ސަލްމާން މިސްކިތުގެ އޭސީތައް ރަނގަޅުކޮށް މި މަހުގެ 25 ގެ ކުރިން ނިމޭނެ: މިނިސްޓްރީ

ހުކުރު ނަމާދައް ސަލްމާން މިސްކިތައް ގިނަ އަދަދެއްގެ ބަޔަކު ޖަމާވެފައި: އެ މިސްކިތުގެ އޭސީތައް ހަލާކުވެ ބޭނުން ނުކުރެވޭތާ އެތައް ދުވަހެއް ވަނީވެފައި.-- ފޮޓޯ: ފަޔާޒް މޫސާ | މިހާރު

ފާތިމަތު އަޖްފާން، މިހާރު

05 ޑިސެމްބަރ 2022 - 16:19

6 comments

ކިންގް ސަލްމާން މިސްކިތުގެ އޭސީތައް މަރާމާތުކުރުމުގެ މަސައްކަތްތައް މި މަސް ނިމުމުގެ ކުރިން ނިންމައިލެވޭނެ އިސްލާމިކް މިނިސްޓްރީން މިއަދު ބުނެފި އެވެ.

އެ މިސްކިތުގައި ނަމާދުކުރަން ބޭނުންކުރާ ދެ ފަންގިފިލާ އަށް ވެސް ފިނިކުރަން ބޭނުންކުރާ ހަތަރު ޔުނިޓުގެ ތެރެއިން ތިން އޭސީ ޔުނިޓު ހަލާކުވެފައިވާތާ ދުވަސްތަކެއް ވެއްޖެ އެވެ. އެހެންވެ، ގިނަ ބައެއްގެ ޝަކުވާ ވަނީ އިތުރުވެފަ އެވެ. ހާއްސަކޮށް ހުކުރު ދުވަސްތަކުގައި މިސްކިތަށް ދާއިރު އޭސީތައް ހަލާކުވެފައި ހުރުމުން ދަތިތައް ކުރިމަތިވާ ކަމުގެ ޝަކުވާތައް ބޮޑެވެ.

ސައޫދީ އަރަބިއްޔާގެ ރަސްގެފާނުގެ އަމިއްލަފުޅު ހަރަދުގައި އިމާރާތްކޮށްދިން މިސްކިތުގެ އޭސީތައް މަރާމާތު ކުރުމަށް ހަވާލުކޮށްފައި ވަނީ ތުރުކީ ވިލާތުގެ ޓެކްނީޝަނުންގެ ޓީމަކާ އެވެ.

އިސްލާމިކް މިނިސްޓްރީގެ ޑެޕިއުޓީ މިނިސްޓަރު ޝާފިއު އަލީ "މިހާރު" އަށް ވިދާޅުވީ އެ މިސްކިތުގެ އޭސީ މާރާމާތު ކުރުމުގެ މަސައްކަތް ލަސްވަނީ ރާއްޖެ އިން ބޭރުން ގެންނަން ޖެހޭ ބައެއް ތަކެތި ނުލިބުމުން ކަމަށެވެ.

ސަލްމާން މިސްކިތުގެ އެއަރކޮންޑިޝަންސިސްޓަމަށް ދިމާވެފައިވާ މައްސަލަ ހައްލުކުރުމުގެ މަސައްކަތް ތުރުކިޔޭ ވިލާތުގެ ޓެކްނީޝަނުންގެ ޓީމުން މިހާރުވަނީ ފަށާފަ. pic.twitter.com/Ny3GP13SuJ
— Ministry of Islamic Affairs (@MVIaffairs) November 15, 2022

"ރާއްޖެ އިން ބޭރުން ގެންނަންޖެހޭ ތަކެތި މި މަހު 15 ގެ ކުރިން ލިބޭނެ. މުޅި މަސައްކަތް އެއްކޮށް މި މަހު 25 ގެ ކުރިން ނިންމާލެވޭނެ ކަމަށް ކޮންޓްރެކްޓަރު މައުލޫމާތު ދޭ،" އޭނާ ވިދާޅުވި އެވެ.

އިސްލާމިކް މިނިސްޓްރީ ކިންގް ސަލްމާން މިސްކިތް މިސްކިތްތައް

6 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުޖުތާޒު

06 December 2022

ޢެހެންވާނީ ކަޓުދޭފަރާތަކަށް ނޫނީ އެއްޗެށްގަންނަނަންވެސް ހަވާލުނުކުރާނެ އެއްޗެށްއަންނަންވެސް ނަގާނެގަރުނެށް އަދިއެތަށްފަހަރަކު ކަޓުނަގައިގެން އަންނާނީ މިއޮތީވާމޮޅުސަރުކާރެށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިސްޓީ ބޮވޭތޯ ބަލާ

06 December 2022

ތަންތަން ބަލަހައްޓަން ތިބި މީހުންގެ ކަމީނާ ކަމުން ބޮޑު ވޭނަކަށް ވެފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދުު

06 December 2022

މުހިއްމީ ހަމަ އެކަނި ހެދުމެއްނޫން.... ދެންވެސް މައްސަލަޖެހިއްޖިއްޔާ ތުރުކީ އިން މީހުން ނުގެނެސް ދިވެހިންނަށްވެސް ތި އޭސީ ތައް ސާރވިސް ކުރެވޭނެ އިންތިޒާމް ހަމަޖެއްސުންވެސް ވަރަށް މުހިއްމު.. ދެ ތިން މަސް ކުރަިއަށް އޮތީ ރޯދަމަސް. އެނެއްކަ ރޯދަމަހާ ދިމާކޮށް ތި އޭސީ ތައް މައްސަލަ ޖެހިްޖިއްޔާ، ތުރުކީ އިން މީހުން ގެނެސް ހަދަން ވެއްޖިއްޔާ، ހަދާ ނިމޭނީ ދެން އަންނަ ރޯދަ އަކަށް ކަންވެސް ނޭނގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަހޭ،

06 December 2022

މިވަރުކަމެއްވެސް ރައްޔިތުން ހަޅޭ ފަލޭލަވައިގަތީމާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލަފީ

05 December 2022

މިސްކިތް އޭސީ ކުރުމަކީ ބިދުއައެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބިރާ

05 December 2022

ކުދި ސިންގަލް ފްލޯ މިސްކިތުގައި އެސީކުރުމުގެ ބޭނުމަކީ ކޮބައިތޯ؟ ކޮންމެ ނަމާދަކަށް ވަންނަ ގިނަމީހުންނަކީ މުސްކުޅި ބޭފުޅުން ކަމަށްވާއިރު އެމީހުން ވަރަށް ގިނަފަހަރަށް ފިންޏަށް ކެއްކުރަން އުދަގޫވޭ. އެހެންނޫނަސް އެހާ ބައިވަރު މީހުން ވަންނަ ތަނެއް ވައި ބޭރުނުވާގޮތަށް ބަންދުކުރަން ޖެހޭބާ!!؟ ތިލަފުށީ ޖެޓީ ކައިރި މިސްކިތްވެސް ހުންނަނީ އެސީކޮށްފައި، ޖަމާއަތެއްގައި އެހާބައިވަރު މީހުންނެއް ނުތީބޭއިރު އެތަނުގެ އޭސީ ހުންނަނީ އަބަދު ޖައްސާފައި. ލާރި ގިނަވީތަ!