ޚަބަރު / ޑރ. އަބްދުﷲ ހަލީލް (ފޮރިން މިނިސްޓަރު)

ރާއްޖެ އާއި އިންޑިއާގެ ގުޅުން ވަރުގަދަކުރަން އާ ސަފީރާއެކު މަޝްވަރާކޮށްފި

ރާއްޖެ އާއި އިންޑިއާގެ ގުޅުން އިތުރަށް ރަނގަޅުކުރަން އެ ގައުމުން ރާއްޖެއަށް ކަނޑައެޅި އާ ސަފީރު ޖީ ބަލަސުބްރަމަނިއަމް އާއި ފޮރިން މިނިސްޓަރު އަބްދުﷲ ހަލީލް މަޝްވަރާ ކުރައްވަނީ.-- ފޮޓޯ: ފޮރިން މިނިސްޓްރީ

ފާތިމަތު އަޖްފާން، މިހާރު

20 ޖެނުއަރީ 2025 - 13:10

6 comments

ރާއްޖެ އާއި އިންޑިއާއާ ދެމެދު އޮތް ގުޅުން ވަރުގަދަ ކުރުމަށް އިންޑިއާގެ އާ ސަފީރު ޖީ ބަލަސުބްރަމަނިއަމް އާއި ފޮރިން މިނިސްޓަރު އަބްދުﷲ ހަލީލް މިއަދު މަޝްވަރާ ކުރައްވައިފި އެވެ.

ފޮރިން މިނިސްޓްރީން ބުނީ އެ ބައްދަލުވުމުގައި، ދެ ގައުމުގެ ގުޅުމަށް މިހާރު އައިސްފައިވާ ކުރިއެރުންތައް ދަމަހައްޓައި، އިތުރަށް ބަދަހި ކުރެވިދާނެ ގޮތްތަކާ ގުޅޭގޮތުން މަޝްވަރާ ކުރެއްވި ކަމަށެވެ.

ދެ ގައުމު ދެމެދުގައި އޮތް ގާތް ރަހްމަތްތެރިކަން ފާހަގަ ކުރައްވައި، އިންޑިއާ ސަރުކާރުން ރާއްޖެއަށް ދީފައިވާ އެހީތެރިކަމަށްޓަކައި ހަލީލް ވަނީ ޝުކުރު އަދާ ކުރައްވައިފަ އެވެ.

އިންޑިއާގެ ސަފީރު ވަނީ ދެ ގައުމަށް ފައިދާހުރި ކަންތައްތައް ހާސިލްކުރުމަށްޓަކައި ސަރުކާރާއެކު ގާތުން މަސައްކަތް ކުރައްވާނެ ކަމުގެ ޔަގީންކަން ދެއްވައިފަ އެވެ.

އިންޑިއާގެ ސަފީރުގެ ގޮތުގައި އެންމެ ފަހުން ރާއްޖޭގައި ހުންނެވީ މުނޫ މަހާވަރެވެ. އަދި އާ ސަފީރަކަށް ބަލަސުބްރަމަނިއަމަށް އައްޔަން ކުރެއްވީ ސަފީރުކަމުގައި ކުރިން ހުންނެވި މުނޫ މަހާވަރުގެ ދައުރު މިދިޔަ މަހު ހަމަވުމުންނެވެ. ބަލަސުބްރަމަނިއަމް ސަފީރުކަމުގެ ފަތްކޮޅު އެރުވީ މި މަހު ހަ ވަނަ ދުވަހު އެވެ.

ބަލަސުބްރަމަނިއަމް އަކީ 1998 ވަނަ އަހަރުން ފެށިގެން އިންޑިއާގެ ހާރިޖީ ދާއިރާގައި މަސައްކަތް ކުރައްވަމުން އަންނަ ބޭފުޅެކެވެ. ރާއްޖޭގެ ސަފީރުކަމާ ހަވާލުވުމާ ހަމައަށް އޭނާ ހުންނެވީ އިންޑިއާ އިން ނައިޖީރިއާއަށް ކަނޑައެޅި ސަފީރުގެ މަގާމުގަ އެވެ.

އިންޑިއާ ފޮރިން މިނިސްޓްރީ ޑރ. އަބްދުﷲ ހަލީލް (ފޮރިން މިނިސްޓަރު) ޑިޕްލޮމެސީ ރާއްޖެ-އިންޑިއާ ޑިޕްލޮމެޓިކް ގުޅުން ޖީ. ބާލާސުބްރަމާނިއަން (އިންޑިއާ ސަފީރު)

6 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

21 January 2025

ތިޔަ ހުރިހާ އެއްޗެއްވެސް ގިނަ ފާމަސީތަކުންލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީދާކޭއުނބު

20 January 2025

މިދިޔަ ފަސްއަހަރު އިންޑިއާ އައުޓް ގޮވާފަ މި ފަސްއަހަރު ތިހާލެއްގަ އުޅެލާ ދެން. ބޮޮލެއް ނެތޭ ކަލޯމެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޅި އަލީ

20 January 2025

ގުޅުން ރަނގަޅު ކުރަންވީއެއްނޫން! ތިޔަ ހެލިކޮޕްޓަރު ގަނޑު އެންޑް 2 މަތިންދާބޯޓް ގެންދަވަންވީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިނިފެންމާ ސައީދު

20 January 2025

ދެން އިތުރަށް ގުޅުންބަދަހިވެއްޖިއްޔާ މިގައުމު ވެއްޓޭނީ އެބައިމީހުންގެ އުނގަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޅުން

20 January 2025

ގުޅުން ރަނގަޅު ކުރެވޭނީ ރަގަޅު ސަފީރުން އެމްބަސީތަކަށް ފޮނުވައިގެން. އިންޑިއާގައި މިހާރު ހުންނެވި ސަފީރަކީ އެ ކެލިބަރ ހުރި ބޭފުޅެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޮޗްމޭން

20 January 2025

ގުޅުން ރަނގަޅު ކުރަން އެންމެ ރަނގަޅު ވާނީ ވެދުމަކަށް ރާއްޖެއިން ކޮންމެވެސް ހަދިޔާއެއް އަރުވައިގެން. ރާއްޖެއަކީ މާކަށް ގިނަ ރިސޯސްތަކެއް އޮތް ތަނެއް ނޫން އެކަމުން ސިޔާސީ މަގާމުގައި ތިބި ވަރަށް ރަނގަޅު ދެ ކަބަލުން ވެދުމަކަށް ބޮޑުވަޒީރަށް ފޮނުވަންފެނޭ. ބޮޑުވަޒީރަށް ފެންނަނީ އެމީހުންނާ މެދު ކަންތައް ކުރަންވީ ގޮތް.