ކުޑަކުދިންގެ އާބާދީގެ ބޮޑު ބައެއް ދުންފަތުގެ އިސްތިއުމާލުގައި!

މީހަކު ސިގިރޭޓެއް ނިއްވާލަނީ--. ފައިލް ފޮޓޯ: މިހާރު

އާސިމާ ނިޒާރު، މިހާރު

31 މެއި 2023 - 15:45

ރާއްޖޭގައި ކުޑަކުދިންގެ އާބާދީގެ ބޮޑު ބައެއް ދުންފަތުގެ ބާވަތްތައް ބޭނުންކުރާ ކަމަށް، ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު ބުނެފި އެވެ.

ދުނިޔޭގެ ދުންފަތުގެ އިސްތިއުމާލުނުކުރާ ދުވަހާ ގުޅިގެން އެ އެޖެންސީން އާއްމުކުރި މައުލޫމާތުގައި ބުނީ 13-15 އަހަރާ ދެމެދުގެ 45.7 ޕަސެންޓް ދަރިވަރުން ދުންފަތުގެ އެކި ބާވަތްތައް ބޭނުންކުރާ ކަމަށެވެ. އެއީ 48 ޕަސެންޓް ފިރިހެން ކުދިންނާއި 43.2 ޕަސެންޓް އަންހެން ކުދިންނެވެ.

މީގެ ހަތަރު އަހަރު ކުރިން، 2019 ގައި ހެދި ގްލޯބަލް ޔޫތު ޓޮބޭކޯ ސާވޭގައި ބުނީ އެ އުމުރުގެ 23.1 ޕަސެންޓް ފިރިހެން ކުދިންނާއި 10.7 ޕަސެންޓް އަންހެން ކުދިން އިލެކްޓްރޯނިކް ސިނގިރޭޓް ބޭނުންކުރާ ކަމަށެވެ. އެއީ 17.1 ޕަސެންޓެވެ.

ޝީޝާ ނުވަތަ ގުޑުގުޑާ ބޭނުންކުރާ ކަމަށް ބުނީ 3.1 ޕަސެންޓް ކުދިންނެވެ. އޭގެ ތެރެއިން 14.9 ޕަސެންޓް ކުދިން އަލަށް ވެސް ޝީޝާ/ގުޑުގުޑާ ބޮއެފައިވަނީ 10 އަހަރުގަ އެވެ.

އެ ދިރާސާއިން އެނގުނު ގޮތުގައި ރާއްޖޭގެ އާބާދީގެ 25.7 ޕަސެންޓް މީހުން ދުންފަތުގެ އިސްތިއުމާލުކުރެ އެވެ. އެއީ ކޮންމެ ހަތަރު މީހަކުން އެކަކެވެ. އޭގެ ތެރޭގައި ވެސް ގިނައީ ފިރިހެނުންނެވެ. ދުންފަތުގެ އިސްތިއުމާލުކުރާ 35.6 ޕަސެންޓަކީ ފިރިހެނުންނަށް ވާއިރު، އަންހެނުންގެ އަދަދު ހުރީ 7.6 ޕަސެންޓުގަ އެވެ.

އުމުރުތައް:

15-29: 20.1 ޕަސެންޓް

30-44: 29 ޕަސެންޓް

45-65: 23.4 ޕަސެންޓް

ދުންފަތުގެ އިސްތިއުމާލުކުރާ މީހުން އިތުރުވާއިރު، އެކަމުގައި އޮތް އަނެއް ކަންބޮޑުވުމަކީ އޭގެ އަސަރު ކުރާ މީހުން އިތުރުވަމުން ދިއުމެވެ. ސެކަންޑް ހޭންޑް ސްމޯކާސްގެ 27.1 ޕަސެންޓަކީ ގޭގައި ދުންފަތުގެ އިސްތިއުމާލުކުރާތީ އޭގެ އަސަރު ކުރާ މީހުންނެވެ. މަސައްކަތުގެ މާހައުލުގައި ދުންފަތް ބޭނުންކުރާތީ އަސަރުކުރާ ކަމަށް ބުނީ 10.4 ޕަސެންޓް މީހުންނެވެ.

ކަސްޓަމްސް އިން ހިއްސާކުރި މައުލޫމާތުތަކާ ހަވާލައިދީ އެޗްޕީއޭއިން ބުނީ މިދިޔަ އަހަރުގެ ޖެނުއަރީން ފެށިގެން މިދިޔަ މަހުގެ ނިޔަލަށް 393,652,853ރ. ގެ ދުންފަތުގެ އެކި ބާވަތްތައް ރާއްޖެއަށް އެތެރެކުރި ކަމަށެވެ. އޭގެ ތެރޭގައި ވެސް އެންމެ ގިނައީ ބިޑި އާއި ސިގަ އަދި ސިނގިރޭޓެވެ. އެއީ 328،784،999ރ. ގެ ތަކެއްޗެވެ. ދެ ވަނައަށް އެންމެ ގިނައިން ގިނައީ އިލެކްޓްރޯނިކް ސިނގިރޭޓެވެ.

ސިއްހަތު ދުންފަތް ދުންފަތާ ބެހޭ ގާނޫނު ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ

14 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙަބީބު..

01 June 2023

ރާއްޖޭގެ އާބާދީގެ ބޮޑުބައެއް ދުންފަތުގެ ބޭނުންކުރަނީ ދުންފަތްއަދިވެސް އަގުހެވީ މާބޮޑައްވެސް ދުންފަތާ ވޭޕުގެއަގުވެސް ވަރައްބޮޑައް މަތިކުރަންޖެހޭ ހާއްސަކޮއް ވޭޕްގެއަގު 10 ގުނަ މަތިކޮއްއެތެރެ ކުރުން ވަކިހިސާބަކުންމަދުކުރަންވެސްޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯކް

01 June 2023

ސިނގިރޭޓް މަނާކުރަންވީ. ކޯޗެއްބޯކަށް. ފޮށީގެ ބޭރުގަ އޮވޭ މީހެއްގެ މޭފަޅާފަ ބޮޑުއަކުރުން ލިޔެފަ. އެވަރުންވެސް ޖެހޭ ބޯން. މިހާރުވެސް ބޯމީހުން ކައިރީގަ އަހައިފިއްޔާ ކީވެކަމެއް ބޮނީ ޖަވާބުދޭކަށް ނޭގޭ އެކަމު ޖެހެޔޯ ބޯން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮހޮނު 123

31 May 2023

އެޗް ޕީ އޭ އިން ކުރަނީ ކޮން ކަމެއް؟ މިއަދަކީ ތިފަދަ ކަންތަކަށް އަލިއަޅުވާލާ ، ދުންފަތުގެ އިސްތިއުމާލުކުރުން މަނާކުރާ ގާނޫނު ދަމަހައްޓަން ފިޔަވަޅުއަޅަންވީދުވަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ-ކަތީބު

31 May 2023

ރާއްޖޭގައި ހުންނަ ސަރުކާރު/ދައުލަތުގެ އިދާރާތަކަކީ ތަފާސް ހިސާބު ނެރެން އެކަނި ހުންނަ ތަންތަން ތޯ ހިތަށް އަރާ. ކަމެއް އިޞްލާޙުކޮށް، ކަންކަން ރަނގަޅު ކުރަނީ ކޮން މުއައްސަސާއަކުން ތޯ. ފޭލިވެއްޖެ، މި ވެރިކަން ފޭލިވެއްޖެ. ދައުރު ނިމޭއިރު ކާމިޔާބޭ ގޮވައި ދެވަނަ ދައުރަށް އާދޭސްކުރާއިރު، ހަމައެކަނި މި މައްސަލައިންވެސް އެބަ އެނގޭ ދެވަނަ ދައުރެއް ނުދީ ބާލަންވީކަން. ޤައުމުގެ މުސްތަޤުބަލުގެ ޖީލު ސަލާމަތްކުރަން އެއްކަމެއްވެސް ނުކުރެވުނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަދޫމު ސިޓީ

31 May 2023

ޙަމަ ހަގީގަތުގަވެސް ދިވެހިން ހަލާކުވަމުން މިދަނީ ދުންފަތާ އެނާޖީ ޑުރިންކު ބޮއެގެން އެކަމަކު ކީއްކުރާނީ މި ގައުމުގަ އިންސާނުންނަށް ވުރެން ވެލާ މިޔަރުވެސް މުހިންމު ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދީދައްތަގެ މުނީރާ

31 May 2023

މަގުމަތީގާ ދުންބުއިން މަނާކުރަންޖެހޭ. ސިނގިރޭޓު ބުމަށްފަހު ދުން އެފޮނުވާލަނީ މަގުމަތިން ދާ މީހުންގެ ނޯއްތެރެއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރިއެރުން ދިރާސާ

31 May 2023

މިކަހަލަ އަވާގައިނޖެހިގެން ކުދިން އިތުރު ވުމަކީވެސް ލިބުނު ވަރަށް ބޮޑު ކުރިއެރުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅޭއް

31 May 2023

ތޯމަށަށްހީވާގޮތުން ބުހުތާންދޮގު. ސިނގިރޭޓްފޮށީގައި ފޮޓޯޖެހީމާ ސިގިރޭޓްބޯމީހުން މަދުވާކަން ދިރާސާކުރެވިފައިވާތީޔޯ ފޮޓޯޖެހީ. އެހެންވީމާ މިހާރު ދުންފަތުގެ އިސްތިއުމާލުކުރާމީހުންވާނީމަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭކާރު އުންކާރު

31 May 2023

ތިޔަ ވާހަކަ ދެއްކުމުގެ ބޭނުމެއް ނެތް. ދުންފަތޭވެސް ކިޔާނެ ކަމެއް ނެތް. ސީޝާ ބޯ ތަންތަން ހަދަން ހުއްދަދެނީ. ވަންނަނީ ކުޑަކުދިންކަން އެނގޭ. ލާރި ލިބެންޏާ އޯކޭ. އެވަރުން ނުފުދިންގެ ޔޫތު ސެންޓަރުގެ ނަމުގައި ތަންތަން ހަދައި އުމުރުން 13، 14 އަހަރުގެ ކުދިން އެތަނަށް ވަދެ ބޭނުން ގޮތަކަށް އުޅޭއިރު ބަލައިލާނެ މީހަކު ނެތް. ތަން ހިންގާ ފަރާތުން ވަންނަ ކުއްޖާގެ އުމުރު ބަލައިލާނެ މީހަކުވެސް ނުހުރޭ. ހުޅަނގުގެ ގައުމުތަކަށްވުރެ މިރޮނގުން މިތަން މިއޮތީ ކުރީގައި.