އިންޓަޕޯލްގެ މަސައްކަތް ފެށިތާ 100 އަހަރުފުރުން ފާހަގަ ކުރުމާ ދިމާކޮށް އިންޓަޕޯލްގެ ސެކްރެޓަރީ ޖެނެރަލް، ޔޯގަން ސްޓޮކް ރާއްޖެ އަށް ރަސްމީ ޒިޔާރަތެއް ކުރައްވައިފި އެވެ.
އިންޓަޕޯލްގެ މެމްބަރަކަށް ރާއްޖެ ވީ 1984 ގަ އެވެ. އެ ޖަމާއަތުގައި މި ވަގުތު ދުނިޔޭގެ 194 ގައުމެއް އެބައޮތެވެ.
ފުލުހުން ބުނީ އިންޓަލޯލްގެ އެސްޖީ ރާއްޖެ ވަޑައިގަތީ މިދިޔަ ބުދަ ދުވަހު ކަމަށެވެ.
އެ ޒިޔާރަތުގައި، ކޮމިޝަނާ އޮފް ޕޮލިސް މުހައްމަދު ހަމީދާއި އިންޓަޕޯލްގެ ނެޝަނަލް ސެންޓްރަލް ބިއުރޯ މާލެ އަދި ފުލުހުންގެ އެގްޒެކެޓިވް މެނޭޖްމަންޓާ ބައްދަލުކުރެއްވި ކަމަށް ވެސް ފުލުހުން މައުލޫމާތު ދިނެވެ.
އެ ބައްދަލުކުރެއްވުމުގައި މަޝްވަރާ ކުރައްވާފައި ވަނީ އިންޓަޕޯލާ ގުޅިގެން ކުރާ މަސައްކަތް އިތުރަށް ފުޅާކޮށް ރާއްޖެއާއި އިންޓަޕޯލާ ދެމެދު އޮންނަ ގުޅުން ވަރުގަދަކުރުމަށް ކަމަށް ވެސް ފުލުހުން ބުންޏެވެ.
އިންޓަޕޯލަށް 100 އަހަރު ފުރުން ފާހަގަކުރުމުގެ ގޮތުން އިންޓަޕޯލްގެ ބެނާ ކަނޑުއަޑީގައި ދެމުމަށް ބޭއްވި ހަރަކާތުގައި ވެސް އެސްޖީ ބައިވެރިވި އެވެ.
ފުލުހުން ބުނީ ރާއްޖޭގެ ގާނޫނު ތަންފީޒުކުރާ އިދާރާތައް ތަމްސީލުކުރާ ގިނަ އަދަދެއްގެ މަންދޫބުން ވެސް އެ ހަރަކާތުގައި ބައިވެރިވި ކަމަށެވެ.