ބަދަލުގެ ގޮތުގައި 1ބިލިއަން ނަގައިދޭން ނިންމީ ގާނޫނާ ޚިލާފަށް، ސެޓްލްމަންޓް ކޮމިޓީ ރައީސް އުވާލައްވައިފި

ކުރީގެ ސަރުކާރުން އުފެއްދި ސެޓްލްމަންޓް ކޮމިޓީން އެކި ފަރާތްތަކަށް ބަދަލުގެ ގޮތުގައި ފައިސާ އާއި މުދާ ހިމެނޭ ގޮތުން އެއް ބިލިއަނަށް ވުރެން ގިނަ ރުފިޔާ ދައުލަތުން ނަގައިދޭން ނިންމާފައި ކަމަށާއި އެކަން ކޮށްފައި ވަނީ ބަންޑާރަ ނައިބުގެ އޮފީހުގެ ލަފައެއް ވެސް ނެތި ގާނޫނާ ޚިލާފަށް ރައީސް އޮފީހުން މިއަދު ބުނެފި އެވެ.

އެކި ފަރާތްތަކަށް ބަދަލު ދިނުމަށް އުސޫލެއް ހަދައި ހިންގި އެ ކޮމިޓީ ރައީސް ޑރ. މުހައްމަދު މުއިއްޒު މިއަދު ވަނީ އުވާލައްވައިފަ އެވެ.

ރައީސް އޮފީހުން ބުނި ގޮތުގައި ސެޓްލްމަންޓް ކޮމެޓީ މިއަދު އުވާލިއިރު، އެ ކޮމިޓީން ވަނީ އެކި ފަރާތްތަކަށް ބަދަލުގެ ގޮތުގައި 225 މިލިއަނަށް ވުރެ ގިނަ ރުފިޔާ ދިނުމަށް ނިންމައިފަ އެވެ. ފައިސާގެ އިތުރުން ދޭން ކަނޑައެޅި ހަރުމުދަލާއި ރަށްތަކާއި ފަޅު ފަދަ ތަންތަން އަގުމަގުކުރުމުން، އެކި ފަރާތްތަކަށް ބަދަލުގެ ގޮތުގައި 1ބިލިއަން ރުފިޔާގެ އަގުހުރި ހަރުމުދަލާއި ފައިސާ ދައުލަތުގެ މިލްކިއްޔާތުގެ ތެރެއިން ދޭން އެ ކޮމެޓީން ނިންމާފައިވާ ކަމަށް އަންދާޒާ ކުރެވޭ ކަމަށް ރައީސް އޮފީހުން މިއަދު ބުންޏެވެ.

ސެޓްލްމަންޓް ކޮމިޓީ އުވާލައްވަން ރައީސް މުއިއްޒު މިއަދު ނިންމެވީ ބަންޑާރަ ނައިބު އަހުމަދު އުޝާމް ދެއްވި ގާނޫނީ ލަފާއަކާ އެކު އެވެ.

ރައީސް އޮފީހުން ބުނި ގޮތުގައި "ސަރުކާރާއި އަމިއްލަ ފަރާތްތަކާ ދެމެދު ވެފައިވާ އެއްބަސްވުންތަކާ ގުޅިގެން އުފެދިފައިވާ މައްސަލަތައް ހައްލުކުރުމުގައި އަމަލުކުރާނެ ގޮތުގެ އުސޫލު" ނަމުގައި މިދިޔަ އަހަރުގެ ނޮވެމްބަރުން ފެށިގެން އަމަލު ކުރަމުން ގެންދަނީ ގާނޫނީ އޮނިގަނޑެއް، ބާރެއް ނެތި ކަމަށް މިހާރުގެ ބަންޑާރަ ނައިބު ލަފާ ދެއްވާފައިވާ ކަމަށެވެ.

Settlement committee ge sababun corruption ah magu fahivey!

The most trusted news source in the Maldives

Mihaaru

މި އުސޫލުގެ ދަށުން މައްސަލަތައް ހައްލުކުރުމުގެ ނަމުގައި އެކި ފަރާތްތަކަށް މާލީ ބަދަލުތައް ދިނުން ފަދަ ކަންކަން ދައުލަތުގެ ބަންޑާރަ ނައިބުގެ އޮފީހުގެ އެއްވެސް ބައިވެރިވުމެއް ނެތި، އަދި އެއްވެސް ލަފައެއް ވެސް ނެތި ކުރިއަށް ގެންދިޔައީ، ގާނޫނުއަސާސީގެ 133 ވަނަ މާއްދާގެ (ނ)އާ ހިލާފަށް ކަމަށް ވެސް ބަންޑާރަ ނައިބުގެ ލަފާ ލިބިފައިވާ ކަމަށް ރައީސް އޮފީހުން ބުންޏެވެ.

ރައީސް އޮފީހުން ބުނެފައިވާ ގޮތުގައި ޝަރުއީ މަރުހަލާގައި މައްސަލަަތައް ކުރިއަށް ދަނިކޮށް، ބަންޑާރަ ނައިބު އޮފީހުގެ އެއްވެސް ލަފައެއް ހޯދުމެއް ނެތި، ކޯޓުން ބޭރުގައި ފަސް މައްސަލައެއް ކުރީގެ ސަރުކާރުން ވަނީ ނިންމައިފަ އެވެ. މި މައްސަލަތައް ކޯޓުން ބޭރުގައި ނިންމީ ބަންޑާރަ ނައިބުގެ ފަރާތުން ޝަރުއީ މަރުހަލާގައި ފާހަގަކުރަމުންދިޔަ ނުކުތާތަކަށް ވެސް ބެލުމެއް ނެތި އަދި އެ މައްސަލަތަކުގައި ދިނުމަށް ފެންނަ ބަދަލާ ގުޅޭ ގޮތުން އޮޑިޓާ ޖެނެރަލް ދެއްވާފައިވާ ރައުޔާ ވެސް ހިލާފަށް ކަމަށް ބަންޑާރަ ނައިބުގެ ލަފަޔާ ހަވާލާ ދީ ރައީސް އޮފީހުން ބުންޏެވެ.

"މި އުސޫލަކީ އެއްވެސް އިންސާފެއް ހަމަހަމަކަމެއް ނެތި، ތައައްސުފީކޮށް އަމަލުކުރުމަށް މަގުފަހިވާ އުސޫލެއް، މި އުސޫލު ގާނޫނުއަސާސީގެ 271 ވަނަ މާއްދާއާ ހިލާފު ކަމަށް ވެސް ބަންޑާރަ ނައިބު ދެއްވި ލަފާގައިވޭ،" ރައީސް އޮފީހުގެ ބަޔާނުގައިވެ އެވެ.

Settlement committee ge usool aammukoh anekkaves massalathah balanee!

The most trusted news source in the Maldives

Mihaaru

ކުރީގެ ރައީސް އިބްރާހިމް މުހައްމަދު ސޯލިހްގެ އިސް ނެންގެވުމަކަށް ސެޓްލްމަންޓް ކޮމިޓީ ފުރަތަމަ އެކުލަވާލީ ޖެނުއަރީ، 27، 2019ގަ އެވެ. ބޭނުމަކަށް ވީ ސަރުކާރުން އެކި ފަރާތްތަކާއެކު ހަދާފައިވާ އެއްބަސްވުންތައް ކުރީގެ ރައީސް އަބްދުﷲ ޔާމީންގެ ވެރިކަމުގައި ގާނޫނާ ޚިލާފަށް އުވާލާފައިވާތީ އެ ފަރާތްތަކަށް ގެއްލުމުގެ ބަދަލު ދިނުމެވެ.

ނަމަވެސް، އެ ކޮމިޓީ އަށް އެންޓި ކޮރަޕްޝަން ކޮމިޝަން (އޭސީސީ)ން ފާޑުކިޔައި އެކަން ރައްޔިތުންގެ މަޖިލީހަށް ހުށަހެޅުމުން ދައުލަތުގެ މަޝްރޫއުތަކުގައި ގެއްލުމުގެ ބަދަލު ދިނުމުގެ ނިޒާމު ނަޒާހަތްތެރިކޮށް ކުރިއަށް ގެންދަން މަޖިލީހުން ސަރުކާރަށް ލަފާދިނެވެ. އެއާ އެކު ކޮމިޓީގެ މަސައްކަތްތައް މަޑުޖައްސާލުމަށް ފަހު އުސޫލު އެކުލަވާލައި އަނެއްކާވެސް ކޮމިޓީގެ މަސައްކަތްތައް ފަށައިގަތީ އެވެ.