ރާއްޖެ ޓީވީގެ ޖޫރިމަނާކުރި ނޫސްވެރިޔާ އާލާ އިބްރާހިމް (ވ-5) އެ ސްޓޭޝަންގެ އެހެން ބައެއް ނޫސްވެރިންނާ އެކު. ހިޔާލުފާޅުކުރުމާއި މިނިވަން ނޫސްވެރިކަމަށް ހުރަސްއެޅޭ ގޮތަށް ފާސްކުރި ގާނޫނުގެ ދަށުން އެންމެ ފުރަތަމަ ޖޫރިމަނާ ކޮށްފައި މިވަނީ ރާއްޖެ ޓީވީ އާއި އެ ސްޓޭޝަނުގެ ނޫސްވެރިއެއް.
07 މާޗް 2017 - 17:09
18 comments
ރޭޕްގެ މައްސަލައަކާ ގުޅޭ ޚަބަރެއް ލިޔެގެން، މީހެއްގެ އަބުރަށް އަރައިގަނެފައިވާ ކަމަށް ބުނެ ހިޔާލުފާޅުކުރުމާއި އަބުރު ރައްކާތެރިކުރުމުގެ ގާނޫނުގެ ދަށުން ރާއްޖެ ޓީވީ އާއި އެ ސްޓޭޝަނުގެ ނޫސްވެރިއަކު ބޮޑު އަދަދަކުން ޖޫރިމަނާކޮށްފި އެވެ.
މިއީ އަބުރުގެ ގާނޫނުގެ ދަށުން ބްރޯޑްކާސްޓިން ކޮމިޝަނުން މައްސަލަ ބަލައި ޓީވީ ސްޓޭޝަނަކާއި ނޫސްވެރިއަކު ޖޫރިމަނާކުރި ފުރަތަމަ ފަހަރެވެ.
އަމިއްލަ ފަރާތަކުން ހުށަހެޅި މައްސަލަ ބަލައި ބްރޯޑްކާސްޓިން ކޮމިޝަނުން ރާއްޖެ ޓީވީ ޖޫރިމަނާކުރީ 200،000ރ. އިންނެވެ. ހަބަރު ލިޔުނު، އެ ސްޓޭޝަނުގެ ނޫސްވެރިޔާ އާލާ އިބްރާހިމް ޖޫރިމަނާކޮށްފައި ވަނީ، 50،000ރ. އިންނެވެ.
ބްރޯޑްކާސްޓިން ކޮމިޝަނުގެ ވެބްސައިޓުގައި އާއްމު ކުރި ބަޔާނެއްގައި ބުނީ "މި ފައިސާ މިއަދުން ފެށިގެން 30 ދުވަހުގެ ތެރޭގައި މި ކޮމިޝަނަށް ދެއްކުމަށް ރާއްޖެ ޓެލެވިޒަން ޕްރައިވެޓް ލިމިޓެޑަށާއި އާލާ އިބްރާހީމަށް އެންގުމަށް" ނިންމީ މި މައްސަލަ ބެލި ކޮމިޝަނުގެ ޖަލްސާގައި ބައިވެރިވި މެމްބަރުންގެ އިއްތިފާގުން ކަމަށެވެ.
އެގޮތަށް ނިންމަން ޖެހުނީ އެ ކޮމިޝަނުން ބުނިގޮތުގައި ސ. ހިތަދޫގައި ހިނގި ރޭޕުގެ ހާދިސާއަކާ ގުޅިގެން، ނޮވެމްބަރު 19، 2016 ގައި ރާއްޖެ ޓީވީން ޚަބަރު ގެނެސްދިންއިރު މީހެއްގެ އަބުރަށް އަރައިގެންފައިވާތީ އެވެ. އެ މައްސަލާގައި ހިމެނޭ މީހެއްގެ އާއިލާ މެމްބަރެއް ކަމަށްވާ ފަސާހަތު ހުސެއިންގެ ނަން ރާއްޖެ ޓީވީގެ ހަބަރުތަކުގައި ގެނެސްދިނީ އޭނާގެ ބަހެއް ނެތި ކަމަށް ބްރޯޑްކާސްޓިން ކޮމިޝަނުން ބުންޏެވެ.
އެ ކޮމިޝަނުން ބުނީ އޭނާ އަކީ ސޯޝަލް ވޯކަރަކަށްވެފައި އޭނާ އަކީ ވަރަށް ގިނަ އާއިލާތަކާ އެކު މަސައްކަތް ކުރަން ޖެހޭ މީހަކަށްވާއިރު، ރާއްޖެޓީވީގެ ޚަބަރު ގެނެސްދިނީ އޭނާގެ އަބުރުގެ ކަރާމާތަށް އުނިކަން ލިބޭ ގޮތަށް ކަމަށެވެ.
ހިޔާލުފާޅުކުރުމާއި ނޫސްވެރިކަމުގެ މިނިވަންކަމަށް ހުރަސްއެޅޭގޮތަށް، އަބުރު ރައްކާތެރިކުރުމަށް ކަމަށް ބުނެ ހެދި ގާނޫނުގައިވާ ގޮތުން، މީޑިއާތަކުން އެ ގާނޫނާ ހިލާފު ވެއްޖެ ނަމަ 50،000 ރުފިޔާ އާއި ދެ މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރެވެ އެވެ.
ވަކިވަކި ނޫސްވެރިން ޖޫރިމަނާ ކުރެވޭނީ 50،000 ރުފިޔާ އާއި 150،000 ރުފިޔާއާ ދެމެދުގެ އަދަދަކުންނެވެ. އެ ޖޫރިމަނާ ނުދައްކައި ކޯޓުގައި މައްސަލަ އިސްތިއުނާފެއް ނުކުރެވެ އެވެ. މި ގާނޫނުގައި ކަނޑައަޅާ މުއްދަތުގެ ތެރޭގައި ޖޫރިމަނާ ފައިސާ ނުދައްކާ މީޑިއާތަކުގެ ލައިސަންސް ސަސްޕެންޑް ކުރަން ނުވަތަ ބާތިލް ކުރަން މީޑިއާތަކުގެ ބެލެނިވެރި ފަރާތްތަކަށް މަޖުބޫރުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙޭރިޔަ
08 March 2017
ފަޢިސާ ލިބުނީމަ ޢަބުރު ލިބެނީ ބާ؟
އަމުމަ
08 March 2017
ލޮބުވެތި އަޚުންނޭ! އަބުރާބެހުމަކީ ވަރަށްވެސް ބޮޑުކަމެކެވެ.އަދިހަމައެހާމެ ހިތާމަވެސް ހުރިކަމެކެވެ.ކަނޑިއާ ވަޅިއަކީވެސް ނުރައްކާތެރިކޮށް ބޭނުންކޮށްފިނަމަ، ނުރައްކާވެދާނެ އެއްޗެކެވެ.ހެޔޮގޮތުގައި ބޭނުންނުކޮށް ދިރިއުޅުން ހަމަޖެއްސެއް ނެއްއެއްޗެކެވެ. އެގޮތުން ނޫސްވެރިކަމަކީވެސް ތޫނުވަޅިއެއްފަދަ އެއްޗެކެވެ.އޭގެބޭނުން ނަހަމަގޮތުގައި ހިފުގެ ސަބަބުން ބޮޑެތި ގެއްލުންތައްލިބި މީހުންގެ އަނބުރާ އިއްޒަތް ކަތިލެވި ލޭއޮހޮރުވުންތައް ހިގާފައިވާ ކަމެކެވެ.ކަންމިހެން ހުރިއިރު ނޫސްވެރިކަމުގެ ބޭނުންވެސް ހެޔޮ ގޮތުގައި ހިފުން ވަރަށް މުހިންމެވެ.ވައްކަން ކުރީމާ އެވާހަކަ ދައްކަންވާނެއެވެ. ކޮރަޕްޝާނާ ފަސާދައިގެ އަމަލުތައް ހިންގީމާ ނުވަތަ ހިންގަމުންދާނަމަ އެކަންވެސް ކުރަންވާނެއެވެ.އެހެންނަމަވެސް އިމުން ބޭރު ނުވެއެވެ.
ޒާ
08 March 2017
ޖޫރިމަނާކުރީ ކޮންމެހެން ރާއްޖެ ޓީވީގެ ނޫސްވެރިއެއް ނުވަތަ ރާއްޖެ ޓީވީއެއް ވީމާހެން ހީއެއް ނުވޭ. ނަމަވެސް ދަންތުރައެއް ޖެހިޔަސް ނުވަތަ ދަންމަޅިއެއް ޖެހިޔަސް އެއަށް އެންމެ ފަސޭހައިން އަރާނީ އެހެން އޭގައި ޖެހޭގޮތަށް ކަންކަން ކުރާފަރާތް ކަން ވިސްނަންވާނެ. މީހުންގެ ހައްގަށް އަރައިގަނެ މީޑިއާތަކުގައި މީހުން ފަލީހަތް ކުރާއިރު އެމީހާގެވެސް އަބުރެއް އޮންނަކަން ވިސްނަންވާނެ. ހިތުހުރިހާ އެއްޗެއް ކިޔާ ހެދޭގޮތަށް ޤާނޫނުތައް އޮންނަނަމަ ވަރަށް ގިނަ މީހުން އެކަމާއި ހިތްހަމަ ނުޖެހިގެން އުޅޭނެ. އެފަދަ ކަމެއް އިހްސާސް ކުރެވޭނީ ޚުދު ތިމާގެ އަބުރު ކަތިލެވޭފަދަ ވާހަކަައެއް ބަޔަކު ދެއްކުމުން ނުވަތަ މީޑިއާގައި ހާމަ ކުރުމުން.
ޒައިން
08 March 2017
ތި އުސޫލު ހެދުމުގެ ކުރިން ހިނގާފައިތްކަމަކަށް އުސޫލިގެ ދަށުން ޖޫރިމަނާކުރީ ކިހިނެތް؟
އަބްދުއްލާ އަލީ
08 March 2017
ރާއްޖެ ޓީވީ ގެ ޖުރިމާނާ މިލިއަނަށް އަރަން ޖެހޭނެ. އެއީ ރިޒްވާން ހޯދަން އެމއެރިކާގެ ސެޓަލައިޓް ހޯދުމުގެ ހަރަދާއެކު.
ޢަބްދުﷲނާފިޒު
07 March 2017
ތިޔަ ކޮމިޝަނަށް ހެޔޮވިސްނުން ދެއްވާށި،
ހުސައިންގެ ދަރި
07 March 2017
މި ކަހަލަ ޚަބަރު ކިޔަން އެންމެ އުނދަގޫވަނީ ނޫސްވެރިކަމުގާ އެތަކެއް ދުވަހަކު އުޅެމެ އަދި އެކަންކޮށްގެން އެތަކެއް އަނިޔާ ލިބުނު މީހަކު ނޫސްވެރިންގެ ބެލެނިވެރި ފަރާތަށްވެހުރެ ނޫސްވެރިންނަށް މިކަހަލަ ދުއްތުރާކުރާތީ. ހިތާމަ، ހިތާމަތަކުގެ މައްޗަށް ހިތާމަ.
އަފިހުން ގޮއްޔެ
07 March 2017
މިނިވަން މުއައްސަސާއެކޯލަ، ކޮމިޝަނުގެ މީހަކު މަގެއްގެ މަތިން ފެނުނަސް މަގާތަށް އަންނަ ހިންޏެއް.
އަހުމަދު
07 March 2017
ބޭނުމަކީ ވަކިބަޔަކު ނެތިކޮށްލުން
ކަލޯކަލޯ
07 March 2017
ހާސްނުވޭ ޓީވީ ސްޓޭޝަންގެ ނަންވެސް އަދި ނޫސްވެރިޔާގެ ނަންވެސް އަވަހައް ބަދަލުކުރޭ،
އަހުމަދު
07 March 2017
މަޖްލިސް މެމްބަރުންގެ މައްސަލަ ތައް ތިޔަ ގޮތައް ބަލާނެ ތަނެއް ނެތެވެ.