ތިނަދޫގެ ރަށްވެހިކަން ދޫކޮށްލަން ފީ ނެގުން ގާނޫނުއަސާސީއާ ހިލާފް

ގދ. ތިނަދޫ

ފާތިމަތު އަޖްފާން، މިހާރު

08 ޖެނުއަރީ 2024 - 13:40

ގދ. ތިނަދޫގެ ރަށްވެހިކަން ދޫކޮށްލާ މީހުންގެ އަތުން ފީ ނަގަން ކައުންސިލުން ނިންމިޔަސް އެކަން ގާނޫނުއަސާސީއާ ހިލާފް ކަމަށް ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީން ބުނެފި އެވެ.

ތިނަދޫ ސިޓީއަކަށް ހަދަން ކުރާ މަސައްކަތުގައި، އެ ރަށުގެ އާބާދީ އިތުރުކުރުމަށް އަޅާ ފިޔަވަޅުތަކުގައި ރަށުގެ ރަށްވެހިކަން ދޫކޮށްލާ މީހުންގެ އަތުން އިދާރީ ފީއެއްގެ ގޮތުގައި 5،000ރ. ނަގަން އެ ރަށު ކައުންސިލުން އިއްޔެ ވަނީ ނިންމައިފަ އެވެ.

ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީގެ އޮފިޝަލަކު "މިހާރު" އަށް ވިދާޅުވީ ކައުންސިލްތަކަށް ދީފައިވާ ބާރުގެ ދަށުން ވެސް ގާނޫނާ ހިލާފު ނިންމުމެއް ނިންމައިފި ނަމަ އެ ނިންމުން ބާތިލްކުރާނެ ކަމަށެވެ.

"ކައުންސިލްތަކަށް ފީ ނެގޭނީ ގާނޫނާއި ގަވައިދާ އެއްގޮތަށް. ކައުންސިިލްތައް ބާރުވެރި ކުރުވުމަކީ މުހިންމު ކަމެއް. ކައުންސިލްތަކުން ނިންމާ ނިންމުންތައް ގާނޫނާ ހިލާފު ނަމަ އެ ނިންމުން ބާތިލް ކުރާނެ،" އޮފިޝަލް ވިދާޅުވި އެވެ.

އޮފިޝަލް ވިދާޅުވީ ގާނޫނުގައި ވެސް ލާމަރުކަޒީ ގާނޫނޫނާއި ގަވައިދުތަކާއި ނިންމާ ނިންމުންތައް ރައްޔިތުން މަޖިލީހުން ފާސްކުރާ ގާނޫނުތަކާއި އެ ގާނޫނުތަކުގެ ދަށުން ހަދާ ގަވައިދުތަކުގެ އިމުން ބޭރުވެގެން ނުވާނެ ކަމަށް ގާނޫނުގައި އޮންނަ ކަމަށެވެ.

ގދ. ތިނަދޫ.

ގާނޫނުއަސާސީގައި ބުނާ ގޮތުން ރާއްޖޭގައި މީހުންދިރިއުޅޭ ކޮންމެރަށެއްގައި ވަޒަންވެރިވުމާއި، އެއްރަށުން އަނެއް ރަށަށް ހިޖުރަކުރުމުގެ ހައްގު ކޮންމެ ރައްޔިތަކަށްމެ ލިބިގެންވެ އެވެ.

އެހެންވެ، ތިނަދޫ ކައުންސިލުން ނިންމި ނިންމުން އެލްޖީއޭއާ ގުޅިގެން ބަލާނެ ކަމަށް އޮފިޝަލް ވިދާޅުވި އެވެ.

އާބާދީގައި 10،000 ހަމަ ނުވަނީސް ތިނަދޫ އަކީ ސިޓީއެއް ކަމަށް ކަނޑައެޅީ ރިޔާސީ އިންތިހާބުގެ ކެމްޕޭން ތެރޭގައި މިދިޔަ އަހަރުގެ އޮގަސްޓު މަހުގެ 30 ގައި އޭރުގެ ރައީސް އިބްރާހިމް މުހައްމަދު ސޯލިހެވެ. އެއީ ރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 51 ވަނަ މާއްދާގައި ރައީސަށް ލިބިދޭ ބާރުގެ ދަށުންނެވެ.

Thinadhoo ge ravvehikan dhookollaa nama 5,000 rufiya ge fee eh naganee

The most trusted news source in the Maldives

Mihaaru

ނަމަވެސް ތިނަދު އަށް ސިޓީއެއްގެ ދަރަޖަ ދިނުމަށް ގާނޫނަށް އިސްލާހުތަކެއް ގެންނަން ޖެހެ އެވެ. އެހެންވެ، އެ މަސައްކަތް މަޖިލީހުން މިހާރު އަންނަނީ ކުރަމުންނެވެ. އާ ސަރުކާރުން ވެސް ވަނީ އެ މަސައްކަތަށް އެއްބާރުލުން ދޭނެ ކަމަށް ބުނެފަ އެވެ.

ތިނަދޫގެ މިހާރުގެ އާބާދީއަކީ 6،000 އެވެ.

ގދ. ތިނަދޫ އާބާދީ ލޯކަލް ކައުންސިލްތައް ލޯކަލް ގަވަމަންޓް މިނިސްޓްރީ

32 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަންހުސެން

09 January 2024

ލޯކަލް ގަވަމެންޓް އެންޑް ޕަބްލިކް ވޯކްސް މިނިސްޓްރީގެ ނަމުގައި ހަދާފައި ހުރި މިނިސްޓްރީއެއް ކައުންސިލްތައް ރެގިއުލޭޓް ކުރުމަކީ ޤާނޫނު އަސާސީ އަދި ލާމަރުކަޒީ ޤާނޫނު ދަންނަކަމެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލު2.0

09 January 2024

“ދިވެހިރާއްޖެ އަކީ ޔުނިޓަރީ ދައުލަތެއް. ލާމަރުކަޒީ ގޮތުން ހިންގަނީ އިދާރީ ދައިރާތައް”. ހުރިހާ ކައުންސިލަރުން އޮފީހަށް ވަނުމުގެ ކުރިން 100 ފަހަރު މިހެން ކިޔާފައި ވަނުން މުހިންމު. މިހެން ބައެއް ފަހަރު މަސްއޫލިއްޔަތާއި، ހައިސިއްޔަތާއި، އަދި އިހްތިސޯސް އޮޅުމަކީ މައްސަލައެއް ނޫން. މުހިންމީ ދަސްކުރުން އަދި ހެދޭ ގޯސްތައް ތަކުރާރު ނުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

09 January 2024

ޙައެއްކަ ހާސް މީހުން އުޅޭ ރަށެއް ސިޓޫ އަކަށް ހަދަން ނިންމި ނިންމުން ގާނޫނާއި ޚިލާފް ނުވޭބާ ، ގާނޫނު ބުނަނީ މަދުވެގެން 10000 މީހުން ތިބެންޖެހޭ ކަމަށް ، ވެރިމީހާ ކުރީމާ ރަގަޅު ، ކައުންސިލަރުން ކޮއްފިއްޔާމް ގޯސް ، މިއީ ކޮންކަހަލަ ނިޒާމެއް ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކާއި ކޮންކަން

09 January 2024

ކިހާ ދެރަކަމެއް.. ރަށުން އަކަފޫޓެއްވެސް ދެނީކީ ނޫން.. ފްލެޓްވެސް ދޭނެ ބަޔަކަށްދީ ބަހާލީ.. ގޯތިގަނޑެއްވެސް ލިބޭ ގޮތެއްނުވި.. މައިންބަފައިންގެ ގެ ދިހަ ބާރަ ކުދިންނަށް ބަހައިގެންނޫނީ ރަށަކުން ވަންނާނެ ތަނެއްނެތް ލިބޭކަން.. އުމުރުން 41 އަހަރުވީ، އަށާރަ އަހަރުނުވާ ދަރިއެއް އެބަހުރި، މިރާއްޖެއަކުން ވަންނާނެ ގެދޮރެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްއުސްތާޒާ ލޯޔަރު މޭރާ

08 January 2024

އެލްޖީއޭއަކަށް ނޭގޭނެ މިކައުންސިލުން އަމަލު ކުރަންޖެހޭނެގޮތެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭހި މޭރިޔާ ސައުދު އަލީ

08 January 2024

ލަސްތަކެއް ނުވެ ގޯތިތަށް ފެނިހެންދާނެއެވެ. ކުޑާކޮން ހިއްވަރެއްކޮއްލާށެވެ. ބޭނުން ޕޮޒިޝަނަކުން ގޯތި ލިބޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫ މައިގްރަންޓް

08 January 2024

ކައުންސިލުންް ފުރަތަމަ ކުރަންވީކަމަކީ ހިއްކާފަ އެއޮތް ބޮޑުސަރަހައްދުން ބޭނުންވާ އެންމެނަށް ގޯތިދޭންވީ. ހަނަފަސް ސަހަރާއެއްހެން ދިހަ ބާރަ އަހަރު ބާއްވާފަ ތި އޮންނަނީ ކައުންސިލަރުންގެ ބޮލަށް ބެރިއެއް ވެއްޓިގެންބާއޭ ހިތަށްއަރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯހޯހޯ

08 January 2024

ޤއ އާއި ހިލާފެއް ނުވޭތޯ އެއްސަރަހައްދަކަށް ހުރިހާ އަސާސީ ޚިދުމަތްތަކާއި އާރަައި ބާރުތައް ޖަމާކުރުން؟ރާއްޖެތެރޭ ރަށްތައް ފަޅުވާނެހެން މުޤައްދަސް ބިމަށް މީހުން ޖަމާކޮށް، ރެފިއުޖީން އުޅޭހެން އުޅެން މަޖުބޫރުކުރުވުން ޤއ ހިލާފެއް ނުވޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްޕޮންސާކުރީ ޔޫސުފްބެ

08 January 2024

ދަންނަންތަ މީހުން ތިބޭ މޭޒަށް އަރާ ކޮފީބޮއެ މީހުން ގެނެސް ހުންނަ ފެންފުޅި ބޮއެ ދުފާ ބިލު ނުދައްކާ ފިލާ މޭޔަރަކީ ކާކުކަން. ޖަވާބު ދެއްވަން ވާނީ ހަމައެކަނި ތިނަދޫ ޒުވާން ފިރިހެނުން. ޖަވާބު ދިމާކުރާއްވާ ހުރިހާ ބޭފުޅުންނަށް މިރޭ 8 ޖަހާއިރު ވޯޓާޑެކުގަ ހާއްސަ ކޮފީއެއް އޮންނާނެ