ކުރީގެ އިމިގްރޭޝަން ކޮންޓްރޯލަރު ޝަމްއާން
21 މާޗް 2025 - 22:50
އިމިގްރޭޝަންގެ ޑިޓެންޝަނަށް ގެންދިޔަ ބިދޭސީމީހާ ދޫކޮށްލުމަށް ފަހު، އޭނާގެ އަތުން ފެނުނު 530،000ރ. ހިފައިގެން އިމިގްރޭޝަންގެ އޮފިސަރުން ދިޔައީ ރޭ ކުއްލި ގޮތަކަށް މަގާމުން ވަކިކުރި އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދުގެ ގެއަށް ކަމަށް ތަހުގީގުން އެނގޭ ކަމަށް ފުލުހުން ދެންމެ ބުނެފި އެވެ.
އިމިގްރޭޝަން ކޮންޓްރޯލަރުގެ މަގާމުން ޝަމްއާން ރޭ ވަރަށް ލަސްވެފައި ވަނިކޮށް ވަކިކުރުމަށް ފަހު، ސީދާ އޭނާއާ ގުޅޭ ގޮތުން ފުލުހުން ފުރަތަމަ ފަހަރަށް މިރޭ ނެރުނު ބަޔާނުގައި ބުނީ، އިމިގްރޭޝަންގެ މުވައްޒަފުންތަކެއް މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން، ބިދޭސީންތަކެއް އުޅޭ ގެއެއް ބަލައި ފާސްކޮށް ނަގުދު ފައިސާއާ އެކު، އެ ބިދޭސީންތައް ގެންދިޔަ ކަމުގެ މައުލޫމާތު ތަހުގީގަށް ލިބިފައިވާ ކަމަށެވެ.
އެ އޮޕަރޭޝަން ހިންގީ ވެސް ފުލުހުން ބުނިގޮތުގައި، ގަވާއިދާ ހިލާފަށް އުޅޭ ބިދޭސީން ހޯދައި ޑިޓެއިން ކުރުމުގެ ޒިންމާ އިމިގްރޭޝަނުން އަދާކުރާ ޓާސްކް ފޯސް އަދި ރިސްކު މެނޭޖުމަންޓްގެ މުވައްޒަފުން ފިޔަވައި އެ އިދާރާގެ އެހެން ސެކްޝަންތަކުގައި މަސައްކަތްކުރާ މުވައްޒަފުންތަކެކެވެ. އެއީ އެ މުވައްޒަފުންގެ މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން ހިންގި އޮޕަރޭޝަނެއް ކަމަށް ވެސް ފުލުހުންގެ ބަޔާނުގައި ބުންޏެވެ.
ފުލުހުން ބުނީ، އެ ބިދޭސީންތަކުގެ ތެރެއިން 530،000ރ. އާ އެކު ޑިޓެންޝަނަށް ގެންދިޔަ ބިދޭސީއަކު އޭރުގެ އިމިގްރޭޝަން ކޮންޓްރޯލަރު ޝަމްއާންގެ އަމުރަށް އޭގެ އެއް ދުވަސް ފަހުން ދަންވަރުގެ ވަގުތެއްގައި ދޫކޮށްލި ކަމަށެވެ. އަދި ބިދޭސީން އުޅުނު ގެ ބަލައި ފާސްކުރި އިމިގްރޭޝަންގެ މުވައްޒަފުން، ޑިޓެއިނުން ދޫކޮށްލި ބިދޭސީމީހާއާ މަގުމަތިން ބައްދަލުކޮށް، އެ ފައިސާ ހިފައިގެން ގޮސް ވަނީ ޝަމްއާން ދިރިއުޅޭ އިމާރާތަށް ކަން ވެސް ތަހުގީގަށް އެނގިފައިވާ ކަމަށް ފުލުހުން ބުންޏެވެ.
ފުލުހުން މިރޭ ބުނިގޮތުގައި، ޝަމްއާން ދިރިއުޅޭ ގެ ފާސްކޮށް، "ގިނަ އަދަދެއްގެ ފައިސާ" އާއި އިލެކްޓްރޯނިކް ސާމާނުތަކެއް ފުލުހުންގެ ބެލުމުގެ ދަށަށް ވަނީ ގެނެސްފަ އެވެ. އަދި ކޯޓު އަމުރެއްގެ ދަށުން ތިން މީހަކު ހައްޔަރު ކޮށްފައިވާ ކަމަށް ފުލުހުން ބުންޏެވެ.
"މި މައްސަލަތަކާ ގުޅިގެން ކޯޓު އަމުރުގެ ދަށުން 5 މީހުން ހުއްޓުވައި ބަލައި ފާސްކޮށް، އެ މީހުންގެ އަތުން އިލެކްޓްރޯނިކް ސާމާނުތައް ފުލުހުންގެ ބެލުމުގެ ދަށަށް ގެނެސްފައި ވެ އެވެ،" ފުލުހުންގެ ބަޔާނުގައި ވެ އެވެ.
ނޮވެމްބަރު 19، 2023 ގައި އިމިގްރޭޝަން ކޮންޓްރޯލަރަކަށް މި ސަރުކާރުން އައްޔަންކުރި ޝަމްއާން މަގާމުން ރޭ ވަކިކުރީ "ރިޝްވަތުގެ" ހެކިތައް ފެނިގެން ކަަމަށް އެނގިފައި ވެ އެވެ. އެކަމަކު، އެ ގެއިން ފެނުނު ފައިސާގެ އަދަދެއް ފުލުހުން އަދި ނުބުނެ އެވެ.
މައުލޫމާތު އެނގޭ މީހަކު "މިހާރު އަށް ބުނީ، ބިދޭސީ މީހާ އިމިގްރޭޝަންގެ ވެހިކަލެއްގައި ގެންގުޅުމަށް ފަހު، މަގުމައްޗަށް އޭނާ ދޫކޮށްލައި، އިމިގްރޭޝަންގެ ދެ މުވައްޒަފަކު ސައިކަލެއްގައި ގޮސް ފައިސާ ހަވާލުކުރީ ސީދާ ޝަމްއާނާ އެވެ.
މި މައްސަލާގައި ޝަމްއާން ކުއްލި ގޮތަކަށް މަގާމުން ވަކިކޮށް، ރޭ ވަރަށް ދަންވެފައި ހުއްޓާ އިމިގްރޭޝަން ކޮންޓްރޯލަރަކަށް ރައީސް ޑރ. މުހައްމަދު މުއިއްޒު އައްޔަން ކުރެއްވީ ކުރީގެ ޕޮލިސް ކޮމިޝަނަރު އަހުމަދު ފަަސީހު އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ތަކުރުފާނުގެ
22 March 2025
މާލެއިން ބަލާ ފާސްކުރާ ސްޕާތަކުން ފެންނަ ރުފިޔާ ނަގަނީ ފުލުހުން
ތިނޫން ކަމެއް ނެތް
22 March 2025
ކަސްޓަމްސް. އިން އަތުލާ ސެކްސް ޓޯއިސްތައް ކަޓުވާލައިގެން އެމީހުން އެތަކެތި ފިސާރި ބޮޑު އަގުގަ ވިއްކަނީ. ދުވަހަކުވެސް މި އެއްޗެހި ނައްތާލިވާހަކަ ނޫނީ އަތުލި ވާހަކަ ބުނޭތަ. ހައްތާވެސް ޖަރީމާ. ހުރިހާ މުއައްސަސާއެއް ފީ ވެފަ
ރޯދަމަހުގެ ޑުރާމާ މުބާރާތުން 1 ވަނަ
22 March 2025
ހާދަ ޑުރާމާ އޭ ދޯ. މަގާމުން ވަކި ކުރާ ފަހުން އެބަ ފެނޭ ފައިސާ. އެކަމު ސަބަބުވެރި އިންސާނެއްގެ ސިކުޑިއަކުން ވިސްނާ ކޮންމެ އިންސާނަކަށް އިގޭނެ ކިރިޔާވެސް ސިކުޑި އެއް ހުރި މީހަކު މަގާމުން ވަކިކުރީމާ ފައިސާ ބޮޑީގައި ބައްދައިން ނޯންނާނެކަން
ސުވާލުފޮށި
22 March 2025
"ސަބަބުވެރި އިންސާނާ" މީ މާނަކުރަން ނޭނގުނު ޖުމުލައެއް. ކޮންމެ އަކަސް މިއީ ލަފްޒެއްނޫން. ދެލަފްޒަކުން އުފައްދައިގެން އުޅޭ ޖުމުލަ ބަހެއް. މީތި ދިވެހި ބަހަކަށް ބަފަލުކޮށް މިބަހުގެ މާނަ ދިވެހިންނަށް އެނގެންވެއްޖެ. ވަކީލުންނާ ފަނޑިޔާރުން މިބަސް އެބަ ބޭނުންކުރޭ. ހަމަ އެއްގޮތަކަށްވެސް މިބަހެއް އަދި އޮޅުމަކުން ނުފިލާ.
އަބްޑޫޅް +
23 March 2025
ސުވާލުފޮށި، "ބަފަލު" ކުރަން "ބަފަލޯ" އެއް ހޯދަން ޖެހޭތަ؟
ހުސްނުހީނާ
22 March 2025
ބައި ބެހުމުގެ މައްސަލައެއް! ލާރިކޮޅު ހިފައިގެން ވަކި ގެއަކަށް ދާންއޮތީ. ޝައްމާނުގެއަށް ވެއްދީމަ ވީގޮތް! މާދަމާ ދޫކޮށްލާނެ! އެޗް.ޑީ.ސީ ގެ ބޮޑު ވައްކަން ކުރިމީހާވެސް ވީ ހުދުފޮތިކޮޅަކަށް!
ހުދަންބަރު
22 March 2025
ބަލަ ! ޕޮލިހުން ވަކީ ދެރަތަ؟ ރޭޑް ޖަހާ ތަންތަނުން ގެންދާ ފައިސާ އަނބުރާ ދޭަތަ؟
މިސްޓަރ ވާން
22 March 2025
ތި ބިދޭސީ މީހާ ވެސް އަލުން ހައްޔަރު ކުރަންޖެހޭ ނޫންތޯ...އޭނާ އަށް ވިގޮތެއް ނޭންގޭ،
ހާނިމްދިދީ
22 March 2025
ފައިސާ ދިން ބަންގާޅުމީހާ ވެސް ހައްރުކޮށްފައި އަލުން ޑިޓެންޝަން ސެންޓަރަސް ގެންދަން ޖެހޭ
ވަހީދުގެ
22 March 2025
ރައީސް މުޢިއްޒަކީ ދައުލަތް ހިންގުމުގައި ލޮލަކަށް ކަނދުރާއަކަށް ބަލާނެ ބޭފުޅެއްނޫން
ޑރ ވާންޗޯ
22 March 2025
ކަޅުދަބަސް ފެނުނީމަ ލޮލާ ކަނދުރާއާ ފެނޭތޯ ބަލަން ހުންނާނީ ކާކުތަ؟.
ދެރަ
22 March 2025
މިއޮތީވާ ގަޢުމެއް، ކޮންމެ ސަރުކާރެއްގަވެސް ހަމަމިއޮތީ އަތުޖެހުނު އެއްޗެއް ދަމާ ލޫޓުވާ، ލިބޭތަނުގަ ލިބިގަނެ މަޤާމަށްފަހު، އަރާމު ދިރިއުޅުމެއްގަ އުޅެލެވޭވަރު ކޮއްލުން. ކޮންމެ ހިސާބެއްގަ ހުރި ކޮންމެ ސިޔާސީ މީހަކަސް، ހާދަރަނގަޅޭ ހީކުރީ ޝަމްޢާނާ އިހުސާނުގެ ޙާލު މީ، ހުރިހާތަނަކުވެސް ކޮރަޕްޝަން، މަޤާމުގެ ނުފޫޒުގެ ބޭނުންކޮށްގެން ނުކުރާކަ ވަކިކަމެއް ނުހުރެ، އޮފީސްތަކުގަ ސިވިލްސާވަންޓުންނަށްވުރެ ސިޔާސީ ބައިގިނަ، އެބައި މަދުވެގެން އިތުރު މިނިސްޓްރީ ހަދާފަ.
އަޖާއިބުއަންތަރީސް
22 March 2025
އިހުސާން ކޮންކަމެއްތަ ކުރީ ކޮރަޕްޝަނުގެ؟
ނިލިސް
22 March 2025
ޚޮރަޕްޝަންގެ ތުހުމަތުކުރުމުން އިސްތިޢުފާދެއްވި 2 އެމްޑީގެ މައްސަލަތަކަށްވީ ކީއް؟
އަހްމަދުހު
22 March 2025
މި ސަރުކާރުން ސިޔާސީ ބޮޑުން ވަކިކުރުމުގަ މި ގެންގުޅެނީ ކޮންމެސް މީހަކު ކޭޝް ހިފައިގެން ކަނޑާލި މީހާ ގެޔަށް ގޮސްގެން. އެކަކު ދޯންޔެއް ބަންނަށް. ވަރަށް ޑްރާމާ