ސްކޫލްތަކުގެ ކުދިންގެ ކިޔެވުމުގެ ބަންދު ދުވަސްތައް އެއްކޮށްލުމުން ގާތްގަނޑަކަށް ތިން މަހުގެ ޗުއްޓީއެއް ލިބޭ ގޮތަށް އެޑިއުކޭޝަން މިނިސްޓްރީން އަންނަ އަހަރުގެ އެކަޑެމިކް ކަލަންޑަރު ނެރެފި އެވެ.

ކަލެންޑަރުގައިވާ ގޮތުން އަންނަ އަހަރު ސްކޫލްތަކުގެ ކިޔެވުން ފެށޭނީ ޖެނުއަރީ 17 ގަ އެވެ. ފުރަތަމަ ބަންދެއްގެ ގޮތުގައި ލިބެނީ ރޯދަ މަހުގެ ފަހު 10 ގެ ބަންދެވެ. އެއީ، ފެބްރުއަރީ 26 އިން  މާޗު ހަތެއްގެ ނިޔަލަށެވެ. 

އެކަޑެމިކް ކަލަންޑަރުގައިވާ މުހިއްމު ތާރީހްތައް  

• ޖެނުއަރީ 17: އާ އަހަރުގެ ކިޔެވުން ފެށޭ ދުވަސް. 

• ފެބުރުއަރީ 26 އިން މާޗު ހަތަކަށް: ރޯދަމަހުގެ ފަހު 10 ގެ ބަންދު.

• މެއި 16 އިން 20: މިޑް ޓާމް ބްރޭކް 

• ޖުލައި 16 އިން 31 އަށް: ފުރަތަމަ ޓާމްގެ ބަންދު

• އޮގަސްޓް އެކެއް: ދެ ވަނަ ޓާމްގެ ކިޔެވުން ފެށޭ ދުވަސް 

• ސެޕްޓެމްބަރު 19 އިން 25 އަށް: ދެ ވަނަ ޓާމްގެ މިޑް ބްރޭކް 

• ޑިސެމްބަރު 9: ދެ ވަނަ ޓާމް ނިމި ބޮޑު ޗުއްޓީ ފެށޭ ދުވަސް

އަންނަ އަހަރުގެ މިޑް ޓާމް ބްރޭކަށް ބަންދުވާނީ މެއި 16 އިން 20 އަށެވެ. ފުރަތަމަ ޓާމްގެ ކިޔެވުން ނިމި ބަންދުވާ ގޮތަށް ކަލަންޑަރުގައި ކަނޑައަޅާފައި ވަނީ ޖުލައި 16 އިން 31 އަށެވެ. 

ދެ ވަނަ ޓާމްގެ ކިޔެވުން ފެށޭނީ އޮގަސްޓް އެކެއްގަ އެވެ. ދެވަނަ ޓާމުގެ ކިޔެވުން ފެށޭއިރު އެ ޓާމުގެ މިޑް ބްރޭކް ލިބޭނީ ސެޕްޓެމްބަރު 19 އިން 25 އަށެވެ.

އަދި ޑިސެމްބަރުމަހުގެ ނުވަ ވަނަ ދުވަހު ދެވަނަ ޓާމުގެ ކިޔެވުން ނިމި، ބޮޑު ޗުއްޓީ ފެށޭއިރު އަލުން ކިޔެވުން ފެށޭނީ ޖެނުއަރީ 5، 2028 ގަ އެވެ.