މަޖިލިސް މެންބަރުންނަކީ "ބޮޓުން" ކަމަށް ދޭހަވާ އިބާރާތުން ވާހަކަ ނުދައްކަން އަބްދުއްރަހީމް އެދިވަޑައިގެންފި
މަޖިލީހުގެ ރައީސް އަބްދުއްރަހީމް އަބްދުﷲ--ފޮޓޯ: މަޖިލިސް
20 ނޮވެމްބަރ 2024 - 09:59
18 comments
ރައްޔިތުންގެ މަޖިލީހުގެ މެންބަރުންނަކީ "ބޮޓުން" ކަމަށް ދޭހަވާ އިބާރާތުން ވާހަކަ ނުދައްކަވަން މަޖިލީހުގެ ރައީސް އަބްދުއްރަހީމް އަބްދުﷲ މިއަދު އެދިވަޑައިގެންފި އެވެ.
އެ މަނިކުފާނު އެކަމަށް އެދިވަޑައިގަތީ އިޒްރޭލް ޕާސްޕޯޓު މަނާކުރުމާ ގުޅޭ ގަރާރަށް މިއަދު މަޖިލީހުގެ ތަޅުމުގައި ގަލޮޅު ދެކުނު ދާއިރާގެ އެމްޑީޕީގެ މެންބަރު މީކާއިލް އަހުމަދު ނަސީމް ދެއްކެވި ވާހަކަ އަށް ރައްދު ދެއްވަމުންނެވެ.
އިޒްރޭލް ޕާސްޕޯޓު މަނާކުރުމުގެ މަސައްކަތް ކުރިޔަށް ނުދާތީ އެކަމާ ކަންބޮޑުވުން ފާޅުކުރައްވައި، މީކާއިލް ވިދާޅުވީ މަޖިލީހުގެ ވަކިވަކި މެންބަރުން ކޮންޓްރޯލް ކޮށްގެން މަޖިލީހުގެ މުޅި އެޖެންޑާއަކީ ރައީސް އޮފީހުން ދޭ އެއްޗަކަށް ހެދުން ހުއްޓާލަން ޖެހޭ ކަމަށެވެ.
އޭނާ އެހެން ވިދާޅުވުމުން، މަޖިލިހުގެ ރައީސް އަބްދުއްރަހީމް ވިދާޅުވީ މަޖިލީހުގެ ކަރާމާތް ނުގެއްލޭ ގޮތަށް ވާހަކަ ނުދެއްކެވުމަށް ދަންނަވާ ކަމަށެވެ.
"މަޖިލީހުގެ މެންބަރުންނަކީ ބޮޓުން ކަމަށް ދޭހަވާ އިބާރާތުން ވާހަކަ ދެއްކުމަކީ މެންބަރުންގެ ގަދަރާއި އިއްޒަތަށް އުނިކަން އަންނާނެ ކަމެއް ކަމުގައި ދަންނަވަން،" އަބްދުއްރަހީމް ވިދާޅުވި އެވެ.
ސަރުކާރު ހިންގާ ޕާޓީ، ޕީއެންސީގެ ސުޕަ މެޖޯރިޓީ މަޖިލީހުގައި އޮތް އިރު، ސަރުކާރުން ބޭނުންވާ ގޮތަށް ނޫނީ މެންބަރުން އަމަލު ނުކުރާ މައްސަލާގައި އިދިކޮޅު ފަރާތްތަކުން އަބަދުވެސް ފާޑުކިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުއްޔާމިން
20 November 2024
އެންމެ އެތި ދިގީ ކޮންމެންބަރެއްގެ ތޯ؟
ހަގގަތ
20 November 2024
ބޮޓަކަށް ވިޔަސް ނުވިޔަސް އެނގޭނެ އެއްކަމަކީ އިންތިހާބުގައި ރިޝްވަތުގެ ފައިސާ ދީގެން ނުހައްގުން ތިބުނާ އިއްޒަތްތެރި ބަޔަކަށް ވެގެން އުޅޭމީހުން ތިތާ ގިނަކަން......
އިސްމާލި
20 November 2024
ހުރިހައި އިރެއްގައިވެސް މެންބަރުންނަކީ ބޮޓުން. ބައެއް ފަހަރު ރައީސް ގެ ބޮޓުން. ބައެއް ފަހަރު ޕާޓީ ލީޑަރުގެ. ބައެެއް ފަހަރު މަހުޖަހުގެ. އެކަމަކު ދުވަހަކުވެސް ނުވާ ކަމަކީ ރައްޔިތު މީހާ ގެ ބޮޓަކަށް ވުން. މިއީ ބޮޑު ހަގީގަތް. އަދި ފާސްކުރަން އުޅޭ އެންޓި ޑިފެކްޝަން އިސްލާހާ އެކު މިކަން އިތުރަށް ގޯސްވެގެން ދާނެ.
މަކަރުވެރި
20 November 2024
މަޖްލިހުގެ ރައީސް ގެ ދުރުވިސްނުމުގެ ސަބަބުން ބުނެވުނު އެއްޗެއް އެއީ. ހަގީގަތަކީ އެއީ އެމަނިކުފާނުގެ ވިސްނުން ހުރިގިތްކަން. މި ވެރިކަން އެހިނގަނީ އެހެން. ހުރިހާ ކުންފުނި ތަކަކީވެސް ބޮޓުން. މެމްބަރުންނަކީވެސް ބޮޓުން. އެހެންކަމުން މަޖްލިހުގެ ރައީސަށް ވަރަށް ޗެލެންޖިންވާނެ
ޗޒޗޒ
20 November 2024
އިއްޒަތެއް ޤަދަރެއް އޮްތް ބައެއްތަ؟
1818
20 November 2024
ތި ބުނީއެއް ނުން ޕާރޓިގެ މަޖިލިސް އެކޭ ތީ! ރައްޔިތުންގެ މަޖިލިސްއެއް ނަމަ ރައްޔިތުން އެވަގުތެއްގައި ތާއީދުކުރާ ޕާރޓީއަކަށް އެ މެންބަރުންނަށް ބަދަލުވެވޭ ގޮތަށް ޤާނުނު އިސްލާހުކުރަން ކެރޭނެ!
ކަމާލ
20 November 2024
"މަޖިލީހުގެ މެންބަރުންނަކީ ބޮޓުން ކަމަށް ދޭހަވާ އިބާރާތުން ވާހަކަ ދެއްކުމަކީ މެންބަރުންގެ ގަދަރާއި އިއްޒަތަށް އުނިކަން އަންނާނެ ކަމެއް ކަމުގައި ދަންނަވަން،" އަބްދުއްރަހީމް ވިދާޅުވި އެވެ. މި ނޫނީ ނޫޅޭނެ އަމިއްލަ އަށް އިއްޒަތްތެރިވެގެން އުޅޭ ބައެއް. ދެރަކަމަކީ އެއްވެސް ރައްޔިތަކު ނުދެކޭ ތިތާ ތިޔަ ބުނާ ވަރުގެ އިއްޒަތާ ޤަދަރު ވެރި ބަޔަކު އުޅޭ ކަމަކަށް. ސަލާމް…
ރ އޮފީސް
20 November 2024
ބޮޓުން ކަމަށް ދޭހަވާގޮތަށް ވާހަކަނުދެއްކިޔަސް މިހާރު އެއީ ހަމަ ބޮޓުންހެން ހީވަނީ.
ބޯހަލާކު
20 November 2024
ތީ ލައްކަ ބޮޑު ޢިއްޒަތަކާއި ޤަދަރެއް އޮތް ބައެއްވިއްޔާ. ފުށްގުދަނުން ނުކުމެ ގައިން ފުށްތައް ފޮޅަމުން އައިސް މަޖްލީހުގެ ގޮނޑިކޮޅު ފެނުމުން އަދިކިރިޔާ މި ފަހުމްވަނީ ޤަދަރާއި ޢިއްޒަތް. ބޯހަލާކު
މަޖޫރީ
20 November 2024
ފުށް ގުދަނަކީ ކަޑަ ތަނެކޭ ތަ ތިބުނީ؟ ބޯހަލާކެ
އެދުރުކަލޭގެފާނު
20 November 2024
ރާއްޖޭގެ ހުރިހާ ރައްޔިތުން ހިތުގެ އަޑީން ތިޔައީ ބޮޓުންތަކުގެ މައްޗަށް އެކުލެވޭ މަޖިލިސްއެއް ކަން ޤަބޫލުކުރެއެވެ. ދެން ތިޔަ ކަރާމާތުގެ ވާހަކަ ދައްކަން އަބުދުއްރަހީމްވަރުގެ ކަރާމާތްތެރިޔަކު ހުރުންވެސް އެއީ ރައްޔިތުން އަންތަރީސްވާނެ ކަމެކެވެ. ކުރާކަމާއި ދައްކާވާހަކަ ދިމާ ނުވާ ސަރުކާރާއި މެންބަރުންނެވެ. އަވަހަށް ނޫސްތަށް އުވަން ދެން އުޅޭށެވެ.