ހަނީމޫނަށް ރާއްޖެއަށް ކުރި ދަތުރުގައި ގެނބިގެން މަރު، ފުލުހުން ތަހުގީކުރަނީ

މާފުށީގައި ޓޫރިސްޓުންތަކެއް މޫދަށް އެރެނީ: އެ ރަށުގައި ޗައިނާ ޓޫރިސްޓަކު ގެނބިގެން މަރުވި މައްސަލައެއް އަންނަޏީ ބަލަމުން. -- ފޮޓޯ: ފަޔާޒު މޫސާ | މިހާރު

މާއިދާ މުހައްމަދު ރަޝާދު، މިހާރު

13 އޮކްޓޯބަރ 2024 - 21:13

25 comments

ހަނީމޫނަށް ރާއްޖެއަށް އައި ޗައިނާ ދެމަފިރިއަކު ކ. މާފުށީގައި ސްނޯކެލިން އަށް ގޮސް އުޅެނިކޮން ފިރިމީހާ ގެނބިގެން މަރުވެއްޖެ އެވެ.

ޓޫރިސްޓުން ގެނބިގެން މަރުވުމުގެ ހާދިސާތައް ކުރިން ހާމަކުރަމުން އައި ނަމަވެސް މި މަހުގެ ހަތް ވަނަ ދުވަހު ހިނގި މި ހާދިސާގެ ވާހަކަ އެއްވެސް އިދާރާއަކުން ހާމަކޮށްފައެއް ނުވެ އެވެ. އެކަމަކު "މިހާރު" އިން ސުވާލުކުރުމުން ފުލުހުން ވަނީ އެފަދަ ހާދިސާއެއް ހިނގި ކަމާއި އެ މައްސަލަ ތަހުގީގުކުރަމުން އަންނަ ކަމަށް ބުނެފަ އެވެ.

މި ހާދިސާއާ ބެހޭ ގޮތުން "މިހާރު" އަށް ލިބިފައިވާ މައުލޫމާތަށް ބަލާއިރު ދެމަފިރިން ސްނޯކެލިން އަށް ދިޔައީ މޫސުން ގޯސް ދުވަހެއްގައި، ވޯޓަ ސްޕޯޓްސްގެ ހިދުމަތްދޭ ބައެއްގެ ހަވާލުގަ އެވެ. އެ މީހުން ގޮސް ތިބި ގެސްޓް ހައުސް އިން އެ ދުވަހު މޫސުން ގޯސްކަމުން އޮތީ ސްނޯކެލިން ކެންސަލްކޮށްފަ އެވެ.

އެކަމަކު މުޅިން އަލަށް ރާއްޖެ އައި ދެމަފިރިންނަށް، އެހެން ބަޔަކު ސްނޯކެލިންއަށް ދާ ތަން ފެނުމުން އެ މީހުންނާ އެކު ދިޔައީ އޭރު މޫސުން ރަނގަޅު ކަމަށް، އެ މީހުން ގޮވައިގެން ދިޔަ ވޯޓަ ސްޕޯޓްސް ހިދުމަތް ދޭ ތަނުން ބުނުމުން ކަމަށްވެ އެވެ.

އެ މީހުންނާ އެކު ގިނަ އަދަދެއްގެ ޓޫރިސްޓުން ދިޔަ އެވެ. ފަތަން ނޭނގޭ ގިނަ ބަޔަކު ތިބި އިރު އެ މީހުން މޫދަށް އެރުވީ ލައިފް ޖެކެޓް އަޅުވައިގެންނެވެ. ހަނީމޫނަށް އައިސް އުޅުނު ދެމަފިރިން ވެސް ލައިފް ޖެކެޓާ އެކު މޫދަށް އެރުވިތާ އިރުކޮޅެއް ފަހުން ފިރިހެން މީހާ ގެއްލުނީ ކަމަށް އެކަމުގެ މައުލޫމާތު އެނގޭ މީހަކު ބުންޏެވެ.

"އަންހެން މީހާ ލައިފް ޖެކެޓާ އެކު މޫދުގައި އޮންނަން ނުކެރިގެން އެރީ. އެކަމަކު އޭރު ފިރިހެން މީހާ ނެތްކަން ފާހަގައެއް ނުވޭ. ބައިވަރު ގެސްޓުން މޫދުގައި ތިބި. އެ އެންމެން ބެލެހެއްޓޭ ވަރަށް ވޯޓަ ސްޕޯޓްސް މީހުންނެއް ނެތް،" ހާދިސާ ހިނގި ގޮތް އެނގޭ މީހަކު ކިޔައިދިނެވެ.

އޭނާ ބުނި ގޮތުގައި ފިރިހެން މީހާ ފެނުނީ ރަށުގެ ގޮނޑުދޮށަށް ލައްވެފައި އޮއްވަ އެވެ.

މި ހާދިސާ ތަހުގީގުކުރަމުން އަންނަ ކަމަށް ބުނި ނަމަވެސް މިކަމާ ބެހޭ ތަފްސީލެއް ފުލުހުން ނުދެ އެވެ.

ޗައިނާ ޓޫރިސްޓުން ކ. މާފުށި ގެނބުން މަރު

25 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފިނރުޓޭ

15 October 2024

މީ އެއްކަލަ 500 ޑޮލަރު ނުލިބެއޭ ބުނި ކާނި މީހުންގެ ގެސްޓް ހައުސްތައް ހިންގާ ރަށް! އަސްލުގަ ހަމަ ވަރަށް ވަރުގަދަ ގަވާއިދު ހަދާ ތަންފީޒު ކުރަންވީ! ވޯޓަރ ސްޕޯޓްސް ހިންގުމަަށް ހިޔެއް ނުވޭ އެއްވެސް ހުއްދަ އެއް ނަގަން ޖެހޭހެނެއް! ހަމަ ދެމީހަކު އެއްވެލާފަ ވޯޓާއިސްޕޯޓްސް އޭ ކިޔާފަ މީހުނުް އަތުން ލާރިގަޑެއް ނެގީމަ އެވީ އެމީހުންނަށް! ނުކަތާ ވަރަށް މީހުން ނަގަނީ! އަދި އަމްދުން އެގެން ޖެހޭނެދޯ ޗައިނާ އިން އަންނަ ގިނަ މީހުންނަށް ފަތަން ނޭނގޭނެ ކަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ައަދުރޭ

15 October 2024

ނޫސްތަކުގަ ކޮމެންޓު ޕަބްލިޝްކުރާއިރު ސަމާލުކަން ދޭންޖެހޭ ކަންކަން އެނގޭހެނެއް ހިއެއްނުވޭ. މީހުންނާ ޒާތީގޮތުން ދިމާކުރުމާ އަގުވައްޓާލުމާ، ޓޫރިސްޓުން ގެންގުޅޭ މީހުންގެ އަގުވައްޓާލަންވެސް އެބައުޅޭ. ގަސްދުގަ މީހަކަށް ގެއްލުމެއް ދޭކަށް އަމުދުން، ޓޫރިސްޓުންނަށް ޚިދުމަތްދޭ މީހުން މަސައްކަތެއް ނުކުރާނެ. ފަރުވާ ކުޑަކަމުން ނޫނަސް ކަންކަން ހިނގާފަ ހުރޭ. އެމީހުން އަމިއްލައަށް އެދިގެން ކުރި ކަމެއް އެކަމަކީ. އަދި ނޭނގެ ކަންވީ ގޮތެއްވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުކުޅު

14 October 2024

ތިއީ ބަޔަކު ފައސާދީގެން ޖެހި ކޮމެންޓެއްހެން ހާދަ ހީވެއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިނރުބާ ވަގުތީ

14 October 2024

މާފުށި މީ ހައްދުފަހަނަ އަޅައިފަ އޮތް ރަށެއް. ކޮންމެ ދިމައިލަކަށް ބަލައިލިއަސް ބޮއްސުން ލާފަ އޮތީ. ލޯންޗު ސެކްސަނުން ގޮސް ވޯޓާރ ސުޕޯރޓްސް ނުވިތާކަ ހެދިކާ ހެދުން ވެސް. މި ރަށު ބޯއިސް އުޅެނީ މަ ވަރު ބައެއް ނެތިގެން. ސަރުކާރުން މި ރަށުގަ ގަވައިދާ ހިލާފަށް އުޅޭ ހުރިހާ ގެސްޓުހައުސްތަކަށް ރަނގަޅު ފިލާވަޅެއް ދީބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީީ

14 October 2024

ޓޫރިޒަމް ދާއިރާގަ ސައުދާޤަރުންގެ އަތޮޅު ކަމަށްވާ ކާފު އޮތޮޅުގަ އަބަދުވެސް ގިނަގިނައިން މިޔަކަހަލަ ހާދިސާތައް ހިންގަމުންދޭ، ނަމަވެސް މިބުނެވުނު މަހުޖަނުންގެ ބާރު ބޭނުންކޮށްގެން މިޔަކަހަލަ ކަން ކަން އޮންނަނީ އޮށްބާ ފަސް އަޅާ ފޮރުވާފަ،' މާފުށި' ތުލުސްދޫ' ހިންމަފުށި ވަރަށް ރަންގަޅަށް ގަވައިދެއް ހަދާފަ އޭގެ ތެރެއަށް ފައްތަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބް

14 October 2024

މުގައްދަސް އަތޮޅުކޮޅު އައްޑޫގައި ތިކަހަލަ ރަށެއްވެސް ނެތް. ދެން ކިހިނެއް ތިކަހަލަ ކަމެއް ކުރާނީވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

14 October 2024

މާފުއްޓަކީ ބޮޑު ބޮމެއް. ފައިސާ ހުރި މީހުން މުޅިރަށާ މުޅި ގެސްޓްހައުސް ވިޔަފާރި އެކްސްޕްލޮއިޓްކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޑްމުންޑޯ

14 October 2024

ދޮގުހަދާގެން ޓޫރިސްޓުން އޮޅުވާލައިގެން މޫސުން ރަގަޅޭކިޔާފައި ތިކަންކުރި މީހުންނަށް ހަރުކަށި ފިޔަވަޅު އަޅަންޖެހޭ ، ފައިސާގެ ބޭނުމުގައި ފުރާނައެއް ތިނަގާލީ ، މިމަހު 7 ވަނަ ދުވަހަކީ މެޓުންވެސް އެލާރޓް ނެރެފައިވާ ދުވަހެއް ، މިމަހު 12 ވަނަ ދުވަހާ ހަމައަށްވެސް ގަދަ ވިއްސާރައިގައި ރާއްޖެ އޮތީ ވިއްސާރައިގެ އެކިކަހަލަ އެލާރޓް ތަކުގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅޮސްބެ

15 October 2024

އަސްލުވެސް، ވަރުގަދަ ޖޫރިމަނަލެއް ކޮށްފަ ތިތަން އޮޕަރޭޓު ކުރަން ދީފަ އޮންނަ ލައިސަންސް ހިފަހައްޓާ. ނޫނީ ކޮންމެވެސް ޒިންމާވާ ފަރާތެއް ޖަލަށް ލާ. ދެރަކަމަކީ މިކަން ބެލިޔަސް 10 އަހަރު ތެރޭ ވެސް ކަމެއް ވާނެހެން ހީނުވާނެ ކަން