ގުރައިދޫ ދާއިރާގެ އިންތިހާބުގެ ވޯޓު ގުނުން ރޯދަ ވީއްލައިގެން!

ގުރައިދޫ ދާއިރާގެ ބައި އިލެކްޝަންގެ ވޯޓުލުން އިއްޒުއްދީން ސްކޫލްގައި ކުރިއަށް ދާއިރު އެތަނުގެ ބޭރުގައި މީހުން މަޑުކޮށްގެން.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

15 އެޕްރީލް 2023 - 17:18

9 comments

މިހާރު ކުރިއަށް ގެންދާ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި އިލެކްޝަންގެ ވޯޓު ގުނުން އޮންނާނީ މިއަދުގެ ރޯދަ ވީއްލައިގެން ކަމަށް އިލެކްޝަން ކޮމިޝަނުން ބުނެފި އެވެ.

އެ ނިންމުން އައީ ވޯޓުލާން ކަނޑައެޅި ވަގުތު އީސީން މިއަދު ހަވީރު 5:00 އާ ހަމައަށް އިތުރު ކުރުމަށް ފަހު އެވެ.

އީސީގެ އިއުލާނެއްގައި ބުނީ، ވޯޓުނެގުމަށް ހަމަޖެހިފައިވާ ވަގުތުގައި މޫސުން ގޯސްވެ ވިއްސާރަވުމުގެ ސަބަބުން ވޯޓުލުމަށް މީހުން ނުކުތުމަށް ދަތިވެފައި ވާތީ، ވީހާ ވެސް ގިނަ ބަޔަކަށް ވޯޓުލުމުގެ ފުރުސަތު ދިނުމުގެ ގޮތުން ހަވީރު ފަހެއް ޖަހަންދެން ވަގުތު އިތުރު ކުރީ ކަމަށެވެ.

"...ވޯޓު ގުނަން ފަށާނީ ރޯދަ ވީއްލުމަށް ފަހު ކަމަށާއި ގުނަން ފަށާ ގަޑި އެ މަރުކަޒެއްގައި އިއުލާންކުރާނެ ވާހަކަ ދަންނަވަމެވެ،" އެ އިއުލާނުގައިވެ އެވެ.

އީސީން ކުރިން ކަނޑައަޅާފައިވާ ގޮތުން ނަމަ ވޯޓުލުން ނިމޭ ގަޑިއަކީ ހަވީރު 4:00 އެވެ. ވޯޓު ގުނަން ފަށާނީ 30 މިނިޓަށް ފަހު އެވެ.

ގުރައިދޫ ދާއިރާގެ ތިން ރަށް، ގުރައިދު އާއި މާފުއްޓާއި ގުޅީގެ އިތުރުން މާލޭގެ އިއްޒުންދީން ސްކޫލުގައި ވަނީ ވޯޓު ފޮށި ބަހައްޓައިފަ އެވެ.

އީސީން ބުނި ގޮތުގައި މި ދާއިރާއަށް ވޯޓުލުމުގެ ހައްގު 3،423 މީހަކަށް ލިބިފައިވެ އެވެ.

Guraidhoo dhaaira ge by election: mihaathanah vote lee 1100 ehhaa meehun

The most trusted news source in the Maldives

Mihaaru

އެ ކޮމިޝަނުން އެންމެފަހުން އާންމުކުރި ތަފާސްހިސާބުތަކުގައިވާ ގޮތުން، މިއަދު 16:00 ގެ ނިޔަލަށް 2،672 މީހަކު ވަނީ ވޯޓުލައިފަ އެވެ. އަދި މި ދާއިރާއަށް ވޯޓުލުމުގެ ހައްގު ލިބިފައިވާ މީހުންގެ 21.94 ޕަސެންޓް މީހުން އަދި ވޯޓު ނުލާ ކަމަށް އީސީން ބުންޏެވެ.

ގުރައިދޫ ދާއިރާގެ ބައި އިލެކްޝަން ބާއްވަން ޖެހުނީ އެ ދާއިރާ ތަމްސީލު ކުރެއްވި ގުރައިދޫ ދާއިރާގެ މެމްބަރު އިބްރާހިމް ރިޒާ މިދިޔަ ފެބްރުއަރީ މަހު، ކެންސަރު ބަލީގައި އަވަހާރަވުމުންނެވެ.

މި ދާއިރާއަށް ތިން ޕާޓީއަކުން ވާދަކުރި އެވެ. އެއީ ޕީޕީއެމްގެ ޓިކެޓުގައި ހުސެއިން ރިޒާ އާއި އެމްޑީޕީން އިބްރާހިމް ޝާޒް އަދި އެމްއެންޕީން އަލީ އަރީފެވެ.

ރައްޔިތުންގެ މަޖިލިސް އިލެކްޝަންސް ކޮމިޝަން ކ. ގުރައިދޫ ކ. މާފުށި ކ. ގުޅި

9 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

15 April 2023

ވޯޓްގަތުމާއި، ނުފޫޒުފޯރުވުމާއި ޜިޝްވަތުދީ ރިޝްވަތުހިފުން ހުއްޓުވުމަށްޓަކާ މަޖިލިސް އެތުރިގެންވާގޮތް ބަދަލުކޮށް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާ ކޮންމެރީޖަނަކަށް 30 ގޮނޑި ކަމަށް ނިންމާ އިންތިޙާބީ ވޯޓްކަރުދާހުގައި ރީޖަންގެ ގޮނޑިތަކަށްކުރިމަތިލައްވާ އެންމެކެންޑިޑޭޓްގެނަންހިމަނާ 30 ކެންޑިޑޭޓުނަށް ވޯޓްދިނުމަށް ފުރުސަތު ފަހިކުރުން ވަރަށް މުހިންމު.