ހިޔާ ސްކީމުގެ ހުސްވެފައިވާ 145 ފްލެޓް، ރިޒާވް ލިސްޓުން މާކްސް ތަރުތީބުން ދިނުމަށް ވެސް ވަނީ ނިންމާފައި
ވަޒީރުންގެ މަޖިލީހުގެ ޖަލްސާ: އެ ޖަލްސާގައި ވަނީ ހިޔާ ސްކީމުގެ ސިވިސް ސާވިސް ކެޓަގަރީން 50 ޕޮއިންޓަށް ވުރެ ދަށުން ޕޮއިންޓު ލިބިފައިވާ ފަރާތްތަކަށް ފްލެޓް ދޭން ނިންމާފައި.-- ފޮޓޯ: ރައީސް އޮފީސް
22 ޖޫން 2023 - 23:47
19 comments
ހިޔާ ސްކީމުގެ ސިވިލް ސާވިސް ކެޓަގަރީން 50 ޕޮއިންޓަށް ވުރެ ދަށުން ޕޮއިންޓު ލިބިފައިވާ މީހުންނަށް ފްލެޓް ދިނުމަށާއި ހުސްވެފައިވާ ފްލެޓްތައް ލިސްޓު ތަރުތީބުން ދެން ތިބި މީހުންނަށް ދޭން ވަޒީރުންގެ މަޖިލީހުގެ ލަފާއާ އެކު ރައީސް އިބްރާހިމް މުހައްމަދު ސޯލިހު މިއަދު ނިންމަވައިފި އެވެ.
ރައީސް އޮފީހުން ބުނީ އެކި ސަބަބުތަކާހެދި ހުސްވެފައިވާ 145 ފްލެޓް ދޫކުރުމާމެދު ވަޒީރުންގެ މަޖިލީހުގެ ލަފާފުޅާއެކު ރައީސް ގޮތްތަކެއް ނިންމަވާފައި ވަނީ މިއަދު ބޭއްވެވި ވަޒީރުންގެ މަޖިލީހުގެ ޖަލްސާގައި ޕްލޭނިން މިނިސްޓްރީން ހުށަހެޅި ކަރުދާހަށް މަޝްވަރާކުރައްވަމުން ކަމަށެވެ.
ރައީސް އޮފީހުން ބުނި ގޮތުގައި މިއަދު ގޮތެއް ނިންމީ ހިޔާ ސްކީމުގެ ސިވިލް ސާވިސް ކެޓަގަރީގެ ދާއިމީ ލިސްޓުގައި 50 ޕޮއިންޓަށްވުރެ ދަށުން މާކްސް ލިބުނު މީހުންނަށް ފްލެޓް ހަވާލުނުކުރާގޮތަށް ސަރުކާރުން ކުރިން ނިންމަވާފައިވާ ނިންމުމުގެ ސަބަބުން އެ ކެޓަގަރީން ފްލެޓް ހަވާލު ނުކޮށްތިބި 45 މީހުންނަށް ފްލެޓް ހަވާލުކުރުމާ މެދުގައި ކަމަށެވެ.
ސިވިލް ސާވިސް ކެޓަގަރީ ފިޔަވައި ހިޔާ ސްކީމުގެ އެހެން އެއްވެސް ކެޓަގަރީއެއްގައި ދާއިމީ ލިސްޓްގައި 50 ޕޮއިންޓަށްވުރެ ދަށުން ޕޮއިންޓް ލިބުނު މީހުންގެ ގޮތުގައި ނަން ހިމަނާފައި ނުވުމާއި ސިވިލް ސާވިސް ކެޓަގަރީއަކީ މިނިސްޓްރީތަކާއި މާލެ ސިޓީ ކައުންސިލު ހިމެނޭ ގޮތަށް ކޮންމެ އޮފީހަކަށް ވަކި އަދަދެއް ކަނޑައަޅައިގެން އެ އޮފީސްތަކުގެ ފަންނީ، އިދާރީ އަދި ސަޕޯޓް ސާވިސްގައި މަސައްކަތްކުރާ ފަރާތްތަކަށް އަދަދު ކަނޑައަޅައިގެން ކުރިއަށްގެންގޮސްފައިވާ ކެޓަގަރީއެކެވެ.
އެހެންވެ މިއަދުގެ ވަޒީރުންގެ މަޖިލީހުގައި ނިންމަވާފައި ވަނީ ދާއިމީ ލިސްޓުގައި ހިމެނިފައިވާ އެ 45 މީހުންނަށް ފްލެޓް ހަވާލުކުރުމަށް ކަމަށް ރައީސް އޮފީހުން ބުންޏެވެ.
އެ ބައްދަލުވުމުގައި ވަނީ އެކި ސަބަބުތަކާހެދި ހުސްވެފައިވާ 145 ފްލެޓް، ރިޒާވް ލިސްޓުން މާކްސް ތަރުތީބުން ދިނުމަށް ވެސް ނިންމައިފަ އެވެ. އެހެންވެ، ޕޮއިންޓް ލިބިފައިވާ ތަރުތީބުން މި އަދަދަށް އިތުރު ބަޔަކަށް ފްލެޓް ދޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮބައިހޭ އިންސާފް
24 June 2023
ދައުލަތުގެ ވަކި އިދާރާ/ކުންފުންޏެއްގައި އުޅޭތީ ފްލެޓް ލިބުމަކީ އިންތިހާއަށް ބޮޑު ބޭއިންސާފެއް. ކިތަންމެ ފުރުސަތެއް ދޫކޮށް، ރަށަށްޓަކައި ކޮށްދޭ ހިދުމަތެއްގެ ގޮތުގަ ދެކިގެން ދައުލަތަށް ހިދުމަތްކޮށްދޭތާ 25 އަހަރު މިވަނީ. އެޅުނު ގެދޮރެއް، ޝަރުތުހަމަވި ގެދޮރު ސްކީމެއްވެސް ނެތް. އެކަމަކު އިއްޔެ ދުވަހު އެސް.ޓީ.އޯ އަށް ވަތް ތުއްތު ކުދިންނަށް މާލެއިން ފްްލެޓް ލިބިއްޖެ. ދިރިއުޅެނީ ރަށުގަ. ރަށުގަ ގޯތި އެބައޮތް. މީ ކޮން އިންސާފެއްތޯ؟ ދައުލަތުގެ ފައިސާއޭ މީ
އާންމު ރައްޔިތުމީހާ
23 June 2023
މިހާރު އިބްރާހިމް އަޅަން ފަށާފަ ހުރި ފްލެޓްތަށް އިނީ ކޮންމެ މަޖިލިސް މެމްބަރ އަކަށް 70 ފްލެޓް ޔަގީކް ކޮއްދީފަ. އެ މެމްބަރަކު ބޭނުން 70 މީހެއްގެ ނަން ދިނީމަ ފްލެޓް ދޭގޮތަށް! މީ ދޮގެއްތޯ އަހާލަބަ އެމްޑީޕީ މެމްބަރުން ކާރިން....
ސާސް
23 June 2023
ސިވިލްސަރވަންޓުންގެ ފްލެޓް މި ސަރުކާރުން އުނބައްޖެހީދޯ؟ ތި ލިބުނީ އިބްރާހީމަށް 4000 ހާސް ވޯޓު ދޯ!!!
ވަރަބިންދާލި
23 June 2023
އިތުރު ބަޔަކުނެތީތަ ؟ ގާތްމީހުންނަށް ދީފަ ބާކީވީމަ ، އިންތިހާބަށް ފުލެޓެއް . ވީވައުދެއް ފުއްދަވަން ޖެހޭނެ .
ދަރެސް
23 June 2023
ވަކި ފަންނެެއްގަ، ވަަކި އޮފީހެއްްގަ މަސައްކަތް ކުރާތީ ބޯހިޔާވަހިކަން ދިނުމަކީ ހަމަޖެހޭ ގޮތެއްނޫން. ބޯހިޔާވަހިކަން ދޭންވާނީ ހާލަތަށް ބަލާފަ، ތިހެން ހެދުމުން އެންމެ ހާލުގަ އުޅޭ، އެންމެ ބޭނުން ޖެހިފަ ތިބި މީހުން ތިކުރެވެނީ ބާކީ. ހަމަޖެހޭ ކަމެއް ކޮށްބަލަ، ހެޔޮނުވާނެ. ކުރިން ކޮށްފަ އޮތަތީއޭ ކިޔާފަ ކުރާކަށް ނުޖެހޭ.
ކުރުކޮށް
23 June 2023
މި ވެރިކަމަކީ ސިވިލްސަރވަންޓުންނަށް ދެރއެއް ދެވެން އޮތިއްޔާ އެގޮތަށް ކަންތައް އެކަން ކުޅައެވެ.އެޕްރައިޒަލް ފޯމަށް ދެވުނު އެއްޗެއް ނެތެވެ. ދަތުރު ފައިސާ ވަނީ ކަނޑާލާފައެެވެ ރިތަރޔަރމަންޓް ޕެންޝަން 40 އިންސައްތަ 30 އިންސައްތައަށް ވަނީ ކުޑަކޮށްފައެވެ. މުސާރަ ބޮޑުކުރުމުގެ ނަމުގަ އެލަވަންސްތައް ކަނޑާފަ އެ ކެނޑިތާ 18 މަސް ފަހުން ރިތަރޔަރވާ އެންމެނަށް މަހުންމަހަށް ދޭ އިނާޔަތްވަނީ ނެތި ކޮށްލާފައެވެ. ރައީސް މައުމޫނު މިހުރިހާ އިނާޔަތެއް އައީ ދެމުންނެވެ
މާއްކޮ
23 June 2023
ދަށުން ޕޮއިންޓް ލިބުނީމަ އޭގެ މާނައަކި ޝަރުތު ހަމަ ނުވަނީ ނޫންތަ
ވަރަބިންދާލި .
23 June 2023
ދިވެހިރައްޔިތަކަށް ގެދޮރު ވެރިކަމެއް ދޭން ޕޮއިންޓެއް ދޭން ޖެހޭނެތަ ؟ ދިވެހި ރައްޔިތުން ނަށް އަސާސީހައްޤެއް ކަށަވަރު ކޮއްދޭން ޖެހެނީ ޕޮއިންޓަކުން ކަމަށް ވާނަމަ ވޯޓް ލާން ވެސް ސަރުތު ހަމަވޭތޯ ޕޮއިންޓް ދޭނެ ނަމަ . ނިކަމެތި ރައްޔިތުން ނަށް ދޭން ވީމަ ޕޮއިންޓް ދީގެން ސަރުތު ހަމަކުރާއިރު ބޮޑެތި މަހުޖަނުން ގެދޮރެއް ނެތި ހާސްވެގެން އުޅޭކަށް ނުޖެހޭ. ފައިސާހުރިތީ . ގަނެލާނެ . ހުރިހާސަރުތެއް ހަމަވާން ޖެހެނީ ދިވެއްސަކަށް ވެ ނިކަމެތި ރައްޔިތުން ނަށް .
ބޮޑުމީހާ
23 June 2023
މޮޅެތި އުސޫލުތައް ހަދާފަ ފްލެޓް ދޭންވީމަ މިދެނީ މަޖްލިސް މެމްބަރުންގެ ލިސްޓަށް، ސިޔާސީ ލިސްޓަށް، ރައްޓެހިންގެ ލިސްޓަށް، އާއިލާ ލިސްޓަށް. ކޮންމެކަމަކުން މަކަރާއި އޮޅުވާލުން
އަހްމަދު ނައީމް
23 June 2023
ވެށިފަހި އާއި ވިނަރެސް ބަހާލިގޮތް އިގޭ ބަޔަކަން އިގޭނި.ކުރީ ސަރކާރަށްވުރެއް މުޑުދާރުކޮށް ފުލެޓްތަށް ބަހާލީ.
ސިވިލް
23 June 2023
ތިޔަ ކެޓަގަރީން ޕޮއިންޓު ހަމަވެގެންވެސް ދީފައިހުރީ މާލޭގެ ގެދޮރުހުރި ފުދޭވަރުގެ އުޅޭނެތަން ހުރި މީހުންނަށް. ޚާއްޞަ އެހީގެ ކެޓަގަރީއަށް ޓާގެޓްކުރުން މާ އައުލާކަންބޮޑުކަމަށއ ފެނޭ. އައުލާކަންބޮޑު ބައެއްތޯ ނުބަލާ ވޯޓުހޯދަން އެކިކަންކަމުގައި ތިޔަ ޓާގެޓްކުރަނީ އެކި ގްރޫޕްތަކަށް ކަޑަަ