ގުރައިދޫގައި ބަހައްޓާފައިވާ ވޯޓު ފޮއްޓަކަށް ވޯޓުލުމުގެ ކުރިން މައުލޫމާތު ސާފުކުރަނީ: ގުރައިދޫގައި ދެ ވޯޓު ފޮށި، މާފުށީގައި ވެސް ދެ ވޯޓުފޮށި، ގުޅީގައި އެއް ފޮށި އަދި މާލޭގައި އެއް ވޯޓު ފޮށި ވަނީ ބަހައްޓާފައި.
15 އެޕްރީލް 2023 - 08:17
6 comments
ވާދަވެރި ސިޔާސީ ތިން ޕާޓީން ފޯރިގަދަ ކެމްޕޭނަކަށް ފަހު، ގުރައިދޫ ދާއިރާގެ ބައި އިލެކްޝަންގެ ވޯޓުލުން މިއަދު ފަށައިފި އެވެ.
ގުރައިދޫ ދާއިރާގެ ތިން ރަށް، ގުރައިދު އާއި މާފުއްޓާއި ގުޅީގެ އިތުރުން މާލޭގެ އިއްޒުއްދީން ސްކޫލްގައި ވޯޓު ފޮށި ބަހައްޓާފައިވެ އެވެ. ވޯޓުލުން ކުރިއަށް ގެންދާނީ ހެނދުނު އަށަކުން ހަވީރު ހަތަރަކަށެވެ.
ހެނދުނު 8 ޖެހުމާއެކު، ހުރިހާ ރަށެއްގައި ވެސް ވޯޓުލުން ވަނީ ފަށައިފަ އެވެ.
މާލޭގައި ތިބި ގުރައިދޫ ދާއިރާގެ މީހުންގެ ވޯޓު ފޮށި ބަހައްޓާފައި ވަނީ އިއްޒުއްދީން ސްކޫލްގަ އެވެ. އެ ފޮއްޓަށް 451 މީހަކު ވޯޓުލާން ޖެހެ އެވެ.
ގުރައިދޫ ދާއިރާ ބައި-އިލެކްޝަން ވާދަކުރައްވާ ރިޒާ (ކ) ޝާޒް އަދި އާރިފް.
ގުރައިދޫ ދާއިރާގެ ބައި އިލެކްޝަނެއް ބާއްވަން ޖެހުނީ، އެ ދާއިރާ ތަމްސީލް ކުރެއްވި ގުރައިދޫ ދާއިރާގެ މެމްބަރު އިބްރާހިމް ރިޒާ މިދިޔަ ފެބްރުއަރީ މަހު އަވަހާރަވުމުންނެވެ.
އެ ގޮނޑިއަށް މިފަހަރު ވާދަކުރައްވަނީ ގުރައިދު އަށް އުފަން ތިން ބޭފުޅުންނެވެ. ވޯޓުލުމުގެ ހައްގު 3،000 މީހުންނަށް ލިބެ އެވެ.
ޕާޓީތަކުން ވާދަކުރާ ކެންޑިޑޭޓުން
ހުސެއިން ރިޒާ (ޕީޕީއެމް)
އިބްރާހިމް ޝާޒް (އެމްޑީޕީ)
އަލީ އަރީފް (އެމްއެންޕީ)
ގުރައިދޫގައި ވޯޓުލާން ތިބި ބައެއް ޒުވާނުން އިށީނދެގެން.
ގުރައިދޫ ދާއިރާގެ ގޮނޑި ކާމިޔާބުކުރުން ތިން ޕާޓީއަށް ވެސް މުހިންމެވެ. މިއީ، މި އަހަރުގެ ސެޕްޓެމްބަރު މަހު އޮންނަ ރިޔާސީ އިންތިހާބުގެ ކުރިން މި ތިން ޕާޓީގެ ތެރެއިން އެ ދާއިރާގެ ތާއީދު އޮތް ބައެއް ވަޒަންކުރެވޭނެ އިންތިހާބެކެވެ.
މި ގޮނޑި ވޭތުވެދިޔަ 14 އަހަރު ކޮންޓްރޯލްކުރީ އިދިކޮޅު ޕީޕީއެމުންނެވެ. އެ ޕާޓީން ބުނަނީ ގޮނޑި ދިފާއުކުރެވޭނެ ކަަމަށެވެ. އެމްޑީޕީ އާއި އެމްއެންޕީން ވެސް ތިބީ ކާމިޔާބު ކުރެވޭނެ ކަމުގެ ޔަގީންކަމުގަ އެވެ.
މި ދާއިރާއަށް މެމްބަރަކު ހޮވަން 2019 ގައި ބޭއްވި އިންތިހާބުގައި ރިޒާ ގޮނޑި ކާމިޔާބުކުރެއްވީ 47 ޕަސެންޓުންނެވެ. އެމްޑީޕީއަށް ލިބުނީ 41 ޕަސެންޓެވެ. އެފަހަރު ވޯޓުލުމުގެ ހައްގު 3،139 މީހުންނަށް ލިބުނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
15 April 2023
ގޮނޑިއަށް މިފަހަރު ވާދަކުރައްވަނީ ތިން ބޭފުޅުންނެވެ. ވޯޓުލުމުގެ ހައްގު ލިބިގެން ވަނީ 3،000 މީހުންނަށެވެ. މި ދާއިރާއަށް މެމްބަރަކު ހޮވަން 2019 ގައި ބޭއްވި އިންތިހާބުގައި ވޯޓުލުމުގެ ހައްގު 3،139 މީހުންނަށް ލިބުނެވެ. މިވަނީ އަނެއްކާ ކިހިނެތްބައި 4 އަހަރު ތެރޭ 139 މީހުން މަރުވެއްޖެ އެކަމަކު އެދާއިރާއަށް ހަމަ އެއްވެސް މީހަކު އިތުރެއް ނުވި، މީގެ މާނައަކީ 4 އަހަރު ތެރޭގައި ވިހޭ މީހުންނަށްވުރެ ދާއިރާއިން ބޭރުވިމީހުން ގިނަވީ އެހެންނޫނީ މަދުވެގެން ނުވާނެ
މުހައްމަދުބެ
15 April 2023
އަހުމަދުބެއަށް ނޭނގޭތަ، ގްރޭޓާރ މާލޭގަ ބޮޑެތި ޓަވަރުތައްހަދާފަ، ރާއްޖެތެރެ ސްވެޕްކުރަމުންދާ ކަމެއް؟
ކުރުސީ އިޒް ހިސްޓަރީ
15 April 2023
މި ވޯޓާއެކު މަޖިލީހުގެ ރައީސް ގެ ގޮޑި ގެއްލޭނެ.
ދިރާސާ
15 April 2023
ސަރުކާރު ކެނޑިޑޭޓް ހޮވުނަސް ހޮވޭނީ ފަހަރެއްގައި ވެސް މެޖޯރިޓީ ތާއީދު އޮވެގެނެއް ނޫން. އެމްއެންޕީ ކެނޑިޑޭޓުގެ ސަބަބުން ޕީޕީއެމުގެ ވޯޓުތައް ބެހިގެން ދިއުމުގެ ކުޑަ ފުރުސަތެއް އެބަ އޮތް. މިއީ ޕީޕީއެމް ދާއިރާއެއް. އަނެއްކޮޅުން މިއީ އެމްޑީޕީ މިއަދު އެއޮތް ހިސާބަށް ގެނެސްދިން ވަރުގަދަ ލީޑަރު އެކަހެރި ކުރުމަށްފަހު އެމީހުން ވާދަކުރާ ފުރަތަމަ އިންތިހާބު. މީގެ އަސަރު ނަތީޖާއިން ފެންނާނެ. 2019 އަށްވުރެ ނިސްބަތުން ޕީޕީއެމް ގިނަ ވޯޓު ހޯދައިފިނަމަ އެކަން ހާމަވީ
އޮނަރަބްލް އަފީފު ދީދީ
15 April 2023
އިންތިޙާބީ ޤާނޫނުބުނާގޮތުން ވޯޓްހޯދުމުގެބޭނުމަށް ނުވަތަ ވަކިކެންޑިޑޭޓެއްގެކޮޅަށްއިންތިހާބު ބުރަކުރުމަށް ނޫންނަމަ އިންތިޙާބުގެނަތީޖާއަށް އަސަރުކުރާނެ ކަމެއްކުރުމަށް "ނުފޫޒު ބޭނުންކުރުމާއި" ރިޝްވަތުދިނުމާއި ރިޝްވަތުގައިހިފުމަކީވެސް ކުށެއް. # މިދެންނެވިފަދަކަމެއް ސަރުކާރުންކުރިކަން އިގެންނެތްކަމުގައިވިޔަސް މިއިންތިޙާބާއިދިމާކޮށް ސަރުކާރުންވަނީ "ކޮމަންޑޫ ތަރައްޤީ" (ސިޔާސަތުގައިނެތް، ކުރިން ޕްލޭންކޮށްފައިވެސްނުވާ) މަޝްރޫއުތައް ކުއްލިއަކަށް ފަށާފައި.
ޢަގަ
15 April 2023
ރިޒާ ޝާޒު އާރިފު މިތަރުތީބުން ވޯޓްގެ ނަތީޖާ ނުކުންނާނެ ކަމަށް ފެންނަނީ