ސައިކަލުން ޖެހި އެކްސިޑެންޓްވީ މީހާ ހޮސްޕިޓަލަށް ގެންދަން ބަޔަކު އެހީވަނީ: އޭނާއަށް ފަރުވާދެމުން އަންނަނީ އޭޑީކޭގެ އައިސީޔޫގައި.
29 ޖޫން 2023 - 13:07
18 comments
ފަތިސްނަމާދުން ފައިބައިގެން ދަނިކޮށް މާލޭގެ މަގުމަތިން ބާރު ސްޕީޑުގައި ދުއްވި ސައިކަލުން ޖެހި އަނިޔާވި މީހާގެ ހާލު ވަރަށް ސީރިއަސްކަމަށް މައުލޫމާތު ލިބިއްޖެ އެވެ.
މަޖީދީ މަގުން ހިނގާފައިދަނިކޮށް މިދިޔަ އަންގާރަދުވަހުގެ ފަތިހު ސައިކަލުން ޖެހި އަނިޔާވީ ގައުމީ ޔުނިވާސިޓީގެ ދުވަސްވީ ލެކްޗަރާއެއް ކަމަށްވާ އަލީ ހަފީޒަށެވެ. އޭނާ އަށް ފަރުވާދެމުން އަންނަނީ އޭޑީކޭގެ އައިސީޔޫގަ އެވެ.
އެނގިފައިވާ ގޮތުގައި، އެކިތަންތަން ބިނދި، އެ އެކްސިޑެންޓުގައި ހާފިޒުގެ ހަށިގަނޑަށް ގިނަ އަނިޔާތަކެއް ލިބިފަ އެވެ. އެކްސިޑެންޓްވި ދުވަހުން ފެށިގެން މިއަދާ ހަމައަށް ވެސް އޭނާގެ ހާލަތަށް ބަދަލެއް ނާދެ އެވެ.
އެ އެކްސިޑެންޓުގައި ސައިކަލް ދުއްވި މީހާ އަށް މާބޮޑު އަނިޔާއެއް ނުވެ އެވެ.
ފުލުހުން ބުނީ ސައިކަލް ދުއްވި 22 އަހަރުގެ މީހާ އަކީ ލައިސަންސް އޮންނަ މީހެއް ނޫން ކަމަށެވެ. ގަވާއިދާ ޚިލާފަށް ދުއްވައި މީހެއްގެ ފުރާނައަށް ނުރައްކާވި މައްސަލާގައި މިހާތަނަށް އެމީހާ ހައްޔަރުކޮށްފައިވާ ކަމެއް ނުވަތަ އެ ނޫން ފިޔަވަޅެއް ވެސް އެޅި ކަމެއް ފުލުހުން އަދި ނުބުނެ އެވެ.
އެ ހާދިސާ ހިނގިތާ ކުޑައިރުކޮޅެއް ފަހުން މީހަކު ނަގާފައިވާ ވީޑިއޯއެއް ސޯޝަލްމީޑިއާގައި އާންމުވެފައިވާއިރު، އޭގެން ފެންނަ ގޮތުގައި ސައިކަލްގައި ތިބި މީހުން ވަނީ އެކްސިޑެންޓްވުމާ އެކު އެ ސަރަހައްދު ދޫކޮށް ފިލައިފަ އެވެ.
މި އެކްސިޑެންޓާ ގުޅިގެން ސޯޝަލްމީޑިއާގައި ގިނަ ބަޔަކު ވަނީ، ނުރައްކާތެރިކޮށް ދުއްވާ މީހުންނާ މެދު އެކަށީގެންވާ ފިޔަވަޅު އަޅަމުން ނުދާ ކަމަށް ބުނެ ކަންބޮޑުވުން ފާޅުކޮށްފަ އެވެ. މިފަދަ ގިނަ އެކްސިޑެންޓްތަކެއް ހިނގަން މެދުވެރިވަނީ އެފަދަ މީހުންނާ މެދު ފިޔަވަޅު އަޅަމުން ނުދާތީ ކަމަށް ވެސް އެ މީހުން ދެކެ އެވެ.
މާލޭ ސަރަހައްދުގައި ނުރައްކާތެރި އެކްސިޑެންޓްތައް ގިނަވެފައިވާއިރު ހުޅުމާލޭގައި ދެ ކާރު ޖެހި ހިނގި އެކްސިޑެންޓެއްގައި މި މަހުގެ ތެރޭގައި މީހަކު މަރުވެފައިވެ އެވެ. އަދި ބަހަކާއި ސައިކަލެއް ޖެހި ހިނގި އެކްސިޑެންޓެއްގައި ސީރިއަސް އަނިޔާތަކެއް ލިބި ޒުވާނަކު އޮތީ ސީރިއަސް ހާލަތުގަ އެވެ.
މިފަދަ މަގުމަތީ އެކްސިޑެންޓްތަކުގައި ފަރުވާކުޑަ ގޮތެއްގައި އަމަލު ކުރުމުގެ ސަބަބުން އެހެން މީހެއްގެ ފުރާނައަށް ގެއްލުންވެއްޖެ ނަމަ، އެއީ ބޮޑެތި ޖިނާއީ ދައުވާތައް އުފުލޭ ބާވަތުގެ ކުށެކެވެ. ގާނޫނުލްއުގޫބާތުގެ ދަށުން މިފަދަ ބައެއް މައްސަލަތަކުގައި މީގެކުރިން ވެސް މީހަކު މަރުވެދިޔުމުގެ ފަރުވާކުޑަ އަމަލެއް ކުރުމުގެ ދައުވާތައް އުފުލާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަންޑޭ
01 July 2023
ލައިސަންސެއްނެތް. ދުއްވީ ބާރު ސްޕީޑްގަ. މީހެއްގައިގައި ޖައްސާ ފުރާނަ ދުއްވާލާވަރު އަނިޔާ ދީފި. އަނިޔާދީފައި ދުވެ ފިލީ. ފުލުހުންނަށް އޭނާ ހައްޔަރެއް ނުކުރެވޭ. ގައިމު މުޖްތަމަޢުއަށް ނުރައްކާ މީހެއް ނޫންބާ؟ މީހެއްގެ ފުރާނަ ދުއްވާލާ ވަރުގެ ހަމަލާއެއް ދިނުމުން މަރުގެ ތުންފަތްމަތީ އޮތަތީ ފްލައިޓަކަށް ވެސް އެރުވޭވަަރަށް ސްޓޭބަލް ނުވޭ. އަދި ވެސް ޝައިތާނު ހައްޔަރެއް ނުކުރޭ!
އަންދަލޫސިޔާ
01 July 2023
ބާރުބާރަށް ދުއްވީ ލައިސަންސްވެސް ނެތި. ހަފީޒު ގައިގާ އެ ސައިކަލުން ޖެއްސީ ޒިބްރާ ކްރޮސް މަތިން ހިނގާފައި ހުރަސްކުރަނިކޮށް. ފުލުހުން އެތިބީ ޕާރޓޭ ދިފާޢުކުރަން. މުޖުތަމަޢުއަށް ނުރައްކާ މީހެއް ކަމުގައި ކޯޓަށް ގެންގޮސް 15 ޖަހާކަށް ނޫޅޭ. އޭގެ ބަދަލުގައި މަރާ ހަނގުރާމަކުރަމުންދާ މީހާގެ ޢާއިލާ މީހުން ކައިރީ ބުނީ ސައިކަލް މާދުރުން އަންނަތަން ފެންނާނެޔޯލަ. ދެން ކީއްވެހޯ އެ ސައިކަލް ދަންދެން މަޑުނުކުރީ. އަދި ޓްރެފިކް ކަންތަކުގައި ހައްޔަރެއް ނުކުރެވޭނެޔޯލަ!
މޫނު
30 June 2023
ލައިސަންސް ނެތި ސައިކަލު ދުއްވުމަކީ ޤާނޫނީ ކުށެއް ނޫންތަ؟ ތިމާގެ އަމިއްލަ ނަފްސާ އެހެން މީހުންގެ ފުރާނަ ނުރައްކަލަށް ހުށަހެޅުމަކީ ކުށެއް ނޫންތަ؟ މިއިން ކުށަކަށް އަރައިގަނެގެން މީހެއްގެ ފުރާނަ ދުއްވާލުމަކީ ކުށެއް ނޫންތަ؟ މީގަ ކުށަކަށް ވާނީ ސިޔާސީ މީހެއްގެ ފުރާނައަށް ނުރައްކާ ވީމަ އެކަނިތަ؟
ޢުފަންބިން
30 June 2023
ޑްރަގް އެތެރެކުރިއަސް ސާބިތެއް ނުވޭ ބޭނުން ކުރިއަސް އެކށީގެންވާ ފިޔަވަޅެއް ނޭޅޭ މިހަކު މެރިއަސް އެއީ މާބޮޑު ކަމަކަށް ނުވޭ ލައިސަންސް ނެތި ދުއްވިޔަސް އޯކޭ ނުގަވައިދުން ދުއްވާ މީހަކު މަރާލިޔަސް މާބޮޑު ކަމަކަށް ނުވޭ. ކޮރަޕްޝަނާއި ވައްކަން ސާބިތުނުވާ ބުހުތާން ދޮގު.
ވަލީ
29 June 2023
ތިގޮތަށް ދުއްވާމީހުނަށް ލަންކާތަންތަނުގަ ރައްޔިތުން އަދަބުދޭގޮތަށް އަދަބުދޭންފަށާބަލަ. ދުއްވާކަށް ނުކެރޭނެ. އިންސާނީޙައްޤު އޮންނަތަންމިފެންނަނީ ކުށްކުރާމީހުނަށް.
ކޮރަލް
29 June 2023
ސައިކަލްގައި ތިބި މީހުން ވަނީ އެކްސިޑެންޓްވުމާ އެކު އެ ސަރަހައްދު ދޫކޮށް ފިލައިފަ އެވެ. އަދިވެސް އެމީހުން ހައްޔަރު ކުރި ވާހަކަ އަޑެއް ނީވެ އެވެ.
ހަސަނު
29 June 2023
ބާރެއް ނެތި ދައުލަތް މި އޮތީ ވާ ވެފަ.. ސިޔާސީ މީހުން އަންބޮޑި ބޮޑުކާން ދައުލަތުގެ ބާރުތައް ނަގާލައިފި..
ކޮންސްޓޭ
29 June 2023
ސައިކަލު ދުއްވިމީހާގެ އިތުރުން ސައިކަލު ވެރިމީހާ އަށް ހައްޤު އަދަބު ދެވެންޖެހޭނެ.
އިސްލާހު
29 June 2023
ކަރުން ނާރު ފުއްޕާފަ ބުނާނެ ބިރުވެރިކަން އުފެދޭގޮތަށް ސައިލަންސަރުގެ އަޑުގަދަކޮށް ބާރު ސްޕީޑް ގަ ސައިކަލު ދުއްވާ ފަރާތްތަކާދޭތެރޭ ފިޔަވަޅުއަޅާނަމޭ...... ހަރާމުން ހަރާން އެއްކަމެއްވެސް ކުރާނަމަ... ހުރިހާ ގެއްލުމެއް ކުށެއް ނެތް އާންމު ރައްޔިތުމީހާއަށް.....
ވަލީދާ
29 June 2023
މީގެ ދެތިންއަހަރުކުރިން ތިމާގެ މީހެއްވެސްވަނީ އަލިކިލެގެފާނު މަގުގައި ހުރި މިސްކިތަކުންނިކުއްތަަނާ ބާރަށް ދުއްވާފައި އައިސަކަލަކުންޖެހި ނިޔާވެފައެވެ.ސައިކަލްދުއްވަން އިންމީހާ ވަނީ ފިލާފަ. މުޖުތަމައުގައި މިކަހަލަ ކުއްތައްގިނަވަނީ ކުއްކުރާމީހުންނާމެދު ރަނގަޅު ފިޔަވަޅެއް ނޭޅޭތީ