ޚަބަރު / ހުޅުމާލޭ ދެ ވަނަ ފިޔަވަހި

ހުޅުމާލެ 2 ގެ ކިއޮސްކުތައް ކުއްޔަށް ދެނީ؛ ކުރިމަތިލެވޭނީ ހިޔާ ފްލެޓްގައި ދިރިއުޅޭ މީހުންނަށް އެކަނި

ހުޅުމާލެ 2 ގައި ހަދާފައިވާ ކިއޮސްކުތައް: މި ތަންތަން ކުއްޔަށް ދޭން ވަނީ ހުޅުވާލައިފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

22 އޯގަސްޓް 2024 - 17:05

18 comments

ހުޅުމާލެ 2 ގައި ހަޓުތައް ހިންގި ސަރަހައްދުގައި ހެދި ކިއޮސްކުތައް ކުއްޔަށް ދޭން އެޗްޑީސީން މިއަދު ހުޅުވާލައިފަ އެވެ.

އެ ކުންފުނިން ކުރި އިއުލާނެއްގައި ބުނީ ހުޅުމާލެ 2 އިން 20 ކިއޮސްކް ކުއްޔަށް ހިފުމަށް ޝައުގުވެރިކަން ފާޅުކުރުމުގެ ފުރުސަތު މިހާރު ހުޅުވާލާފައިވާ ކަމަށެވެ. އަދި ކިއޮސްކުތައް ކުއްޔަށް ދޭނެ މީހުން ކަނޑައަޅާނީ ފޯމު ހުށަހަޅާ މީހުންގެ ތެރެއިން ޝަތުރު ހަމަވާ މީހުންގެ މެދުގައި ގުރުނަގައިގެން ކަމަށް ވެސް އެ އިއުލާނުގައި ބުންޏެވެ.

އެ އިއުލާނުގައި ބުނިގޮތުގައި، ކިއޮސްކް ކުއްޔަށް ދިނުމާ ބެހޭ ފޯމު ވިއްކަން ފަށާނީ އަންނަ އާދިއްތަ ދުވަހުން ފެށިގެންނެވެ. ފޯމެއް ވިއްކަނީ 1،000ރ. އަށެވެ. ފޯމު ހުށަހަޅަން ޖެހޭނީ އަންނަ މަހުގެ ފަހެއްގެ ކުރިންނެވެ. ގުރުނެގުން އޮންނާނީ އަންނަ މަހު 19 ގަ އެވެ.

މި ކިއޮސްކުތައް ކުއްޔަށް ދެނީ އެއް އަހަރު ދުވަހުގެ މުއްދަތަށެވެ. ކުލީގެ ގޮތުގައި މަހަކު 3،500ރ. ދައްކަން ޖެހެ އެވެ. އަދި އެކުއިޒިޝަން ފީގެ ގޮތުގައި 5،000ރ. ވެސް ނަގާއިރު، ލީސް ޑިޕޮސިޓްގެ ގޮތުގައި 10،500ރ. ވެސް ދައްކަން ޖެހެ އެވެ.

ކިއޮސްކުތައް ހިންގުމަށް ގުރުއަތުން ހޮވޭ 20 މީހުންގެ އިތުރުން ވެއިޓްލިސްޓެއްގެ ގޮތުގައި އިތުރު 10 މީހަކު ހޮވާނެ އެވެ.

ޝަރުތުތައް

• އުމުރުން 18 އަހަރު ފުރިފައިވާ ދިވެއްސަކަށް ވުން.

• ހިޔާ ފްލެޓުގެ ވެރިފަރާތްކަމުގައިވުން ނުވަތަ ހިޔާ ފްލެޓުގައި ދިރިއުޅޭ މީހަކަށް ވުން.

• އެޗްޑީސީއަށް އެއްވެސް ފައިސާ ދައްކަން ޖެހި، އެ ފައިސާ ނުދައްކާ މީހެއް ކަމުގައި ނުވުން.

• އެއްވެސް ފުލެޓެއް ނުވަތަ ވިޔަފާރި ބޭނުމަށް ކުއްޔަށް ނަގާފައިވާ އެއްވެސް ތަނަކަށް ދައްކަން ޖެހޭ ފައިސާ ނުދައްކާ މީހެއް ކަމުގައި ނުވުން.

އެޗްޑީސީން ބުނީ ކިއޮސްކް ހިންގުމުގެ ހުރިހާ މަސައްކަތެއްގައި އުޅެން ޖެހޭނީ ދިވެހިން ކަމަށެވެ. ކިއޮސްކުގައި ކުރެވޭ އެއްވެސް ވިޔަފާރިއެއް ނުވަތަ މަސައްކަތެއްގައި ބިދޭސީން ބައިވެރިކުރުމަކީ މަނާ ކަމެއް ކަމަށް ވެސް އެ ކުންފުނިން ބުންޏެވެ.

މަނާ ބައެއް ކަންކަން

• ކިއޮސްކް ހިންގުމުގެ ހުއްދަ ދީފައިވާ މީހާ އެހެން މީހަކަށް ކުއްޔަށް ދިނުން.

• އަލިފާން ހިފާ ޒާތުގެ ތެލާއި ގިރިސް އަދި ގޭސް ގެންގުޅުން.

• ކިއޮސްކްގައި އެއްވެސް ބާވަތެއްގެ އެއްޗެއް ކެއްކުމާއި ފިހުން އަދި ތެލުލުން.

• ކިއޮސްކްގެ ބޭރުގައި އެއްވެސް ބާވަތެއްގެ ތަކެއްޗާއި ކުނި ބެހެއްޓުން.

• ކިއޮސްކްގެ ބޭރުގައި ގޮނޑި އާއި މޭޒު ބަހައްޓައިގެން ވިޔަފާރިކުރުން.

ކިއޮސްކް ހަވާލުކޮށް އެއްބަސްވުމުގައި ސޮއިކުރާތާ 15 ދުވަހުގެ ތެރޭގައި އެތަނުން ހިދުމަތް ދޭން ފަށަން ޖެހޭނެ އެވެ. އަދި ކިއޮސްކުގެ ހިދުމަތް ދެވޭނީ ކޮންމެ ދުވަހެއްގެ ހެނދުނު 7:00 އިން ރޭގަނޑު 11:00 ގެ ނިޔަލަށެވެ.

ހުޅުމާލެ 2 ގެ ރުއްގަނޑާއި ބީޗު ސަރަހައްދުގައި ކުރިން ގަވާއިދާ ހިލާފަށް ގިނަ އަދަދެއްގެ ހަޓުތައް ހަދައި ކާބޯތަކެތި ވިއްކި އެވެ. ނަމަވެސް އެއީ އެއްވެސް ހުއްދައެއް ނެތި ކުރަމުން ދިޔަ ކަމަކަށް ވާތީ އެޗްޑީސީން ވަނީ އެކަން ހުއްޓުވައި ހަޓުތައް ނަގައި އެތަން ސާފުކޮށް ކިއޮސްކް ހިންގާނެ ޖާގަ ހަދައިފަ އެވެ.

ހުޅުމާލެ އެޗްޑީސީ ހުޅުމާލޭ ދެ ވަނަ ފިޔަވަހި

18 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚިޔާލު މ

25 August 2024

ފޭސް 1 ގަ މާރުކޭޓު ގޮޅިތައްވެސް ދިނީ ތިހެން. ނިމުނު އިރު ކެފޭ އާ ރެސްޓޯރަންޓް އަދި ބަންގާޅީ ފެކްޓްރީތައް އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނާ ނާޅި

23 August 2024

ހުޅުމާލެ ފޭސް 1 ދޫކުރި ދަނޑު ތައްވެސް މިހާރު ދީފަހުރި މިހުން އަތުން ތަންތަން ނެގުމައްފަހު ފޭސް1ގެ މިހުންނައް ދިނުމައް ގޮވާލަން. ވަރައްގިނަ ތަންތަން އެބަހުރި މާލޭ ދިރިއުލޭ މީހުން ފޭސް 2 ގެ މީހުންނައް ދީފަ. މިކަން ރަގަޅު ކޮއްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮއެސިކްސްޓޯ

23 August 2024

ތި ތަންވެސް ނިމޭއިރު 2 ބުރި އިމާރާތްތަކަށް ބަދަލުވެ ވިޔަފާރި ދެކޮޅުނުޖެހޭތީ އިތުރު 20 ފޫޓު އަދި ގޮޑިޔާ މޭޒާވެސް ޖެހުމުގެ ހުއްދަވެސް ދޭނެ، ފޭސް 1 ގަވެސް ފެށީ ވޯޓަރ ސްޕޯރޓްސް އަށް ތިހެން ދިން ކިއޮސްކު ތަކަކުން. ނިމުނު އިރު ހުރީ ބީޗްފޮރޮންޓް ރެސްޓޯރަންޓް ބިލްޑިނގް ތަކެއް. ޝސރުތު ތަކަކީ ރައްޔިތުން އޮޅުވާލަން ލިޔެފަ ހުންނަ ބޭކާރު ވާހަކަތަކެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް

23 August 2024

ޝަރުތުގަ ނެތް ސަރުކާރުން ނަގަންޖެހޭ ހުއްދަތަކުގެ ވާހަކައެއް. އެޗްޑީސީ އަކަށް ސައި އަދި ހެދިކާ ވިއްކަން ހުއްދައެއް ނުދެވޭނެ. ވިޔަފާރި ހުއްދަތައް އޮތުން އެއީ ޝަރުތަކަށް ވާންވާނެ. ހިޔާފުލެޓު އެކަންޏެއް ނޫން މުޅި ފޭސް 2 ގެ ފުލެޓުލިބި އެތާ ދިރިއުޅޭ މީހުނަށް ފުރުސަތު ދެވެންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްލު

23 August 2024

ނިމިދިޔަ ސަރުކާރުވެސް ވެއްޓެން ދިމާވި މައިގަނޑު ސަބަބަކީ މިކަހަލަ ނާތަހުޒީބު ތަފާތުކުރުންތަކުގެ ސަބަބު - ހަމަ ހަމަ އުސޫލެއްނެތި ވަކިބަޔަކު ބޭނުންވާގޮތައް ވަކިބަޔަކު ރުއްސަން ކަންކުރުމުގެ ނަތީޖާ ބަލަން ތިބެމާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނުވާ....

23 August 2024

ބޮޑަށް އިސްކަންދޭތި ހިޔާ ފުލެޓްގަ ކުލި ނުދީ އުޅޭމީހުނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނދބފޗބ

22 August 2024

ހިޔާ ފލެޓް އެކަނި. ހެހެހެ ހިޔާ ނޫނަސް ފޭސް 2 ގަ އެހެން ފްލެޓްތައްވެސް އެބަހުރި. އެތަނުގަވެސް އުޅެނީ ދިވެހި ރައްޔިތުންހަމަ. ތަފާތު ކުރުން ބޮޑު އިއުލާނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާކީބައި

22 August 2024

ކުއްޔަށް ދިނީމަ ތި ތަންތަނުގަ ވިއްކާ ކާ ތަކެތި ތައްޔާރުކުރާ ތަންތަން ބަލާނީ ކޮން ބައެއްބާ؟ ކޮންމެފަދަ ތައްޔާރުކުރި ކާތަކެއްޗެއްވެސް ވިއްކަންވީބާ؟ ވިއްކާ ތަކެތީގެ ފެންވަރު ބެލޭނެ ގޮތް ހެދުން ވަރަށް މުހިއްމު. މިގައުމަށް މިހާރު ޖެހިފައިވާ ފާޚާނާ ކައިރީ ތައްޔާރުކުރާ ކާތަކެތީގެ ވަބާއިން ސަލާމަތްކުރެވޭނީ ވަރަށް ހަރުކަށި ފިޔަވަޅު އެޅިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަށަވަރު

22 August 2024

އެޗް.ޑީސީ ތިކުރި އިޢުލާންއަކީ ތަފާތުކުރުން ބޮޑު ވަކިބަޔަކަށް ދިނުމަށްޓަކައި ކުރި ބޭއިންސާފު އިއުލާންއެކެވެ. ހުޅުމާލޭ ރައްޔިތުންނަކީ ހަމައެކަނި ފޭސް 2 ގައި ދިރިއުޅޭ އަދި އެތަނުގެ ވެރިފަރާތް އެކަނިތޯއެވެ. ހިޔާ ފުލެޓުގެ ވެރީން ކުއްޔަށް ދީފައި މާލޭގައި ދިރިއުޅޭ މީހުން ވަކި މަދެތްނޫނެވެ. ފޭސް 1ގައި ދިރިއުޅޭ ހުޅުމާލޭ ރަތްޔިތުންނަށް ވުރެން ހިޔާފުލެޓުގައި ކުއްޔަށް އުޅޭ މީހުންނަށް ހައްގު ވަކިން ބޮޑީތޯއެވެ. ފޭސް 1 އުވާލާށެވެ.