މާލޭ ސަރަހައްދު އެއްކޮށް ކަހަލަގޮތަކަށް ފުސްވެފައި، މީ އިންޑިއާގެ ވައި ތަޣައްޔަރުވުމުގެ ސަބަބުން އުފެދިގެން އުޅޭ ފުސްކަމެށް -- ފޮޓޯ: ނިޝާން އަލީ / މިހާރު
16 ޖެނުއަރީ 2024 - 10:31
މާލެ ސަރަހައްދަށް މިއަދު ވެސް، ސިއްހަތަށް "ނުރަނގަޅު"ވާ ވަރަށް ވައި ނުސާފު ކަމަށާއި މި ހަފްތާ އެއްކޮށް މި ސަރަހައްދުގެ ވައި ނުސާފު ކަމަށް އެއާ ކޮލިޓީ އިންޑެކްސް އިން ދައްކައިފި އެވެ.
ވައިގެ ކޮލިޓީ ބެލުމަށް ހަދާފައިވާ ވެބްސައިޓްް "އައިކިޔު އެއާ ވިޝުއަލް އެޕް" އިން ދައްކާ ގޮތުގައި، މާލެ ސަރަހައްދުގެ ވައިގެ ނުސާފުމިން ހުރީ 168ގަ އެވެ.
ވައިގެ ފެންވަރު ރަނގަޅު ކަމަށް ބަލަނީ 50-99 އާ ދޭތެރޭގެ މިންގަނޑަކުންނެވެ. އެ މިންގަނޑުން ބޭރުވެއްޖެ ނަމަ، އެކި ބަލިތަކުގައި އުޅޭ މީހުންގެ ސިއްހަތަށް އަސަރުކުރާނެ އެވެ. އަދި އެއަށްވުރެ ބޮޑަށް ވައި ނުސާފުވެއްޖެ ނަމަ ސިއްހަތަށް ބޮޑެތި ގެއްލުންތައް ލިބޭނެ އެވެ. ބޭރަށް ނުކުތުން އެންމެ ނުރައްކާވާނެ ކަމަށް ދައްކަނީ އޭކިއުއައި 250 އަށްވުރެ މައްޗަށް ހިނގައްޖެ ނަމަ އެވެ.
ވައި ސާފުކަމުގެ މިންވަރު ބެލުމަށް މިނިސްޓްރީ އޮފް ކްލައިމެޓް ޗޭންޖް، އެންވަޔަރަމެންޓް އެންޑް އެނާޖީގެ ލިންކް އިން https://t.co/A0zz3pEFrP ނުވަތަ IQAir Visual އެޕް އަޅުއްވައިގެން ބައްލަވާ. އަދި ވައި ނުސާފު މިންވަރަށް ބަލާ، ރައްކާތެރިކަމުގެ ފިޔަވަޅުތައް އަޅުއްވާ. pic.twitter.com/A12aP9iCvi
— Health Protection Agency (@HPA_MV) January 15, 2024
މާލެ ސަރަހައްދުގެ ވައި ނުސާފުވުން ރަނގަޅުވާނެ ކަމަށް ދައްކަނީ އަންނަ ހުކުރު ދުވަހު އެވެ. އެކަމަކު އަންނަ ހަފްތާގައި ވެސް ވައި ނުސާފު ވާނެ ކަމަށް ކޮލެޓީ އިންޑެކްސް އިން ދައްކަ އެވެ.
ރާއްޖޭގައި ވައިގެ ކޮލިޓީ އެންމެ ރަނގަޅު ކަމަށް ދައްކަނީ ލ. އަތޮޅަށެވެ.
- ފުއްޕާމޭގެ ބަލިތަކާއި ހިތުގެ ބަލި އަދި އެލާޖީ މައްސަލަ ހުންނަ މީހުން ގެއިން ބޭރުގައި ގިނަ ވަގުތު ހޭދަ ނުކުރުން
- ބޭރަށް ނިކުންނަން ޖެހޭ ހާލަތްތަކުގައި މާސްކު އެޅުން
- ދޮށީ އުމުރުގެ މީހުންނާއި މާބަނޑު މީހުން ބޭރުގައި ގިނަވަގުތު ހޭދަ ނުކުރުން
- ތުއްތު ކުދިން ބޭރަށް ނުނެރުން
- ގޭގެ ދޮރުތައް ލައްޕާފައި ބެހެއްޓުން
- ކަސްރަތުކުމާއި ކުޅިވަރު ކުޅުންފަދަ ކަންކަން މަޑުޖައްސާލުން
ވެލާނާ އެއާޕޯޓް ވަރަށް ބޮޑަށް ފުސްވެފައި، މީ އިންޑިއާގެ ވައި ތަޣައްޔަރުވުމުގެ ސަބަބުން އުފެދިގެން އުޅޭ ފުސްކަމެށް -- ފޮޓޯ: ނިޝާން އަލީ / މިހާރު
މެޓު އޮފީހުން އިއްޔެ ބުނެފައި ވަނީ އިރުމަތިން ޖެހޭ ވައިގެ ސަބަބުން އުތުރާއި މެދުރާއްޖޭގެ ވައި ނުސާފުވެ، ހަމަ ލޮލަށް ފެންނަ ދުރުމިން ވަރަށް ބޮޑަށް ދަށްވެފައިވާ ކަމަށެވެ. ސާފު ދުވަހެއްގައި 10 ކިލޯ މީޓަރަށް ވުރެ ދުރު ފެނުނަސް، ފާއިތުވި 24 ގަޑިއިރު، ހާއްސަކޮށް މެދުރާއްޖޭގެ ސަރަހައްދަށް އެ މިންވަރު ފަސް ކިލޯ މީޓަރަށް ދަށްވެފައިވާ ކަމަށް ބުންޏެވެ.
މިދިޔަ އަހަރުގެ މި ދުވަސްވަރު ވެސް ރާއްޖޭގެ ބޮޑު ސަރަހައްދަކަށް ވައި ނުސާފުވެ، ދުރު ފެންނަ ވަރު 60 ޕަސެންޓް ދަށަށް ދިޔަ އެވެ. އުތުރު އިންޑިއާގެ ހިމާލިޔަން ސަރަހައްދުގައި ވައި ތަޣައްޔަރުވުމުގެ އަސަރު ރާއްޖެ އަށް މިދިޔަ އަހަރު ވެސް ކޮށްފައި ވާއިރު މި އަހަރު ވެސް އުތުރު އިންޑިއާގައި މި ދުވަސްވަރު ވަނީ ވަރަށް ބޮޑަށް ވައި ނުސާފުވެ ދަތުރުފަތުރަށް ވެސް ހުރަސްއެޅިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ރޭރު
17 January 2024
ހިރަފުހާއި ދުމާ ނަމަ އަހަރެމެންނަށް މިތާ ތިބެން ކެރޭނެތަ؟ މީގެ އެތަކެއް ޒަމާން ކުރިންވެސް ކިޔަނީ ދުންފިނި އުތުރު އިންޑިއާގައި ވެގެން އުޅޭގޮތް ގޫގުލްގައި ބަލާބަލަ
ތަމަންނާ
16 January 2024
އެޗްޕީއޭ ނޫނީ މެޓް އަތުގައި ނެތްތަ ހުރިހާއެއްޗެއްގެ ޖަވާބު އޮންލައިންކޮށް ނުހޯދާ ފިޒިކަލީ ނިކުމެ އެކިތަންތަނުގެ ވައިގެ ނުސާފުކަން ހުރިވަރު ބަލާނެ ޓޫލްތަކެއް. ނުހުންނާނެ ހަނދާންނެތުނީ. މަގުމަތީ ފެންބޮޑުވެގެން ފެންޕަންޕުކުރަން ބެލިއިރުވެސް ވޯކުކުރާ ޕަންޕެއްނެތިގެން އަމިއްލަބަޔަކު ހަދިޔާކުރަންޖެހުނީ. އެހަހަލަ އެއްޗެހި ގަންނަން ބަޖެޓު ނުހުންނަނީކަންނޭގެ.
ފޮނިޓައްްޕު ހަސަނު
16 January 2024
ޢިންޑިއާއިން ގަސްތުގައި މިރާއްޖޭގެ ޓޫރިޒމް ފުނޑާލުމުގެ ބޭނުމުގައި ވެސް އިރުވައި މޫސުމުގައި ވައި ނުސާފު ކޮށްފާނެ.
ހާދަހާ
16 January 2024
ހަމައެކަނި މާލެ ސަރަހައްދަށް ކީއްވެ އެހެން ވާންވީ؟ ވަރަށް ގަބޫލުނުކުރެވޭ.
މާލެ މީހާ
16 January 2024
ދުނިޔޭގެ ވައި ދައުރުވާ ގޮތް ނޭނގޭ ދޯ
އަސްލުސީޒަން
16 January 2024
އަސްލު މި އެނގެނީ އިންޑިއާއަށް ގަސްތުގައިވެސް މިކަހަލަ އެޓޭކެއް ރާއްޖެއަށް ދެވޭނެކަން. މިއީ އާންމު ދަނޑުއެންދުމާ ގުޅިފައި އޮތްކަމެއްވިޔަސް، މިއީ ހަމަ ކުރެވިދާނެކަމެއް އިރުވައިމޫސުމުގައި. މި ދުވަސްވަރަކީ އަސްލު ޓުއަރިޒަމް ސީޒަން މިދުވަސް ކޮޅު މިކަހަލަ ކަންކަންވަންޏާ ޓުއަރިޒަމަށް ލޮޅުންއަރާނެ.
ދޮނޭ
16 January 2024
ވައި ނުސާފުވާން ދިމާވި ސަބަބު ދެނެ ގަނެވޭނެ ގޮތެއް ނެތްތޯ؟ ޖާރނަލިސްޓުންވެސް މިކަންކަން ބަލާލަން އުޅޭނަމަ ހާދަހާރަނގަޅުވީހޭ!
ޙައިރާން
16 January 2024
ޢެކަމަށް އޮފީސްތަކެއް ހުޅުވާފައި އެކަންކަން ބެލުމަށް މުވައްޒަފުން ތިބޭއިރު، ޖާނަލިސްޓުން ނިކުމެ ވައި ނިސާފުވާ ގޮތް އަމިއްލައަށް ބަލަންޖެހޭތަ؟ ދިރާސާ ކުރެވިދާނެ، އެކަމަކު އެއީ މޫސުމާބެހޭ ދާއިރާ ކިޔަވައިގެން ތިބޭ މީހުން ކުރާކަމެއް
އަބުދުގެ އައްލޫ
16 January 2024
އެޗްޕީއޭއިން ކަންބޮޑު ނުވޭތަ ކަބޯދުންއަރުވަމުންދާ ވެހިކަލްތައްފެނި، ޓީބީތޯ ކޮންބައްޔެއްތޯ ނޭގޭ މީހުން މަގުމައްޗަށް ޖަހާ ރަތްކުޅުން، ކެމިކަލް ޖަހައިގެން ދޮންކެޔޮ ދޮންކުރުމުން. ނުވާނެތާ ނިކަމެތި މީހުންވިއްޔާ އެދުއްތުރާ ތަހައްމަލްކުރާނީ އެދޮންކެޔޮ ކާނީ، އިއްޒައްތެރިން ކާނީ ބޭރުގައުމުތަކުން އިންޕޯޓްކުރާ ކޮލިޓީ އެއްޗެހިތާ. އެކަމު ވައިނުސާފުވީމާ ޗޮއިސްއެއްނެތް. ބޮޑެތިމީހުންވެސް ނޭވާލަންޖެހެނީ މިވައިގެތެރެއަށްވިއްޔާ އެނޫންނަމަ އެޗުޕީއޭ އޮންނީ ނިދާފައި
ޗޮޕްސް
16 January 2024
މީ ދަނޑުވެރިއެކެ. އަހަރަމެން ކިޔުކަންބާ ހައްދަމެ، ކަޑާފަ 12ގަޑިއިރު ނުވަނީސް އެވަޅޯވެ ހަލާކުވާންފަށައެ. ހަމަމިވެރެއިޓީ ބޭރުން އެތެރެކޮއްގެންވެސް ވިކައެ. ދަޑުން ސަޕުލަޔަރުންއަށް އަދި އެއާޕޯޓައް ބޯޓުން މިގައުމައް ކިތެއްމެ ރަގަޅުޕުލޭނަކުން ޓުރާންސްޕޯޓުކަންކަ ހަމަޖެހުނަސް ހާވެސްޓުކުރުމައްފަހު 4-3ދުވަހުގެ ކުރިއަކުން ސިޕްނުކުރެވޭނެ. ފިހާރައިގަވެސް 5ވަރަކަށް ދުވަސް ވަންދެން އެތެރެ ކުރާކަންބާ ތާޒާކޮއްފެނުމުގެސިއްރަކީ ތިޔަމޮޅުކުރި އިންޕޯޓުކޮލިޓީއެ
މާހިރު
16 January 2024
އިންޑިއާގައި އުފެދޭ ވިހަ ދުންތައް ކޮންމެއަހަރަކުހެން ރާއްޖެއަށް އަންނަމުންދާތީ، ތިމައްސަލާގައި އިންޑިއާ ގޮވައިގެން ބައިނަލްއަޤުވާމީ ކޯޓަށް ދިއުމަށް ދިވެހި ސަރުކާރަށް ގޮވާލަން.
ސާދިއު
16 January 2024
އޭރުވެސްއިނގޭ މުއިއްޒުމެން 16 ބުރިޔައް މާލެ ވަށައިގެން ތަންތަންހެދީމަ މާލެތެރޭގަ ވައި ނުސާފުވާނެކަން
ނާދިއު
16 January 2024
16 ބުރިއަށް ނުހަދާއިރުވެސް ވައި ނުސާފުވޭ. މިހާރު އެ ކުރާހެން އާއްމުކޮށް އިއުލާން ނުކުރަނީ. އަދި ގިނަ ބަޔަކަށް ފާހަގަވެސް ނުވަނީ.
ޣާނީ
16 January 2024
ހަވާދު ކަރައިން މިއަންނަ ގެއްލުންލިބޭ ދުމުގެ ބަދަލު ހޯދަންޖެހޭ! ޒިންމާ ކުރުވަންޖެހޭ!