ހުކުރު މިސްކިތުގެ ގޯތިތެރޭގައި އޮންނަ ޕާކަށް ކުނި އަޅާފައި. ފޮޓޯ: މިހާރު
ތާރީޚީ އަދި ސަގާފީ ގޮތުން ފާހަގަކުރެވޭ ރާއްޖޭގެ އެންމެ މުހިއްމު އެއް ބިނާ ކަމަށްވާ ހުކުރު މިސްކިތުގެ ގޯތި ތެރޭގައި ހައްދާފައިވާ ބަގީޗާ ކުނި ގޮނޑަކަށް ވެއްޖެ އެވެ.
ހުކުރު މިސްކިތުގެ ގޯތިތެރޭގައި އޮންނަ ބަގީޗާ އަށް ކުނި އަޅާފައި. ފޮޓޯ: މިހާރު
މާލެ އަންނަ ޓޫރިސްޓުން ވެސް ޒިޔާރަތްކުރާ މި ތަނުގެ ގަސް ހައްދާފައިވާ ބައި ވަނީ ޕްލާސްޓިކް ފުޅި އާއި ކޮތަޅާއި ކާ އެއްޗެހި ހުސްކުރި އެކި ކަހަލަ އެއްޗެހި އަޅައި ގޮނޑުކޮށްފަ އެވެ. އޭގެ ތެރޭގައި ކަޕް ނޫޑްލްސް ހުސްކުރި ތައްޓާއި ކެފޭތަކުން ވިއްކާ ކާއެއްޗެހި އަޅައިފައި ދޭ ކަރުދާހު ފޮށި ވެސް ހިމެނެ އެވެ.
ހުކުރު މިސްކިތުގެ ގޯތި ތެރޭގައި އޮންނަ ބަގީޗާގެ ފެންގަނޑަށް ކުނި އަޅާފައި. ފޮޓޯ: ނިޝާން އަލީ/ މިހާރު
ބެލެވޭ ގޮތުގައި ބަގީޗާއާ އަޅާނުލައި ދޫކޮށްލާފައި އޮންނަތާ ގިނަ ދުވަސްތަކެއް ވެއްޖެ އެވެ. އެ ތަނުގައި ވިނަ ބޯވެ ގަސްތައް އެކި ގޮތްގޮތަށް ހެދިފައިވާ އިރު ތަރުތީބު ވެސް ވަނީ ގެއްލިފަ އެވެ.
ހުކުރު މިސްކިތުގެ ގޯތި ތެރޭގައި އޮންނަ ބަގީޗާ އަށް ކުނި އަޅާފައި. ފޮޓޯ: ނިޝާން އަލީ/ މިހާރު
އާއްމުންގެ ޒިންމާދާރުކަން ކުޑަކަމުން ބަގީޗާ ގޮނޑުކޮށްފައިވާ އިރު މި ތަނަށް ޒިންމާވަނީ ސަރުކާރުގެ ކޮން ފަރާތަކުން ކަމެއް ވެސް ނޭނގެ އެވެ. ހެރިޓޭޖް ޑިޕާޓްމެންޓާއި އިސްލާމިކް މިނިސްޓްރީ އާއި ހައުސިން މިނިސްޓްރީ އާއި މާލޭ ސިޓީ ކައުންސިލުން ވެސް ބުނީ އެ ބަގީޗާ އޮންނަނީ އެ ފަރާތްތަކުގެ ބެލުމުގެ ދަށުގައި ނޫން ކަމަށެވެ.
ހުކުރު މިސްކިތުގެ ވަޅު ތެރޭގައި ގަސްތަކުގެ މޫތައް ދިގުވެ މުޅި ވަޅުގައި ފެހި ބޯވެފައިވުމުގެ އިތުރުން ވަޅު ތެރެ އަށް ކުނި އަޅާފައި. ފޮޓޯ: ނިޝާން އަލީ/ މިހާރު
ހުކުރު މިސްކިތުގެ ބަގީޗާ. ފޮޓޯ: ނިޝާން އަލީ/ މިހާރު
ހުކުރު މިސްކިތުގެ ގޯތި ތެރޭގައި މަގުމައްޗަށް ފެންނަ ގޮތަށް ބަހައްޓާފައިވާ ބޯޑެއްގައި ލިޔެފައިވާ ގޮތުގައި "މާލޭގެ ހުކުރު މިސްކިތަކީ ދިވެހިންގެ އިސްލާމީ ވަހުދަތު އަދި ޖީލުތަކަށް ދެމިގެން އައިސްފައިވާ ދީނީ ތާރީޚަށް ހެކި ދޭ އެހާމެ މުހިއްމު އަދި ޚާއްސަ ބިނާއެކެވެ."
ހުކުރު މިސްކިތް: ދުނިޔޭގެ ތަރިކައިގެ ލިސްޓުގައި ހިމެނޭ ބިނާއެއް. ފޮޓޯ: ނިޝާން އަލީ/ މިހާރު
އެކަމަކު ބަގީޗާ އޮތް ހާލަތުން އެ ތަނުގެ ހައިބަތު ވަނީ ކުޑަވެފަ އެވެ.
އިތުރު ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހެއްވާ
16 January 2017
މިކަމަކީ ޑަސްބިނެއް ކިތަންމެ ޗާލާކީ ކޮށް ހަދާފަ ބެހެއްޓިޔަސް ހައްލުވާނެކަމެއް ނޫން. ހަމަ ދިވެހިންގެ ހަށީގަ ހަރުލާފަ ހުރި އާދައެއް މިއީ. ދެން އަނެއްކަމަކީ ތިހެން ހުންނަ އާސާރި ބިނާތަކާއި ތަންތަން ސާފުކުރަން ކަނޑައަޅާފަ ތިބޭ މީހުންގެވެސް ފަރުވާ ކުޑަކަން. ކުނިބުނި ގިނަވަނީ ކުނިކޮށް އަހަރުމެން ދިވެހިންނަށް ހަމަ އުޅެވޭތީވެ.
ައާދަންބެ
16 January 2017
ތީކީ އެއްވެސް ހާލެއްގައި ސިޔާސީ މައްސަލައެއް ނޫން. ގައުމުގެ ޒުވާނުން "ތަރައްގީ" ވެފަ ތިބި ވަރު ތި އެނގެނީ. މި ގައުމުގެ ގިނަމީހުަން ތަރައްގީ ވަނީ، ގެންގުޅޭ ފޯނާއި، ދުއްވާ ސައިކަލާ ލާ އަންނައުނުން. މަގުމަތީ ހުރެ ބޯލާ ދަޅު އެއްލާލާނީ އަތިޖެހުނުތާކަށް. މަގުމައްޗަށް ކުނި އެޅުން އޮންނަނީ އާދައަކަށް ވެފަ.
ޗިކުސް
16 January 2017
ރަސްފަންނު ސާފުކުރަން 2 މީހުން ތިބޭ އެކަމް އާރޓިފިޝިއަލް ބިޗްގަ ނުހުރޭ އެތަނުގަވެސް ހުސް ޕުލާސްޓިކް ކޮތަޅު، . ދުވަސްތަކެއް ނުވެ ، މި ކޮންކުރީޓް ޖަންގަލީ ކުނި ގޮނޑަކަށް ބަދަލްވެގެން ދާނީ.
އެހެލާނަ
16 January 2017
ވަކި އަންހެން ބޭފުޅަކު ކުރިން ބެލެހެއްޓެވި ބަގީޗާއެއްވީމަ އަޅާ ނުލަނީ، ނަން ބަދަލުކޮށްފަ އަޅާލާނެ ތޯއްޗެއް!
ވަޒަންބެ
16 January 2017
މާ ބިނުން މަނާ. ކުނިއެޅުން ހުއްދަ.
މާނިރު
16 January 2017
މީން ތަނެއް ބަލާނެ މީހެއް ނެތް. މުސާރަ ނަގައިގެން ގޭގައި ފޯނާކުޅެން އެންމެން. ދެން ކޮފީއާ ސިގެރޭޓުގައި ރޭގަނޑަު
ހެރިޓޭޖް
16 January 2017
މިއީތޯ ވޯލްޑް ހެރިޓޭޖް ގެ ދާއިމީ ލިސްޓުގައި ހިމެނުމަށް އެންމެ ބޮޑަށް މަސައްކަތްކުރަމުން އަންނަ އާސާރީ ބިނާއަށް ފަރުވާތެރި ވެވޭ ގޮތަކީ. އާޚިރުގައި މިތަން ބަލެހެއްޓުމުގެ ޒިންމާ އެއްވެސް ބައެއްގެ މައްޗަށް ނުވޭ.
ގެ ވެރިބެ
16 January 2017
ތިޔަ ތަނާ ގުޅުފަ ހުރި ތަންތަނަކީ ނޫސްތަކުން ދޭ ސަމާލުކަމަކުން ބަލަދު ވެރިފަރާތް ފެންނަ ތަންތަނެއްނުންތޯ. މުންނާރަށްވެސް ވީ މިގޮތް. ޝުކުރިްްޔާ. ރިޕޯޓް ލިއުއްވި ފަރާތަށް
ޢަލީ
16 January 2017
އެހިސާބު ކައިރީ ނުހުރޭ ކުނިއަޅާނޭ އެއްޗެއް ބަހައްޓާފަ. ކުނިއަޅާނެ އެއްޗެއް ދައްކާފަ ދެން ކުނިއަޅާ ވާހަކަ ކިަޔަން ރަގަޅު. އައިޑީކާޑެއް ލައިސަންސެއް ޕާސްޕޯޓެއް ހައްދަން ވިޔަސް ދާންޖެހޭނެ އެދިމާއަށް. ދިގު ކިއުތަކުގަ ނަންބަރު ނަގައިގެން މީހުންނުތިބޭނެ. ކޮންމެސް އެއްޗެއްބޯލާ ކާލާ ހަދަން ނުކުމެ ތިބެނި ތިޔަތަންތާގަ. އެއްވެސް މީހަކަށް ފަށޭހައެއްނުވާ ހުސްޕެކެޓެއް ނޫނީ ސިގިރޭޓް ފިލްޓަރެއް އަތައްލައިގެން އުޅެން. ދެން އޮތީ މީގެ އަނެއަކޮޅު، ދިވެހިންގެ ނުބައި ސިފަ. މީގެ ދެތިން އަހަރު ކުރިން ފެނުނު މާލެތެރޭ ޓަސްބިންތަކެއް ބެހެއްޓިތަން. އެކަމު މީހުން ކުރާކަމަކީ ގޭތެރޭ އުފެދޭ ކުނި ގޮނޑަށް ގެންދިޔުމުގެ ބަދަލުގައި އެޓަސްބިންތަކަށް އަޅާތަން. އެއީ ގޭތެރޭ އުފެދޭ ކުނިއަޅަން ހުރިއެއްޗެއްނޫންކަން އަމިއްލައަށްވެސް އެނގެންވާނެ. މިގޮތައް އަމަލުކުރާ މީހުންނާމެދު ފިޔަވަޅުއަޅާގޮތަށް މަގުތަކުގަ ކުނިއަޅާނެ އެއްޗެހި ބަހައްޓަންޖެހޭ. ހާއްސަކޮއް މީހުން ޖަމާވާ ތަންތާ.
ތަކުރުފާނު
16 January 2017
އަލީ ތިދައްކަނީ ވަރަށް ރަނގަޅު ވާހަކައެއް.. މަވެސް ދުށިން ވިލިމާލޭގަވެސް ނުކުލަޔާއި ރަތްކުލައިގެ ބޮޑެތި ޑަސްބިންތަކެެއް ބަހައްޓަފަ ހުރިތަން އެކަމަކު އެކަންތައްވެސް އެދިޔައީ ފަނުފުލުން ގަޑިއިރެއް ތެރޭގަވެސް އަހަރެން ހުވާކޮށްފާނަން މަދުވެގެން 4 މީހުންވެސް އެތަކެތި ބޭނުންކުރާނެހެންނެ.... މާލެސިޓީގަ ކުނި ފެންނަލެ މަދެއްނުވާނެ....... އެއީ ކަށަވަރުކަމެއް. ހާއްސަކޮށް މާލޭގައި ވަރަށް މަދުން ފެންނަނީ އެންމެން އޮފީސްތަކަށްދާ ގަޑީގަ މަގުމަތި ކުނިކަހަން ހަވާލުކޮށް ހުރި އިދާރާއިން އެމަސައްކަތް ކުރާތަން..... އެމަސައްކަތްވެސް ހުއްޓަލައިފިއްޔާ ކުނިބުނި ހައްތާވެސް ވާނީ ގިނަ............... ކޮންމެއަކަސް ވަރަށްދެރަ
ލަވްލީ
16 January 2017
މީ ފުކެއް ބޮޑުވަރު..