އަލިފާނުގެ ހާދިސާގައި މަރުވި މީހުންގެ ހަށިގަނޑު ގައުމަށް ފޮނުވާލުމަށް އެމްއޭސީއެލްގެ މުވައްޒަފުން ހަރަކާތްތެރިވަނީ.--
20 ނޮވެމްބަރ 2022 - 11:11
1 comments
މ. ނިރުފެހިގޭގައި ހިނގި އަލިފާނުގެ ހާދިސާގައި މަރުވި މީހުންގެ ހަށިތައް އެ މީހުންގެ ގައުމަށް ފޮނުވާލާފައިވާ ކަމަށް ފުލުހުން މިއަދު ބުނެފި އެވެ.
ގްރައުންޑް ފްލޯއާ އެކު ތިން ބުރިއަށް ހަދާފައި ހުރި ނިރުފެހި ގޭގައި މި މަހުގެ ނުވަ ވަނަ ދުވަހުގެ ރޭ ދަންވަރު ހިނގި އަލިފާނުގެ ހާދިސާގައި 10 ބިދޭސީއަކު މަރުވި އެވެ. އެއީ އިންޑިއާގެ 8 މީހަކާއި ބަންގްލަދޭޝްގެ ދެ މީހެކެވެ.
ފުލުހުން ބުނި ގޮތުގައި އެ ހާދިސާގައި މަރުވި އެންމެންގެ ހަށިތައް މިހާރު ވަނީ އެ މީހަކު ނިސްބަތްވާ ގައުމަކަށް ފޮނުވާލައިފަ އެވެ.
މި ހާދިސާގައި އަނިޔާވި އެކަކަށް ވެންޓިލޭޓަރުގައި ދަނީ ފަރުވާ ދެމުންނެވެ. އޭނާގެ ހާލު ސީރިއަސް ކަމަށް އައިޖީއެމްއެޗުން ބުނެ އެވެ.
ފުލުހުން އެންމެ ފަހުން އާންމުކޮށްފައިވާ މައުލޫމާތަށް ބަލާއިރު، އެ ރޭ ދަންވަރު 12:30 ހާއިރު އެ ގޭގަައި އަލިފާން ރޯވިއިރު، އެ ތަނުގައި ތިބީ 26 މީހެކެވެ. މިހާތަނަށް މާލޭގައި ހިނގި އަލިފާނުގެ އެންމެ ނުރައްކާތެރި މި ހާދިސާގައި އެންމެ ފުރަތަމަ ރޯވި ގަރާޖަކީ ގަވައިދާ ހިލާފަށް ހިންގަމުން ދިޔަ ތަނެކެވެ. ފުލުހުން ބުނި ގޮތުގައި އެއީ ހުޅުމާލޭގައި ހިންގަން ހުއްދަ ދީފައިވާ ގަރާޖެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭޒީ މޯލްޑިވްސް
20 November 2022
އެއްވެސް ކަމެއް ނުހިގާހެންހިވާވަރަށް ތަނަށް ބަދަލުގެނެސް މަރުވި ހަށިގަޑު އެމީހުންގެ ގައުމަށްފޮނުވާ ވަރަށް ކަންތައް ކުރެވިއްޖެ. ސުވާލަކީ، މިހާދިސާގެ އަލީގައި މިހާލަތުގައި ހުރި ހުރިހާތަންތަން ބަލާ ފާސްކުރިވިއްޖެތޯ؟ ކިތައްބަޔަކަށް އިންޒާރުދެވި ކިތައް މީހުން ގަވާއިދާއި ޚިލާފުވުމުގެ ސަބަބުން ސަސްފެންޑުކުރެވިފައިވެތޯ؟ ޒިންމާދާކޮށް ކަންތައް ނުކުރެވެންޏާ އަނެއްކާވެސް އަޑުއިވޭނީ އިންސާނުންތަކެއް ކޮޓަރިތަކެއްގައި ދަރަށްވެ އަނދާ ހުލިވިވާހަކަ؟