އެއް ލީޓަރަށް ވުރެ ކުދި ޕްލާސްޓިކް ފުޅި ވިއްކުން މަނާ ކުރުން އަންނަ އަހަރަށް ފަސްކޮށްފި

އެއް ލީޓަރަށްވުރެ ކުދި ޕްލާސްޓިކް ފެންފުޅިތަކެއް: ކުރިން ހަމަޖައްސާފައި އޮތީ މިއަދުން ފެށިގެން ޕްލާސްޓިކް ފުޅި ވިއްކުން މަނާކުރަން.

ފާތިމަތު އަޖްފާން، މިހާރު

01 ޑިސެމްބަރ 2023 - 14:12

11 comments

ސިންގަލް ޔޫސް ޕްލާސްޓިކުގެ ބާވަތްތަކުގެ ތެރެއިން އެއް ލީޓަރާއި އެއަށްވުރެ ކުދި ޕްލާސްޓިކު ފުޅީގައި ބަންދުކޮށްފައި ހުންނަ ފެންފުޅި ރާއްޖޭގައި ވިއްކުން މަނާކުރުން އަންނަ އަހަރަށް ފަސްކޮށްފި އެވެ.

ކުރީގެ ސަރުކާރުގެ ސިޔާސަތުގެ ދަށުން، އެންވަޔަަރަމަންޓް މިނިސްޓްރީން ކުރިން އިއުލާންކޮށްފައިވާ ގޮތުގައި އެއް ލީޓަރަށް ވުރެ ކުދި ފްލާސްޓިކް ފުޅީގައި ބަންދުކޮށްފައި ހުންނަ ފެން އުފެއްދުމާއި ރާއްޖެ އެތެރެކުރުން މިއަދުން ފެށިގެން މަނާ ވާނެ އެވެ. އަދި އަންނަ މާޗް މަހުން ފެށިގެން އެ ފެން ބާޒާރަށް ނެރުން ވެސް މަނާވާނެ ކަމަށް މިނިސްޓްރީން ވަނީ ބުނެފަ އެވެ.

ނަމަވެސް މި ސަރުކާރުގައި ތާރީހް ބަދަލުކުރަން ނިންމައި ރައީސް ޑރ. މުހައްމަދު މުއިއްޒު ނެރުއްވި ގަރާރުގައި ވަނީ އަންނަ އަހަރަށް ފަސްކުރައްވައިފަ އެވެ.

އެ ގަރާރުގައި ބުނެފައިވާ ގޮތުގައި، އެއް ލީޓަރާއި އެއް ލީޓަރަށް ވުރެ ކުދި، ޕްލާސްޓިކް ފުޅީގައި ބަންދުކޮށްފައި ހުންނަ ފެން، އެތެރެކުރުމާއި އުފެއްދުން މަނާކުރާ މުއްދަތު އަންނަ އަހަރުގެ އޮގަސްޓް މަހުގެ ނިޔަލަށް ވަނީ ފަސްކޮށްފަ އެވެ.

އަދި އެ ތަކެތި ބާޒާރަށް ނެރުން މަނާކުރާ ތާރީހު ވަނީ އަންނަ އަހަރުގެ ނޮވެމްބަރު މަހުގެ ނިޔަލަށް ފަސްކޮށްފައި ކަމަށް ވެސް އެ ގަރާރުގައިވެ އެވެ.

ރާއްޖެ އަށް އެތެރެކުރުމާއި އުފެއްދުމާއި ބާޒާރަށް ނެރުން މަނާ، އެއް ފަހަރު ބޭނުންކޮށްފައި އުކައިލާ ޕްލާސްޓިކުގެ ބާވަތްތަކުގެ ލިސްޓެއް އެކުލަވާލީ މިދިޔަ ސަރުކާރުގަ އެވެ. އޭގެ ދަށުން އެކި ތާރީހުތަކަށް ބަހާލައިގެން ސަރުކާރުން އައީ އެ ތަކެތި މަނާކުރަމުންނެވެ.

ތިމާވެށި އެންވަޔަރްމެންޓް މިނިސްޓްރީ ބޯފެން

11 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިލް

03 December 2023

ރަމަޟާން މަހު މިސްކިތްތަކަށް ފެން ހަދިޔާ ކުރާ ފަރާތްތަކަށް ވަރަށް ދެރަ! ދެން ޖެހޭނީ ފެނުގެ ބަދަލުގައި އިޒްރޭލަށް ފަންޑު ކުރާ ކޯކް ފެންޓާ ސްޕރައިޓް ހަދިޔާކުރަން، އޭގެ ކުދި ޕްލާސްޓިކް ފުޅި އަދި މަނަލެއް ނުކުރޭ! ދެކޮޅު ނުޖެހޭ ކަންކަން. ވަރަށް ސަލާން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

01 December 2023

ތިޔަކަމަކީ އަނެއްކާވެސް ރައްޔިތުންނަށް ޖެހޭ އިތުރު ތަކްލީފެއް. ސަބަބަކީ އެއް ލިޓަރ ގެ ފެންފުޅި ނުހުންނަ ކަމެވެ. މިސްކިތް ތަކަށް މީހުން ހަދިޔާ ކުރަނީވެސް 500 އެމްއެލް ކަމަށް ވީއިރު އެ ސައިޒް މަނާ ކުރުމުން ދެން ހުންނާނީ 1.5 ލިޓަރ ކަމަށްވުމުން އެ ސައިޒް ހަދިޔާގެ ގޮތުގައި ދޭން ދަތިވާނެތީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދެއް

01 December 2023

ތިހެދުމެއްވެސް ބޭނުންކުރުމެއްވެސް ގެންގުޅުމެއްވެސް ނުހުއްޓުވޭނެ. މޮޅުވާހަކަ ދައްކާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައްސާނު

01 December 2023

ގާނޫނަކުން މަނާކޮއްފަ އޮންނަކަމެއް ރައީސްގެ ގަރާރަކުން ހުއްދަ ކުރެވޭތަ؟ އަހަރެން ހީކުރީ އެކަން މުއްދަތު އިތުރު ކުރެވޭނީވެސް ގާނޫނު ބަދަލްކޮއްގެންކަމަށް. ރައީސް ހުންނަވަނީ ގާނޫނަށްވުރެވެސް މަތީގަ ދެއްްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

01 December 2023

ސަރުކާރު ހިންގާ ހަވާލުވާ ފަރާތް ތަކުގެ މިފަދަ އަމަލު ތަކުގެ ސަބަބުން ޤާނޫނާއި ޤަވާއިދަށް އަހުލުވެރިވެ އެފަދަ ކަންކަމަށް ސަމާލުކަން ދިނުމުގެ ބަދަލުގައި އެއީ މާބޮޑަށް ފަރުވާތެރިވާންޖެހޭ ކަންކަމެއްނޫންކަން އިގޭތީ އެކަން ދަނީ ކަށީގައި ހަރުލަމުން. # މަޖިލީހުން ހަދާ ޤާނޫނުތައް "ނާޖާއިޒު ބާރު ބޭނުންކޮށް ޤަރާރު ނެރުއްްވައިގެން" މިގޮތަށް ލަސްކޮށް ހެދުމަކީ ހުރިހާ ހާލަތް ތަކެއްގައި އެކަން ކުރަން ޤާނޫނު ހުއްދަކުރާ ކަމެއްނޫން. ތިޔަ ނުބައި އާދަ ދޫކޮށްލާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢައްޔޫބު

25 March 2024

ޤާނޫނުގައި އޮންނަނީ ރައީސްކަނޑަޢަޅާ އެއްޗެއް ކަނޑައަޅަ ދުވަހަކުން މަނާވާ ގޮތަކަށް ނޫންތަ؟ ޢެކްސްޕޯޓު އިމްޕޯޓް ޤާނޫނުގައި އޮތީ އެގޮތަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރްޔަމް

01 December 2023

ދެން ދަތުރުމަތީވެސް ކުޑަ ފެންފުޅިއެއް ނުގަނެވޭނެ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

01 December 2023

ސްޕާރީ ޕެކްޓް ވިއްކުން ހުއްޓާލާފައި ދުވަސްކޮޅަކު ބިއްލޫރި ކުދި ފުޅިގެންގުޅުނު ، މިހާރު އަނެއްކާވެސް ޕްލާސްޓިކް ފުޅިތަކުގައި އެހެރެ ވިއްކަނި ސްޕާރީ ފުޅި