ދަރުމަވަންތަ ހޮސްޕިޓަލު ކައިރިން ލާފައި މީހަކު ދަނީ.-- ފޮޓޯ: މިހާރު
08 ޑިސެމްބަރ 2022 - 12:39
15 comments
ދަރުމަވަންތަ ހޮސްޕިޓަލުގައި ހަދާފައިވާ ހައިބްރިޑް ތިއޭޓަރު ބޭނުން ނުކުރެވި ދިގުލައިގެން ދަނީ މަރާމާތުކުރަން ބޭނުންވާ ތަކެތި ނުލިބޭތީ ކަމަށް އެ ހޮސްޕިޓަލުން ބުނެފި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުން 2.1 ބިލިއަން ރުފިޔާ އަށް ވުރެ ބޮޑު ހޭދައެއް ކޮށްގެން އިމާރާތް ކުރި 25 ބުރީގެ ހޮސްޕިޓަލުގައި މުހިއްމު އަދި ބޮޑެތި އޮޕަރޭޝަންތައް ކުރެވޭ ހައިބްރިޑް ތިއޭޓަރެއް ހަދާފައި އެބަހުއްޓެވެ.
ނަމަވެސް، މަސައްކަތް ނިިންމިތާ ހަތަރު އަހަރު ވެގެން ދިޔައިރު ވެސް އެ ތަންތަން ބޭނުންކުރަން ނުފަށާތީ އެތައް ބައެއްގެ ފާޑުކިޔުން ވަނީ އަމާޒުވެފަ އެވެ.
އެ ކަމާ ގުޅިގެން އައިޖީއެމްއެޗުން ކުރިން ބުނެފައި ވަނީ ހައިބްރިޑް ތިއޭޓަރު ބޭނުން ނުކުރެވި ދިގުލައިގެން ދަނީ، އެ ތިއޭޓަރުތައް ހުރި ފްލޯ، ކޮވިޑުގެ ބަލި މީހުންނަށް ފަރުވާ ދިނުމަށް ބޭނުންކުރާތީ ކަމަށެވެ. ކޮވިޑުގެ ހާލަތު ރަނގަޅުވުމުން އެ ތަންތަން ބޭނުންކުރަން ފަށާނެ ކަމަށް އޭރު ބުނެފައި ވެ އެވެ.
ނަމަވެސް، އެ ހޮސްޕިޓަލްގެ މީޑިއާ އޮފިޝަލަކު އިއްޔެ ވިދާޅުވީ އެ ތިއޭޓަރު ބޭނުން ނުކުރެވި މިހާރު ލަސްވަނީ ސްޕެއާ ޕާޓްސް ނުލިބިގެން ކަމަށެވެ.
"[ބޭނުން ކުރަން] ފަށަން މަސައްކަތް ކުރަމުން ދަނީ. އަދި ފެށޭނެ ވަކި ތާރީހެއް ބުނަން ވަރަށް ދަތި،" އޭނާ ވިދާޅުވި އެވެ.
ރާއްޖޭގައި ހުރި އެންމެ އަގުބޮޑު ހޮސްޕިޓަލްގެ ކަންކަން އެނގޭ މީހަކު "މިހާރު" އަށް ބުނި ގޮތުގައި 23 މިލިއަން ރުފިޔާގެ އަގުހުރި ސާމާނުގެ ތިއޭޓަރު ބޭނުން ނުކުރާތީ ބައެއް މެޝިންތަކުގައި ހުރީ ފަންގަސް ޖަހައިފަ އެވެ.
"މި ގޮތަށް ހެދީމާ އައިޖީއެމްއެޗްގައި ވަރަށް ހަރަދު ކުޑަކޮށް ކުރެވެން ހުރި އޮޕަރޭޝަންތަކަށް އާސަންދަ އިން އަދި އެންސްޕާ އިން ވެސް ބޮޑު ހަރަދެއް [ރާއްޖެ އިން ބޭރަށް] މި ކުރަނީ. މިގޮތަށް ވާން މި ޖެހެނީ ވެސް އޮޕަރޭޝަން ތިއޭޓަރު ބޭނުން ނުކުރާތީ،" އެކަމުގެ މައުލޫމާތު އެނގޭ އެ މީހާ ބުންޏެވެ.
ހައިބްރިޑް ތިއޭޓަރުގައި ކުރަން ހަމަޖައްސާފައިވަނީ ކާޑިއެކް އަދި ނިއުރޯ ސާޖަރީތަކެވެ. އެކަމުގެ ސްޕެޝަލިސްޓުން އައިޖީއެމްއެޗްގައި ތިއްބަސް، އެ އޮޕަރޭޝަންތައް ކުރައްވަން އެ ޑޮކްޓަރުން މިހާރު ދަނީ އަމިއްލަ އެހެން ހޮސްޕިޓަލްތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުތަނުން ފެއިލް
09 December 2022
މިސަރުކާރުގެ ސިޔާސަތަކީ އައިޖީއެމްއެޗް ރޫޅާލައި އެތާހުރި ސާމާނާއި ޑޮކްޓަރުންނާއި އެހެންތަންތަނަށް ގެންގޮސް އައިޖީއެމްއެޗް އަށް ބަރޯސާ ވުން ހުއްޓާލުން. ހުޅުމާލޭ ހޮސްޕިޓަލާއި އަތޮޅުތަކުގައި ތަރައްގީކުރަނީއޭ ކިޔައިގެން ޓްވީޓް ކުރާ ހޮސްޕިޓަލްތަކަށް އެތާހުރިސާމާނުކޮޅު ބަހައި ހުސްކޮށްފި. މިސަރުކާރު އައިފަހުން އައިޖީއެމްއެޗް އަށް ގެނައި އެއްވެސް ކުރިއެރުމެއް ނެތް. ޢެތަން އިދަޖެއްސުމަށްޓަކައި ކުރެވެން ހުރި ހުރިހާކަމެއް އެދަނީ ކކުރަމުން
ބަންދު
09 December 2022
ތިޔަތާ ވެރިޔަކަށް ލާފަ ތިހިރި ކުޑަ ބަންދޭ ތިތަނުން ބޭރު ނުކޮށް ތިތަން ރަނގަޅެއް ނުވާނެ. އޭނާގެ ކަމަކީ ހެދުނު ޓައި އަޅައިގެން ފޮނިކޮށް އުޅެފަ ނާސިދު އާއިއެކު ފަތިހު ދުވެފަ ދެން ތެޔޮ ބިޑި ބޮއެފަ. ހަރާމުން ހަރާމް ކުރާ އެއްވެސް ކަމެއް.
މުކޭ'
09 December 2022
ސާމާނު ލިބޭވަރަކަށް ވައްކަން ވަނީގިނަ
ފެންސު
08 December 2022
އެއްޗެކޭބުނީމަ ބުނާ މީހާ ގޯސްވާނީ. ކުރާނެކަންތައް ހުސްވެގެން މިހާރު ގޮސް އެހުރީ ގަތަރަށް ބޯޅަބަލަންގޮސް. އަދި އެބައުޅޭނު ދެވަނަ ދައުރެއް ހޯދަން. ލަދުހަޔާތުގެ ކަންފުޅެއްވެސް ހަމަ ނުހައްދަވަނީ ތޯއްޗެއް. އިރާދަކުރެއްވިއްޔާ މިފަހަރު ވޯޓުން ރަގަޅު ތަފާލެއް އަޅާލާނަން.
ހަރުމުދާ
08 December 2022
ބޭނުން ނުކޮށް ހުއްޓާ ކޮން ސްޕެޔަރ ޕާޓެއްތަ؟!!!!!
1000 ގުނައިން ފައިދާ ނާގާނަން ތި ޕްރޮޖެކްޓުން!
08 December 2022
މައްސަލައެއްނޫން. 20 މިލިއަން ޑޮލަރައް ބަޔަކާ ހަވާލު ކުރޭ! ގެނެސްދޭނެ 2 ހާސް ޑޮލަރުގެ ސާމާނު!
އަޖައިބުން
08 December 2022
ބަލަ އަލަށްވެސް ބޭނުންނުކުރާ ތަނެއް. ކުރީން ބުނީ އެއްވެސް ގެއްލުމެއް ނުލިބޭ ރަނގަޅަށް ބަލަހައްޓަމޭ. ދެން ކޮންކަމަކަށް ސްޕެއާ ހޯދަނީތި؟
ތަކުރުބެއްޔާ
08 December 2022
އާސަންދަ އެންސްޕާ އަދި ޕްރައިވެޓް ކްލިނިކް ތަކުން ތި ތަންތާ ތިބޭ ބޮޑުންނަށް ބައި އެޅޭނެ. ވީމަ ތިތަން ނުހުޅުވާނެ
ބޮސް ގެ ބޮސް
08 December 2022
ޢަމިއްލަ އެދުމުންފޯވެ ރައްޔިތުންނަށް ހަރާންކޯރުވާ ބަޔަކަށް ތި ތަން ފެެންނަން 4 އަހަރު ނެގީ...ފަންގަހާއި، ހިރަފުހާއި ދަބަރު ޖަހަންދެން އަނގަތަންމިނަށް ހުޅުވައިގެން ތިބީ..ރައްޔިތުންގެ ކިހާ ފައިސާއެއް ބޭކާރު ތިކުރީ..ދެން ތިޔަ ބޮޑުކުރީ ޓެކްސް..ކަނޑުކޮސް ވިޔަސް ބޮޑުވަރު
ރާއްޖެ
08 December 2022
ބޮޑުތަނުން ފެއިލް ވެފަ އޮތް ސަރުކާރެއް. ވެރިމީހާއަށް ވެސް މިތަން ފެނުނީ ހޮހަޅައެއް ހެން. ހަމަ ކަނޑު ކޮހެއް.