ދަރުމަވަންތަ އާ އިމާރާތް.-- ފޮޓޯ: ނިޝާން އަލީ/ މިހާރު
12 މާޗް 2023 - 15:17
55 comments
ދަރުމަވަންތަ ސްކޫލުގެ ދަރިވަރުން އަންނަ ހަފުތާގައި އާ އިމާރާތަށް ބަދަލުކޮށް، އަރަބިއްޔާ ސްކޫލުގެ ދަރިވަރުން އެ އިމާރާތަށް ބަދަލުކުރަން އެޑިއުކޭޝަން މިނިސްޓްރީން ނިންމައިފި އެވެ.
ދަރުމަވަންތަ ސްކޫލުގެ އެކްސްކޯ ޓީމުގައި ހިމެނޭ ބެލެނިވެރިއަކު "މިހާރު" އަށް މިއަދު ބުނީ، ވިލާ ކޮލެޖު ކުރިމަތީގައި ހަދާ އާ އިމާރާތަށް ބަދަލުވުމަށް، ވަގުތީ އިމާރާތުގައި ހުރި ތަކެތި އަންނަ ބުރާސްފަތި ދުވަހުގެ ކުރިން ނަގައި ހުސްކުރަން މިނިސްޓްރީން އަންގާފައިވާ ކަމަށެވެ.
ނަމަވެސް، ދިރާސީ އަހަރުގެ މެދު ތެރެއިން އަދި ގްރޭޑު 8،9 އަދި 10 ގެ ދަރިވަރުންގެ މޮކް އިމްތިހާނު ފަށާފައިވަނިކޮށް ކުއްލިއަކަށް ސްކޫލު ބަދަލުކުރަން ބެލެނިވެރިން ބޭނުން ނުވާ ކަމަށް އޭނާ ބުންޏެވެ.
"ކޮމްޕައުންޑެއް އަދި ހޯލެއް ވެސް ނެތް އާ އިމާރާތުގައި. އަޅުގަނޑުމެން ގޮސްފައި ބަލައިފިން. އެ ކަހަލަ ތަނަކަށް އަވަސް އަރުވާލައިގެން ބޭނުމެއް ނޫން ބަދަލުވާކަށް." ބެލެނިވެރިޔާ ބުންޏެވެ.
ދަރުމަވަންތައިގެ އާ އިމާރާތް އަޅަން އެސްޖޭ ކޮންސްޓްރަކްޝަން ކުންފުންޏާއެކު އެންމެ ފުރަތަމަ ސޮއިކުރީ ފެބްރުއަރީ 4، 2020 ގަ އެވެ. އެއް އަހަރުގެ ތެރޭގައި މަސައްކަތް ނިންމަން ހަވާލުކުރީ 74.9 މިލިއަން ރުފިޔާއަށެވެ.
ނަމަވެސް، ސްކޫލު ކުރެހުމުގައި މައްސަލަތަކެއް ހުރުމުން، އިތުރު 20 މިލިއަން ރުފިޔާގެ އެއްބަސްވުމެއްގައި މިދިޔަ އޮގަސްޓް މަހު ސޮއިކުރި އެވެ. އެއީ، އެ އެއްބަސްވުމުގައި ހިމެނޭ ފިނިޝިން މަސައްކަތްތައް 150 ދުވަހުގެ ތެރޭގައި ނިންމާ ގޮތަށެވެ.
އެނގިފައިވާ ގޮތުގައި ސްކޫލު ނުހުޅުވި ދިގުލައިގެންދާތީ މިނިސްޓްރީން އެންމެ ފުރަތަމަ މަސައްކަތްކުރީ އަންނަ ބުދަ ދުވަހު އާ އިމާރާތުގެ އެއް ބްލޮކް ބޭނުންކުރަން ފަށައި، އެ ތަނުގައި ކިޔަވައިދޭށެވެ. އެހެންވެ، އެސްޖޭ ކޮންސްޓްރަކްޝަނުން ވަނީ އެ ބްލޮކްގެ މަސައްކަތް ނިންމައި މިނިސްޓްރީއާ ވެސް ހަވާލުކޮށްފަ އެވެ.
ނަމަވެސް، ސްކޫލް ހުޅުވާ މުއްދަތާ ގުޅޭގޮތުން ދަރުމަވަންތައިގެ ބެލެނިވެރިން ފަހުން ސުވާލުކުރުމުން ބުނީ އާ އިމާރާތް ބޭނުންކުރަން ފަށާނީ ދިރާސީ އާ އަހަރާއެކު ކަމަށެވެ. އެކަމަކު، މިނިސްޓްރީގެ ވިސްނުން ފަހުން ބަދަލުވެގެން ދިޔައީ އެވެ.
އެކްސްކޯގެ މެމްބަރު ބުނީ ވަގުތީ އިމާރާތުގައި ދަރުމަވަންތައިގެ ދަރިވަރުން ކިޔަވާތާ ހަތް އަހަރުވެގެން ދާއިރު ވެސް، އާ އިމާރާތް އަވަސްކުރަން ސަރުކާރުން އެއްވެސް މަސައްކަތެއް ނުކުރާ ކަމަށެވެ. އޭގެ މިސާލެއްގެ ގޮތުން އޭނާ ނެގީ، އަމީނީ މަގުގައި ތާރު އެޅުން ލަސްވާތީ އެކަން އެމްޓީސީސީއާ ހަވާލުކުރުމަށެވެ.
"މިއޮތް ހުރިހާ ދުވަހު އަޅުގަނޑުމެން މި ތިބީ މަޑުން. މިނިސްޓްރީން ވެސް ބުނާނެ އެންމެ ބަސް އަހާ ބެލެނިވެރިން ތިބީ ދަރުމަވަންތައިގައޭ. އެކަމަކު ބެލެނިވެރިން ތިބީ މަޑުން ތިބޭ ގޮތަކަށް ނޫން." އޭނާ ބުންޏެވެ.
މެމްބަރު ބުނީ ސްކޫލު ހުސްކުރަން އެންގި ފަހުން އަރަބިއްޔާގެ އިސްވެރިން އެ ތަނަށް ގޮސް ސްކޫލު ބަލާފައިވާ ކަމަށެވެ.
އަރަބިއްޔާގެ ކަންކަމުގައި އިސްކޮށް އުޅޭ ބެލެނިވެރިޔަކު "މިހާރު" އަށް ބުނީ އެ ސްކޫލުގެ ދަރިވަރުންނަށް ދަރުމަވަންތައިގެ ވަގުތީ އިމާރާތް ހަމަޖައްސައިދޭނެ ކަމަށް ނުރަސްމީކޮށް މިނިސްޓްރީން ބުނެފައިވާ ކަމަށެވެ.
ނަމަވެސް، އެކަން ކުރެވޭނެ ދުވަހެއް ނޭނގޭ ކަމަށް މިނިސްޓްރީން ބުނެފައިވާ އަރަަބިއްޔާގެ ބެލެނިވެރިޔާ ބުންޏެވެ.
"ދަރުމަވަންތައިގެ އާ އިމާރާތަކީ އަރަބިއްޔާ މިހާރު ހިންގާ ތަނަށް ވުރެ ރަނގަޅު ތަނެއް." އޭނާ ބުންޏެވެ.
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާގެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި، ގެއްލުން ލިބިފައި ހުރުމުން މިދިޔަ އަހަރުގެ ޖެނުއަރީ މަހުން ފެށިގެން އެ ސްކޫލުގެ ކުދިން ވަގުތީ ގޮތުން ކިޔަވަނީ ފޮރިން މިނިސްޓްރީ ކުރިން ހިންގި އިމާރާތުގަ އެވެ. އެކަމަކު، އެ ތަނުގެ ހާލަތު ރަނގަޅު ނޫން ކަމަށް ބެލެނިވެރިން ބުނެ އެވެ. މިކަމާ ގުޅޭގޮތުން އެޑިއުކޭޝަން މިނިސްޓްރީގެ އެއްވެސް ބަހެއް ނުލިބުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިޝާމް
14 March 2023
ޢަރަބިއްޔާ ޖެހެނީ އުވާލަން. މިގައުމަކީ އިސްލާމިކް ގައުމެެއް.
ޙިސާމު
15 March 2023
އަރަބިއްޔާ އުވާލަން އުޅޭ މީހުން ވަރަށް ގިނަ، ހަމަ އެފަދައިން އަރަބިއްޔާ ދަމަހައްޓަން އުޅޭ މީހުން ވެސް ވަރަށް ގިނަ. އަހަރުމެން މިނުކުންނަނީ އަރަބި މީޑިއަމުގެ 2 ވަނަ ސްކޫލު ހުޅުމާލޭގައި އަޅަން. އަދި އަރަބިއްޔާ ސްކޫލު ހިންގަން ގާނޫނީ ގޮތުން މަޖުބޫރުވާ ގޮތަށް ހަދަން. ބަލަމާ ކޮންބަޔަކަށްތޯ ކާމިޔާބު ލިބޭނީ.
ބާސެލޯނާ
13 March 2023
އަސްތާ! ހާދަ ބޮޑު ޖިންނިއެެއްގެ ދުވަސް ދާނެތާ ތިބުނާ ދުވަހު! މަގޭ އިސްލާމް މުދައްރިސް ބުނެދިނީ ގިނިހިލަ އަކީ ޖިންނި އައް އަންނަ ހަމަލައެއްކަމައް! އެހެންނޫންބާ؟ ނޫންކަމައް ވަންޏާ، މުދައްރިސް ބުނެދިން ގިނަވާހަކަ އާ މެދު ސުވާލު އުފެދޭ!
ޕޭރަންޓިންގ
13 March 2023
އަރަބިއްޔާ ނޫނީ މި ގައުމުގައި ސްކޫލެއް ނެތްހެން ހީވަނީ.މި ސްކޫލް ބެލެނިވެރިންގެ ހުރިހާ ޑިމާންޑް ތަކަކަށް ސަރުކާރުން އެބަޖެހޭ ބޯ ލަނބަން
ވާނުވާ.
14 March 2023
އަރަބިއްޔާ ފަހަތުން އަޅައިގަނެގެބްން ސަރުކާރުތަކުން އަބަދު އެ ހުންނަތަނުންނެރެ އެތަން މިތަނަށް އުކަނީ. އަބަދުވެސް ހުންނަތަނަށް ވުރެ ހާލުދެރަ ތަންތަނަށް އަޅަނީ. އެހެންވީމާ އެމީހުންވެސް އަނގަގަދަ ކުރަނެދޯ؟ ފަލަސްޠީނު ނޫނީ ޤައުމެއް ނެތީތަ ދުނިޔޭގައި އެންމެން އެތަނުގެ ވާހަކަ ދައްކަނީ؟ އަބަދު ޑިމާންޑުތައް ކުރަނީ؟
ޕޭރެންޓް
13 March 2023
"ލޯބޯ" ރަންގަޅަށް ކިޔާބަލަ. އަރަބިއްޔާގެ ވާހަކަ އެއްނޫނޭ މިކިޔަނީ މިހުރިހާ ދުވަހު ނޫސްތަކުގަ ވަރަށް ގިނަ މީހުން އަރަބިއްޔާ ޕޭރެންޓްސް އައް އެއްޗެހި ކިޔާ ވާހަކަ މިބުނީ އެކަމަކު ކިހިނެއްހޭ މިފަހަރު މިވީ ދަރުމަވަންތަ ޕޭރެންޓްސް ބޭނުމެއްނުވި އޭ އާ އިމާރާތަކަށްވެސް ބަދަލު ވާކަށް އެތާނގެ ގްރައުންޑް ނުނިމޭތީ، ހީވޭ އަމިއްލަ ދަރިފުޅުގެ ހައްގުގަ ކޮންމެ މައެއް ބަފައެއް ތެދުވާނެ މިހާރު ދަރުމަވަންތަ ޕޭރެންޓްސް ކީކޭބާ ކިޔާނި އަރަބިއްޔާ ޕޭރެންޓްސް އަށް.
ދަރިމަވަންތަ
13 March 2023
ދަރުމަވަންތަ ހިންގާ ވަގުތީ އިމާރާތް ރަގަޅަސް އަރަބިއްޔާ ބެލެނިވެރިން ޖެހޭނެ ކޮންމެވެސް ހިތްހަމަ ނުޖެހުމެއް އުފައްދާ މުޒާހަރާއެއްވެސް ކޮށްލަން އިނގޭ އެއިރަށްދޯ އަރަބިއްޔާގެ މުހިންމުކަން އިނގޭނީ
އަރަބިއްޔާ ޕޭރެންޓެއް
13 March 2023
މިހާރު ދަރުމަވަންތަ ބެލެނިވެރިންދޯ ހިންމޮޅުކަމުން އާ އިމާރާތެއް ދިނީމަވެސް ބަދަލު ނުވާން އެ އުޅެނީ ނުނިމި ތަންކޮޅެއް ހުރީމަ. އަރަބިއްޔާ ދެކެ ފޫހިވިޔަސް ބޮޑުވަރު . އަހަރެމެން ދަރިން ހަމަ އަރަބިއްޔާ އަށް ފޮނުވާނި ދެފަން ޖައްސައިގެން ކިޔަވަދޭން ޖެހުނަސް ހެޔޮ އިންޓަނޭޝަލް ބޭނުމެއް ނޫން އިސްލާމީ ތަޢުލީމް ބޭނުންވަނީ. ޝުކުރިއްޔާ
ޥވވވ
13 March 2023
ތިބޭހުޅާއަށް ތިފެންނަނީ އެންމެ ފުށެއް. މިހަބަރުގަ މިއުޅެނީ އަރަބިއްޔާމީހުނަށް ހަޖމު ނުކުރެވިގެންތަ. ދަރުމަވަންތަ ބެލެނިވެރިންނަށްވެސް ހަމަ އުދަގޫވެ ށަކުވާދޯ އެކުރަނީ އެމީހުން އެއްޗެއްބުނީމަ އޯކޭ. ޢަރަބިއްޔާ އިންބުނީމަގޯސް. ހާދަ އިންސާފުވެރިޔޭ ބޭހުޅާގެ ނިންމުން.
ހަސަންސަބީލް
13 March 2023
ދެފަން ޖައްސައިގެންވެސް ކިޔަވަންފޮނުވަން ބުނާމީހުން އަބަދު ތިއުޅެނީ ސަރުކާރުންދޭ ތަން ކަމުނުގޮސްގެން މުޒާހަރާވެސް ކުރަނީ ތިވެރިން ހަމަ
ވަހީދުބޭބެ
12 March 2023
އެސްޖޭ އަކީ 140 މިލިޔަން ރުފިޔާއަށް ޒިކުރާ މިސްކިތްއަޅަން ހަވާލުވެ ކުރެހުމެއް އަކުރެއްގެ މައްސަލާގައި އިމާރާތް ނުކުރެވި، އެންމެފަހުން ދައުލަތުން ބަދަލުދޭން ޖެހުނު ކުންފުނި. އިބުރެތެއް ހާސިލު ނުކުރެވޭތޯ؟
އެސްޖޭ ޖުކާސް
13 March 2023
އެސްޖޭ އަކީ ހިންގަން ދަންނަ މީހުން ހިންގާ ކުންފުންޏެއް ދެން ދިވެހިރާއްޖޭގަ ހިންގަންދަންނަ ކުންފުންނަކަށް އޮންނާނީ އަމީން މިދެކުންފުނި ހިންގާ ޕްރޮޖެކްޓްތަކަށް، ޕްރިޖެކްޓް ފެށުމަށްފަހު އަބަދުވެސް އޮންނާނީ ކޮންމެވެސް ބަޔެއް އިތުރުވެގެން ބަދަލުވެގެން ބޮޑު ލާރިގަނޑެއް ދޭން ޖެހިފަ މިދެކުންފުނި ހިންގާ އެއްވެސް ޕްރޮޖެކްޓެއް ވަގުތަކަށް ނުނިމޭނެ އެކަމަކު ޖޫރިމަނާއެއްވެސް ނުވާނެ ވަގުތުބއިތުރުވެސް ކޮށްދޭނެ ހަމަ ނަސީބު ރަގަޅީ
ވާނުވާ.
14 March 2023
ދޭން ޖެހުމި އެއް ނޫން. ވެރިކަން ބަދަލުވީމާ ސަރުކާރުން އަމިއްލައަށް އެއްބަސްވެގެން ބޮޑު ބަދަލެއް ދިނީ.
ކޮމެންޓޭ1
12 March 2023
ދަރުމަވަންތަ ކުދިން މޮކް އެކްޒާމް ހަދަން ބައިތިއްބާފަ އަރަބިއްޔާ އާ ސްކޫލަށް ބަދަލު ކޮއްލާ. މައްސަލަ ހައްލުވީ
ސިމްޕަލް
12 March 2023
މާލޭގެ އެންމެ ބޮޑު އެއް ސްކޫލް މިހުންނަނީ މާލޭ ޖަލާ ޖެހިގެން. ކޮންކަހަލަ ޕްލޭނިންގެއް މިދަނީ.
ގރހދ
13 March 2023
ޖަލު ބަދަލުވަނީ އަރަބިއްޔާ މިހާރު ހިންގާ އިމާރާތަށް ރަގަޅުތަ މިގޮތް
ސސސފގރއެ
13 March 2023
މާލޭގެ ޖަލުގައި ބަޔަކު ތިބިކަމެއް ނެތް ކަމެއް އެތަނުގައި ނޫޅޭ މީހުންނަކަށް ނޭނގޭނެ. އަޑެއް ވަހެއް ނުދުވާނެ.
ކޮމްޕައުންޑް
13 March 2023
އޭރުން ކުދިންނަށް އެނގޭނެއެއްނު ސުކޫލުގަ ނުލަފާކޮން އުޅެފިއްޔާ ހަޔާތުގެ ކޮންމެވެސް ދުވަހަކުން ޖަލަށް ވަންނަން ޖެހޭނެކަން.
ބޮޑުމީހާ
12 March 2023
7 އަހަރު ވެގެން ދާއިރު ސްކޫލެއް ނޭޅުނަސް އެކަމާއި އަޅާލާނެ މީހަކު ނެތް. އެހެންނޫން އިންތިހާބަކާއި ދިމާކޮށް ކޮމަންޑޫއަށް އެކަނި 500 މިލިއަން ޚަރަދުކުރި
ޞެލެނި ވެރިއެް
12 March 2023
ކޮބާ އެއްކަލަ އަރަބިއްޔާ ބެލެނިވެރިންނަށް އެއްޗެހި ކީ ބެލެނިވެރިން ތިއުޅެނީ އާ އިމާރާތެއް ދިނީމަވެސް އެތާނގެ ގްރައުންޑް ނުނިމި ހުރީމަ ބަދަލު ނުވާން ވެގެން.
ލޯބޯ
13 March 2023
ލޮލަށް މިރުސް ފެން އެޅިފަތަ؟ އަރަބިއްޔާ ބެލެނިވެރިންތަ ކޮމްޕައުންޑު ނެތިގެން، ހޯލު ނެތިގެން އެއުޅެނީ؟ ދަރުމަވަންތަ ސްކޫލުގެ ކުދިން އާ ސްކޫލަށް (ދަރުމަވަންތަ ސްކޫލަށް) ބަދަލުކޮށްފަ ދަރުމަވަންތަ ސްކޫލުގެ ގޮތުގަ މިހާރު ބޭނުންކުރަަ ވަގުތީ ސްކޫލް އަރަބިއްޔާ ކުދިންނަށް ދޭ ވާހަކަ އޮތީ. ދަރުމަވަންތަ ސްކޫލުގެ ބެލެނިވެރިން ބޭނުން ނުވެގެން އުޅެނީ އާތަނަށް ބަދަލުވާން މިދަނޑިވަޅުގަ. މާ ބޮޑަށް ތި ކިޔަނީ ނޫސް. ވާނޗ
ދިލް
13 March 2023
ލޯބޯ ގެ ލޯބޯ ކޮށިކަން މިފެނުނީ. ލިޔެފަ އޮތް އެއްޗެއް ފަހުމެއް ނުވޭ ދެއްތޯ؟ އަރަބިއްޔާ ބެލެނި ވެރިންނަށް އެއްޗެހި ކިޔާފަ ގޮސް، އާ ސްކޫލެއް ދިނީމަވެސް ދަރުމަވަންތަ ސްކޫލުގެ ބެލެނިވެރިން މިހާރު ބޮޑާ ޖަހާވާހަކަ އެއޮތީ ބުނެފަ! މި ދަނޑިވަޅުގަ ބަދަލު ނުވަނީ އާ އިމާރާތުގަ ހޯލަކާ ކޮމްޕައުންޑެއް ނެތިގެން. ދަރިވަރުން އުފުލަންޖެހޭ ބުރައެއް ނެތް، މިއަދު އެ އިމާރާތުގަ މާދަމާ އާ އިމާރާތުގަ، ކޮކް އެގްޒާމް ހަދާ، ހަމަ ކިޔަވަންވީ!!