ޒޯން ބަދަލުކުރާ ވެހިކަލްތައް ވަގުތީ ގޮތުން ޕާކުކުރާނެ ބިމެއް ހުޅުމާލެއިން ހަމަޖައްސަނީ

ހުޅުމާލޭގެ މަގެއް: ޒޯން ބަދަލުކުރާ ވެހިކަލްތައް ވަގުތީ ގޮތުން ޕާކުކުރާނެ ބިމެއް ހުޅުމާލެއިން ހަމަޖައްސަން އެޗްޑީސީއާ އެކު ޓްރާންސްޕޯޓް މިނިސްޓްރީން ވަނީ އެެއްބަސްވުމެއް ހަދައިފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

20 އޯގަސްޓް 2024 - 11:56

10 comments

މާލެ ސަރަހައްދުގައި ދުއްވާ އެހެން ޒޯންތަކުގެ ރަޖިސްޓަރީ އޮންނަ އުޅަނދުތަކުގެ ރަޖިސްޓަރީ ބަދަލުކުރެވެންދެން ވަގުތީ ގޮތުން ޕާކުކުރާނެ ބިމެއް ހުޅުމާލެ އިން ހަމަޖެއްސުމަށްޓަކައި ޓްރާންސްޕޯޓް މިނިސްޓްރީން އެޗްޑީސީއާ އެކު އެއްބަސްވުމުގައި އިއްޔެ ސޮއިކޮށްފި އެވެ.

އެ އެއްބަސްވުމުގައި ސޮއިކުރީ އެޗްޑީސީގެ ހެޑް އޮފީހުގައި ބޭއްވި ރަސްމިއްޔާތެއްގަ އެވެ.

We are pleased to announce the signing of an agreement with the @MoTCAmv for the provision of temporary land designated for parking spaces.#WithHDC pic.twitter.com/ewnTpXAmMz
— Housing Development Corporation (@hdcmaldives) August 19, 2024

މާލެ ސަހައްދުގައި ދުއްވާ އެހެން ޒޯންތަކުގެ ރަޖިސްޓަރީ އޮންނަ އުޅަނދުތައް އެޗްޑީސީން ދައްކާ ބިމަކަށް އަމިއްލަ އަށް ގެންގޮސް ބާއްވައިގެން، ރަޖިސްޓަރީ ބަދަލުކުރަން ހަ މަސްދުވަހުގެ މުއްދަތެއް ދޭން ނިންމާފައިވާ ކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވީ މިދިޔަ ހަފުތާގަ އެވެ.

އަމީން ވިދާޅުވި ގޮތުގައި، އެހެން ޒޯންތަކަށް ނިސްބަތްވާ ގިނަ އަދަދެއްގެ އުޅަނދާއި ރަޖިސްޓަރީ ފުރިހަމަ ނުކުރާ އުޅަނދުތައް މާލެ ސަރަހައްދަށް ވަނީ އެތެރެކޮށްފަ އެވެ. އެޗްޑީސީއާ ގުޅިގެން ބިމެއް ކަނޑައަޅައި، އެ ވެހިކަލްތައް އެ ސަރަހައްދަށް ގެންދިއުމަށް 40 ދުވަސް ދޭނެ އެވެ.

"އެ ބިމަށް ގެންދިއުމަކީ އެ ވެހިކަލެއްގެ ވެރިފަރާތުގެ އަމިއްލަ ކަމެއް. އޭރުން އަޅުގަނޑުމެން ޓޯކޮށްގެން ލިބޭ ގެއްލުމާއި އަޅުގަނޑުމެން ޓޯކޮށްގެން އަރާ ޖޫރިމަނާ ވެސް ނާރާނެ،" އަމީން ވިދާޅުވި އެވެ.

ހޯމް މިނިސްޓަރު އަލީ އިހުސާން ވިދާޅުވެފައިވާ ގޮތުގައި 40 ދުވަހުގެ މުއްދަތަށް ފަހު ވެސް މާލޭގައި ދުއްވާ އެހެން ޒޯންތަކުގެ ރަޖިސްޓަރީ އޮންނަ ވެހިކަލްތައް ޓޯ ކުރާނެ އެވެ. އެހެންވެ، ސަރުކާރުން ދޭ ހަ މަސްދުވަހުގެ މުއްދަތުގައި އަވަހަށް ރަޖިސްޓަރީގެ ކަންކަން ނިންމުމަށް އޭނާ އެދިވަޑައިގަތެވެ.

އެހެން ޒޯންތަކަށް ރަޖިސްޓަރީކޮށްފައިވާ އުޅަނދުތައް މާލެ ސަރަހައްދުގައި ދުއްވާ މައްސަލަ ފެންމަތިވީ މިދިޔަ މަހު ހުޅުމާލެ 2 ގައި ބާރު ސްޕީޑުގައި ދުއްވާފައި ދިޔަ ރޭސިން ކާރަކުން މީހެއްގެ ގައިގައި ޖެހި ހިނގި ނުރައްކާތެރި އެކްސިޑެންޓަށް ފަހުގަ އެވެ.

Male' gai dhuvvaa ehen zone thakuge ulhandhuthakuge registery badhalu kuran 6 mass dhenee

The most trusted news source in the Maldives

Mihaaru

އެކްސިޑެންޓުވި ކާރަކީ މާލެ ޒޯންގައި ދުއްވަން ރަޖިސްޓަރީކޮށްފައިވާ އުޅަނދެއް ނޫނެވެ. ކާރުގެ ނަންބަރު ޕްލޭޓްގައި އިނީ ބީ ޒޯން [ނުވަތަ ރާއްޖޭގެ އުތުރާއި ދެކުނުގެ އަތޮޅުތަކުގައި] ދުއްވަން ރަޖިސްޓަރީ ކޮށްފަ އެވެ.

އޭގެ ފަހުން ފުލުހުން ވަނީ މާލެ ނޫން އެހެން ޒޯންތަކަށް ރަޖިސްޓްރީކޮށްފައިވާ ވަރަށް ގިނަ ސްޕޯޓްސް ކާރުތައް ހުޅުމާލެއިން ޓޯކޮށްފަ އެވެ.

ހުޅުމާލެ ވެހިކަލްތައް އެޗްޑީސީ ޓްރާންސްޕޯޓް މިނިސްޓްރީ ޕާކިން ޒޯން މުހައްމަދު އަމީން (ޓްރާންސްޕޯޓް މިނިސްޓަރު)

10 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަމި333

21 August 2024

ޒޯން ބަދަލްނުކޮށް ނުބައި ޒޯނެއްގައި ދުއްވިގެންވެސްނުވާނެދޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައިގަންނަގުރާ

21 August 2024

ހާދަ ހެއްވާ ދެކޮޅު ނުޖެހޭ ކަންކުރާ ބަޔެކޭ ދޯ މީ؟ ގަރާޖު ސިޓީވެސް ހޯދާކަށް ނުޖެހޭނެ ތާ ދޯ އެހެންވީމަ؟ މި ގައުމުގަ ގަވާއިދެއް އޮތިއްޔާ އެއާ އިދިފުށަަށް އުޅެންތާ މި ކިޔައިދެނީ؟ ހުރިހާކަމެއްގަ ވެސް އެ އުސޫލު. ފީ އާއި ފައިން ނުދައްކާތިބި މީހުންނަށް މަޢާފު. ފީ ދައްކާ މީހާ ފަހަތުން ފައިން ހޯދަން ދުވަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަވާއިދަށް އުޅުމުގެ ބޭނުމެއްނެތް.

20 August 2024

ހުރިހާ މޮޅެއް ގަވާއިދާ ހިލާފަށް ކަންކުރާ މީހުނަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްދުން ބޭރު

20 August 2024

ވަރައް ރަނގަޅު، ދެން ވަގުންނާ ގޭންގް މާރާމާރި ހިންގާ މީހުނަށްވެސް ޖާގަ ހަމަޖައްސައި 40 ދުވަހުގެ ތެރޭ ހުރިހާ އެންމެން ގާނޫނައްފައްތާ ހުދު ކާފޫރައް ހަދާ، އެއިރުން އެއްވެސް ބަޔަކު ނޫޅޭނެ ގަވާއިދުން ބޭރަކު. ގާނޫނަށް އުޅޭ މީހުން ގާނޫނުދެކެ ފޫހި ކުރަން ކުރެވެންހުރި ހުރިހާކަމެއް އަދި ކުރެވޭނީ އޭރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

20 August 2024

މިނިސްޓްރީ ތެރޭން ކޮރަޕްޝަން ހިންގި އެއްވެސް މީހަކަށް އަދަބު ދޭ ތަނެއް ނުފެނެ އެވެ. އަދަބު މިލިބެނީ އާއްމު ރައްޔިތުންނަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަކުރުު

20 August 2024

ގަވާއިދާ ޚިލާފަށް އުޅޭ މީހުނަށް ހުރިހާމޮޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯމް

20 August 2024

އެހެން ޒޯން ތަކުގަ ރަޖިސްޓަރީ ކުރިޔަސް އެކިތަންތާ ދުއްވުމުގެ މައްސަލައެއް ނުފެނޭ. އެހެން ގައުމުތަކުގަ ނޯވޭ މިއުސޫލެއް. ކައިރި ގައުމުތަކުންވެސް އައިސް ދުއްވޭ. މީހަމަ އިތުރުވާ މަސައްކަތް. ސްޓެޓިސްޓިކްސް ބަލަހައްޓަން ކަމުގައިވާނަމަ ގޮތްގޮތް ހުންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

20 August 2024

ތީކަނޑައެޅިގެން ދޮގެއް ގިނަގައުމުތަކުގަ އެއްސްޓޭޓުން އަނެއްސްޓޭޓްއަށް ދާންވެސް އިތުރު ހުއްދައެއް ބޭނުންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާނޫނު ހަބޭސް

20 August 2024

ގަވާއިދާއި ޚިލާފައްއުޅޭ މީހުންނަށް ހުރިހާ މޮޅެއް. ދެންކިހިނެތް މިހާރުވެސް ފޫގޮސްފައި އޮތްގައުމެއް ހަމަޔަކަށް އެޅޭނީ. އެހެން ޒޯނަކަށް ރަޖިސްޓްރީކޮށްފައި ހުންނަ ވެހިކަލް ހުއްދަ ނޫން ޒޯނަކަށް ގެނައުމުގެ ކުރިން ނަގަންޖެހޭ ހުއްދަ ނުނަގާ ގެނައުމަކީ ކުށެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަރިމާގޭ ޖަރީ ޖާރިޔާގެ ޖުހާ

20 August 2024

ޖަރީމާގެ މައްޗަށް ޖަރީމާ. އިހަކަށްދުވަހު މަޖީދީމަގުން ޒިބްރާކްރޮސް އިން ހުރަސްކުރަނިކޮށް ގައިގައި ޖެއްސި ކާރެއް. ކައިރީތިބި މީހުން ހަޅޭއްލަވައިގަތުމުން އެމީހުންނަށް ސޮރީއޭ ބުނެފައި ނައްޓާލައިފި. އެކާރުގެ މަޢުލޫމާތު އެއްކުރުމުން ސާފުވީ އެއީ ކުށުގެ އެތައް ރެކޯޑެއް އޮތް ކާރެއްކަމާއި އަދި އޭގެ ވެރިފަރާތް ބަދަލުކޮށްފައި އޮތްކަމަށް ރެކޯޑްތަކުން ދެއްކީ މިމަހުގެ ފަހު ހަފްތާގެ ދުވަހެއްކަމަށް. އޭގެ އަނެއްދުވަހު ތިޔަކަމަކަށް ހުޅުވާލީ. ޖަރީމާ ޖަރީމާ ޖަރީމާ..