ފަސްޓް ލޭޑީ ވިދާޅުވީ، ދަރިކަލުން ދުވަހަކު ވެސް ވޭޕް އަދި ދުންފަތުގެ އިސްތިއުމާލު ނުކުރާ ކަމަށް.
ފަސްޓްލޭޑީ ސާޖިދާ މުހައްމަދު: މި މައްސަލަ ކޯޓަށް ހުށަހަޅާން ނިންމާފައިވަނީ ކުދިންގެ މަންމަގެ ހައިސިއްޔަތުން އެކަމަނާ ގެ ފަރާތުން -- ފޮޓޯ: ރައީސް އޮފީސް
15 މާޗް 2025 - 13:39
އިދިކޮޅު އެމްޑީޕީން މިހާރު ބާއްވަމުންދާ ސިލްސިލާ މުޒާހަރާތަކުގައި ރައީސް ޑރ. މުހައްމަދު މުއިއްޒުގެ ދަރިކަލަކަށް ނިސްބަތްކޮށް ވާހަކަ ދެއްކި މައްސަލައިގައި ޕާޓީގެ އިސް އެކްޓިވިސްޓެއް ކަމަށްވާ މަރިޔަމް ޒުބެއިރު (މަންދީ)ގެ އާއި އެމްޑީޕީގެ ޗެއާޕާސަން ފައްޔާޒް އިސްމާއީލާއި އެ ޕާޓީގެ މައްޗަށް ދައުވާކުރަން ނިންމައިފި އެވެ.
ރައީސް މުއިއްޒުގެ އާއިލާގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި އެ މަނިކުފާނުގެ އާއިލާގެ ވަކީލު، ކުރީގެ ބަންޑާރަ ނައިބު އާއިޝަތު އާޒިމް ޝަކޫރު ވަނީ މި މައްސަލާގައި ރައީސްގެ އަނބިކަނބަލުން ސާޖިދާ މުހައްމަދު ނެރުއްވި ނޫސްބަޔާން އިއްވައިފަ އެވެ.
ފަސްޓް ލޭޑީގެ ނޫސްބަޔާނުގައި ވިދާޅުވީ ސިޔާސީ ގޮތުން ރައީސް މުއިއްޒާ ހުރި ހިޔާލުތަފާތުވުންތަކަކާ ގުޅިގެން އެ މަނިކުފާނުގެ ދަރިކަލަކާ ގުޅިގެން ދޮގު ވާހަކަތައް ފަތުރަމުންދާ ކަމަށެވެ. އެކަމުގެ ތެރެއިން އެ ކުދިންގެ ކިޔެވުމާއި މުސްތަގްބަލާއި އިޖުތިމާއީ ހެދިބޮޑުވުމަށް އަސަރުކުރާ ފަދަ ވާހަކަތައް ދައްކަމުންދާ ކަމަށް ފަސްޓް ލޭޑީ ވިދާޅުވި އެވެ.
"މި ފުރުސަތުގައި އުމައިރަކީ ވޭޕް ނުވަތަ ދުންފަތުގެ އިސްތިއުމާލު ވެސް އެއްވެސް ގޮތަކަށް ކުރާ ނޫނީ ކޮށްފައިވާ ކުއްޖެއް ނޫން ކަމުގައި ތިޔަ އެންމެހާ ބޭފުޅުންގެ މައުލޫމާތަށްޓަކައި ވަރަށް ސާބިތުކަމާ އެކު ދަންނަވަމެވެ،" ބަޔާނުގައި ފަސްޓް ލޭޑީ ވިދާޅުވި އެވެ.
ފަސްޓް ލޭޑީ ވިދާޅުވީ، އެ ބޭފުޅުންގެ ފިރިހެން ދަރިކަލުން އުމަރައިރަށް ނިސްބަތްކޮށް މިދިޔަ އަހަރެއްހާ ދުވަހުގެ ތެރޭގައި ހާއްސަކޮށް މިދިޔަ ދެތިން ދުވަހު ހަގީގަތެއް ނެތް ދޮގު ވާހަކަތަކެއް ދައްކާފައިވާ ކަމަށެވެ.
ރާއްޖޭގެ ކޮންމެ ކުއްޖަކީ ގާނޫނޫން ރައްކާތެރިކަން ލިބިފައިވާ ކުއްޖެއް ކަމަށްވާއިރު، ފަސްޓްލޭޑީ ވިދާޅުވެފައިވާ ގޮތުގައި މިކަންތައްތަކުގެ ސަބަބުން ކުދިންގެ ކަރާމާއި އަބުރަށް ގެއްލުންވާ ކަންކަން ހިނގަމުން އަންނަ ކަމަށެވެ.
އެހެންކަމުން މިއީ މަންމައެއްގެ ހައިސިއްޔަތު އަޅުއްވަން މަޖުބޫރުވި ފިޔަވަޅެއްގެ ގޮތުގައި އެކަމަނާ ވަނީ ވިދާޅުވެފަ އެވެ.
ނޫސްވެރިންގެ ބައްދަލުވުމުގައި އާއިލާގެ ވަކީލު އާޒިމާ ވިދާޅުވީ، ރައީސްގެ އެންމެ ތުއްޕުޅު ދަރިކަލުންގެ ފޮޓޯ އާއި ދަރިކަލުންގެ އިތުރު ފޮޓޯތައް އާންމުކޮށް އިދިކޮޅުން މަސައްކަތްކުރަނީ ހޭޓް ސްޕީޗު ފެތުރުމަށް ކަމަށާއި އެކަމަށް އަޅަން ޖެހޭ ފިޔަވަޅެއް އަޅާނެ ކަމަށެވެ.
ދަރިކަލުންގެ ކަރާމާރަށް އަރައިގަތް މައްސަލަ ކޯޓަށް ހުށަހަޅުއްވާނެ ކަމަށް ފާހަގަކުރައްވައި އާޒިމާ ވިދާޅުވީ، މި ނިންމުމަކީ މަންމައެއްގެ ހައިސިއްޔަތުން ކުދިންގެ ރައްކާތެރިކަމަށް އަޅާ ފިޔަވަޅެއް ކަމަށެވެ.
ދަރިކަލުންނާ ގުޅޭ ގޮތުން މަންދީ ވާހަކަ ދައްކާފައި ވާއިރު ފައްޔާޒަށް ދައުވާކުރަނީ އެ ވާހަކައަށް ހިތްވަރުދީ ޓްވީޓްކުރައްވާފައި ވާތީ ކަމަށާއި ޕާޓީ އަށް ދައުވާކުރަނީ މުޒާހަރާގައި ހިނގާ ކަންކަމަށް އެ މުޒާހަރާ އިންތިޒާމްކުރި ފަރާތުން ޒިންމާވާން ޖެހޭނެ ކަމަށް ގަބޫލުކުރާތީ ކަމަށް އާޒިމާ ވިދާޅުވި އެވެ.
އޭނާ ވިދާޅުވި ގޮތުގައި އަދި ނިންމާފައިވަނީ މި ކަމުގައި ހިމެނޭ މަދަނީ މައްސަލަތަކައިގެން ކުރިއަށް ގެންދިއުމަށެވެ. ޖިނާއީ ދައުވާކުރުމާއި އެ މައްސަލަތައް ބެލުމުގެ ތެރެއަށް އާއިލާއިން ނުވަންނާނެ ކަމުގައި އާޒިމާ ވިދާޅުވި އެވެ.
އާޒިމާ ވިދާޅުވީ، މައްސަލަ އިތުރަށް ދިރާސާކުރަމުން އަންނަ ކަމަށާއި އިތުރު ބަޔަކަށް ފިޔަވަޅު އަޅަން ޖެހިއްޖެނަމަ އެކަން ވެސް ކުރާނެ ކަމަށެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހިޔާލް
17 March 2025
ކޯޓަކަށް ނޫން ސޯޓަކަށް ދިޔަސް ހަގީގަތަކީ ބަދަލު ކުރެވޭނެ އެއްޗެއް ނޫންކަން ހަމަ ކޮންމެ މީހަކަށް ވެސް އެނގޭނެ. ރާއްޖޭގަ ވެރިކަން ކުރަމުންދާ، ނޫނީ ވެރިކަން ކޮށްފަތިބި ބައެއްގެ ދަރިންގެ ވާހަކައެއް ބަޔަކު މިދެއްކީ އަލައްތަ؟ އެމީހުންގެ މައިންނާ ބަފައިން ނުތިބެނީތަ؟ ގާނޫނީ ވަކީލަކަށްވެސް ތިހުރީ ފިސާރި ކަބަލެއްތާދޯ... ކޯޓް ސޯޓަކަށްވެ ނިމިއްޖެ މިހާރު.
ޑިވެހިން
16 March 2025
ބަޔެއް ދިވެހިންގެ ހާލާތު މިހާރު ހާދަ ދަށުދަރަޖާގައަެދޯ. ސިޔާސީ އޭކިޔާ އެމީހެއްގެ އާއިލާއާ އަންނަން އޮތް ޖީލަށް ވެސް ގެޅުން މިއޮންނަނީ. ސިޔާސީ ވުމަކީ އެކެއް އަނެކަކަށް ހަޖޫޖަހާ މަސްކެއުންބާ؟ ކިހިނެއް ގައުމު ރަގަޅުވާނީ
ބަތްކައްކާ
16 March 2025
މިތާ ކޮމެންޓްތަކަށް ރައްދުދެނީ ބޮޑުމުސާރަވެރިއެއްހެން ހީވެސްނުވޭ
ކަތްދައްތަ
16 March 2025
ކުޑަކުދިންގެ ކަރާމާތަށް އަރައިގަނެގެން ނުވާނެ. ހަމައެއާއެކު ރައީސަކަށް ހުންނަ ބޭފުޅަކު ނޫނީ އެމީހާގެ އަތްބަކަށް ނޫނީ ފިރިއަކަށް ހުންނަ މީހަކު އެމީހުންގެ ޅަދަރިން ފައްތައިގެން ސިޔާސީގޮތުން ޤައުމުގެ ސިޔާސަތު ބައްޓަން ކުރާ ނާރެހަކަށް ހަދައިގެން ނުވާނެ. ދައުލަތުގެ ބައިތުލްމާލުން އެމީހުންގެ ޅަދަރިންނަށް ހެސްކިޔާފަ ބޭނުން ކަމެއް ބޭނުން ގޮތަކަށް ކުރަން ދޫކުރެވިގެން ނުވާނެ. މިއީ ރަސްކަމެއްނޫން.
ތަގުނޑި
16 March 2025
މި ނޫނީއްޔާ އަދި މިރާއްޖޭގަ ޝާހީ އާއިލާއެއް ނެތްތާ ސީދާ ވެރިމީހާ ނޫސްވެރިންނާ މީސްމީހުންނަށް ގުޅާ އިންޒާރުދީ ހަދާކަން މީގެ ކުރިން އެނގިފައެއް ނެތް އެކަމަކު ވެރިކމުގައި ތިބި މީހުންނަށާއި ވެރިކަމުން ވަކިވެފައިވާ މީހުންނަށާއި އެމީހުންގެ އާއިލާއަށް ރައްދުވާގޮތަށް ނުގޮވާކަ އެއްޗެއް ނެތެވެ. މީގައި އޮތް ހައްލަކީ ބަޔަކަށް ދައުވާ ކުރުމެއް ނޫނެވެ. މިބާވަތުގެ ކަކަން ނުކުރާނެ މުޖުތަމައެއް ބިޔާކުރުމެވެ. ތަރުބިއްޔަތާއި އަހުލާގުންނެވެ. ބިރު ދެއްކުމަކުން ނޫނެވެ.
ދޯދި
16 March 2025
ފަނޑިޔާރުން ވެސް ހިމަލައްޗޭ. އެމީހުން ސަރުކާރަށް ފުރައްސާރަކުރާ ކަމުގެ ކުށުގައި.
45632
16 March 2025
ކުޑަކުދިންގެ ހައްގުތައް ރައްކާތެރިކުރުމަކީ ދައުލަތެއްގެ މައްޗަށް ލާޒިމްކަމެއްކަން. އެއީ ރައީސުލްޖުމްހޫރިއްޔާގެ ވިޔަސް ފަގީރު ކޮއިގެ ދަރިއަށް ވިއަސް. މިގައުމުވެސް މިވަނީ ބައިނަލްއަގްވާމީ ގާނޫނަށް ތަބާވާނެކަމަށް ބުނެ އދ ގެ މެންބަރު ގައުމަކަށްވެފަ. އެޖަމާއަތުގެ އެންމެން އެއްބަސްވެގެން ހަދާފައިވާ ބައިނަލްއަގްވާމީ ގާނޫނުގައި ބުނެފައިވަނީ ކުޑަކުދިންގެ ކަރާމާތައް ގެއްލުންލިބިދާނެފަދަ ކަންކަން ހުއްޓުވުމަކީ ދައުލަތަށް ލާޒިމްކަމެއްކަމަށް.
ހަމީން އަޙްމަދު ސަލީމް ޖާބިރު
16 March 2025
ކުރަންވީ ދޫކުރާނެކަމެއްްނެތް. މިރާއްޖޭގެ ކަންކަން ހައްދުފަހަނައަޅައި ވެރިންނާ ދިމާއަށް ހިތުހުރު އެއްޗެއްގޮވާ މީހުންގެ ކަރާމާތާއި ޤަދަރަށް އަރައިގަންނަންފެށީ ތިފަދަ ކަންކަން ދޫކުރުމުން އަޅާނުލުމުން. ސާބިތުނުހުފޭ ދޮގު ވާހަކަތައް ސިޔާސީ ބޭނުމަށް ފަތުރަން ދޫކުރުމުން. ތިމީހުންނަށް ޤާނޫނުން ޙައްްޤުވާ އަދަބުދީ
ޙދހ61
16 March 2025
100 ގެ ވާހަކައެއް!
އައިޝާ777
16 March 2025
ވަރަށް ފަހުން ވައިރަލްވި ވީޑިއޯއެއްގައި ފުއްލާއެއް އެސޮރުގެ ދަރި ސަލާމަތްކުރަން ކޯރުގައި ކިނބޫލަކާ ދިމާވާގޮތަށް އޮތްތައް ފެނޭ. އެ ކިބޫ ހުރި ދަރިއާ ދިމާލަށް މިސްރާބު ޖަހާފައި. މަންމަ އައިސް އެދެމެދަށް ހުަރަސްއަޅައި ކިބޫ ކާން ނަފްސް ދިނީ! މަރުވީ. ދަރި ސަލާމަތްވީ. މިހުރިހާ މަޚްލޫގެއްގެ ފިތުރަތުގެ އުސޫލު. މިއުސޫލު ހުޅަނގުން ބަދަލުކޮށް އިންސާނީ ކަރާމާތް ގެއްލުވާ ގޭމްކުޅޭތަން ބަލާކަށް ތިބޭނެ ކަމެއް ނެތް.
މަންމަނު މިޔާ
16 March 2025
ކަލޯ ހަސީނާ ދައްތަ ވެސް ތިޔަ ކުޅިވަރު ކުޅުނު! މިހާރު ގިނިކައްޏާ އަދި ގައުމުން ވެސް ބޭރުކޮށްލާފައި އެހުރީ ދޯ!