ހައްޔަރުކުރި ދެ މީހުންގެ ތެރެއިން އެކަކީ ފުލުހެއް
ސިނގިރޭޓު ކާޓަންތަކެއް އެތެރެކުރަން އުޅުނު މައްސަލައިގައި ހައްޔަރުކުރި ދެ މީހުން.-- ފޮޓޯ: ޕޮލިސް
26 މާޗް 2025 - 14:55
ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ޑިޕާޗާ ޓާމިނަލުން ހުއްދަ ނެތި ސިނގިރޭޓް ކާޓަންތަކެއް ބޭރުކުރި މައްސަލައިގައި ފުލުހަކު ހިމެނޭހެން ދެ މީހަކު ރޭ ހައްޔަރުކުރި ނަމަވެސް ބަންދުގެ މުއްދަތު ޖަހަން ގެންދިއުމުން ކޯޓުން މިއަދު ދޫކޮށްލައިފި އެވެ.
އެއާޕޯޓުގެ ޑިޕާޗާ ޓާމިނަލުން ނެރެގެން ގެންދަން އުޅުނު ޑަސްބިން ކޮތަޅުތަކެއް ޗެކުކުރިއިރު، އޭގައި ސިނގިރޭޓް ކާޓަންތަކެއް ފެނުނު މައްސަލައެއް ކަސްޓަމްސް އިން ފުލުހުންނަށް ހުށަހެޅީ އިއްޔެ އެވެ.
ފުލުހުންގެ މީޑިއާ އޮފިޝަލު މިއަދު ވިދާޅުވީ އެ މައްސަލައިގެ ތުހުމަތުގައި ކޯޓު އަމުރެއްގެ ދަށުން ދެ މީހަކު ހައްޔަރުކުރި ކަމަށެވެ. އެއީ؛
- މ. ސިލްވަނެސްޓް، އަހުމަދު އަފްޒަލް، 45
- ދަފްތަރު ނަމްބަރު ރސ. 14358، ޔޫސުފް ނަޒީރު، 38 (އެއާޕޯޓުގައި ޑިއުޓީ ކުރާ ފުލުހެއް)
އެ މީހުންގެ ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ދޫކޮށްލީ ޝަރުތުތަކަކާ އެކު ކަމަށް ވަނީ އެނގިފަ އެވެ.
ފުލުހުންގެ އިސްވެރިއަކު މިއަދު ވިދާޅުވީ، މީގެ ތެރެއިން ނަޒީރަކީ ފުލުހެއް ކަމަށް ވާތީ، ރޭގައި ހައްޔަރު ކުރުމާ އެކު، ވަޒީފާ އިން ސަސްޕެންޑްކޮށްފައިވާ ކަމަށެވެ. އަދި ފުލުހުންގެ އިޖުރާއަތުގެ ތެރެއިން މައްސަލަ ބަލަން ނިންމާފައިވާ ކަމަށް އޭނާ ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހަންދޮގު
28 March 2025
އެހެން މީހުން ކުރާ މަސައްކަތުން ކުރެޑިޓް ނެގުމުގެ ޝަރަފު އެމް.ސީ.އެސް
އަބްޑޫޅް +
28 March 2025
ހޫމް. ކާޓޫނޫ އެތެރޭގަ ހުއްޓާ، ކާޓޫނު ދަމާ ބޭރުކުރީ ދޯ؟
ރަނާވަތު
27 March 2025
ހާދަ ބޮޑު ކުށެކޭ ދޯ
އަބްޑޫޅް +
26 March 2025
ސިނގި ކާޓޫނު ބޭރުކުރަން އުޅުނީ ދޯ؟
ހަމަދު ސަލީމް
26 March 2025
ތި ފުލުސްމީހާގެ ނަސީބު ހާދަ ގަދައޭ، ސަސްޕެންޝަންގަ އަރާމުކޮއްލަން މުސާރަލިބޭގޮތައް މަހެއްހާދުވަހު ގޭގަ ހުރެލެވޭގޮތްވީ. މައްސަލައެއްވެސް ނުބެލޭނެ ހަރުތަނެއްގަ ޖެހުނީމަ ހުއްޓާލާނެ.
ހާމަ333
26 March 2025
ކޮރަޕްޝަން ނުވަންނަ ތަނެއް މީހެއް ވެރިއެއް މިގައުމުން ފެނުމަކީ ހާދަ ނާދިރުކަމެކޭ....ވައްކަން މަކަރު އޮޅުވާލުން ބޭވަފާތެރިވުން މިހުންނަނީ މިހާރު ޖެހިލުމެއްނެތި ކޮށްލާ އާންނުވެފައިވާ ވަބާތައް...
ފޯޅަވަހި ސަރުދާރު
26 March 2025
ސިގޮރޭޓް މައްސަލައިގަ ހައްޔަރު ނުކުރެވޭނެ، ތަނަކުން ވަގަށް ނެގި އެއްޗެއްނޫން.. ރާއްޖޭގަ ބޭނުން ކުރުން ނުވަތަ އެތެރެ ކުރުން މަނާ އެއްޗެއްނޫން..
ފަހުދު.
26 March 2025
ކޮންމެ ކުއްވެރިއެއްގެ ފަހަތުގަ ފުލުހެއް
ނުބައި
26 March 2025
ކޮންމެ ކުށްވެރިޔަކަށް އެހީވާން ފުލުހެއް.
ނަފާ
26 March 2025
އެއްވެސް ވަަރަކަށް ފުލުހުންނަން އިތުބާރު ނުކުރެވޭތީ އޭވިއޭސަނުން ފުލުހުންނަން ދީފައިވާ ލެނިއެންސީ ވަގުތުން ކަޑާލަންޖެހޭ!!
ބާތަރ
26 March 2025
އޭވިއޭޝަނުން އެއްވެސް ބަޔަކަށް ލޯނިއެންސީ ދޭކަށް ނުޖެހޭ. އޭވިއޭޝަނުން ޖެހޭނީ އެންމެނަށް ވެސް ރައްކާތެރި އިންޑަސްޓީއަކަށް ހަދައިދޭން.
ސޯޅަ
26 March 2025
މިޤައުމުގެ ފުލުހުންނަށް ތަމްރީނު ދެނީ ކިހިނެއްބާ؟ މީހުން ޖަލަށް ނުލައި ތަޙްޤީޤު ކުރަން ނޭގެނީތަ؟ އެމީހުން މިނިވަން ވިޔަސް ތިކުރާ ތަޙްޤީޤެއް ކޮށްފަ ދައުވާކޮށްބަލަ… އަބަދު ޖަލަށްލައި މުއްދަތު ޖަހަންޖެހޭތަ؟
އަބުޑި
26 March 2025
ދޮންކަލޯ ކިޔެވީމާ mivaanuvaa އެނގޭނެ. ނުކިޔަވާ ތިޔަހެން ކުރާ ކޮމެންޓުން މީހާގެ އަގު ވެއްޓޭނީ
ސޯޅަ
26 March 2025
ކިޔެވައިގެން ވާނުވާ އިނގޭ މީހުން، މީހުން ޖަލައްލައި މުއްދަތު ޖަހަންދުވާތީ އެކަމާ ފާޑު މިކިޔަނީ. ކޮންމެހެން މަޖުބޫރު ހާލަތެއްގައި ނޫނީ ޖަލަށްލައި މުއްދަތު ޖަހަން ނުޖެހޭނެ.