ޚަބަރު / ރާއްޖެ-ޗައިނާ

ރާއްޖެ އިން ޗައިނާއާއެކު 20 އެމްއޯޔޫއެއްގައި ސޮއިކޮށްފި

އެމްއޯޔޫތަކުގައި ސޮއިކުރުމަށް ބޭއްވި ރަސްމިއްޔާތުގައި ރައީސް މުއިއްޒާއި ރައީސް ޝީ ބައިވެރިވެވަޑައިގަންނަވަނީ.

ބެއިޖިން އިން، އަހުމަދު ހަމްދޫން، މިހާރު

10 ޖެނުއަރީ 2024 - 15:26

20 comments

ރާއްޖެ އާއި ޗައިނާ އިން 20 އެމްއޯޔޫއެއްގައި ދެންމެ ސޮއިކޮށްފި އެވެ.

އެ އެމްއޯޔޫތަކުގައި ދެ ގައުމުގެ ސަރުކާރުގެ އިސް އޮފިޝަލުން ސޮއިކުރެއްވީ ރާއްޖޭގެ ރައީސް ޑރ. މުހައްމަދު މުއިއްޒު ޗައިނާ އަށް މިހާރު ކުރައްވަމުން ގެންދަވާ ފުރަމާނަ ދަތުރުފުޅުގެ ތެއިން މިއަދު ހަވީރު ބޭއްވި ރަސްމިއްޔާތުގަ އެވެ. އެ ރަސްމިއްޔާތުގައި ރައީސް ޑރ. މުއިއްޒާއި ޗައިނާގެ ރައީސް ޝީ ޖިންޕިން ވެސް ބައިވެރިވެވަޑައިގަތެވެ.

ޗައިނާގެ ރައީސް ޝީގެ ދައުވަތަކަށް ރައީސް ޑރ. މުއިއްޒު އެ ގައުމަށް ކުރައްވަމުން ގެންދަވާ ދަތުރުފުޅުގައި ސޮއިކުރެއްވި އެމްއޯޔޫތަކުގެ ތެރޭގައި ބެލްޓް އެންޑް ރޯޑް ކޯޕަރޭޝަން އެންޑް ބްލޫ ޕާޓްނަޝިޕާއި ކާބަން މަދުކުރުމާއި ބްލޫ އިކޮނޮމިކް ކޯޕަރޭޝަން އެމްއޯޔޫ ހިމެނެ އެވެ.

ރައީސް ޝީ، ރައީސް މުއިއްޒަށް މިއަދު މަރުހަބާ ވިދާޅުވަނީ

އޭގެ އިތުރުން ކާރިސާތައް މަދުކުރުމަށް ދެ ގައުމު ގުޅިގެން މަސައްކަތް ކުރުމާއި ގްރީން ޑިވެލޮޕްމަންޓް އެމްއޯޔޫ އަކާއި ޑިޖިޓަލް ދާއިރާ ތަރައްގީ ކުރުމާއި ސޯޝަލް ހައުސިން އާއި އެއާޕޯޓް ތަރައްގީ ކުރުމުގެ އެމްއޯޔޫއެއްގައި ވެސް ދެ ގައުމުން ސޮއިކުރި އެވެ.

ރައީސް މުއިއްޒުގެ ދެކަނބަލުންނާއި ރައީސް ޝީގެ ދެކަނބަލުން މިއަދު ފޮޓޯފުޅެއް ނަންގަވަނީ.

މީޑިއާ ތަރައްގީ ކުރުމާއި އަދި އެހެނިހެން ބައެއް އެމްއޯޔޫތަކުގައި ވެސް ރާއްޖެ އާއި ޗައިނާ އިން ސޮއިކުރި އެވެ.

އެކަމަކު, އެ އެމްއޯޔޫތަކުގެ ތަފުސީލެއް ދެ ސަރުކާރުން އަދި ހާމައެއް ނުކުރެ އެވެ.

ރައީސް ޑރ. މުއިއްޒަށް ޗައިނާ އިން މިއަދު އިސްވެ ހޫނު މަރުހަބާއެއް ދެންނެވީ ރައީސް ޝީ އެވެ. ރަތްދޫލައިގެ މަރުހަބާއަކަށް ފަހު ދެ ގައުމުގެ މެދުގައި ރަސްމީ ވާހަކަތައް ބޭއްވެވި އެވެ. ރާއްޖެ އާއި ޗައިނާ އިން 20 އެމްއޯޔޫއެއްގައި ސޮއިކުރީ އޭގެ ފަހުންނެވެ. ރައީސް ޝީ ވަނީ ރައީސް ޑރ. މުއިއްޒާއި އެ މަނިކުފާނުގެ ވަފުދުގެ ބޭފުޅުންގެ ޝަރަފުގައި ރަސްމީ ޖާފަތެއް ވެސް މިރޭ ދެއްވައިފަ އެވެ.

ދިވެހި ސަރުކާރުގެ އިސް ވަފުދަކާ އެކު ރައީސް ޑރ. މުއިއްޒު ޗައިނާ އަށް ފުރަމާނަ ދަތުރުފުޅުގައި ވަޑައިގަތީ މިދިޔަ ހޯމަ ދުވަހު އެވެ. ފުރަތަމަ ވަޑައިގަތީ ފުޖިއާން ޕްރޮވިންސަށެވެ. އެ ތަނުގައި ރާއްޖޭގެ ފަރާތުން ބޭއްވި އިންވެސްޓްމަންޓް ފޯރަމް އެ މަނިކުފާނު އިފުތިތާހު ކޮށްދެއްވި އެވެ. އެ ފޯރަމްގައި 300 އަށް ވުރެ ގިނަ މަންދޫބުން ބައިވެރި ވެފައިވާއިރު, އެއީ މިހާތަނަށް ބޭއްވި އެންމެ ކާމިޔާބު ފޯރަމް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެފައި ވެ އެވެ.

ޗައިނާ ރާއްޖެ-ޗައިނާ ރައީސް ޑރ. މުހައްމަދު މުއިއްޒު

20 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްލާން

13 January 2024

ރައީސް މުއިއްޒު ޗައިނާއާއިއެކު ސޮއިކުރެވުނު އެއްބަސްވުންތަކުން ދިވެހިންނަށް ފަހި ފުރުސަތުތަށް ހޯއްދަވައިދެއްވައިފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟަރަުބާ

12 January 2024

ސިއްރު އެއްބަސްވުން އެގްރީމަންޓް ތައް ހާމަކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލީމް

11 January 2024

އިރާދަކުރެއްވިއްޔާ މީގެ ސަބަބުން މިގައުމަށް ގިނަގުނަ ތަރައްގީތައް އަންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗާކޯލް

11 January 2024

ގައުމަށް ތިޔާގި ފާގަތި ދުވަސްތަކެއް އަންނަން އުޅޭ ކަމުގެ އިހުސާސް ކުރެވިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

11 January 2024

މިދިޔަ 5 އަހަރު އިންޑިއާ އާ އެކީ 100 އެގްރީމެންޓުގައި ސޮއި ކުރިއޭ ކިޔާފަ ގޮސް އެއްދުވަހުން 20 އެގްރީމެންޓުގަ ސޮއިކޮށްލީމާ ވަރަށް މޮޅު އިނގޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޔނ

11 January 2024

ސިއްރުން އެއްވެސް އެއްބަސްވުމެއް ނުހަދާ.. ހުރިހާ އެއްޗެއް ހާމަކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެއްޔާ

10 January 2024

ޢުއްމީދު ކުރަން ހުރިހާ އެމްއޯޔޫ ތައް ރައީސް އޮފީހުގެ ވެބްސައިޓުން ރައްޔިތުންނަށް ފެންނާނެ ކަމަށް. ރައްޔިތުންނަށް ސިއްރުކުރަން ޖެހޭ އެއްވެސް އެއްބަސްވުމެއް އަދި އެމް އޯޔޫ އެއްވެސް އޮވެގެން ނުވާނެ. މަނިކުފާނުގެ ވައުދެއް ހުރިހާ އެއްޗެއް ރައްޔިތުންނަށް ހާމަ ކުރުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައްސާޖައްސާ

10 January 2024

މާލޭގެ މޭޔަރު ކަމަށް ކުރިމަތިލާފައިވާ ޑިމޮކްރެޓުންގެ ކެންޑިޑޭޓް އެސޮރު ބުނަނީ މާލޭގެ ވެހިކަލް ކެރިންގް ކެޕޭސިޓީއޭ އެއީ ބްރޯކެން އިންގްލިޝް މާލެ އަކީ ދުވާ ވެހިކަލެއް ނުވަތަ އުޅަނދެއް ނޫނޭ މާލޭގައި ވެހިކަލް ކެރިންގް ކެޕޭސިޓީއޭ ނުކިޔޭނެއޭ މާލެ އަށް އެރުވިދާނެ 10 ހާސް ޓްރިލިއަން ވެހިކަލް ވެސް އިންޖިނިއަރިންގް އެގޮތަށް ބުނޭ މާލޭގެ މަގުތައް ޗައިނާ މެދުވެރިކޮށް 25 ބުރިއަށް ނަގަންވީއޭ އެއިރުން މާލެއަށް ހެވޭ ކިތަންމެ ގިނަ ވެހިކަލްސް ތައް އެރުވިއަސް ޖައްސާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ސަރީފުް

10 January 2024

އެމްއޯޔޫ އަކީ މެމަޑަންއޮފްއަންޑަސްޓޭޑިން އެއީ ނޮންބައިންޑިންގ އެގްރީމަންޓް ،،ނޫނީ ކަމެއްކުރަން މަޖުބޫރުކަމެއްނެތް އެގްރީމަންޓް... ހަމަ ބޭކާރު އެގްރީމަންޓް ތައް...މީގެން ވާނެ ފައިދާއެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިމިގްރާތީސޮރު

10 January 2024

"މީޑިއާ ތަރައްގީ ކުރުމާއި އަދި އެހެނިހެން ބައެއް އެމްއޯޔޫތަކުގައި...." ޑިމޮކްރަސީއަށް ދަތުރުކުރަމުންދާ ދިވެހިރާއްޖޭގެ މީޑިޔާ ތަރައްގީ ކުރަން ކޮމިއުނިސްޓް ގައުމަކުން އެހީވާނީ ކިހިނެއްބާ؟ ޓީވީ/ރޭޑިޔޯ ސްޓޭޝަން އަށް ތަކެތީގެ އެހީ ފޯރުކޮށްދިނުމުގެ އެއްބަސް ވުމެއްބާ؟ އެހެންވިއްޔާ އެފަދަ ތަކެތި އަމިއްލަ ޓީވީ ޗެނެލް ހަދަން ބަޔަކު ގެންދޭތޯ ފާރަލައި ބަލަން ތިބެންވާނެ. އެހެންނޫނީ މާޒީގައި ތަޖުރިބާ ކުރެވިފަހުރި ގޮތްގޮތަށް އެފަދަ ތަކެތި ވީނުވީއެއް ނޭނގޭނެ.