މަހަކު 6،300ރ. ދައްކަން ޖެހޭ ގޮތަށް ހަދައި، ހިޔާ ފްލެޓްގެ އަގު ދައްކަން ޖެހޭ މުއްދަތު އިތުރުކޮށްފި

ހިޔާ ކުލި ކުޑަކޮށްދޭން ގޮވާލައި ފްލެޓްތަކުގެ ބޭރުގައި ބެނާ ދަމައިފައި: މަހަކު 6،300ރ. ދައްކަން ޖެހޭ ގޮތަށް ހަދައި، ހިޔާ ފްލެޓްގެ އަގު ދައްކަން ޖެހޭ މުއްދަތު މިހާރު ވަނީ އިތުރުކޮށްދީފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

11 މެއި 2023 - 11:26

72 comments

މި މަހުން ފެށިގެން ކުރިއަށް އޮތް ހަތް އަހަރު ހިޔާ ފްލެޓްތަކަށް މަހަކު ދައްކަން ޖެހޭ އަދަދު 6،300ރ. އަށް ހަމަޖައްސައި، އެ ފްލެޓުތަކަށް އަގު ދައްކަން ޖެހޭ މުއްދަތު އާބަންކޯ އިން އިތުރުކޮށް ދީފި އެވެ.

ރައީސް އޮފީހުގައި މިހާރު ކުރިއަށް ގެންދާ ނިއުސް ކޮންފަރެންސްގައި ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ، ހިޔާ ފްލެޓްތަކުގެ ކުލި ދައްކައި ނިންމަންޖެހޭ މުއްދަތު އިތުރުކުރަން ސަރުކާރުން ނިންމީ އެ ތަނުގައި ދިރިއުޅޭ މީހުން ކުލި ދެއްކުމުގައި ލުއި ފަސޭހަކޮށްދިނުމުގެ ގޮތުން ކަމަށެވެ.

"ކުލި ކުޑައެެއް ނޫން މި ކުރީ، ކުލި ދައްކަން ޖެހޭ މުއްދަތު އިތުރު ކޮށްދިނީ،" އަކްރަމް ވިދާޅުވި އެވެ.

ރައީސް އޮފީހުގައި ބޭއްވި ޕްރެސް ކޮންފަރެންސްގައި ހައުސިންގެ ސްޓޭޓް މިނިސްޓަރު އަކްރަމް ކަމާލުއްދީން ވާހަކަދައްކަވަނީ.-- ފޮޓޯ: ރައީސް އޮފީސް

އާބަންކޯގެ މެނޭޖިން ޑިރެކްޓަރު އަހްމަދު އާތިފު ވިދާޅުވީ، ހިޔާ ފްލެޓަށް މަހަކު ދައްކަން ޖެހޭ ވަރު ކުޑަކުރިޔަސް، މެއިންޓެނަންސް ފީ އަށް އެއްވެސް ބަދަލެއް ނާންނާނެ ކަމަށެވެ. މެއިންޓެނަންސް ފީގެ ގޮތުގައި މިހާރު ދައްކަމުން އަންނަ 1،000ރ. ދެން ވެސް ދައްކަން ޖެހޭނެ ކަމަށް އޭނާ ވިދާޅުވި އެވެ. އެހެންވެ، މެއިންޓަނެންސް ފީއާ އެކު ކޮންމެ މަހަކު 6،300ރ. ދައްކަން ޖެހޭނެ އެވެ.

ހިޔާ ފްލެޓްގެ އިންސްޓޯލްމަންޓް ލޯނު އަނބުރާ ދައްކަން ޖެހޭ މުއްދަތަށް ސަރުކާރުން އިތުރު ކޮށްދިނީ ދެ އަހަރުގެ މުއްދަތެކެވެ. ލޯނު އަނބުރާ ދައްކަން ކަނޑައަޅާފައި އޮތީ 25 އަހަރެވެ. އޭގެ ތެރެއަށް ދެ އަހަރު އިތުރު ކޮށްދިނީ އެވެ. ނަމަވެސް، އިތުރުވާ ދެ އަހަރަށް ލޯނު އިންޓްރެސްޓް ނުނަގާނެ ކަމަށް އާބަންކޯ އިން ބުނެ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން އިމާރާތްކުރި 25 ބުރީގެ ޓަވަރުތަކުގެ ކުއްޔަކީ މިހާރު 7،500ރ. އެވެ. އެކަމަކު މެއިންޓަނެންސް ފީއާ އެކު 8،500ރ. ކޮންމެ މަހަކު އާބަންކޯ އަށް ނަގަ އެވެ.

ރައީސް އޮފީހުގައި ބޭއްވި ޕްރެސް ކޮންފަރެންސްގައި އާބަންކޯގެ މެނޭޖިން ޑިިރެކްޓަރު އަހްމަދު އާތިފު ވާހަކަދައްކަވަނީ.-- ފޮޓޯ: ރައީސް އޮފީސް

ކުލި ކުޑައެެއް ނޫން މި ކުރީ، ކުލި ދައްކަން ޖެހޭ މުއްދަތު އިތުރު ކޮށްދިނީ: އަކްރަމް

ހިޔާ ފްލެޓްތަކަށް މަހަކު ދައްކަން ޖެހޭ ވަރު މި ސަރުކާރުން ކުޑަކޮށްދިނީ ފްލެޓްތައް ލިބުނު މީހުން އެ ކަމަށް އެދި އާދޭސް ކުރާތާ އެތައް ދުވަސްތަކެއް ފަހުންނެވެ. ހިޔާ ފްލެޓްތަކުގެ ކުލި މަހަކު 5،000ރ. އަށް ކުޑަކޮށްދިނުމަށް ގޮވާލައި އެ ތަނުގައި ދިރިއުޅޭ މީހުން އެކި ފަހަރު މަތިން މުޒާހަރާ ވެސް ކުރި އެވެ. އެކަމަކު، ސަރުކާރުން އޭރު ބުނަމުން ދިޔައީ އެ އަދަދަށް ކުލި ކުޑަކުރެވެން ނެތް ކަމަށެވެ.

ރައީސް އޮފީހުގައި ބޭއްވި ޕްރެސް ކޮންފަރެންސްގައި ހައުސިންގެ ސްޓޭޓް މިނިސްޓަރު އަކްރަމް ކަމާލުއްދީން އާއި ސްޓޭޓް މިނިސްޓަރު އަނަސް އަބްދުއްސައްތާރު ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

މިހާރުގެ މޭޔަރު ޑރ. މުހައްމަދު މުއިއްޒު ވެސް ވަނީ ހިޔާ ފްލެޓްތަކުގެ ކުލި ކުޑަކޮށްދިނުމަށް ތަކުރާރުކޮށް އާބަންކޯގައި އެދިވަޑައިގެންފަ އެވެ.

ރައީސް އިބްރާހިމް މުހައްމަދު ސޯލިހު، "ހިޔާ ރައްޔިތުންގެ ގުޅުން" ޖަމިއްޔާއާ މި އަހަރުގެ މާޗު މަހު ބައްދަލުކުރައްވައި ހިޔާ ފްލެޓްތަކުގެ ކުލި ކުޑަކުރުމާ ގުޅޭ ގޮތުން އެ ޖަމިއްޔާގެ އިސް މެމްބަރުންނާ މަޝްވަރާ ކުރެއްވި އެވެ.

ރައީސް އޮފީސް ސްޓޭޓް މިނިސްޓަރު އަކްރަމް ކަމާލުއްދީން ހިޔާ ފްލެޓްތައް އާބަންކޯ އެޗްޑީސީ ބޯހިޔާވަހިކަން އަހުމަދު އާތިފު، އެމްޑީ (އެޗްޑީސީ) ހައުސިން، ލޭންޑް އެންޑް އާބަން މިނިސްޓްރީ

72 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު.

12 May 2023

މިސަރުކާރުން ކޮތަރު ކޮށިކަމައްބުނެ ތަޅާލަން ނިންމާފަ އޮތްތަނަކުން ކީއްކުރަން ނަގާ ކުއްޔެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

4800

11 May 2023

4800ރ ކުޑަވީ މުޅިއެކު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާށަނާކޮއެ

11 May 2023

އަލީ ނިޔާޒު އޭރު ބުނި ވޯޓް ކައިރިވީމައޭ އަގު ތިރިކުރާނީ. މި އޮޕްޝަން އޮތީ އޭރުވެސް ހޯދާފަ.ވޯޓް ލިބޭނީ ފަހުން އަގުތިރިކޮށްގެން ކަމަށް ދެކިގެން މިހާރު އެކަން އެކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާލީން

11 May 2023

އަޅޭ ތީކީ ކުއްޔެއް ނޫނޭ ބަލަ! ތިޔާ ލޯނެކޭ. ބޮޑު ލޯނެކޭ. ކޮން ކުއްޔެކޭތަ ތިކިޔަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުލުވެރިކަން

11 May 2023

އެއްބަޔަކަށް ތިންކޮޓަރި ގަނޑުވެސް ނެހެދޭވަރު ތަންކޮޅެއް 6300 ރުފިޔާއަށް ދީފައި. އެމީހަކު ބޭނުންވަރަކަށް ކޮޓަރިއާއި ފިހާރައާއި ގަރާޖާއި ސުވިމިންގ ޕޫލާއި ގެސްޓްހައުސް ހެދޭ ވަރުގެ ބިމެއް މިދެނީ ހިލޭ. މީތަ އެބުނާ އިންސާފަކީ އަދުލުވެރިކަމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟިރޔުނ

11 May 2023

މިހާރު ކުރިއަށްވުރެ ބޮޑު އެއްޗެއް ދައްކަން ޖެހޭނެ ކަންނޭގެ އެއްކޮށް ނިމޭ އިރު އިންޓެރެސްޓް ބޮޑުވާނެ މުއްދަތު އިތުރުކުރާ ވަރަކަށް. ފޮލެޓ ތައް ކުއްޔަށް ދީގެން އާމްދަނީ ހޯދާ މީހުން ގިނައީ. ސޯޝަލް ހައުސިންގ ހައްގުވާ އެތައއްބަޔަކަށް އަދިވެސް ފްލެޓ ނުލިބި ތިބީ. އެގްރިމަންޓްގަ އޮތީ ކުއްޔަށް ނުދެވޭ ކަމަށް .އެކަން ބަލާނެ ބަޔަކު ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

11 May 2023

ދިވެހިންގެ އަޚްލާޤު ހުރިގޮތަށް ބަލާއިރު ތިޔަ ކުލިވެސް ނުދައްކާނެ. ދެން ތަންފީޒު ކުރުން 0 ގައުމެއްގައި ތަނަކުން ނުވެސް ނެރެވޭނެ. ތަންފީޒުކުރުމުން އެންމެންގެ ހައްގުތައް ހިމާޔަތްކުރެވޭނެ. އަދި ތަންފީޒުނުކުރެވެންވީ އެއްވެސް ސަބަބެއްނެތް. އެތަނަށް މީހުންވަނީ ކުލި ދެއްކޭނެކަމަށް ދެ ފަރާތުން އެއްބަސްވެ ސޮއިކޮށްގެން. ކުލި ނުދެއްކޭ ނިކަމެތިންނަށް އެންސްޕާއިން ލުއިގޮތެއް ހެދުން އޯކޭ. އެހެންނޫނީ އައިލެންޑް ލައިފަށް ބަދަލުވުން ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ.

11 May 2023

ކުލި ނުދައްކާ މީހުން ތަނުން ބޭރުކުރޭ. ކުލި ނުދައްކަނީ ގަސްތުގައި. ފަހަރެއްގައިވެސް ލާރި ނެތިގެނެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރަފަތި

11 May 2023

ތިތަން 15 ހާހަށް 13 ހާހަށް 12 ހާހަށް ކުއްޔަން ދީގެން އުޅޭ މީހުންނަށް ކުލި ކުޑަކޮށްދޭތޯ. ފުލެޓް ލިބުނު މީހުންގެ ތެރެއިން އެތަނުގަ ދިރިއުޅޭ މީހުންނަށް ލުއިގޮތެއް ހޯދައިންނަމަ. ވިޔަފާރީ އުސޫލުން ބޮޑުއަގުގަ ކުށްޔަންދީގެން އުޅޭ މީހުންނަށް ބޮޑު ނަފާ ނެގޭގޮތް ތިހަދާދިނީ. އެންމެ ކުޑަ މިނުން ވަކިއެއްޗެއް ނުއަންގާ ކުލި ނުދައްކާ އުޅޭމީހުންގެ ނަންތަކާ އެޕާޓްމަންޓް ނަންބަރުތައް އާންމުކޮށްލަބަލަ. ބޮޑުއަގުގަ ކުށްޔަންދިން މީހުން ކުލިވެސް ނުދައްކާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

11 May 2023

ހިޔާ ފްލެޓްތައް ކުއްޔަށް ދީފަ ތިބި އެންމެން އަތުން ހިޔާ ފްލެޓް އަތުލަންޖެހޭ، ސޯޝަލް ހައުސިންގ އަކީ ގެދޮރު ނެތް މީހާގެ ހައްގެއް. މިރާއްޖޭގެ ހުރިހާ ކަމެއްވެސް މިހިގަނީ އެކޮޅުކޮޅުން، ގާނޫނު ތަންފީޒުކުރާނެ ބަޔަކުނެތް. ރައްޔިތުންވެސް އުޅެނީ ކޮންމެވެސް ކޮރަޕްޝަނެއް ހިންގާފަ ތިބި ބައެއްގެ ފަހަތުން ނޫނީ ނާޖާއިޒްކޮށް ކޮންމެވެސް ޕްރޮޖެކްޓެއް ފްލެޓެއް ލިބޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮންގް

11 May 2023

ކުލި ނުދައްކާ މީހުންގެ ލިސްޓް ނެރެބަލަ. އެތަނަށް ފައިސާ ދެއްކޭނެ ބަޔަކު އެތަނާއި ހަވާލުވެގެން ތިބެންވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބްރީ

11 May 2023

ކުލިނުދައްކަނީ ހިޔާ ފްލެޓުގެ މީހުން އެކަނިތަ؟ މައުމޫނު މާލޭގައި އެޅި ފްލެޓަތަކާއި ވިލިގިލީގައި އެޅި ފްލެޓްބަރިޔާއި ފޭސް 1 ގައި ހުންނަ ފްލެޓުތަކުގެ މީހުން ހަމަޔަށް ކުލިދައްކާތަ؟ ކަލޭމެން ހިޔަލޭ ހިޔަލޭ ތިކިޔަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޝިއަލް

11 May 2023

ލަގްޒަރީ 3 ކޮޓަރީގެ އަގު އެތަނަށް ކީމަ ނުޖެހޭ ދައްކާކަށް. ނުދައްކާނަން. ތަނަކުން ނުވެސް ނެރެވޭނެ. ލިސްޓް ނެރެވިދާނެ ތަނަކުން ނުެނެރެވޭނެ. އެޗްޑިސީ މީހުންގެ މުސާރަވެސް ހަލާލެއްނުވާނެ ސޯޝިއަލް ހައުސިންގ އޭ ކިޔާފަ ނިކަމެތިން ފެލައިގެން ހަމަ އެއަގުގަ އެތާ މުވައްޒަފުންނަށް ޕެްންޓްހައުސް ލިބުނީމަކާ.