22 މާޗް 2025 - 00:09
އިމިގްރޭޝަންގެ ޑިޓެންޝަނަށް ގެންދިޔަ ބިދޭސީއަކު ދޫކޮށްލުމަށް ފަހު، އެ މީހާގެ އަތުން ފައިސާތަކެއް ހޯދި ކަމަށް ތުހުމަތު ކުރާ މައްސަލައިގެ ތަހުގީގަށް ކުރީގެ އިމިގްރޭޝަން ކޮންޓްރޯލަރު މުހައްމަދު ޝަމްއާން ވަހީދު މީގެ އިރުކޮޅެއް ކުރިން ހައްޔަރުކޮށްފި އެވެ.
ފުލުހުން ބުނީ، ޝަމްއާން ހައްޔަރުކުރީ ކޯޓު އަމުރެއްގެ ދަށުން ކަމަށެވެ. އޭނާ ހައްޔަރުކުރިއިރު، ތަހުގީގަށް މިރޭ ފުލުސް އޮފީހަށް ވެސް ހާޒިރުކުރި އެވެ.
ޝަމްއާން ހައްޔަރުކުރިއިރު، ބިދޭސީމީހާ ދޫކޮށްލުމާއި އެ މީހާގެ އަތުން ފެނުނު 530،000ރ. ނެގި މައްސަލައިގެ ތަހުގީގަށް މިހާތަނަށް ވަނީ ތިން މީހަކު ހައްޔަރުކޮށްފައި ކަމަށް ފުލުހުން ބުންޏެވެ. އަދި ޝަމްއާންގެ ގެ ރޭ ބަލައި ފާސްކޮށް، އެ ގެއިން ފައިސާތަކަކާއި އިލެކްޓްރޯނިކް ސާމާނުތަކެއް ވެސް ގެންގޮސްފައިވާ ކަމަށް ފުލުހުން ބުނެފައި ވެ އެވެ.
ފުލުހުން ރޭ ނެރުނު ބަޔާނެއްގައި ބުނީ، އިމިގްރޭޝަންގެ ޑިޓެންޝަނަށް ގެންދިޔަ ބިދޭސީމީހާ ދޫކޮށްލުމަށް ފަހު، އޭނާގެ އަތުން ފެނުނު 530،000ރ. ހިފައިގެން އިމިގްރޭޝަންގެ އޮފިސަރުން ދިޔައީ އިއްޔެ ރޭ ކުއްލި ގޮތަކަށް މަގާމުން ވަކިކުރި އިމިގްރޭޝަން ކޮންޓްރޯލަރު ޝަމްއާންގެ ގެއަށް ކަމަށް ތަހުގީގުން އެނގޭ ކަމަށެވެ.
ޝަމްއާނަށް "ރިޝްވަތުގެ" އިނގިލި ދިއްކުރެވުނީ އިމިގްރޭޝަންގެ މުވައްޒަފުންތަކެއް މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން، ބިދޭސީންތަކެއް އުޅޭ ގެއެއް ބަލައި ފާސްކޮށް ނަގުދު ފައިސާއާ އެކު، އެ ބިދޭސީންތައް ގެންދިޔަ ކަމުގެ މައުލޫމާތު ތަހުގީގަށް ލިބިފައިވާތީ އެވެ.
އެ އޮޕަރޭޝަން ހިންގީ ވެސް ފުލުހުން ބުނިގޮތުގައި، ގަވާއިދާ ހިލާފަށް އުޅޭ ބިދޭސީން ހޯދައި ޑިޓެއިން ކުރުމުގެ ޒިންމާ އިމިގްރޭޝަނުން އަދާކުރާ ޓާސްކް ފޯސް އަދި ރިސްކު މެނޭޖުމަންޓްގެ މުވައްޒަފުން ފިޔަވައި އެ އިދާރާގެ އެހެން ސެކްޝަންތަކުގައި މަސައްކަތްކުރާ މުވައްޒަފުންތަކެކެވެ. އެއީ އެ މުވައްޒަފުންގެ މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން ހިންގި އޮޕަރޭޝަނެއް ކަމަށް ވެސް ފުލުހުންގެ ބަޔާނުގައި ވެ އެވެ.
ފުލުހުން ބުނީ، އެ ބިދޭސީންތަކުގެ ތެރެއިން 530،000ރ. އާ އެކު ޑިޓެންޝަނަށް ގެންދިޔަ ބިދޭސީއަކު އޭރުގެ އިމިގްރޭޝަން ކޮންޓްރޯލަރު ޝަމްއާންގެ އަމުރަށް އޭގެ އެއް ދުވަސް ފަހުން ދަންވަރުގެ ވަގުތެއްގައި ދޫކޮށްލި ކަމަށެވެ. އަދި ބިދޭސީން އުޅުނު ގެ ބަލައި ފާސްކުރި އިމިގްރޭޝަންގެ މުވައްޒަފުން، ޑިޓެއިނުން ދޫކޮށްލި ބިދޭސީމީހާއާ މަގުމަތިން ބައްދަލުކޮށް، އެ ފައިސާ ހިފައިގެން އެ އޮފިސަރުން ގޮސް ވަނީ ޝަމްއާން ދިރިއުޅޭ އިމާރާތަށް ކަން ވެސް ތަހުގީގަށް އެނގިފައިވާ ކަމަށް ފުލުހުން ބުންޏެވެ.
"މި މައްސަލަތަކާ ގުޅިގެން ކޯޓު އަމުރުގެ ދަށުން 5 މީހުން ހުއްޓުވައި ބަލައި ފާސްކޮށް، އެ މީހުންގެ އަތުން އިލެކްޓްރޯނިކް ސާމާނުތައް ފުލުހުންގެ ބެލުމުގެ ދަށަށް ގެނެސްފައި ވެ އެވެ،" ފުލުހުންގެ ބަޔާނުގައި ވެ އެވެ.
މައުލޫމާތު އެނގޭ މީހަކު "މިހާރު އަށް ބުނީ، ބިދޭސީ މީހާ އިމިގްރޭޝަންގެ ވެހިކަލެއްގައި ގެންގުޅުމަށް ފަހު، މަގުމައްޗަށް އޭނާ ދޫކޮށްލައި، އިމިގްރޭޝަންގެ ދެ މުވައްޒަފަކު ސައިކަލެއްގައި ގޮސް ފައިސާ ހަވާލުކުރީ ސީދާ ޝަމްއާނާ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހަމަދު ސަލީމް
22 March 2025
އެގޮތައް ފައިސާނެގުން އެއީ މި ސަރުކާރުގަ ގުޅިގެންކުރާކަމެއް، ބައިއަޅަންވާ މީހާޔަށް ދޭ އެތިކޮޅު މަދުވީމަ ކޮންމެސް އެއްޗެކޭކިޔާފަ ހައްޔަރުކުރާނެ. ފަޒުލް ރަސީދު އަތުން ފެނުނު ފައިސާޔަށްވީ ކިހިނެއް؟
ކިމް
22 March 2025
ބައި ނާޅާ ހިސާބުން މި ފެންމަތިވަނީ ކަންކަން؟
ޕިސްޕިސް
22 March 2025
ސަހަލު އެކަކުވެސް ހަމަ ނެތީއޭދޯ! ކޮރަޕްޝަން ނުހިންގާ އެންމެ މުއައްސަސާއެއް ވެސް ހަމަ ނެތީތަ؟ މިޤައުމެއް ދުވަހަކުވެސް ރަނގަޅެއް ނުވާނެ. ދުނިޔޭގެ ނިމުން އަތުވެއްޖެއުމަށް ދާންދެން.
މަޑުންތިބެންވީތަ
22 March 2025
މިރާއްޖެ މިދާގޮތުން ވައްކަން ނުކުރާ މީހުން ބަޑަށްޖެހި މަގުމަތިވެ ނިމޭނީ. އަތަށް ބާރެއް ލިބޭ ކޮންމެ މީހަކު މިދަނީ ނެގުނު އެއްޗެއް ނެގުނު ގޮތަކުން ނަގަމުން. ޕޮލްކޯއެއް. ސިފްކޯއެއް ކަސްޓަމެއް އިމިގުރޭސަނެއް އެޗްޑީސީއެއް ކިޔާނެކަމެެއްނެތް. އެކަމަލު ސައްތައިން ސައްތަ އިސްލާމުން. ޢެންމެން ކިޔަވައިގެން ޝޭހުންވެސް އެހާމެ ގިނަ. އެކަމަލު ނޫސްތަކުގެ ހެޑުލައިންތަކުގައި މުޅިން ކުށުގެ ވާހަކަ.
ޑރ ވާންޗޯ
22 March 2025
ތިޔަފައިސާތަކަކީ ބައިބަލާކުޅޭތަނެއް ފެންވަރުރަނގަޅުކޮށް ކުރިން ހަދާދީފަވާތީ އާތަނެއް ހަދަންވެގެން ބަޔަކުދިން ފައިސާއަށްވާނީ ލަސްތަކެއްނުވެ ހަވާލުވާން ގުޅާފާނެ.
ޑރ ވާންޗޯ
22 March 2025
ދެތިން ދުވަސް ވަންދެން ނިކަން ގަދަޔަށް ދުންއަރާފަ ނިމިދާނެ.
ދެރައޭ
22 March 2025
އެމީހަކަށް ކެވުނުގޮތަކައް ކަނީ. ހުސް ކޮރަޕްޝަން މި ރާއްޖޭގަ މިހާރު. ބިރެއްވެސް ނުގަނޭ މި މީހުނެއް
އަހްމަދް
22 March 2025
ފަޒުލް އަށް ވީ ގޮތައް ވާނީ. ތިކަން ބަލާ ނިމޭއިރު ބޮޑުމީހާ އަށް ބައި އަޅާ ގޮތައް އޮންނާނީ، އެހިސާބުން ވަގުތުން ދޫކޮށްލާނެ.
ޑޮކްޓާރ. ބަނާނާ
22 March 2025
ޑރ. މުއިއްޒުގެ ސަރުކާރު ހިންގަން ތިއްބެވި އެތަކެއް ބޭފުޅުން ސަރުކާރު ތެރެއިން ބޮޑެތި ވައްކަންތައް ކުރަމުން ދާއިރު މި ބޭފުޅުން ފުލުހަށް ޙާޝިރުކޮށް މައްސަލަތައް ބައްލަވާކަމަށް ހެޑްލައިންތަކުގައި ލިޔުމުގެ އިތުރުން އެއްވެސް ބޭފުޅެއް ގެ މައްޗަށް ޝަރީއަތެއް ހިންގާ ތަނެއް ނުފެނޭ! މީގެ ނަތީޖާ ވަރަށް ސާފު! މިސަރުކާރަށް ރައްޔިތުން ކުރާ ގަދަރާއި އިހުތިރާމާއި ލޯބި ފަނޑުވަމުންގޮސް މުޅިންހެން ގެއްލިނިމި ގެން މި ދަނީ!
އަހުމަދު ފޭދޫ
22 March 2025
ބޭންކުން ލައްކައެއްހާ ރުފިޔާގެ ލޯނެއް ނަގާގޮތައް ކޮންމެވެސް ގެއެއްގެ ބޭރު ފެންޑާ ކުއްޔައް ނަގައި ނޭޕާލު ނޫނީ ބަންގާޅަކު ބައިންދާފަ އަރާ އޮށޯވެ ނިދާފަ އެމީހާޔައް އުޖޫރަ ނުދީ އުޅެނިކޮއް އެމީހާ ފިލައިގެން ދާނެ ގޮސް ހެދުނު އެއްޗެއް ހަދައި ލާރިހޯދާނެ. އަދި މިހާރަކައް އައިސް ބިއްޖެހިފަ ބޯންދީފަ ތިބޭ ނޭޕާލު އަންހެނުންވެސް ފެނޭ. އަނެއްކާ ސޫސައިޑް ކަންތައްވެސް އެބައުޅޭ. މިސްކިދަކައް ދިވެއްސަކައް ރޯދަވީއްލަން ދެވޭ ވަރެއްވެސް ނުވޭ ރޯދަނުހިފާ ބިދޭސީންގެ އުދަ