އައްޑޫ ކަރަންޓު މައްސަލަ ހައްލުނުވާތީ ހުށަހެޅި ކުއްލި މައްސަލަ ބޭރުކޮށްލައިފި

އައްޑޫގެ ގުޅިފައިވާ ރަށްތަކުން ކަރަންޓު ކެނޑޭ މައްސަލައަށް ދާއިމީ ހައްލެއް ނުލިބި ދިގުލައިގެންދާތީ ރައްޔިތުންގެ މަޖިލީހަށް ހުށަހެޅި ކުއްލި މައްސަލަ ބޭރުކޮށްލައިފި އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ކުއްލި މައްސަލަ ހުށަހެޅުއްވީ އިދިކޮޅު އެމްޑީޕީގެ ޕީޖީ ލީޑަރު އަދި އައްޑޫ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް އެވެ.

ނާޒިލްގެ ކުއްލި މައްސަލާގައި ވިދާޅުވީ، ގުޅިފައިވާ ރަށްތަކުން އަބަދު ކަރަންޓު ކެނޑި، ރައްޔިތުންގެ އަސާސީ ބޭނުންތަކަށް ބުރޫ އަރާފައިވާ ކަމަށާއި ކަރަންޓު ފޯރުކޮށްދިނުމުގައި ސަރުކާރުން ތަކުރާރުކޮށް އިހުމާލުވެފައިވާ ކަމަށެވެ.

އެކަމުގެ ސަބަބުން ރޯދަ މަހު ވެސް ބޮޑެތި ދަތިތަކާ ކުރިމަތިލާން ޖެހިފައިވާ ކަމަށާއި ގޭގައި ގެންގުޅޭ އަގުބޮޑު ކަރަންޓު ސާމާނު ހަލާކުވެ، ރައްޔިތުންނަށް މާލީ ގޮތުން ބޮޑެތި ގެއްލުންތަކެއް ވަމުންދާ ކަމަށް ނާޒިލް ވިދާޅުވި އެވެ.

"އެއްވެސް ހައްލެއް ސަރުކާރުން ހޯދައި ދީފައި ނުވާތީ އާއި އައްޑޫ ސިޓީގެ ރައްޔިތުން ދިރިއުޅެމުން މިދާ ހާސްކަމާއި ދަތި އުނދަގުލަށް އެއްވެސް ހާލަތެއްގައި މި މަޖިލީހަށް ބަލައިގަނެވޭނެ ކަމެއް ނޫން،" ކުއްލި މައްސަލާގައިވެ އެވެ.

ކަރަންޓުގެ މައްސަލަ ހައްލުކުރުމަށް މިވަގުތަށް ވެސް ތިން މެގަވޮޓުގެ ދެ ޖެންސެޓު ބޭނުންވާ ކަމަށް އައްޑޫ ޕަވަސްޓޭޝަނުން ތަކުރާރުކޮށް ބުނަމުން ދަނިކޮށް، އައްޑުއަށް ގެންގޮސްފައިވަނީ 1.8 މެގަވޯޓުގެ އެންމެ ޖެންސެޓެއް ކަމަށް ނާޒިލް ވިދާޅުވި އެވެ. ކުއްލި މައްސަލާގައިވާ ގޮތުން މިއީ އައްޑޫއަށް އެކަށީގެންވާ ވަރަށް ވުރެ ދަށް އަދަދެކެވެ.

Anekkaa ves Addu inn kurrent kendye massala boduve, shakuvaa thah ithuruvanee

The most trusted news source in the Maldives

Mihaaru

ކުއްލި މައްސަލަ ބަލައިގަތުމާ މެދު، ސަރުކާރު ހިންގާ ޕީއެންސީގެ ސުޕަމެޖޯރިޓީ އޮންނަ މަޖިލީހުގައި ނެގި ވޯޓުގައި 47 މެންބަރަކު ވޯޓު ދެއްވީ ބަލައިގަތުމާ ދެކޮޅަށެވެ. ކުއްލި މައްސަލަ ބަލައިގަންނަން ފެންނަ ކަމަށް ވޯޓު ދެއްވީ 13 މެންބަރުންނެވެ. އެއީ އެމްޑީޕީގެ 11 މެންބަރަކާއި އައްޑޫ ހިތަދޫ މެދު ދާއިރާގެ ޕީއެންސީ މެންބަރު އަހުމަދު އަޒާނާއި ވެލިދޫ ދާއިރާގެ އެމްޑީޕީ މެންބަރު މުހައްމަދު އައްބާސް އެވެ.

އައްޑޫގެ ގުޅިފައިވާ ރަށްތަކުގައި އެންމެ މަތިން ކަރަންޓު ބޭނުންވާ ގަޑިތަކުގައި 12 މެގަވޮޓްގެ ކަރަންޓު ބޭނުންވެ އެވެ. ކަރަންޓު ފޯރުކޮށްދިނުމަށް ހިތަދޫގައި ބަހައްޓާފައި ވަނީ 20 ޖެނަރޭޓަރު ސެޓެވެ. އޭގެ ކެޕޭސިޓީއަކީ 26.8 މެގަވޮޓު ނަމަވެސް ޖެނަރޭޓަރު ސެޓްތައް ހަލާކުވެ މިދިޔަ އަހަރުން ފެށިގެން ކަރަންޓުގެ މައްސަލަ ބޮޑުވެ، ޝަކުވާ އިތުރުވީ އެވެ.