ހުޅުމާލެ ދޭއްގައި ހުޅުވި ސަލާހުއްދީން ސްކޫލްގެ ކުދިން އެސެމްބްލީގައި.-- ފޮޓޯ: ފަޔާޒް މޫސާ / މިހާރު
07 ޖެނުއަރީ 2024 - 19:46
41 comments
ދިރާސީ އާ އަހަރު ފެށުން ކުރިން އޮތް ގޮތަށް ޖެނުއަރީއަށް ބަދަލުކުރާނީ 2026 ވަނަ އަހަރު ކަމަށާއި އަންނަ އަހަރު ޑިސެމްބަރުގައި ކުރިއެކޭ އެއްގޮތަށް ޑިސެމްބަރު މަހު ސްކޫލްތަކުގެ ބޮޑު ޗުއްޓީ ލިބޭނެ ކަމަށް ސަރުކާރުން މިރޭ ބުނެފި އެވެ.
ރައީސް އޮފީހުގައި މިރޭ ބޭއްވި ނޫސްވެރިންގެ ބައްދަލުވުމުގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް ވިދާޅުވީ އަންނަ އަހަރު ޑިސެމްބަރުގައި ބޮޑު ޗުއްޓީ ލިބޭނެ ކަމަށާއި 2026 ވަނަ އަހަރު ޖެނުއަރީގައި ދިރާސީ އަހަރު ފަށަން ނިންމީ ކުއްލިއަކަށް އެ ބަދަލު ނުގެންނަން ކަމަށެވެ. އޭގެ ބަދަލުގައި ތައުލީމީ ކަލަންޑަރަށް މަދުމަދުން ގެނެވޭ އިސްލާހުތަކަކާ އެކު، ކުރިއަށް އޮތް ދެ އަހަރު ތެރޭގައި އެކަމަށް ހައްލު ހޯދަން ނިންމީ ކަމަށް ނާޒިމް ވިދާޅުވި އެވެ.
"2026 ވަނަ އަހަރުގެ އެކަޑަމިކް ކަލަންޑަރު ފެށޭނީ ޖެނުއަރީ މަހު. ޖުލައިގައި ތިން ހަފްތާގެ ޗުއްޓީއެއް. ޑިސެމްބަރު 4 ހަފްތާގެ ޗުއްޓީއެއް ލިބޭނެ،" އޭނާ ވިދާޅުވި އެވެ.
"މިކަން ކުރެވިފައި ވަނީ ކަމާ ގުޅޭ ފަރާތްތަކާ ވަރަށް ތަފްސީލުކޮށް މަޝްވަރާ ކުރައްވައިގެން."
ކުރިއަށް އޮތް ދުވަސްތަކުގައި އެޑިއުކޭޝަން މިނިސްޓްރީން މި ބަދަލުތަކުގެ ތަފްސީލް ދޭނެ ކަމަށް ނާޒިމް ވިދާޅުވި އެވެ.
ރާއްޖޭގައި ޒަމާނުއްސުރެ ދިރާސީ އާ އަހަރު ފަށަމުން އައީ ކޮންމެ އަހަރެއްގެ ވެސް ޖެނުއަރީ މަހުގެ އެވެ. އެކަމަކު، ކޮވިޑުގެ ބަލިމަޑުކަމުގައި އައި ހުއްޓުމާއި ޓޫރިޒަމް އިންޑަސްޓްރީގެ ގިނަ ބައެއްގެ އެދުމުގެ މަތިން ސަރުކާރުން 2021 ވަނަ އަހަރުން ފެށިގެން ދިރާސީ އާ އަހަރު ފެށުން ވަނީ އޮގަސްޓު މަހަށް ބަދަލުކޮށްފަ އެވެ.
މި ބަދަލު ގެނައީ ކިޔެވުން އެއް އަހަރުން، ދޮޅު އަހަރަށް ދެންމުމަށް ފަހުގަ އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ މި ނިންމުމަށް ގިނަ ބަޔަކު ހިތްހަމައެއް ނުޖެހެ އެވެ. ދިރާސީ އަހަރު ޖެނުއަރީގައި ފަށާ ގޮތަށް ބަދަލު ކުރުމަކީ ރައީސް، ޑރ. މުހައްމަދު މުއިއްޒުގެ ރިޔާސީ ވައުދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުޖައިން އަހްމަދު
08 January 2024
ވަރަށް ރަނގަޅު ކަމެއް.
މުހައްމަދު އީސަ
08 January 2024
ބެލެނެވެރިން އަދި ދަރިވަރުން ރެޑީވާން ވަގުތު މިލިބެނީ.
ޓީޗަރުމީހާ
08 January 2024
ސެޝަންގަޑި 8.00ހަދާބަލަ ޕްލީޒް
އަލީމްބެ
08 January 2024
ބޮޑު ޗުއްޓީ ޑިސެމްބަރައް ބަދަލުކުރަނ ޖެހޭ ސަބަބު ކޮންމެސް ބޭފުޅަކު ސާފުކޮއްދެއްވުން އެދެން، ޑިސެމްބަރަކީ ދުނިޔޭގެ ހުރިހާ ގަުމަކަށްވެސް އާއަހަރު ފާހަގަ ކުރާ މަހައްވާތީ ދަތުރު ފަތުރުގެ އަގުބޮޑުވެ އެމަހުގައި ތޫރިޒަމް ދާއިރާގައި މަސައްކަތް ކުރާ ފަރާތް ތަކައްވެސް ޗުއްޓީ ނުލިބި އާއިލާއާއި އެކު ތަނަކަށް ނުދެވޭނެތީ އެމަހަށް ބޮޑުޗުއްޓި ހެދުމަކީ އޭގެ ސަބަބުން ރައްޔޮތުންނަށް ވާ ބޮޑު ގެއްލުމެއްގެ ގޮތުގައި އަޅުގަނޑު ދެކޭތީ
ރޯނު އެދުރު3
08 January 2024
އަޅެ ކަލޭނޭ، ބެލެނިވެރިން މިކިޔާ އެއްޗަކީ މިހިނގާ 2024 ގެ އެކެޑަމިކް އަހަރު ސެޕްޓެމްބރި 2024 ގައި ފަށާފައި އެ އަހަރުގެ ކިޔެވުމަށް ވަނީ ކިހިނެއްހޭ؟ މާނަ އަކީ އެ ކުދިންގެ އެކެޑެމިކް އަހަރު ޖޫން ނިމެނީ 2025 ޖޫން ގަ ހޭ؟ ދެން 2025 ގެ އެކެޑަމިކް އަހަރު ސެޕްޓެމްބަރު 2025 ގަ ފަށާފައި އެ ޑިސެމްބަރު 2025 އަށް ނިންމަނީހޭ! އެޖަސްޓް ކުރަން މިއުޅޭ 6 އެއްކަ މަސް ދުވަސް އެޖަސްޓް ކުރަން ރާވާ ގޮތެއް ސާފު ކޮށް ބުނެދޭށޭ!
އިސްބަސް.
08 January 2024
ކޮންމެ ކަމަކަށް ތާއީދު ކުރުމާ ތާއީދު ނުކުރުން ތިޔަ ބިނާ ކުރަނީ، އެ ބަޔަކަށް ތިމާ ތާއީދު ކުރާ މިންވަރަކުން ކަމަށްވާ ނަމަ، ރަނގަޅު އެއް ގޮތެއް ވެސް ނޯންނާނެ...
އިބާޏް
08 January 2024
ދުނިޔޭގެ އެހެންގައުމުތަކެކޭ އެއްގޮތަށް ކޮންމެ ސެމިސްޓަރ އެއްފަހުގައި 2 މަސްދުވަހު ޗުއްޓީއެއްދޭން ފެނޭ. ނޫނީ ކުދިންގެ ސިކުނޑިތަކަށް ރެސްޓެއް ނުލިބޭނެ. މިހާރު ތި ހަދަން އުޅޭގޮތް ކަޑަ
ކޮބައިތަ ރިސޯރޓް ބޯއީސް؟
08 January 2024
މިހާރު އޯކޭ ވީތަ؟
ހެލޯ ސަރުކާރު
08 January 2024
ޔެސް. ރިޒޯޓް ބޯއީސްއަށް ލިބޭ 3 ހަފްތާގެ ބޮޑު ޗުއްޓީ. ސަރުކާރު މުވައްޒަފުންނަށް 4 ހަފްތާގެ ބޮޑު ޗުއްޓީ. އެންމެ ހަފްތާއެއްނު ތިޔަ އިތުރަށް ލިބެނީ ސަރުކާރު މުވައްޒަފުންނަށް.
ދުމްމ
08 January 2024
ކޮމެންޓުތައް ކިޔާލީމަ މިބަދަލާ މެދު ގިނަބަޔަކު ހިތްހަމައެއް ނުޖެހޭ. ނޫސްވެރިޔާ ބުނަނީ ކުރީ ސަރުކާރުން ގެނައި ބަދަލާ މެދު ގިނަބަޔަކު ހިތްހަމައެއް ނުޖެހެޔޭ. އެހެންވީމަ މިކަމާ މެދު އިންވެސްޓިގޭޓިވް ޖާނަލިސްޓް ރިޕޯޓެއް ގެނެސްދޭންވީނު..
ޓީޗަރެއް
08 January 2024
ގްރޭޑު 8ގެ ކުދިންގެ ކިޔެވުމުން ޖުމްލަކޮށް 8 މަސްދުވަސް ގެއްލޭނެ 2.5 އަހަރުތެރޭ.ޗުއްޓީހޯދަން މިވަރުކަމެއްކުރުން ވޯތުތަ؟ތައުލީމޒިދާއިރާގެ އެކްސްޕާޓުން ކޮބައިތޯ؟ސަރުކާރަކަށް ނިންމޭނިންމުމެއް ނޭނގޭ.ތައުލީމީ ދާއިރާ ފުނޑިއްޖެ 5 އަހަރުތެރޭ 2 ބުރަށް ކަލަންޑަރާކުޅެގެން.