ރާއްޖެއަށް ވޭޕް އެތެރެކުރުން މަނާވެއްޖެ

ދުންފަތް ކޮންޓްރޯލް ކުރުމާ ބެހޭ ގާނޫނަށް ގެނައި އިސްލާހަށް މިރޭ އަމަލުކުރަން ފެށުމާ އެކު، ރާއްޖެއަށް ވޭޕް އެތެރެކުރުން މަނާވެއްޖެ އެވެ.

ރައީސް ޑރ. މުހައްމަދު މުއިއްޒު މިދިޔަ ބުދަ ދުވަހު ތަސްދީގުކުރެއްވި ގާނޫނުގައިވާ ގޮތުން މިރޭ 12 އިން ފެށިގެން ރާއްޖެއަށް ވޭޕް އެތެރެކުރުން މަނާ ވާނެ އެވެ. އަދި އިލެކްޓްރޯނިކް ސިނގިރޭޓާއި ވޭޕް ކުރުމަށް ބޭނުންކުރާ އާލާތްތައް ވިއްކުމާއި ހިލޭ ބެހުމާއި ބޭނުންކުރުން އަންނަ މަހުގެ 15 އިން ފެށިގެން މަނާވާނެ އެވެ.

އޭގެ އިތުރުން، ދުންފަތް ކޮންޓްރޯލުކުރުމާބެހޭ ގާނޫނަށް 1 ވަނަ އިސްލާހު އަމަލުކުރަން ފަށާފައިވާތީ މި ވަގުތުން ފެށިގެން ދުންފަތް ގަނެ ވިއްކޭނެ އެންމެ ދަށް އުމުރަކީ 21 އަހަރެވެ. އެ އުމުރު މިހާތަނަށް އޮތީ 18 އަހަރުން މައްޗަށެވެ.

Vape aa dhekolhah fiyavalheh alhan kereynee kon bayakah!?

The most trusted news source in the Maldives

Mihaaru

އެ ގާނޫނުގައިވާ ގޮތުން ވޭޕް ކުރަން ބޭނުންކުރާ އާލާތްތަކާއި އެކަމަށް ތައްޔާރު ކޮށްފައިވާ އުފެއްދުންތައް ރާއްޖެ އެތެރެކޮށްފި ނަމަ 50،000ރ. އަދި އެތެރެކުރާ ކޮންމެ އިލެކްޓްރޯނިކް ސިނގިރޭޓް ނުވަތަ ވޭޕް އާލާތަކަށް 10،000ރ.ގެ މަގުން ޖޫރިމަނާ ކުރާނެ އެވެ. ދުންފަތް ބޭނުންކުރަން އެފަދަ އާލާތެއް ނުވަތަ އުފެއްދުމެއް ވިއްކައިފި ނަމަ 20،000ރ. އިން ޖޫރިމަނާކުރާނެ އެވެ. ވިއްކި ކޮންމެ އެއްޗަކަށް 10،000ރ. ގެ ޖޫރިމަނާއެއްގެ އިތުރުން ހިލޭ ބަހައިފި ނަމަ 10،000ރ. ގެ ޖޫރިމަނާ ކުރާނެ ކަމަށް ގާނޫނުގައި ބަޔާންކޮށްފައި ވެ އެވެ. އެފަދަ އެއްޗެއް ވިއްކީ ކުޑަކުއްޖަކަށް ނަމަ އެ މީހެއްގެ ޖޫރިމަނާ 50،000ރ. އަށް ބޮޑުވާނެ އެވެ. އަމިއްލަ މީސްމީހުންގެ ގޭގައި ހިންގާ ސަރުކާރުގެ އޮފީސް އިމާރާތްތަކުގައިި ވެސް ދުންފަތުގެ އިސްތިއުމާލްކުރުން މަނާވާނެ އެވެ.

ހޯމް މިނިސްޓަރު އަލީ އިހުސާން މިދިޔަ ޖުލައި މަހުގެ ފަހުކޮޅު "މިހާރު" އަށް ދެއްވި އިންޓަވިއުއެއްގައި ވިދާޅުވީ އެ ތަކެތި މަނާކުރުމަށް ހޯމް މިނިސްޓްރީން އިސްނަގަނީ ވޭޕް ކާޓްރިޖްގެ ތެރެއަށް ޑްރަގް އަޅައިގެން ބޭނުންކުރާތީ އެވެ. އެކަމުގެ ތެރެއަށް ކުޑަކުދިން ރެކްރޫޓް ކުރަން ފުރުސަތުގައި ލިބޭ ކަމަށާއި މިހާރު ކުރިއަށް ގެންދާ ޑްރަގް އޮޕަރޭޝަންތަކުގައި ވޭޕް ސްޓިކްގައި ޑްރަގް ބޭނުންކުރާކަން ފާހަގަކުރެވިފައިވާ ކަމަށް އޭނާ ވިދާޅުވި އެވެ.

Rajjey gai Vape manaa kuran govaalai varugadha campaign eh

The most trusted news source in the Maldives

Mihaaru

ސްކޫލްތަކުގެ ތެރޭގައި ކުދިންގެ މެދުގައި ވެސް ވޭޕް ބޭނުންކުރުން ވަރަށް ބޮޑަށް އާންމުވެ، ގައުމީ ބޮޑު މައްސަލައަކަށް ވެފައިވާ ކަމަށް ސަރުކާރުން ވަނީ ބުނެފަ އެވެ.

މިހާރު ވެސް 30 އަށް ވުރެ ގިނަ ގައުމުގައި ވޭޕް މަނާކޮށްފައިވާ އިރު، މި ސަރަހައްދުގެ 11 ގައުމުގެ ތެރެއިން ހަތް ގައުމުގައި ވޭޕް މަނާކޮށްފައިވެ އެވެ.

ކަސްޓަމްސް އިން ހިއްސާކުރި މައުލޫމާތުތަކަށް ބަލާއިރު 2018 އިން ފެށިގެން މިދިޔަ ޖުލައި މަހާ ހަމައަށް 124،342،915ރ. ގެ ވޭޕާއި އީ-ސިނގިރޭޓް ރާއްޖެއަށް އެތެރެކޮށްފައިވެ އެވެ. އެ އަދަދު، މި އަހަރުގެ ޖެނުއަރީން ފެށިގެން މިދިޔަ ޖުލައި މަހާ ހަމައަށް ހުރީ 19.7 މިލިއަން ރުފިޔާ އެވެ. އަދި 2018-2023 އަށް ހުރީ 104،564 މިލިއަން ރުފިޔާގަ އެވެ.