އަބްދުﷲ ރަފީގް: އޭނާ ނިޔާވީ މިއަދު އިންޑިއާގެ ކޮޗިންގައި.
26 މެއި 2024 - 20:41
9 comments
ފުވައްމުލަކަށް އެކި ދާއިރާތަކުން ގިނަ ހިދުމަތްތަކެއް ކޮށްދެއްވި އަބްދުﷲ ރަފީގް މިއަދު ނިޔާވެއްޖެ އެވެ.
އުމުރުން 93 އަހަރުގައި ރަފީގު ނިޔާވީ އިންޑިއާގެ ކޮޗިންގައި ފަރުވާ ހޯއްދަވަމުން ގެންދަވަނިކޮށެވެ.
އޭނާ ނިޔާވިއިރު ހަތް ބޭފުޅަކު ދުނިޔޭގައި އެބަތިއްބެވި އެވެ. ކުރީގެ މިނިސްޓަރު އަދި މިހާރު ރެއިންބޯ ކުންފުނީގެ ވެރިޔާ އިބްރާހިމް ރަފީގާއި ފުވައްމުލަކުގެ މޭޔަރު އިސްމާއިލް ރަފީގުގެ އިތުރުން "ހަވީރު" ނޫހުގެ ކުރީގެ އެޑިޓަރު ޑރ. އަލީ ރަފީގުގެ ބައްޕާފުޅަކީ ވެސް އަބްދުﷲ ރަފީގެވެ.
ރަފީގަކީ ހަވީރުގެ ކުރީގެ ޗެއާމަން، ޑރ. މުހަންމަދު ޒާހިރު ހުސައިންގެ ބޭބޭފުޅެވެ.
އަބްދުﷲ ރަފީގް އަނބިކަނބަލުންނާ އެކު.
ފުވައްމުލަކުގެ ކުރީގެ ބޮޑުކަތީބު މުހައްމަދު ވަހީދު އަހުމަދު ވިދާޅުވީ މަޖީދިއްޔާ ސްކޫލްގައި ތައުލީމް ހާސިލް ކުރެއްވުމަށްފަހު 1952 ވަނަ އަހަރު އެނބުރި ފުވައްމުލަކަށް ވަޑައިގެން އަތޮޅު އޮފީހުގައި މަސައްކަތް ކުރެއްވުމަށް ފަހު ރަފީގް އެކި ދާއިރާތަކުން ފުވައްމުލަކަށް ހިދުމަތް ކޮށްދެއްވި ކަމަށެވެ.
This is us; Fate, Fortitude and Familia
Authentic stories, about the lives of quintessential Maldivians across the Maldives, exclusively brought to readers by The Edition.
The Edition
ރަފީގް 2019 ގައި "ދި އެޑިޝަން" އަށް ދެއްވި އިންޓަވިއު
މަޖީދިއްޔާ ސްކޫލުން ތައުލީމް ހާސިލްކުރައްވައި ރަށުގައި ހިދުމަތް ފެއްޓެވީ ޓީޗަރެއްގެ ގޮތުގަ އެވެ. އެގޮތުން ކުޑަކުދިންނަށް ކުޅިވަރު ދަސްކޮށް ދެއްވި އެވެ. އޭނާ އަކީ ފުވައްމުލަކު ސްކޫލްގެ ފުރަތަމަ ފުޓްބޯޅަ ކޯޗެވެ. އޭގެ ފަހުން ދަނޑުވެރިކަން ފަދަ ދާއިރާތަކުގައި ވެސް މަސައްކަތް ކުރެއްވި އެވެ.
ރަފީގްއަކީ ރަށުގެ އެންމެންގެ ވެސް ވަރަށް އިހްތިރާމް ލިބިވަޑައިގެންފައިވާ ބޭފުޅެއް ކަމަށް ވަހީދު ވިދާޅުވި އެވެ.
"އެންމެން ވެސް ވަރަށް އިހްތިރާމް ކުރާ ބޭފުޅެއް އެއީ. އަމިއްލަ މަސައްކަތުން ދިރިއުޅުއްވި. ދޭތެރެއަކުން ދަނޑުވެރިކަމުގެ މަސައްކަތް ވެސް ކުރައްވާނެ." އޭނާ ވިދާޅުވި އެވެ.
ރަފީގް: ފުވައްމުލަކަށް ގިނަ ހިދުމަތްތަކެއް ކޮށްދެއްވި.
ހިދުމަތުން ދުރަށް ވަޑައިގެން ފުވައްމުލަކުގެ ހިތްފަސޭހަ މާހައުލުގައި ދިރިއުޅެއްވި އިރު "ދި އެޑިޝަން"އަށް ދެއްވި ހާއްސަ އިންޓަވިއުގައި ވަނީ ރަފީގްގެ ދިރިއުޅުމުން ބައެއް ވާހަކަތައް ހިއްސާކުރައްވައިފަ އެވެ. މާލޭގައި ދިރިއުޅުއްވި އިރު އަނބިކަނބަލުންނާ ދިމާވެ 60 އަހަރު އެކުގައި ހޭދަކުރެއްވި ގޮތާއި ހަތް ދަރިންނާއި ކާފަ ދަރިން ދެކެ ވާ ލޯބި ކިޔައިދެއްވި އެވެ.
އޮޅު ހެއްދުމާއި ދަނޑު ގޮވާންކުރުން ފަދަ އަމިއްލަ މަސައްކަތުން އާދައިގެ ގޮތަށް ފުވައްމުލަކުގައި ދިރިއުޅުން ފެއްޓެވި ނަމަވެސް ކުރެއްވުނު ބުރަ މަސައްކަތާ އެކު ރަށަށް ކޮށްދެއްވުނު ހިދުމަތާ މެދު ހިތްހަމަޖެހިވަޑައިގެން ހުންނެވި ކަމަށް ވިދާޅުވި އެވެ.
ފުވައްމުލަކުގެ ރީތި ކަމާއި ހިތްފަސޭހަ ކަމުގައި ދަރިންނާއި ކާފަ ދަރިންނާ އެކު ދިރިއުޅުމަކީ ވަރަށް ބޮޑު އުފަލެއް ކަމަށް ވެސް އެ އިންޓަވިއުގައި ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އ.ރަޝީދު
27 May 2024
ރަފީގު ބޭ ބޭ އަކީ ވަރަހަ ހިތްހެއު ޚުލްޤް ހެއު ސާދާ މިޒާޖެކި ޢިލްމީ މީހެއް. ރަށްވެހި ދިރިއުޅުމަކަހަ ވަރަހަ ލޯބިކެޅަ ދަނޑޮވެރި،މަސްވެރިއެއް. ރަފީޤް ބޭބޭގެ މަރިގެ ކަބަރް އަޑްއެހީ ކުއްލި ސިހުމައްކާ ހައެރާންކަންމާއެކީ. މިހިތާމަވެރި ދަނޑިވަޅި ރަފީގް ބޭބޭގެ ހުށިހައި ކޫދުންނާ، އާއިލާށަ ހިތުގެ އިޚްލާސްތެރި ތައުޒިޔާ ފެނޮއަން. މަރްޙޫމް ގެ ފުރާނާށަ ސުވަރުގޭގެ މަތިވެރި ނިޢުމަތް އަބަދަހަ މިންވަރޮކެލައުން އެދީ ﷲގެ ހަޟްރަތަހަ ދުއާދަންނަވަން.
ގައުމީދޫ:
27 May 2024
اِنَّا لِلّٰهِ وَاِنَّااِلَيْهِ رَاجِعُوْنَ. ދުޢާއަކީ ސުވަރުގޭގެ މަތިވެރި ނިޢުމަތުގައި ލެއްވުން އަދި އާއިލާއަށް ކެތްތެރިކަމާއި ސާބިތުކަން ދެއްވުން. އަލް މަރްހޫމް ޢަބްދުﷲ ރަފީގަކީ ހިތްތިރި، ހިވާގި، ހިތް ހެޔޮ ނަމޫނާ ޝަޚްސިއްޔަތެއް!
ޖިނާން
27 May 2024
اِنَّا لِلّٰهِ وَاِنَّااِلَيْهِ رَاجِعُوْنَ. ރަފީގް ބޭބެއަކީ ނަމޫނާ ބޭފުޅެކެވެ. މޫނުމަތިން އަބަދުމެ ފެންނާނީ ހިތްހަމަޖެހުމާއި ހިނިތުންވުމެވެ. ކަންކަން ދިރާސޮށް އުޅުއްވި އަދި އެއްވެސް ވަގުތަކީ ކިހާ މުހިންމު އެއްޗެއްކަން ސީދާ އަމަލުން ދެއްކެވި މުރާލި ބޭފުޅެކެވެ.
އަބްޑޫޅް +
27 May 2024
އަލީ އަށް ވަރަށް ގިނައިން ތައުޒިޔާ އާއި ސަލާން.
ލައިޓް
27 May 2024
اِنَّا لِلّٰهِ وَاِنَّااِلَيْهِ رَاجِعُوْنَ.. މިއީި ޤައުމީ ބަތޮލުން !
އައިމިނާ
27 May 2024
ހެޔޮރަޙްމަތް ލައްވާށި.
ޖާގަ
26 May 2024
اِنَّا لِلّٰهِ وَاِنَّااِلَيْهِ رَاجِعُوْنَ.
އާފް
26 May 2024
اِنَّا لِلّٰهِ وَاِنَّااِلَيْهِ رَاجِعُوْنَ މައްޔިތާގެ ފާފަ ފުއްސަވައި ސުވަރުގޭގެ ދާޢިމީ ނިޢުމަތް މިންވަރު ކުރައްވާށި. އަދި ޢާއިލާއަށް ކެތްތެރިކަން ދެއްވާށި!
އަޚުމަދު
26 May 2024
ރަފީގު ބޭބޭށަ މާތްﷲ ހެޔޮ ރަޚުމަތް ލައްވާށި