިންގި މީހުން އަތުން މަރުގެ ދިޔަ ހޯދާ. އަދި އިމާރަތައް ލިބުނު ބަދަލު ހޯދާ. ޤަވާއިދާ ޚިލާފަށް ބޭރު މީހުން ބޭތިއްބި މީހާ އަށް ތ. އަތޮޅު އުޅެން އުދަގޫ ރަށަކަށް ފޮނުވާލަ.
ސައިލާބް
14 November 2022
މިއަހަރު މޭ މަހުގެ 5 ވީދުވަހު ތިޔަތަނުގަ ރޯވެގެން އެމް އެން ޑީއެފް ފަޔަރުން އައިއްސަ ނިއްވާލީ އެފަހަރު ކީއްވެބާ ނޭގުނީ ގަރާޖު ހުއްދަ އޮތީ ހުޅުމާލެއަށް ކަން. 6 މަސްތެރޭގަ 2 ވަނަފަހަރަށް ތިޔަރޯވީ. ޖުމްލަ 3 ފަހަރު.
ސިމްޕަލް
14 November 2022
ހުޅުމާލޭގައި ހިންގަން ހުއްދަ ދީފައިވާ ގަރާޖެއް 2 އަހަރު މާލޭގައި ހިންގުން - މިކަމުގެ ޒިންމާ ނަގާނެ މީހަކުވެސް ނުހުންނާނެ. މާލޭގެ ކިތައް ގޭގައި، ބުރިބުރިއަށް އިމާރާތް ކުރަން ހުއްދަ ނަގާއިރު، ތިރީގައި ޕާކިންއަށް ގަރާޖަކަށް ހުންނާނެ ކަމަށް ކުރެހުމުގައި ހުންނަތަން، އިމާރާތް ނިމޭއިރު، ފިހާރައަކަށް ބަދަލުވެފައި ހުންނަނީ؟ ނޫނީ ހުއްދަ ލިބޭ ކުރެހުމުގައި ޓެރަހެއް ގޮތަށް ހުންނަތަނުން އިތުރު 2 ބުރި އިމާރާތްކުރެފިފައި ހުންނަނީ؟ މިއީ ބޮޑުވެގެންވާ ޖާދުލެއް.
ސާމީ
14 November 2022
ބުރޯ! ސާމީ އެއް ނޫން ސާމިޙު.
ކިމް
14 November 2022
ކުރިން ނޫހުން ކީން 28 ކޮޓަރިއޭ….މިހާރު 4+8
ލަބީދު
14 November 2022
މުއިއްޒޫ ތަމެން އެކްޓިވޭޓު ވަނީ ކޮން އިރަކުން
ސަސ
14 November 2022
އެންމެ ފަހުން މި ކުރިޔަށް ގެންދިޔަ ބޯ ހިމެނުމުގަ ތިޔަ ގޭގެ މައުލޫމާތު ނެގުނު ބާ، އަނެއް ކޮޅުން ހުއްދަނެތް ގަރާޖެއް 2 އަހަރު ހިންގި އިރު ހިލަމެއްވި ހަމަ އެންމެ އިދާރާއެއް ނެތުމަކީ ގައުމީ ސަލާމަތަށް ނުރައްކާ ވުން