ޚަބަރު / ރައީސް އިބްރާހިމް މުހައްމަދު ސޯލިހް

ގޯތި ދެނީ ސިފައިންގެ ބަނދަރު އަޅާ އުތުރު ތިލަފަޅުން: ރައީސް

އެމްޑީޕީން މިރޭ ބޭއްވި ކެމްޕެއިން ޖަލްސާގައި ރައީސް ވާހަކަ ދައްކަވަނީ--ފޮޓޯ: އެމްޑީޕީ

މޫސާ ރަޝީދު، މިހާރު

23 ސެޕްޓެމްބަރ 2023 - 23:01

ސަރުކާރުން އަލަށް އިއުލާން ކުރި, މާލޭގައި 20 އަހަރުވެފައިވާ މީހުންނަށް ގޯތި ދިނުމުގެ މަޝްރޫއުގައި ބިން ދޫކުރާނީ އެމްއެންޑީއެފްގެ ޑޮކްޔާޑަކާއި ބަނދަރެއް ހެދުމުގެ މަސަކަތް ހިނގަމުން އަންނަ އުތުރު ތިލަފަޅުން ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.

އެމްޑީޕީން މިރޭ ބޭއްވި ކެމްޕެއިން ޖަލްސާގައި ރައީސް ވަނީ ގޯތި ދިނުމުގެ އާ މަޝްރޫއުގެ ތެރެއިން މާލެ އުތުރު ތިލަފަޅާ ހަމައަށް މާލެ ގުޅުވާލާނެ ކަމަށާއި އެތަނުން ދިވެހިންނަށް ބިން މިލްކު ކުރެވޭނެ ގޮތް ހަދާނެ ކަމަށް ވިދާޅުވެފަ އެވެ.

"އެކަމަށް [ގޯތި ދިނުމަށް] އަޅުގަނޑުމެން ނިންމާފައި އޮތް އެއް ފަޅަކީ އެ ވިދާޅުވާ އުތުރު ތިލަފަޅު. އެތަނުގައި ދިވެހިން ދިރިއުޅޭނީ. ބޭރު މީހުންނެއް ނޫން ދިރިއުޅޭނީ،" ރައީސް ވިދާޅުވި އެވެ.

"މާލެއިން ހުޅުމާލެ އަށް، ގުޅިފަޅުން ތިލަފުއްޓަށް، ތިލަފުށިން ގިރާވަރު ފަޅަށް ގިރާވަރުފަޅުން އުތުރު ތިލަފަޅަށް ބްރިޖުން އެތަން ގުޅިގެން ދާނެ،" އެމަނިކުފާނު ވިދާޅުވި އެވެ.

ރައީސް އިއުލާން ކުރެއްވި އާ މަޝްރޫއުގެ ދަށުން ގޯތި ދެނީ މާލޭގައި ދިރިއުޅޭތާ 20 އަހަރުވެފައި މީހުންނާއި ދަތްފަރުގައި ރަޖިސްޓްރީ ކުރިތާ 20 އަހަރުވެފައިވާ މީހުންނަށެވެ.

ރައީސް ވިދާޅުވި ގޮތުގައި އެ ސްކީމްގެ ދަށުން ގޯއްޗަށް ކުރިމަތިލުމަށް މިރޭ އިރުކޮޅެއް ފަހުން ހުޅުވާލާނެ އެވެ. ހުޅުވައިލުމުން ވީހާވެސް ގިނަ ބަޔަކު އެކަމަށް ކުރިމަތިލުމަށް އެދިވަޑައިގަންނަވާ ކަމަށް އެމަނިކުފާނު ވިދާޅުވި އެވެ.

"އެއިން އެއްވެސް ފަރާތަކަށް ތަފާތު ކުރުމެއް ނެތި ބިން މިލްކު ކުރެވޭ ގޮތް ހަދާނަން." ރައީސް ވިދާޅުވި އެވެ.

އުތުރު ތިލަފަޅުގައި އެމްއެންޑީއެފްގެ ކޯސްޓް ގާޑަށް ހާއްސަ ބަނދަރެއް ހަދަން އިންޑިއާ ސަރުކާރާ އެކު އެއްބަސްވުމެއްގައި ސޮއި ކުރީ 2021 ވަނަ އަހަރުގެ ފެބްރުއަރީ މަހު އެވެ.

އެހެން ނަމަވެސް އުތުރު ތިލަފަޅުގައި އެ ގައުމުގެ ސިފައިން ތިބޭ ކަމާއި އެތަން ތަރައްގީ ކުރުމަށް އިންޑިއާ އާއެކު ވެފައިވާ އެއްބަސްވުން ހާމަ ނުކުރާ މައްސަލާގައި ސަރުކާރަށް ވަރަށް ބޮޑަށް ފާޑު ކިޔުން އަމާޒުވެ އެވެ.

އެމްޑީޕީ ބޯހިޔާވަހިކަން ރައީސް އިބްރާހިމް މުހައްމަދު ސޯލިހް އުތުރު ތިލަފަޅު ރިޔާސީ އިންތިޚާބު 2023

165 ކޮމެންޓް, 89 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަނިކުފާނު ވެދުން

24 September 2023

ކޮބައިތޯ މެނިފެސްޓޯ؟ އޭގަހުރިވާހަކައަކާ ދިޔަދައްކާވާހަކަ ދިމައެއްނުވޭ. މާދަން ބުނާނެ ބަރަވެލި ކަނޱުން ގޯތިދޭވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނދަރުގަ ހުރި ކްލާސް

24 September 2023

އުތުރު ތިލަފަޅުގަ ހަދަން ހުރި ހުރިހާ ތަނެއް ކުރަހާ ޑިޒައިންކޮށް ނިންމާފަ އޮތްނަމަ ކިހިނެތް އެތަނުން ގޯތި ދެނީ؟ ބޭނުންވީމަ ފަހު ވަގުތު ކޮންމެ ތަނަކުންވިއަސް ގޯތި ދޭ ތަނަކަށް ބަދަލުކޮށްލެވެނީ އެއްވެސް ޕްލޭނެއް ނެތީމަ. އިހަކަށް ދުވަހު މީޑިއާ މީހުން ގެންގޮސް އެތަން ދެއްކީ. މިހާރު ޕްލޭން ބަދަލުވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާޒު ލާހޫރޭ

24 September 2023

ދެން ނެތްތަ ބަހާނެ އެއްޗެއް. މުލިއާގޭގަ ހުރި ތެލިތަށި، ހިފާ ގެންގުޅޭ އެތިކޮޅުވެސް ބަހާލަންވީ ނޫންތޯ؟ 5 އަހަރު ނިދަން އޮވެފަ، ސްލޯ ކަމުގަ ޗޮކުން ދުއްވާލާފަ، ވޯޓަށް ކުޑަތަންވީމާ ތިވައްތަރަށް އުޅޭނީ ހަރުދަނާކަމެއް، އަމާޒެއް، ޕްލޭނެއް ނެތް ވެރިން. އަމުދުން އިހްލާސްތެރިކަމެއް ނެތް ވެރިން. ގައުމެއް ތަރައްގީ ކުރެވޭނީ މެދު އަދި ދުރުރާސްތާ ޕްލޭންތައް ހަދައި، އެ ތަންފީޒުކުރެވޭ ވިޝަނަރީ ވެރިންނަށް. ތިއުޅޭ ފާޑަށް އުޅޭ އަމާޒެއްނެތް ވެރިއަކު މަ ބޭނުމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5789

24 September 2023

އުތުރު ތިލަފަޅުން ހަމަ އެކަނި ގޯތިދޭން ބުނުން ކަޑަ. ދޫ ފަސޭހަކަމާއެކު ބުނެލިނަމަ ގޯތިދީފަ ބަކިންހަމް ފެންވަރުގެ ގަނޑުވަރެއްވެސް ހަދައިދޭނަމޭ. އޭރަށްނު ބޮޑު ވައުދަކަށްވާނީ. ޕީޕީ ކުދިން އޭރުން ތިބޭނެ ހަތަރު އުދަރެސް ފެނުޖެހިފަ. ރައީސްގެ އޯގާތެރިކަން ފެނި ކުޅުހިކިފަ ތިބޭނީ. މިރޭ ކަންމަތީ ޖަލްސާގަ އެހެން ބުނެލައްޗޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުވަދޫ ކ

24 September 2023

ހުވަދޫކަނޱުން ގޯތިދެނީ ކޮންއިރަކުންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާމިޔާ

24 September 2023

ވެރިކަން ނުލިބިގެން މީ ބޮޑުވަރު . މައުމޫނުގެ ތިރީސް އަހަރުގެ ވެރިކަމުގައި މިމީހުން ދެއްކި ހުރިހާ ވާހަކައެއް މިމީހުންނަށް މިހާރު ލިބި ނިމިއްޖެ. ދިވެހިސަރުކާރު މުދަލާއި ފައިސާ އާއި ބިންބިމާ ރިސޯޓާއި ފަޅާއި ގިރިއާއި ނެރު ކަނަޑާއި ފަޅު ދީ އެމްޑީޕީ ސަރުކާރުން ވޯޓަށް އެއްމެ 15 ދުވަސް ތެރޭގައި ބަހާ މިހާރުގެ ސަރުކާރުން ވޯޓަށް ނުފޫޒް ފޯރުވަން މިޖަހާ ސަކަރާތާއި މެދު އެއްޗެކޭ ބުނެލާނެ މުވައްސަސާއެއް ހަމަނެތީތޯ.މިއީ ޤަވާޢިދަކުން ދެވޭ އެއްޗެއް ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޕަދަރި

24 September 2023

އުމަރު ބުނެފަ އޮތީ ބަހުސްގަ އުތުރު ތިލަފަޅު ހިއްކާފަ ގޯތިދޭނެ ވާހަކަ.. އިންޑިއާއާކު ހަދާފައޮތް އެގްރިމަންޓް ބާތިލުކުރާނެ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފުން

24 September 2023

ގެޒެޓް ކިޔާލި އިރު ކަމަކުދާކަށްނެތް. ގޯތި ދޭން ޢިއުލާނު ކޮށްފަ އޮތީ "ގިރާވަރު އުތުރު ފަޅުން". އުތުރު ތިލަފަޅަކުންނޫން. މިއީ މުޅިން ދެ ތަނެއް، މާ ކަނޑު ހުރަސްކޮށް ދެވޭ ދެ ތަން. މިވަރަށް އޮޅުވާލަން ހެޔޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަދު

24 September 2023

އަތުގައި ކާލާ މަންނަ. ވައުދުން ތަޅާ ބަލި ކުރާނަން. އެއްވެސް ވައުދެއް ނުފުއްދާ 4 އަހަރު ހިފަހައްޓާފައި ދެން އަނެއްކާވެސް. ފަށާނީ. އެނެއް 5 އަހަރު އެއްވެސް ކަމެއްނެތި އަރާމުގައި.