މޯލްޑިވިއަން އެއާލައިންގެ ބޯޓެއް: ތިން އަހަރުގެ ތަފާސްހިސާބުތަކަށް ބަލާއިރު ބަލިމީހުން އުފުލުމުގައި ގިނައިން ހަރަކާތްތެރިވީ އެ އެއާލައިންގެ ބޯޓުތައް ކަމަށް ޑިފެންސް މިނިސްޓަރު ވިދާޅުވޭ.
20 ޖެނުއަރީ 2024 - 18:38
86 comments
މީގެ ތިން އަހަރު ކުރިން ފެށިގެން މިހާތަނަށް އެއްކޮށްފައިވާ ތަފާސްހިސާބުތަކަށް ބަލާއިރު، ކުއްލި ހާލަތުގައި ބޭސްފަރުވާގެ ބޭނުމަށް މީހުން އުފުލުމުގައި ނުވަތަ މެޑިކަލް އިވެކުއޭޝަންގެ 93 ޕަސެންޓް ކޮށްފައި ވަނީ މޯލްޑިވިއަން އެއާލައިނުން ކަމަށް ޑިފެންސް މިނިސްޓަރު މުހައްމަދު ޣައްސާން މައުމޫން މިއަދު ވިދާޅުވެއްޖެ އެވެ.
ގއ. ވިލިނގިލިން ކުއްލި ހާލަތުގައި މިދިޔަ ބުރާސްފަތި ދުވަހު މާލެ ގެނެސް ފަރުވާ ދެނިކޮށް އުމުރުން 13 އަހަރުގެ ކުއްޖަކު ނިޔާވީ، މާލެ ގެނައުން ލަސްވެ، އިތުރު ފަރުވާ ވެސް ލަސްވުމުން ކަމަށް އެ ކުއްޖާގެ އާއިލާ އިން ކުރާ ތުހުމަތުތަކާ ގުޅިގެން ސަރުކާރަށް ފާޑުކިޔުން އަމާޒުވެފައިވާ މި ދަނޑިވަޅުގައި ޑިފެންސް މިނިސްޓަރު އެކްސްގައި ވިދާލުވީ، 2021 އިން ފެށިގެން ތަފާސްހިސާބުތަކަށް ބަލާއިރު މެޑިކަލް އިވެކުއޭޝަންގެ 93 ޕަސެންޓް ކުރީ އައިލެންޑް އޭވިއޭޝަންގެ ދަށުން ހިންގާ މޯލްޑިވިއަން އެއާލައިނުން ކަމަށެވެ.
"މެޑިކަލް އޮޕަރޭޝަންގެ އެސްއޯޕީ ގައި ރައީސުލްޖުމްހޫރިއްޔާ އަށް އިންފޯމް ކުރުމެއް، ހުއްދަ ދެއްވުމެއް ނޯވޭ. އެއީ އެކަމާ ގުޅޭ އިދާރާތަކުން ކޯޑިނޭޓް ކުރެވިގެން ހިނގާ ކަމެއް،" ޣައްސާން ވިދާޅުވި އެވެ.
އޭނާ އެހެން ވިދާޅުވީ، އެ ކުއްޖާ ބުދަ ދުވަހުގެ އިރުއޮއްސެން އުޅެނިކޮށް މާލެ ގެނެވޭވަރުވީ ރައީސް ޑރ. މުހައްމަދު މުއިއްޒުގެ ސީދާ ހުއްދަ ނުލިބިގެން ކަމަށް ބުނެ ފަތުރަމުންދާ ވާހަކަތަކާ ގުޅިގެންނެވެ. އެ ވާހަކަތަކާ ބޮޑަށް ގުޅުވަނީ އިންޑިއާ އިން ރާއްޖެ އަށް ހަދިޔާ ކޮށްފައިވާ ދެ ހެލިކޮޕްޓަރާއި ޑޯނިއާ މަތިންދާބޯޓު މި ސަރުކާރު އައި ފަހުން ބޭނުން ނުކުރާ މައްސަލައާ އެވެ.
ކެބިނެޓުގެ ބައްދަލުވުމަކަށް ޑިފެންސް މިނިސްޓަރު ޣައްސާން މައުމޫނާއި ހެލްތު މިނިސްޓަރު ހަލީލް ވަޑައިގަންނަވަނީ.
ރާއްޖޭގައި ތިބި އިންޑިއާގެ ސިފައިން ބޭލުމަށް ސަރުކާރުން ބާރު އަޅައި އެ މަގަށް މަސައްކަތް ކުރަމުން އަންނައިރު، ދެ ހެލިކޮޕްޓަރާއި ޑޯނިއާ ބޯޓު ބޭނުން ނުކުރާ ސަބަބެއް ސަރުކާރުން އަދި ނުބުނެ އެވެ. އެއީ ވެސް މޯލްޑިވިއަން އެއާލައިންގެ ބޯޓުތަކުގެ އިތުރުން ބަލި މީހުން އުފުލުމުގައި މުހިންމު ދައުރެއް އަދާކުރަމުން އައި އުޅަނދުތަކެކެވެ.
މިދިޔަ ބުދަ ދުވަހުގެ ރޭ ވިލިނގިލި ހޮސްޕިޓަލުން ވެންޓިލޭޓަރަށް ލީ ކުއްޖާ މާލެ ގެނައީ ޖެހިގެން އައި ބުރާސްފަތި ދުވަހު އިރުއޮއްސެން އުޅެނިކޮށެވެ.
އެނގިފައިވާ ގޮތުގައި އެ ކުއްޖާ މާލެ ފުރުވާ ނުލެވި ލަސްވީ، އާސަންދައިގެ އެހީގައި ޗާޓަރު ފްލައިޓެއް ހަމަނުޖެހި ލަސްވުމުންނެވެ. ވިލިނގިލި ހޮސްޕިޓަލުން ކުރަންޖެހޭ ކަންކަން ނިންމިއަސް، މޯލްޑިވިއަން އެއާލައިންގެ ފްލައިޓު ކޫއްޑު އަށް ދިއުން ލަސްވެ، އިތުރު ފަރުވާ އަށް ކުއްޖާ ފޮނުވާލުން ލަސްވީ ކަމަށް އެނގިފައި ވެ އެވެ.
އެކަމަކު، އެ ކަމާ ގުޅޭ ގޮތުން ސަރުކާރުގެ ކަމާ ގުޅޭ އިދާރާތަކުން އަދި ވާހަކައެއް ނުދައްކަ އެވެ.
މި ސަރުކާރުން ނިންމާފައި ވަނީ އަންނަ މާޗު 1 އިން ފެށިގެން ރާއްޖެ އަށް އެއާ އެމްބިއުލާންސް ތައާރަފު ކުރާށެވެ. އެކަން ކުރަނީ މޯލްޑިވިއަން އެއާލައިންގެ ޑޭޝް 8 ގެ ދެ ބޯޓެއް އެއާ އެމްބިއުލާންސަކަށް ބަދަލު ކޮށްގެންނެވެ. އެ މަސައްކަތް ފަށާފައިވާ ކަމަށް ސަރުކާރުން ބުނެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީމު
21 January 2024
ކަލޯ ތިއޮތީ އަމިއްލަ އައް އިއުތިރާފު ވެފަ، ހަމަ ގަސްތުގަ ހެލިކޮޕްޓަރާ، ޑޯނިޔާ ބޭނުން ނުކުރިކަން!!! ދެން ކޮން "ތަފާސް" ހިސާބެއް ކިޔާކަށް!
ޖާލު
21 January 2024
އެއްކަލަ އިންޑިޔަގެ ޑޮނިއަރ އަކީ 6ގެ ފަހުން ދުއްވާ އެއްޗެއް ވެސްނޫން. އެއިން ދިވެހިންނަށް މާކަށް ބޮޑު ފައިދާ ހަގީގަތުގައި ނުވޭ. އެއީ މާ ފައިދާހުރި ކަމެއް ކަމަށް ދައްކަން މިދިޔަ 5 އަހަރު އުޅުނަސް ހަގީގަތް ބަދަލެއްނުކުރެވޭނެ.
އަޒްމިރަލްދާ
21 January 2024
މިހެންވެ ބުނަނީ ހަގީގަތް އޮޅުވާނުލެވޭނެއޭ. ޑޯނިޔާއޭ ކިޔައިގެން އިންޑިޔާއިން އުޅެނީ މިތާ އަބަށް ތިބެން.
އިގްބާލް ހަސަން
21 January 2024
މިއިީ ވަރަށް ބޮޑު ތެދެއް. މިކަން އިނގޭ މީހެއްގެ ހައިސިއްޔަތުން މިބުނެލަނީ.
ސަމާހް އަލީ
21 January 2024
ހީވޭ ކަމެއްހެން. މި އަސްލު ފެކްޓްސް. މީގަ ހިފައިގެން ވާހަކަ ދައްކަން އެމްޑީޕީ މީހުންނަށް ނުކެރޭނެ.
އޮނަރަބްލް އަފީފު ދީދީ
21 January 2024
ޑޮމެސްޓިކްދަތުރުތަކަށް ބޭނުންކުރާ ޑޭޝް/ޑޯނިއަރ ބޯޓްތައް ހަނިމާދުއާއި އައްޑޫގައި ޕާކްކޮށް ހަނިމާދުއާއި އައްޑޫން ކ.މާލެއަށް ދަތުރުފައްޓާ އަދި ހަނިމާދުއާއި އައްޑުއަށް ދަތުރުނިންމާ، މި އެއަރޕޯޓްތަކުގައި ބޯޓްތައް ޕާކު ނުކުރަނީ ކ.މާލެ ފެންނަހިސާބުގައިނޫނީ ބޯޓް ޕާކްފައިބޭއްވުން IATA އާއި ICAO ނުވަތަ މާލޭ ސިވިލް އެވިއޭޝަނުން މަނާކޮށްފައި ވާތީތޯ!؟ މިހާރުއޮތްގޮތުން އިމާރޖަންސީގައި ބަލިމީހާ އުފުލާންޖެހުނަސް ބޯޓް މާލެއިންފުރައިގެންއައުމުން ވަގުތު ބޭކާރުވޭ.
ކުޑަ ސާމިހް.
21 January 2024
އަފިފު ތިބުނީ ރަނގަޅު ވާހަކައެއް. އެކަމަކު މޯލްޑިވިއަންގެ އިސްވެރިންނަށާއި ބޯޑްގައިވެސް މުޅިން ތިބީ މާތްވެގެންވާ މުޤައްދަސް ރަށްކޮޅުގެ މީހުން. އެމީހުން ބޭނުމެއްނުވޭ މާލެ ނޫން ތަނެއްގައި ބޯޓް ބާއްވަންވެސް. އަދި އައްޑުއަށް ބޮޑު ބޯޓު އަލާކަށްވެސް އަނެއްކާ އައްޑޫ މަގުން އިންޑިޔާ އށް ދެވޭގޮތް ހަދާކަށްވެސް.
އެމީހާ
21 January 2024
އިންޑިޔާ ސިފައިން ރާއްޖޭގައި ތިބި ރާއްޖޭގެ ދާހިލީކަންކަމުގެ މަޢުލޫމާތު އެއްކޮށް ކުރަމުންދާ މަސައްކަތާ ގުޅޭ ވަރައް ތަފްޞީލީ ރިޕޯޓެއް ރައީސް ޔާމިނު ސަރުކާރުގަ ފުލުހުން ހިއްސާކުރި. ފުލުހުން އަތުގަ މިމީހިން ހިންގާ ޖަރީމާ ތަކުގެ މަޢުލޫމާތު ހުންނާނެ. ހުރިހާ ކަމެއް އެނގޭ އިރުވެސް ފިޔަވަޅެއް އަޅަން ކެރުނު ރައީސްސަކު ރައިސް މުއިޒް ނޫނީ އަދި ނާދޭ
ދެފަރާތް
21 January 2024
އެންމެ ފުރަތަމަ ނަޝީދު ސަރުކާރުގަ އެއާރ ވިންގެއް އުފައްދަންކަމަށް ބުނެ ހެލިކަޕްޓަރެއް ގެނައި. އެއަރ ވިންގުގައި މަސައްކަތްކުރަން ދިވެހި ޕައިލެޓުންވެސް އެމް.އެން.ޑީ.އެފް އަށް އޭރު ވެއްދި. ކޮބާތޯ އެކުދިން މިޔަދު؟ ކީއްވެތޯ އިންޑިޔާ ސިފައިން އެ ދޫނުކޮށްލައިގެން އުޅެނީ. ދިވެހިންނަށް އޭގަ އަތްލާންވެސް ނުދީގެން އުޅެނީ. އެހީގެ ނަމުގަ ފަހަރަކު އެއްޗެއް ގެނެސް ސިފައިން އިތުރުކުރުން ނޫންކަމެއް އެބަ ކުރޭތޯ. ދިވެހިން އެބަޖެހޭ ހޭލަން.
ދެފަރާތް
21 January 2024
އިންޑިޔާގެ އަސްކަރީ މި އުޅަނދުތައް އޮޕަރޭޓް ކުރަނީ ސީދާ އިންޑިޔާ ހައިކޮމިޝަނުގެ ދަށުން. އެމް.އެން.ޑީ.އެފް އިންވެސް ޖެހެނީ ހައިކޮމިޝަށް ރިކުއްސްޓު ކުރަން
ދެފަރާތް
21 January 2024
ހަގީގަތަކީ އިންޑިޔާއިން ރާއްޖެ ހަދިޔާކުރުމުގެ ނަމުގަ ދީގެން އުޅޭ ދެ ހެލިކަޕްޓަރާއި ޑޯނިޔާ އަކީ އެން މަޤްސަދެއްގަ ދީގެން އުޅޭ އެއްޗެއް. ރާއްޖޭގަ އިންޑިޔާ ސިފައިން ގިނަކުރުން. ކޮންމެ އުޅަނދަކާއި އެކު 20 ވަރަކަށް މީހުން އެބަ ބަހައްޓާ. ދެރަ ކަމަކީ މިއިން އެއްވެސް އެއްޗަކަށް ދިވެހި ސަރުކާރު އަދި އެމް.އެން.ޑީ.އެފް ގެ އެއްވެސް ބާރެއް ނުހިނގާކަން. ފާއިތުވެ ދިޔަތަނުގަ ތި އުޅަނދުތައް ބޭނުންކޮށްގެން ބަލިމީހުން އުފުލުމަށް ކޮށްފައިވާނީ މަދު ދަތުރުތަކެއް.