ޚަބަރު / ޣިޔާސުއްދީން އިންޓަނޭޝަނަލް ސްކޫލް

ޣިޔާސުއްދީން ސްކޫލުގެ ފީ ބޮޑުކޮށްފި

ޣިޔާސުއްދީން ސްކޫލުގެ ދަރިވަރުންތަކެއް އެ ސްކޫލުގެ ހޯލުގައި ކުޅެނީ.-- ފައިލް ފޮޓޯ: މިހާރު

އާސިމާ ނިޒާރު، މިހާރު

12 ޖުލައި 2023 - 13:00

18 comments

ޣިޔާސުއްދީން އިންޓަނޭޝަނަލް ސްކޫލުން ދަރިވަރުންގެ އަތުން ނަގާ ފީ ބޮޑުކޮށްފި އެވެ.

އެ ސްކޫލުގެ ޕްރިންސިޕަލް އަލީ މުސްތަފާ ވިދާޅުވީ ކޮވިޑު-19 ގެ ބަލިމަޑުކަމަށް ފަހު އެ ސްކޫލު ހިންގަމުން ދިޔައީ ގެއްލުމުގައި ކަމަށެވެ. ހަމަ އެ މުއްދަތުގެ ތެރޭގައި ޓީޗަރުންގެ މުސާރަ 20 ޕަސެންޓާ ހަމައަށް ބޮޑުކުރުމުން ދަތިތަކެއް ކުރިމަތިވި ކަމަށް އޭނާ ވިދާޅުވި އެވެ.

އަންނަ މަހު ފަށާ ދިރާސީ އާ އަހަރާ އެކު ދަރިވަރުންގެ ފީ ބޮޑުވާނެކަން ބެލެނިވެރިންނަށް ވަނީ އަންގައިފަ އެވެ. މުސްތަފާ ވިދާޅުވީ ހުރިހާ ގްރޭޑަކުން ވެސް އެކި ވަރަށް ބޮޑުކޮށްފައިވާއިރު، އެންމެ ބޮޑަށް އިތުރުކޮށްފައިވަނީ 5.5 ޕަސެންޓެވެ.

މިދިޔަ އަހަރު ވެސް އެ ސްކޫލުގެ ފީ ބޮޑުކުރި އެވެ. ނަމަވެސް، އޭރު އެންމެ ބޮޑު ބަދަލެއް އައި ގްރޭޑު 2 ގެ ފީއަށް އިތުރުވީ 297ރ. އެވެ.

ގްރޭޑު 1-2: 3،927ރ. އިން 4،143ރ. އަށް

ގްރޭޑު 3-7: 3،812ރ. އިން 4،143ރ. އަށް

ގްރޭޑު 8-10: 5،565ރ. އިން 5،871ރ. އަށް

"ގެއްލުންތަކުގައި ހިންގަމުން އައިސް ޖީއެސްޓީ ބޮޑުކުރުމުން ފުދޭ ވަރަކަށް ގިނަ ކަންކަން ބެއާ ކުރަން ޖެހުނު. އެ ގެއްލުން ފޫ ނުބެއްދިގެން ފީ ބޮޑުކުރަން މި ނިންމީ." މުސްތަފާ ވިދާޅުވި އެވެ.

ފީ ބޮޑުކުރުމަށް އެޑިއުކޭޝަން މިނިސްޓްރީން ވަނީ އެ ސްކޫލަށް ހުއްދަ ދީފަ އެވެ.

ސަރުކާރު ސްކޫލުތަކުގެ ޓީޗަރުންގެ މުސާރަ މިދިޔަ އަހަރުގެ މެއި މަހުން ފެށިގެން ބޮޑުކުރުމުން އަމިއްލަ ބައެއް ސްކޫލުތަކުން ވެސް ދަރިވަރުންގެ ފީ ބޮޑުކުރުމަށްފަހު އެ ތަންތަނުގެ ޓީޗަރުންގެ މުސާރަ ބޮޑުކޮށްފަ އެވެ.

ސްކޫލް އެޑިއުކޭޝަން މިނިސްޓްރީ ކިޔަވާކުދިން ޣިޔާސުއްދީން އިންޓަނޭޝަނަލް ސްކޫލް

18 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވޯލް

14 July 2023

މި ސަރުކާރުގެ ދޯހަޅި ސިޔާސަތުގެ ސަބަބުން، މިޖިތަމައުގެ ވަކި ބަޔަކަށް ގެއްލުން ވަނީ. ދައުލަތުގެ މުސާރަތައް ހާމަނައިޒް ކުރަމުން ފެށީ އެންމެ ބޮޑެތި މުސާރަ ލިބޭ ޕްރޮފެޝަންއިން. ސިއްހީ ދާއިރާގެ މުސާރަތަކަކީ ނިސްބަތު ބޮޑު މުސާރަތަކެއް މުޅި ސިވިލް ސަރވިސްއަށް ބަލާފިއްޔާ. އޭގެ ނަތީޖާއަކީ މުސަަރައަށް ބަދަލު ނައިސްތިބި މުވައްޒަފުންގެ ދިރިއުޅުމުގެ ޚަރަދުތައް އިންތިހާއަށް ބޮޑުވުން. ޓެކްސް 8% ދަކަނީ އެންމެންވެސް އެކަމަކު މިސާރަ ކުރިއެރުން ވަކި ބަޔަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއްސެ

12 July 2023

ތޯހާ ހިންގިއިރު ހުރިހާ ގޮތަކުންވެސް ވަރަށް ރަނގަޅު، އެކަމަކު މުސްތަފާ އައިފަހުން މުޅި ސްކޫލުގެ ފެންވަރު ދައްވެއްޖެ. ކުރިން ކޮންމެ ގްރޭޑެއްގަ 3 ކްލާސް ހިންގާއިރު މިހާރު 4 ކްލާސް، އެވަރަކަށް ޓީޗަރުން އިތުރެއް ނުވޭ، ޓީޗަރުންގެ މުސާރަ ވަކި ބޮޑެއްނޫން އެކަމަކު ފީ އެބަ ބޮޑުކުރޭ ކޮންމެ އަހަރަކު. އަހަރު ނިމޭއިރު ސިލަބަސްވެސް ކަވަރނުވޭ. ކޮންމެ އަހަރަކު ސްޓޫޑެންޓް އެވޯޑްސް އުސޫލު އެބަ ބަދަލުވޭ. ތޯހާ ހަދާފަހުރި ހަރުދަނާ ހުރިހާކަމެއް ބަދަލުކޮށްފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސޭން

12 July 2023

ރާއްޖޭގެ ހުރިހާ ސްކޫލެއްގަވެސް މިހަދަނީ ކެމްބްރިޖް އޯލެވެލް. ރާއްޖެތެރޭ ސްކޫލް ތަކުންވެސް ހަދަނީ ކެމްބްރިޖް އޯލެވެލް. ދެން ކޯންޗެއްތޯ މީގަ އިންޓަރނޭޝަނަލް ވެގެން މިއުޅެނީ؟ ނަން ބޯރޑް ދެއްތޯ؟ މިހުންނަނީ ހައްތާހާވެސް އޮޅުވާލުން. ސައި ހޮޓަލެއްގެ ދޮރުމަތީގަ "އިންޓަރނޭޝަނަލް ކެފޭ" އެކޭ ޖަހާލާފަ ގުޅަ ބަޖިޔާ އިންޓަރނޭޝަނަލް އަގުގަ ވިއްކަން ފެށީމަވެސް އެތަންތަނަށް ވެސް ވަންނާނެ ބަޔަކު ތިބޭނެ. ތިވެސް އެކަހަލަ ކަމެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫރައްދީން ބިން ބޫޓުއްދީން

12 July 2023

ތިސުކޫލު ހިންގާފަރާތަކީ އިންޑިޔާމީހެއް ރައީސް ނަޟީދު ވެރިކަމުގަ އިންޑިޔާގަ މަކުތަބެއް ހިންގާމީހަކައް ތިތަންހަވާލުކުރީ» ތޯހާ ޕުރިންސިޕަލް އަކައް ހުރިއިރު ރަނގަޅު މިހާރު ތަނުގެ ފެންވަރެއްނެތް ތިތަން ސަރުކާރައް ނަގަންފެނޭ ބޮޑުސިންގާ ތަނެއް ކިޔަވާދެވެނީއެއްނޫން ދިވެއްސަކައް ވަޒީފާއެއްދެވެނީޔެއްނޫން ގެންނަ ޓީޗަރުންގެ ފެންވަރެއް ހުންނަނީޔެއްނޫން ކޮންމެ އަހަރަކު ފީބޮޑު އެބަކުރޭ ދެކޮޅުނުޖެހޭ ދެން ހުއްޓާލަން ނުވޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑެބީ

12 July 2023

ބޮޑު އަގުނަގައިގެން ހިންގާ ފީކަޅާ ސްކޫލެއް. ތަކަންދޫ މާރަންދޫ ސްކޫލަށްވުރެންވެސް ކަޑަވެއްޖެ. އަލީ މުސްތަފާ އަކީ ހަމަ ސުމެއްގެ ޕްރިންސިޕަލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޔާ

12 July 2023

ތައުލީމުން ޖީއެސްޓީ ނަގަނީ ކީއްވެ؟ އަސާސީ ކަމަކަށްނުވަނީތޯ؟ ކިރުދަޅުން ޓެކުސް ނުނަގާ ކިޔަވަންދާތީ އޭގެން ނަގަން އޯކޭ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމް

12 July 2023

އަމިއްލަ ސްކޫލުތަކުން ތަޢުލީމުދެނީ ތަނަވަސް، ފޯރުންތެރި މުއްސަނދިން. ޖީއެެސްޓީ ދައްކަަން ނުޖެހޭނެ ސަރުކާާރު ސްކޫލަކަށް ވެއްދީމާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިއްކާލި

12 July 2023

ޣިއާސުއްދީން ސްކޫލަކީ ރ ނަޝީދު ސަރުކާރުން އިންޑިއާ ބަޔަކަށް ވިއްކާލި ސްކޫލެއް. ދައުލަތުގެ އެސެޓެއް. މިހާރު މިއޮތް ސަރުކާރުން މާލޭގެ ވަރަށް ގިނަ ދައުލަތުގެ ސްކުލްތަށް އިންޑިއާގައި މޯގޭޖްކޮށް ދައުލަތް ހިންގަން ފައިސާ ނަގާފައިވާކަމަށް ޚަބަރުލިބޭ. ހެދި ހުރިހައި އެގްރިމެންޓެއްވެސް ވަނީ ޤައުމީ ސަލާމަތަށް ނުރައްކާވާތީ ރައްޔިތުންނަށް ސިއްރުކޮށްފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންގާރަ

12 July 2023

ފީބޮޑުކޮއްފައި ކިޔަވައިދިނުން ހަމަ ސުމެއް. ފިޒިކްސް ކަހަލަ މާއްދާތައް ޖެހެނީ ރަނގަޅު ޓީޗަރުން ގެއަށް ގެނެސްގެން އަލިފުން ފަށައިގެން ކިޔަވައިދޭން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުދަ

13 July 2023

ވަރަށް ބޮޑު ތެދެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

12 July 2023

ޣިޔާސުއްދީން ސްކޫލް "އިންޓަނޭޝަނަލް" ސްކޫލަކަށްވަނީ ކޮން ސަބަބަކާ ހެދިތޯ. ބޭރު ގައުމުތަކުގައި ސްކޫލްތަކަށް އިންޓަނޭޝަނަލް ސްކޫލެެކޭ ކިޔާއުޅެނީ އެ ސްކޫލޫން ބައިނަލްއަޤްވާމީ އިމްތިޙާނުތައް ހަދާތީ. ޣިޔާސުއްދީން ސްކޫލްވެސް ޢިމާދުއްދީން ސްކޫލުންވެސް އަދި ހުވަނދުމާފުށި ތައުލީމީ މަރުކަޒުންވެސް ގްރޭޑް 10 ނިންމާ ކުދިން އިށީންނަނީ އެއް އިމްތިޙާނެއްގައި.