އެމްޑަބްލިއުއެސްސީގެ ފެން މީޓަރުތަކެއް: ގޭގޭގެ ހުރިހާ ހިސާބަކަށް އެއްމިންވަރަކަށް ހިދުމަތްތައް ދޭން ލާޒިމް ކުރަން ގާނޫނަށް ވަނީ އިސްލާހު ހުށަހަޅާފައި
07 ޖެނުއަރީ 2025 - 15:20
53 comments
ގޭބިސީތަކާއި އިމާރާތްތަކުގެ ހުރިހާ ހިސާބަކަށް އެއްމިންވަރެއްގައި، އެއްބާރުމިނެއްގައި ފެނާއި ކަރަންޓާއި ނަރުދަމާ އަދި އިންޓަނެޓްގެ ހިދުމަތް ފޯރުކޮށްދޭން ލާޒިމްކުރަން ގާނޫނަށް އިސްލާހު ހުށަހަޅައިފި އެވެ.
މިގޮތަށް ހުށަހަޅާފައިވަނީ މުދާ ގަންނަ ފަރާތްތަކާއި ހިދުމަތް ލިބިގަންނަ ފަރާތްތައް ހިމާޔަތްކުރުމުގެ ގާނޫނަށް ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް ހުށަހެޅުއްވި ކަންކަމުގެ ތެރޭގަ އެވެ.
އިސްލާހުގައި ބުނެފައިވާ ގޮތުގައި ފެނާއި ކަރަންޓާއި ނަރުދަމާ އާއި އިންޓަނެޓްގެ ހިދުމަތް ފޯރުކޮށްދޭ ފަރާތްތަކުން ގޭބިސީއަކަށް ފޯރުކޮށްދޭ ހިދުމަތް، އެ ގޭބިސީއެއްގެ ހުރިހާ ހިސާބަކަށް އެއްމިންވަރަކަށް، އެއްބާރުމިނުގައި އަދި އެއްހަލުވި މިނެއްގައި ފޯރުކޮށްދޭންޖެހޭނެ އެވެ.
މިކަމުން ޕްރައިވެޓް، ޕަބްލިކް އަދި ސަރުކާރު ހިއްސާވާ ކުންފުނިތައް ވެސް އިސްތިސްނާ ނުވާނެ ކަން އިސްލާހުގައިވެ އެވެ.
އިސްލާހުގައި ބުނެފައިވަނީ ގޭބިސީއަކަށް ފެނާއި ކަރަންޓާއި ނަރުދަމާ އާއި އިންޓަނެޓްގެ ހިދުމަތް ގުޅުމާ އެކު އެ ގޭބިސީއެއްގެ އެންމެހާ ކޮޓަރިތަކަށާއި ފަހާނާތަކަށާއި އަދި ގޭބިސީއެއްގެ އެންމެހާ ކަންކޮޅުތަކަށް އެއްމިންވަރެއްގައި އެ ހިދުމަތެއް ލިބޭތޯ ކަށަވަރު ކުރުމަކީ އެ ހިދުމަތް ފޯރުކޮށްދޭ ފަރާތުގެ ޒިންމާއެއް ކަމަށެވެ.
މިކަމަށް އިތުރު ފީއެއް ނަގައިގެން ނުވާނެ ކަމަށް ވެސް އިސްލާހުގައިވެ އެވެ.
ހިދުމަތް ފޯރުކޮށްދޭ ފަރާތުން މި މާއްދާއާ ހިލާފުވެއްޖެ ނަމަ، ޝަރުއީ ކޯޓަށް މައްސަލަ ހުށަހަޅައިގެން ގެއްލުމުގެ ބަދަލު ހޯދުމުގެ ފުރުސަތު އޮންނާނެ ކަމަށް ވެސް ގާނޫނަށް ހުށަހެޅި އިސްލާހުގައި ބުނެފައިވެ އެވެ.
އަސާސީ ހިދުމަތް ފޯރުކޮށްދޭ ބައެއް ކުންފުނިތަކުގެ ހިދުމަތްތައް ބައެއް ހިސާބުތަކަށް ލިބޭ މިންވަރު ދަށްވާ ކަމުގެ ޝަކުވާ އޮވެ އެވެ. ގޭގެ ބައެއް ފަންގިފިލާތަކަށް މަދުން ނޫނީ ސްޕީޑް ދަށްކޮށް ފެން ލިބުމާއި ކަރަންޓުގެ މައްސަލަ ދިމާވުމާއި އިންޓަނެޓް ނުލިބުން ފަދަ މައްސަލަތައް ދިމާވެ އެވެ. މިފަދަ ހާލަތުގައި ބައެއް ކުންފުނިތަކުން އިތުރު ޑިވައިސްތައް ވިއްކައިގެން މައްސަލަ ހައްލުކޮށްދެ އެވެ.
ގާނޫނަށް އިސްލާހު ހުށަހެޅި ސަބަބެއްގެ ގޮތުގައި މެންބަރު ފާހަގަ ކުރައްވާފައިވަނީ، ފެނާއި ކަރަންޓާއި ނަރުދަމާގެ ހިދުމަތް ދެނީ މޮނޮޕޮލީއެއްގެ ދަށުން ކަމަށްވެފައި އަދި އިންޓަނެޓްގެ ހިދުމަތް ދޭ މައިގަނޑު ދެ ކުންފުނީގެ މެދުގައި ވެސް އެދެވޭ ވާދަވެރިކަމެއް ނެތުމުން ހިދުމަތް ލިބިގަންނަ ފަރާތްތަކުގެ ހައްގު އެދެވޭ ގޮތުގައި ހިމާޔަތްކޮށްދިނުމެވެ.
ގޭބިސީއަކަށް ހިދުމަތް ފޯރުކޮށްދިނުމަށް ފަހު އެ ގޭބިސީއެއްގެ އެކި ކަންކޮޅުތަކަށް އެދެވޭ ގޮތުގައި އެ ހިދުމަތް ލިބިގަތުމުގައި އިތުރު ތަކުލީފާއި ފައިސާ ހޭދަކުރަން ޖެހޭތީ އެކަންކަން ހައްލުކުރުމަކީ ވެސް މަގްސަދެއް ކަމަށް އިސްލާހުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމަން
08 January 2025
ސަރުކާރުން މިބިލް ބޭރުކޮށްފިއްޔާ, ރައްޔިތުންނަށް އަނިޔާވެރި ސަރުކާރެއްކަން ހާމަވާނެ... ބޫސްޓަރ ބަހައްޓަން އެހާ ބޮޑު އަގުނަގާ... އަސާސީ ޙިދުމަތް އެހާ އަގު ބޮޑު ކުރާކަށް ނުޖެހޭ.. ދިވެހި ރާއްޖޭގަ ނޫނީ ފެން މިހާ އަގު ބޮޑު ގައުމެއް މިހިސާބުގަ ވެސް ނެތް... ދިވެހި ރާއްޖެ އަކީ ހަނަފަސް ސަހަރާ އެއް ނޫން, އަގު ބޮޑުކޮށް ވިއްކަން
ބޮކި
09 January 2025
ނޫނޭ، ދިވެހި ރާއްޖެ އަކީ ފެންކޯރު ތަކުންނާ ސާފު މީރު ފެންގަޑު ތަކުން ބޭނުން ވަރަކަށް ފެން ލިބޭ ތަނަވަސް ބައެއް. ވަޅު ބަހަށްޓައިގެން ފެން ނަގަން ވީނުން. މީހަކު މަނާއެއް ނުކުރޭ ދޯ
ސަމަން
08 January 2025
ބޫސްޓަރ ވިއްކަނީ އެހާ އަގު ބޮޑުކޮށް, ވަރަށް ރަގަޅު ކަމެއް... ފެނަކީ އަސާސީ ހައްގެއް..
ޖުޓޭ
08 January 2025
ކޮން މެންބަރެއްބާ މިހާ ފުރިހަމަ ބިލެއް ހުށައެޅީ؟؟؟؟
ފެނުން
08 January 2025
މިހާރުވެސް ޔޫަޓިލިޓީ ޤާނޫނުގައި ބަޔާންކުރޭ ފެނާއި ނަރުދަމާ އަދި ކަރަންޓް ޚިދްމަތް ފުރަތަމަ ގުޅާދިނުމަށް ނަގާ ފީގެ އިތުރުން ޚިދްމަތް ދޭތީ ނަގާ އެއްވެސް ފީއެއް ނުނެގޭނެކަމަށް ބަޔާންކޮށްފަ. އެކަމުވެސް އެމްޑަބް އިން ކޮންމެ މަހަކު ޚިދްމަތުގެ ފީގެ ގޮތުގައ 30 ކޮންމެ މަހަކުވެސް ނަގަމުންދޭ އެކަންވެސް އެބަޖެހޭ މި ބިލުގައި ހިމަންނަން. ޚިދްމަތް ފޯރުކޮށްދޭތީ ނަގާ ފީ ނުނެގޭނެ.
ވަންއޮފްއަސް
08 January 2025
އެއްވަނާގެ ބިލެއް!
ގަޅިސްތާން
08 January 2025
މިމެންބަރުގެ ތަނެއްދޮރެއް ނޭގޭކަމާ ގަޅިކަން މީގެސަބަބުން ގިނަބަޔަކަށް އެގޭނެ . މެންބަރަށް ނޭގުނަކަސް.
ސޮނިކް
08 January 2025
ހުރިހާގޭބިސީއަކަށް ހަމަހަމަ ހިދުމަތްދޭން ބުނާއިރު ގަރާޖުގެ ހިދުމަތްވެސް ހުރިހާ ގެއެއްގެ ހުރިހާހިސާބަކަށް ހަމަހަމަކޮށް ލިބޭނެ ގޮތައް ރަޖިސްޓްރީކުރާކަށް ފުރުސަތެއްނޯވޭ ގޯތިބަހައިގެން އެތެރެއިންލިބޭ މީހުނަށް. އަދި ހަނިމަގުތަކުގައި އުޅޭމީހުނަށް. އެމީހުންވެސް އެބަދައްކައޭ ތިންވަނަބުރިން ވިއަސް ގަރާޖު ބިލްޑިންގާއި ފުލެޓްހަދާފައިހުންނަގޮތުން އެތަނަށް ކާރަށް ނުވަދެވެނީ އެމީހުންގެ މައްސަލައަކުންނޫނޭ. މިކަންކަމުގައިވެސް ހަމަހަމަ ފުރުސަތުހޯދަދީ ކައްޕީ
ވޯލް
08 January 2025
މާލެ ފުރު ދިރިއުޅޭނެތަނެއް ނެތި ބުރިބުރިއަށް ގެތައް ހެދާފަ މި ހުންނަނީ. ގެއަށް ކަރަންޓްލާން ލައްކައިން ޚަރަދުކޮށްފަ ޕެނެލް ބޯޑެއް އެބަ ބަަހައްޓަންޖަހޭ ސްޓެލްކޯއަށް ފަސޭހަ ކުރަން. ގޭގައި އެކި ފްލޯތަކަށް ޕްރޭޝަރުގައި ފެން ނުލިބޭތީ ބޫސްޓާރެއް އެބަބަހައްޓަން އަންގާ. މިއީ ޚިދުމަތްދޭ ތަންތަނުން ކުރަންޖެހޭ ކަންކަން. އެމީހުންގެ ސިސްޓްގެ ބައެއް. މިލިއަން ކޮންމެ އަހަރަކު ފައިދާ ނަގަން ހަދާފަ ހުންނަ ކުންފުންނަކަށް ވެގެން ނުވާނެ.
ހުސަ
08 January 2025
ރަގަނޅު ކަމެއް! އެކަމަކު އެއް ހައަކުން ކުރަންޖެހޭ ކަންކަން ވަރަށް ގިނަ! ހަމައެކަނި އިންޓަނެޓާއި ކަރަންޓާއި ފެނެއްނޫން އެއް ހަމައަކުން ހަމަހަމަ ކަމާއެކު ރައްޔިތުންނަށް ފޯރުކޮށް ދޭންޖެހޭނީ! ހުރިހާ ރައްޔިތުން ޓެކްސްތައް ދައްކާ! އެހެންވީމާ ދައުލަތުން ނުވަތަ ދައުލަތުގެ ބާރު އޮންނަ ރެގިއުލޭޓް ކުރާ ހުރިހާ ކުންފުނިތަކުން ދެމުންދާ ޚިދުމަތްތައް ވާންޖެހޭނީ އެއްހަމައަކުން ފޯރުކޮށްދިނުން! ވަރަށްގިނަ ކަންކަން އެބަހުރި!
ސަލީމު އިދުރީސަ
08 January 2025
މިސާލަކައް ބޭރުން އެތެރެ ކޮއްގެން 50 ރުފިޔާއް ވިއްކާ ލުއިކާނާ ޕެޓެއްގަ 250 ގުރާމުޖަހާފަ އިނިއްޔާ އެއީ 250 ގުރާމުތޯ ބެލޭނެ ކައްޓާއެއް ތިބޭޅުން އަތުގަ އެބަހުރިތޯ؟ ނެތިއްޔާ ހިދުމަތް ލިބިގަންނަ ފަރާތުގެ ވާހަކަ ދެއްކުމުގެ ބޭނުމެއްނެއް