އުވާލާ ޕާޓީތަކުގެ ކުލަ ބޭނުންކުރުން މަނާކުރާ ބިލް ތަސްދީގު ކުރައްވައިފި

ޕާޓީތަކުގެ ބެނާތަކެއް މަގުމަތީގައި: އުވާލާ ޕާޓީތަކުގެ ކުލަ އާއި ނިޝާން ބޭނުންކުރުން މަނާކުރާ ބިލް ވަނީ ތަސްދީގު ކުރައްވާފައި --- ފޮޓޯ/މިހާރު

އައިޝަތު ނުޒުހާ، މިހާރު

17 ނޮވެމްބަރ 2024 - 16:28

6 comments

ސިޔާސީ ޕާޓީއެއް އުވާލުމަށްފަހު ފަސް އަހަރު ވަންދެން އެ ޕާޓީއެއްގެ ކުލަ އާއި ނިޝާން ބޭނުން ނުކުރެވޭ ގޮތަށް ސިޔާސީ ޕާޓީތަކުގެ ގާނޫނަށް ގެނައި އިސްލާހު ރައީސް ޑރ. މުހައްމަދު މުއިއްޒު މިއަދު ތަސްދީގު ކުރައްވައިފި އެވެ.

މިދިޔަ ބުދަ ދުވަހު ފާސްކުރި ބިލުގައިވާ ގޮތުން ސިޔާސީ ޕާޓީއެއް އުވާލާ ދުވަހުން ފެށިގެން ފަސް އަހަރު ވަންދެން އެ ޕާޓީއެއްގެ ކުލަ އާއި ނަމާއި ލޯގޯ އަދި އެހެނިހެން ނިޝާންތައް ބޭނުމެއް ނުކުރެވޭނެ އެވެ.

މީގެ އިތުރުން ޕާޓީތަކަށް ދައުލަތުން ފައިސާ ދޭ އުސޫލު ބަދަލުކުރަން ވެސް އެ އިސްލާހު ހިމަނާފައިވެ އެވެ. އެގޮތުން ޖުމްލަ އަހަރީ ބަޖެޓުގެ 0.1 ޕަސެންޓް ދިނުމުގެ ބަދަލުގައި ބަޖެޓްގައި ލަފާކުރާ އާމްދަނީގެ 0.1 ޕަސެންޓާއި 0.2 ޕަސެންޓާ ދެމެދުގެ އަދަދަކަށް ޕާޓީތަކަށް ދޭ ގޮތަށް ވަނީ ބަދަލުކޮށްފަ އެވެ.

Party thah 100,000 Rf in joorimanaa kurevey goi hadhai, Primary aa gulhey maddhaa eh uvaalanee

The most trusted news source in the Maldives

Mihaaru

ޕާޓީތަކުގެ ގާނޫނާ ހިލާފުވާ މީހުން ޖޫރިމަނާކުރާ އަދަދު 30،000ރ. އިން 75،000ރ. އާ ދެމެދަށް ބޮޑުކުރަން ވެސް އެ އިސްލާހުގައިވަނީ ހިމަނައިފަ އެވެ. ކުރިން ގާނޫނު އޮންނަ ގޮތުން ޖޫރިމަނާ ކުރެވޭނީ 5،000ރ. އާއި 10،000ރ. އާ ދެމެދުގެ އަދަދަކުންނެވެ.

މީގެ އިތުރުން ގާނޫނާ ހިލާފުވާ މީހާ ނިސްބަތްވި ސިޔާސީ ޕާޓީ ވެސް 100،000ރ. އިން ޖޫރިމަނާ ކުރެވޭނެ ގޮތަށް އިސްލާހުގައި ހިމަނާފައިވެ އެވެ. މީގެ ކުރިން އާންމު މެމްބަރުން ކުރާ ކަންކަމާ ގުޅިގެން ޕާޓީތައް ޖޫރިމަނާ ކުރެވޭނެ ގޮތަށް އެ ގާނޫނުގައި ބަޔާން ކޮށްފައެއް ނުވެ އެވެ.

މީގެ އިތުރުން ޕާޓީއެއްގެ ޕްރައިމަރީގައި ވާދަކޮށްފައިވާ ކެންޑިޑޭޓަކު އެހެން ހައިސިއްޔަތަކުން އިންތިހާބުތަކުގައި ވާދަ ނުކުރެވޭނެ ގޮތަށް ގާނޫނުގައި ކުރިން އޮތް މާއްދާ ވަނީ އެ އިސްލާހުގެ ދަށުން އުނިކޮށްފަ އެވެ.